ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᓕᐸᐅᔭᐃᑦ ᐃᖃᓗᐃᑦ ᓅᓐᓂᐅᓴᓕᖅᑐᑦ ᓄᑖᒧᑦ ᓄᓇᓕᐸᐅᔭᐃᑦ ᐊᓪᓚᕝᕕᖃᕐᕕᒻᒧᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᐊᓪᓚᕆᑦᑐᑎᒃ ᑐᓴᖅᑎᑦᑎᒍᒪᓕᕆᕗᑦ ᓄᓇᓕᐸᐅᔭᐃᑦ ᐊᓪᓚᕝᕕᖏᑦ ᐊᒻᒪ ᑲᑎᒪᔩᑦ ᑲᑎᒪᕕᖏᑦ ᓅᑦᑎᕐᓂᐅᓴᓕᕐᒪᑕ ᓄᑖᒧᑦ ᓄᓇᓕᐸᐅᔭᐃᑦ ᐊᓪᓚᕝᕕᖃᕐᕕᖓᓄᑦ.
ᐊᓪᓚᕝᕖᑦ ᒫᓐᓇᐅᔪᖅ ᐃᓂᖃᖅᑐᑦ 901 ᓄᓇᕗᑦ ᐊᑐᕆᐊᕐᒥ ᓄᑦᑎᕐᓂᐅᓴᔪᑦ 1085 ᒥᕝᕕᒃ ᐊᑐᕆᐊᕐᒧᑦ. ᓄᑦᑎᕐᓂᐅᓴᔪᑦ ᐃᓛᒃᑰᑕᕐᓗᑎᒃ ᑕᖅᑭᖓᓂ ᕕᕝᕗᐊᕆ. ᐃᖅᑲᓇᐃᔭᖅᑏᑦ ᓄᑦᑎᑦᑎᐊᖁᓪᓗᒋᑦ, ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᐅᐸᒐᑦᓴᐅᔾᔮᖏᑲᐃᓐᓇᖅᑐᑦ ᕿᓚᒥᕈᓘᒐᓗᐊᖅ. ᑕᐃᒪᐃᓕᖓᓂᖏᓐᓂ, ᑭᒃᑯᑐᐃᓐᓇᕐᓄᑦ ᑐᓴᖅᑎᑦᑎᓛᖅᑐᑦ ᓄᓇᓕᕐᒥᐅᑕᓂᑦ.
ᓄᑖᖅ ᐊᓪᓚᕕᑦᓴᖅ ᒫᓐᓇᓂᓴᐅᓂᕐᓴᓂᑦ ᐃᖅᑲᓇᐃᔭᐅᑎᖃᓛᖅᑐᖅ ᑕᓪᓕᒪᓄᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᓐᓂ ᐃᖅᑲᓇᐃᔭᕐᕕᖏᓐᓄᑦ ᐱᖃᓯᐅᔾᔭᐅᓗᑎᒃ ᐸᐃᑉᐹᓕᕆᔩᑦ, ᑮᓇᐅᔭᓕᕆᔩᑦ, ᑯᐊᐳᕇᓴᐅᑉ ᐱᔨᑦᓯᕋᖅᑎᖏᑦ, ᐃᖅᑲᓇᐃᔭᖅᑎᓕᕆᔨᒃᑯᑦ ᐊᒻᒪ ᑮᓇᐅᔭᓕᐅᕋᓱᐊᕈᑎᓂᑦ ᐱᕙᓪᓕᐊᔪᓕᕆᔨᒃᑯᑦ.
ᓄᑖᑦ ᓄᓇᓕᐸᐅᔭᐃᑦ ᑲᑎᒪᔨᖏᑕ ᑲᑎᒪᕕᑦᓴᖓᑦ ᐱᐅᓯᑎᒋᐊᕐᓯᒪᔪᒥᑦ ᑲᑎᒪᕕᖃᓛᓕᖅᑐᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᕙᓪᓗᑎᒃ ᐱᐅᓯᑎᒋᐊᕐᓯᒪᔪᓂᑦ ᐊᑐᕐᓗᑎᒃ ᐊᔾᔨᓕᐅᕈᑎᓂᑦ ᑭᒃᑯᑐᐃᓐᓇᕐᓄᑦ ᑕᑯᓐᓇᖅᑕᐅᔪᓐᓇᕐᓗᑎᒃ. ᑕᒪᓐᓇ ᐃᓂᑦᓴᖅ ᐱᐅᓯᑎᒋᐊᕈᑎᐅᓂᐊᖅᑐᖅ ᑕᐃᒃᑯᓄᖓ ᐅᐸᑉᐸᑦᑐᓄᑦ ᑲᑎᒪᔩᑦ ᑲᑎᒪᑎᓪᓗᒋᑦ ᖃᐅᒪᖃᑦᑎᐊᖅᑐᒧᑦ, ᐃᓗᐊ ᐊᓂᖅᑎᕆᔾᔪᑎᖏᑦ ᐱᕕᖃᑦᑎᐊᕐᓗᑎᒃ, ᓂᐱᓕᐅᕈᑎᖃᑦᑎᐊᕐᓗᑎᒃ ᓇᐅᒃᑯᑐᐃᓐᓇᖅ, ᐊᒻᒪ ᓂᐱᓕᐅᕈᑎᒥ−ᑕᕐᕆᔭᐅᑎᒥᑦ ᐱᓕᕆᔾᔪᑎᖃᕐᓗᑎᒃ ᐅᖃᐅᓯᓕᕆᔨᖏᓐᓄᑦ, ᑐᓵᔨᖏᓐᓄᑦ ᐊᒻᒪ ᐅᓂᒃᑳᓕᐅᖅᐸᓂᐊᖅᑐᓄᑦ.
ᑐᕌᒐᕆᔭᐅᓗᐊᓚᐅᖅᑐᖅ ᖃᓄᖅ ᓴᓇᓯᒪᒐᔭᕐᓂᖓᓂᑦ ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᑦ ᐱᕕᑐᑦᑎᐊᖅᑐᒥ ᐃᖅᑲᓇᐃᔭᕐᕕᖃᖁᔭᐅᓗᑎᒃ ᖃᐅᑕᒫᑦ ᓇᓗᓇᐃᕐᓯᒪᓇᓱᐊᖅᑐᒍ ᐃᓂᖓᑦ ᑭᒃᑯᑐᐃᓐᓇᕐᓄᑦ ᐅᐸᒐᑦᓴᐅᓯᐊᕐᓗᓂ ᐊᒻᒪ ᑐᖕᖓᓇᕐᓗᓂ. ᐃᓗᐊ ᖃᐅᒪᑦᑎᐊᖅᑐᖅ ᐃᒐᓛᒃᑭᐅᓂᖓᓄᑦ ᐊᒻᒪ ᐊᑐᖅᑕᐅᓗᑎᒃ ᐊᒥᐊᑦ ᑲᑎᓯᒪᔪᑦ ᐃᓪᓘᑉ ᐃᓗᐊᓂ ᓇᓗᓇᖕᖏᑦᑐᒥᑦ ᓇᓗᓇᐃᔭᐃᑎᖃᑦᑎᐊᖅᑐᓂ ᐊᒻᒪ ᑐᖕᖓᓇᖅᑐᓂ ᐃᓗᐊ. ᓄᑖᖅ ᐱᓕᕆᕝᕕᒃ ᓇᖢᓇᐃᔭᐃᓯᒪᒻᒥᔪᖅ ᑭᒃᑯᑐᐃᓐᓇᕐᓄᑦ ᐊᒻᒪ ᐃᖅᑲᓇᐃᔭᖅᑎᓄᑦ ᐊᕙᑎᐅᔪᓂᑦ ᐊᓪᓚᕕᒻᒨᕐᓯᒪᔪᑦ ᓱᓇᑦ ᓇᒦᒻᒪᖔᑕ ᐃᓗᐊᓂ ᓇᓗᓇᐃᔭᐃᑎᖃᑦᑎᐊᖅᑐᑎᒃ, ᐃᓗᓯᓕᕆᓂᕐᒨᖓᔪᓂᑦ ᐊᒻᒪ ᐊᑦᑕᓇᔾᔭᐃᕐᓯᒪᓂᕐᒥᑦ ᐃᓱᒪᓪᓗᑎᒃ ᐋᖅᑭᑦᓯᕕᐅᓯᒪᔪᑦ ᑭᓪᓕᖃᕐᕕᐅᔪᓂᑦ.
“ᒪᑐᐃᖅᑕᐅᓂᖓ ᓄᑖᑉ ᓄᓇᓕᐸᐅᔭᐃᑦ ᐊᓪᓚᕝᕕᖃᕐᕕᖓ ᓂᕆᐅᒋᔭᐅᓯᒪᔪᒻᒪᕆᐅᓗᓂ ᐱᕙᓪᓕᐅᒍᑎᐅᔪᖅ
ᓄᓇᓕᐸᐅᔭᒃᑯᓐᓂᑦ,” ᐅᖃᖅᑐᖅ ᒪᐃᔭ ᑭᐊᓂ ᐱᐅᓪ. :ᓄᑖᑦ ᐊᓪᓚᕝᕕᓐᓄᑦ ᐃᓂᒋᔭᐅᓂᐊᓕᖅᑐᖅ ᐱᓕᕆᐊᑦᓴᓕᐅᕈᑎᐅᕗᖅ ᒫᓐᓇᐅᔪᖅ ᐊᒻᒪ ᓯᕗᓂᑦᑎᓐᓂ ᐃᖅᑲᓇᐃᔭᖅᑎᓄᑦ ᓇᓗᓇᐃᕐᓯᒪᓪᓗᑕ ᐃᖅᑲᓇᐃᔭᖅᑏᑦ ᐱᐅᔪᓂᑦ ᐊᒻᒪ ᖃᓄᐃᖏᑦᑐᒥᑦ ᐃᖅᑲᓇᐃᔭᕐᕕᖃᖁᓪᓗᒋᑦ, ᐊᒻᒪᑦᑕᐅᖅ ᐱᓕᕆᔾᔪᑎᖃᑦᑎᐊᐸᓪᓗᑎᒃ ᑲᔪᓯᔾᔪᑎᒋᔭᕆᐊᓕᒻᒥᓂᒃ ᐊᑐᐃᓐᓇᕈᐃᓯᒪᒍᒪᓪᓗᑎᒃ ᐱᐅᔪᐊᓗᓐᓂᑦ ᐱᔨᑦᓯᕋᐅᑎᓂᑦ ᓄᓇᓕᓐᓄᑦ.”
ᑭᒃᑯᑐᐃᓐᓇᕐᓄᑦ ᕿᒥᕐᕈᐊᖅᑕᐅᒋᐊᖅᑐᕈᓐᓇᓛᓕᖅᐸᑦ ᓇᓗᓇᐃᖅᑕᐅᓛᖅᑐᖅ ᓄᑦᑎᐊᒌᕐᓯᒪᑦᑎᐊᓕᖅᐸᑕ.
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607
