ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᓕᐸᐅᔭᒃᑯᑦ ᑐᓴᕈᒪᕗᑦ ᐃᓱᒪᒋᔭᐅᔪᓂᑦ ᐱᔾᔪᑎᖃᖅᑐᑎᒃ ᐱᕙᓪᓕᐊᑎᑦᑎᓂᒃᑯᑦ ᓴᓇᓂᒃᑯᑦ ᐴᕐᒥᑦᓂᑦ ᑐᑦᓯᕋᐅᑎᓂᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᕈᒪᕗᑦ ᓄᓇᓕᕐᒥᐅᑕᐃᑦ ᐃᓱᒪᒋᔭᖏᓐᓂᑦ ᐱᓪᓗᒋᑦ ᐱᓕᕆᐊᑦᓴᐃᑦ, ᐊᑐᐊᒐᐃᑦ ᐊᒻᒪ ᓄᑖᑦ ᐱᒋᐊᖅᑎᑕᐅᕙᑦᑐᑦ ᐱᕈᐃᔾᔪᑎᒋᕙᓪᓕᐊᔭᖏᑦ ᓄᓇᓕᑦᑕ ᐊᒻᒪ ᐅᐸᓗᖓᐃᔭᐅᑎᑦᓴᓂᑦ ᓄᓇᓕᐸᐅᔭᑦᑕ ᓯᕗᓂᕐᒧᑦ. ᓄᓇᓕᐸᐅᔭᒃᑯᑦ ᕿᓂᖅᑐᖅ ᓄᓇᓕᕐᒥᐅᑕᓂᑦ ᐃᑲᔪᕈᒪᔪᓂᑦ ᐃᓱᒪᒋᔭᕐᒥᓂᒃ ᐅᖃᐅᓯᖃᕐᓗᑎᒃ ᐱᔾᔪᑎᒋᓪᓗᒍ ᓴᓇᔪᓐᓇᐅᑎᑦᓴᒥᑦᒥ ᐴᕐᒥᑦᒥᑦ ᑐᑦᓯᕋᐅᑎ #20-062.
ᒫᕐᓯ 16−ᒥ 2021, ᐸᕐᓇᐅᑎᓕᕆᓂᕐᒥᑦ & ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ ᑲᑎᒪᔨᕋᓛᑦ ᐊᑐᖁᔨᓚᐅᕐᒪᑕ ᑲᑎᒪᔨᓂᑦ ᐃᓄᓕᒫᖅᑎᑦᑎᒋᐊᖃᕐᓂᖏᓐᓂᑦ ᐱᔾᔪᑎᒋᓪᓗᒍ ᓴᓇᔪᓐᓇᐅᑎᑦᓴᒥᑦᒥ ᐴᕐᒥᑦᒥᑦ ᑐᑦᓯᕋᐅᑎ #20-062. ᐅᖂᑕᖅ ᓱᓴᐃᔭᑎᒃᑯᑦ ᐱᑎᑦᓯᓯᒪᒻᒪᑕ ᓴᓇᔪᓐᓇᐅᑎᒥᑦ DP 20-062 ᑎᑎᕋᕐᓯᒪᓂᖏᓐᓂᑦ ᐊᓯᔾᔨᖅᑕᐅᖁᓪᓗᒋᑦ ᓴᓇᔪᓐᓇᐅᑎᑦᓴᐅᑉ ᐴᕐᒥᑦ 05-024 ᐃᓚᔭᐅᖁᓪᓗᒋᑦ ᐊᒥᓲᓂᖏᑦ ᐊᑐᖅᑕᐅᕙᑦᑐᑦ ᐃᓪᓖᑦ 20−ᓂᑦ 42−ᓄᑦ, ᐊᖑᑎᓄᑦ ᐊᒻᒪ ᐊᕐᓇᓄᑦ ᐊᑐᖅᑕᐅᔪᑦᓴᑦ, ᐊᒻᒪ ᐊᐅᓚᔾᔭᑦᑕᐅᖁᓪᓗᒋᑦ ᐃᓚᖏᑦ ᐃᓗᐊᓂ ᐃᓪᓗᐃᑦ ᓴᓇᒋᐊᕈᑎᑦᓴᑦ. ᐱᓕᕆᕝᕕᐅᔪᖅ ᐃᓪᓗᒥ #778 ᕿᑎᐊᓂ ᓄᓇᓕᐅᑉ ᐊᑐᖅᑕᐅᓛᕐᓂᐊᕐᒪᑦ ᐅᓐᓄᐊᒃᑯᑦ ᓯᓂᑦᑕᕐᕕᐅᕙᓪᓗᓂ (ᐊᕝᕕᐊᕈᑎᖃᓗᐊᖏᓪᓗᓂ ᐅᖅᑯᐃᕕᒃ), ᑕᒪᐅᓇ ᑐᑭᖃᕐᓂᐊᖅᑐᖅ ᐃᓘᓐᓇᑎᒃ ᐃᒥᐊᓗᒻᒧᑦ ᓱᕐᕋᓯᒪᔪᑦ ᐊᒻᒪ ᓱᕐᕋᓯᒪᖕᖏᑦᑐᑦ ᑭᒃᑯᑐᐃᓐᓇᐃᑦ, ᐊᖑᑏᑦ ᐊᒻᒪ ᐊᕐᓇᐃᑦ, ᐊᑐᕈᓐᓇᕋᔭᖅᑐᑦ ᐅᖅᑯᐃᕕᒻᒥᑦ. ᐊᓯᔾᔨᐅᑎᐅᔪᒪᔪᖅ ᐃᓚᖕᖓᐃᒐᔭᖅᑐᖅ ᐊᕝᕕᐊᕈᑎᐅᔪᓂᑦ ᐃᓯᕈᓐᓇᓂᒃᑯᑦ. ᐱᖓᓲᒐᔭᖅᑐᑦ ᐃᖅᑲᓇᐃᔭᖅᐸᑦᑐᑦ.
ᐃᓄᓕᒫᖅᑎᑦᑎᓕᖅᐸᑕ, ᑐᑭᓯᒋᐊᕈᑎᑦᓴᐃᑦ ᓯᐊᒻᒪᖅᑎᑕᐅᓛᖅᑐᑦ ᐊᕙᑎᐊᓂ ᓇᒧᑐᐃᓐᓇᖅ ᓴᖅᑭᔮᖅᑎᑦᑎᓗᑎᒃ ᑎᑎᖅᑲᓂᑦ, ᑭᒃᑯᑐᐃᓐᓇᕐᓄᑦ ᐅᐸᑦᑕᐅᕙᑦᑐᓄᑦ ᓂᕕᖓᑎᑕᐅᓗᑎᒃ ᑎᑎᖅᑲᐃᑦ, ᓈᓚᐅᑎᒃᑰᖅᑕᐅᓗᑎᒃ ᑐᓴᐅᑎᒃᑯᑦ, ᓄᓇᓕᐸᐅᔭᐃᑦ ᐃᑭᐊᖅᑭᕕᖏᒍᑦ, ᐊᒻᒪ ᑭᒃᑯᑐᐃᓐᓇᕐᓂᑦ ᑐᓴᕋᑦᓴᓕᕆᔾᔪᑎᒃᑯᑦ. ᖃᕋᑕᐅᔭᒃᑯᑦ ᑐᑭᓯᒋᐊᕈᑎᑦᓴᐃᑦ ᓄᐊᑕᐅᓯᒪᔪᑦ ᐊᑐᐃᓐᓇᐅᔪᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐃᑭᐊᖅᑭᕕᖏᓐᓂ ᐊᑖᓂ Notices.
ᑭᒃᑯᑐᐃᓐᓇᐃᑦ ᐅᖃᐅᑎᑦᓴᖃᕐᓂᕈᑎᒃ, ᐊᐱᖅᑯᑎᖃᕈᑎᒃ ᐅᕝᕙᓘᓐᓃᑦ ᑐᑭᓯᒃᑲᓐᓂᕈᒪᒍᑎᒃ, ᖃᐅᔨᒋᐊᖁᔪᖅ ᒫᒃ ᕆᕙᑦ ᐅᕗᖓ at Planning@iqaluit.ca ᐅᕝᕙᓘᓐᓃᑦ ᐅᖄᓚᕕᐅᒍᓐᓇᖅᑐᖅ ᓄᓇᓕᓐᓂ ᑐᓴᐅᒪᑎᑦᑎᓂᕐᒥᑦ ᑭᓪᓕᓯᓂᐊᖅᑎ, ᐊᐃᓂᐊᖅ ᖁᐊᒐᖅ ᐅᕗᖓ 867−979−5603.
