ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᖃᓗᐃᑦ ᖃᑦᑎᕆᔨᒃᑯᖏᑦ ᐅᐸᒍᑎᓚᐅᕐᒪᑕ ᓯᓚᓐᓂᐋᕐᕕᒃ ᖃᑦᑎᖅᑕᐅᒋᐊᖅᑐᕐᓗᓂ ᐃᑭᑎᓪᓗᒍ ᑕᐅᕙᓂ ᐱᖓᓐᓇᖓᓂ 40
ᐃᖃᓗᐃᑦ ᑐᐊᕕᕐᓇᖅᑐᓕᕆᔨᒃᑯᑦ ᐅᐸᒍᑎᓚᐅᕐᒪᑕ ᐅᖃᐅᑖᐅᔪᖃᕐᒪᑦ ᐳᔫᖅᑐᖃᓂᕋᒃᑕᐅᓪᓗᓂ ᐱᖓᓐᓇᖓᓂ 40 ᓇᔪᒐᕐᒥ ᓇᒡᒐᔾᔭᐅ, ᐊᐃᕆᓕ 5-ᖓᓂ ᓯᕿᙳᔭᖅ 3 ᐅᓐᓄᓴᒃᑯᑦ ᖃᐅᔨᔭᐅᒐᓱᐋᖅᑎᓪᓗᒍ, ᐅᐸᒍᑎᕐᖓᐅᑕᐅᔪᒃ ᖃᐅᔨᓚᐅᕐᒪᑎᒃ ᓯᓚᓐᓂᐋᕐᕕᒃ ᐃᒡᓗᖁᑎ ᐃᑭᑦᑐᐋᓗᓕᕐᒪᑦ ᑕᑯᒃᓴᐅᓪᓗᓂ ᐃᑯᒪ ᓴᓂᕌᑐᐋᖓᓂ ᐃᒡᓗᖁᑎᐅᑉ. ᖁᓖᑦ ᑕᓪᓕᒪᓪᓗ ᖃᑦᑎᕆᔨᑦ ᐊᒻᒪᓗ ᐱᖓᓲᔪᖅᑐᑦ ᓄᓇᓯᐅᑏᑦ ᐅᐸᒍᑎᓚᐅᕐᒪᑕ ᑕᐅᕗ ᐃᑭᑦᑐᒧᑦ ᐊᒻᒪᓗ ᐃᑭᑦᑐᒥᒃ ᓯᐊᒻᒪᖅᑎᑦᑎᑕᐃᓕᒪᒍᓐᓇᓚᐅᕐᒪᑕ ᖃᓂᒋᔭᖏᓐᓃᑦᑐᓄᑦ ᐃᒡᓗᖁᑎᓄᑦ ᐊᒻᒪᓗ ᓄᓇᓯᐅᑎᓄᑦ.
ᐱᔾᔪᑕᐅᔪᖅ ᐃᑭᓐᓂᖓᓄᑦ ᖃᐅᔨᓇᓱᐋᖅᑕᐅᒻᒪᑦ ᐸᓖᓯᒃᑯᓐᓂᒃ (RCMP) ᐊᒻᒪᓗ ᐊᒡᓚᕝᕕᖓ ᖃᑦᑎᕆᔨᒃᑯᑦ ᐊᖓᔪᖄᖓᑕ.
ᐃᖃᓗᓐᓂ ᑐᐋᕕᕐᓇᖅᑐᓕᕆᔨᒃᑯᑦ ᓇᑯᕐᒦᕈᒪᒻᒪᑕ ᓄᓇᓕᑦᑎᓂᒃ ᐱᓕᕆᖃᑕᐅᔪᓂᒃ, ᐸᓖᓯᒃᑯᓐᓂᒃ (RCMP), ᐊᒡᓚᕝᕕᖓ ᖃᑦᑎᕆᔨᒃᑯᑦ ᐊᖓᔪᖄᖓᑕ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ (QEC), ᐅᖅᓱᖅ ᐊᒻᒪᓗ ᓄᓇᕗᑦ ᐸᒃᑲᒃᑎᒃᑯᑦ, ᐃᑲᔪᓚᐅᕐᒪᑕ ᐃᑭᒃᑐᖃᒃᑎᓪᓗᒍ. ᐃᓚᒋᔭᐅᒃᑲᓐᓂᓪᓗᑎᒃ ᓇᑯᒻᒦᖅᑕᕗᑦ ᓴᓇᔪᓕᕆᔨᒃᑯᑦ ᐱᓕᕆᕕᖓ, ᐊᒻᒪᓗ ᓄᓇᓯᐅᑎᑦ ᐃᒥᖅᑕᐅᑎᑦ ᑕᐅᕗᖓ ᐃᑭᑦᑐᖃᒃᑐᒧᑦ ᓇᒪᓈᕈᑎᓚᐅᕐᒪᑕ ᐊᒻᒪᓗ ᐃᖃᓇᐃᔭᖅᑎᓚᕆᒃᑎᑐᑦ ᐱᓕᕆᓗᑎᒃ ᐱᕕᖃᓕᖅᑎᑦᑎᓪᓗᑎᒃ ᖃᑦᑎᕆᔨᒃᑯᓐᓂᒃ ᖃᒥᑦᑎᒍᓐᓇᖅᓯᓗᑎᒃ ᐃᑭᑦᑐᒥᒃ.
ᑕᐃᒃᑯᓄᖓ ᐱᕙᓪᓕᐋᔪᓕᕆᓂᒻᒨᖓᔪᓂᒃ ᐊᐱᖅᑯᑎᖃᕈᒪᔪᑦ, ᐊᑏ ᐅᖃᕐᕕᒋᔭᐅᓚᐅᕐᓕᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607
