ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐱᖕᖑᐊᖅᑐᓕᕆᔨᒃᑯᓐᓂᑦ ᕿᑲᕐᓇᐅᑎᓪᓗᒍ ᖃᓄᐃᓕᐅᕈᑎᑦᓴᓂᑦ ᑐᓴᕋᑦᓴᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᓱᓕ ᐱᓕᕆᖃᑎᖃᐃᓐᓇᖅᑐᑦ ᒐᕙᒪᒃᑯᑦ ᓄᓇᕗᒻᒥ ᐋᓐᓂᐊᓇᖕᖏᑦᑐᓕᕆᔨᒃᑯᓐᓂᑦ ᖃᐅᔨᓴᐃᓐᓇᖅᑐᑎᒃ ᐊᒻᒪ ᐱᓕᕆᕙᑦᑐᑎᒃ ᐱᓕᕆᒋᐊᖃᓕᕋᐃᒐᒥᒃ ᐱᓪᓗᒍ ᓄᕙᕐᔪᐊᕐᓇᖅ−19 ᖃᓄᐃᒍᑎᐅᔪᖅ. ᓯᑎᒃᑯᑦ ᕿᑲᕐᓇᐅᓕᖅᐸᑦ ᖃᓄᐃᓕᐅᕈᑎᑦᓴᓂᑦ ᐅᓪᓗᕐᓯᐅᑎᖓᑦ ᑎᑎᕋᕆᐊᖅᑕᐅᓚᐅᕐᒪᑕ ᒪᓕᑦᑕᐅᖁᓪᓗᒋᑦ ᒫᓐᓇᐅᔪᖅ ᐋᓐᓂᐊᓇᖕᖏᑦᑐᓕᕆᓂᒃᑯᑦ ᐱᑐᐃᓐᓇᐅᖏᔾᔪᑎᐅᑎᑕᐅᔪᑦ.
ᐊᕐᕌᒍᑕᒫᕐᓯᐅᑎᕗᑦ ᐱᑖᖅᑎᑦᑎᔨ ᓵᓂᑲᓛᓯ ᐊᑐᕆᐊᒃᑯᑦ ᐃᖏᕐᕋᔭᖃᑕᐅᕕᖓ ᒪᓕᑦᑐᒌᑦᑐᑎᒃ ᑭᖑᕙᕆᐊᖅᑕᐅᔪᖅ ᓈᑦᓯᐅᖑᔭᓛᕐᓂᐊᒥᑦ, ᑏᓰᐱᕆ 5 ᓈᑦᓯᐅᖑᔭᓛᕐᓂᐊᒧᑦ, ᑏᓰᐱᕆ 19.
ᐃᓚᒋᔭᐅᔪᒪᓐᓂᕈᑦᓯ ᐊᑐᕆᐊᒃᑯᑦ ᐃᖏᕐᕋᔪᓄᑦ ᒪᓕᑦᑎᒌᓪᓗᑎᒃ ᐊᑎᓕᐅᕈᓐᓇᖅᑐᓯ ᖃᕋᑕᐅᔭᒃᑯᑦ ᐅᕗᖓ: https://cityofiqaluitrecreation.maxgalaxycanada.net/BrowseActivities.aspx
ᐊᑭᓕᕆᐊᖃᓛᖏᑦᑐᖅ ᐱᖃᑕᐅᒍᒪᓐᓂᕈᕕᑦ. ᐊᑎᓕᐅᕈᓐᓇᓛᓕᖅᑐᓯ ᓇᒡᒋᔾᔭᐅᓕᖅᑭᕐᒥ, ᑏᓰᐱᕆ 15, 2020.
ᐱᔾᔪᓯᐊᖅᑎᑕᐅᓛᖅᑐᑦ ᐅᑯᐊ 1) ᑕᑯᒥᓇᕐᓂᖅᐹᖅ; 2) ᕿᑲᕐᓇᐅᔪᒥᑦ ᑐᖕᖓᕕᖃᓛᖅ; ᐊᒻᒪ 3) ᒪᒃᑯᑦᑐᒧᑦ ᓴᓇᐅᒐᖅ ᐃᖏᕐᕋᖃᑕᐅᔪᖅ. ᓵᓚᖃᖅᑎᑕᐅᔪᑦ ᐅᖃᐅᓯᐅᒐᔭᖅᑐᑦ ᓇᒡᒋᔾᔭᐅᒥ, ᑏᓰᐱᕆ 21, 2020.
ᐃᖏᕐᕋᖃᑕᐅᓛᖅᑐᑦ ᐊᑎᓕᐅᕐᓯᒪᔪᑦ ᑲᑎᖁᔭᐅᓛᖅᑐᑦ ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓂ ᐅᓪᓗᒃᑯᑦ 12−ᒥ ᖁᓛᓅᖅᐸᑦ ᑏᓰᐱᕆ 19 ᐃᖏᕐᕋᓯᒋᐊᓕᕐᓗᑎᒃ.
ᒪᓕᑦᑎᒌᓛᖅᑐᑦ ᐊᖅᑯᑎᖓᑦ ᐱᒋᐊᓛᖅᑐᖅ ᓇᑲᒧᒃ ᐃᓕᓐᓂᐊᕐᕕᐅᑉ ᓴᓂᐊᓂᑦ, ᑎᓴᒪᓄᑦ ᐊᑐᕆᐊᓄᑦ ᓴᖑᒋᐊᕐᕕᒻᒨᕐᓗᑎᒃ, ᓴᖑᓗᑎᒃ ᓂᐊᖁᖕᖒᓯᐊᕆᐊᖅ ᐊᑐᕆᐊᕐᒧᑦ ᒥᑦᓵᓄᑦ ᓂᐊᖁᖕᖒᑎᐅᑉ ᐃᖏᕐᕋᓗᑎᒃ, ᓄᖅᑲᕐᓗᑎᒃ ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥ. ᐅᒡᒍᐊᓇᖅᑐᖅ, ᐱᔾᔪᑎᒋᓪᓗᒍ ᓄᕙᕐᔪᐊᕐᓇᖅ−19 ᐊᒥᓱᓄᑦ ᖃᓐᓂᒍᑎᐅᔪᖅ, ᐱᑖᖅᑎᑦᑎᔨᒥᑦ ᐅᐸᒍᓐᓇᓛᖕᖏᑦᑐᑦ ᐊᕐᕌᒍᑦᑎᓐᓂ ᐊᑐᖅᑕᑎᓐᓂ.
ᑮᓇᕐᓄᑦ ᒪᑐᐊᓂᑦ ᐊᑐᕆᐊᖃᓛᖅᑐᑦ ᐱᖃᑕᐅᔪᓕᒫᑦ ᐊᒻᒪ ᑕᑯᓐᓇᕆᐊᕐᓯᒪᔪᑦ ᒪᓕᑦᑎᒌᑦᑐᓂᑦ. ᐅᖁᒻᒥᐊᒐᕐᓂᒃ ᐅᕝᕙᓘᓐᓃᑦ ᓱᓇᑐᐃᓐᓇᕐᓂᒃ ᐱᑎᑦᑎᓛᖕᖏᒻᒥᔪᑦ ᑕᑯᕋᓐᓈᖅᑐᓂᑦ ᒪᓕᑦᑐᒌᑦ ᐊᖅᑯᑎᖏᓐᓂ.
ᓈᒻᒪᔪᑦ ᕿᑲᕐᓇᐅᓂᖓ ᖃᓄᐃᓕᐅᕈᑎᐅᒐᔭᖅᑐᓄᑦ ᐅᓪᓗᕐᓯᐅᑎ
ᑏᓰᐱᕆ 15 − ᐱᑖᖅᑎᑦᑎᔨ ᓵᓂᑲᓛᓯᒥᑦ ᐊᑐᕆᐊᒃᑯᑦ ᐃᖏᕐᕋᖃᑕᐅᒍᒪᔪᑦ ᒪᓕᑦᑎᒌᓪᓗᑎᒃ ᓄᓇᒃᑰᔫᒥᑦ ᓇᓗᓇᐃᕐᓯᕕᒃ ᒪᑐᔪᖅ
ᑏᓰᐱᕆ 16 − ᖃᐅᔨᓴᖅᑐᑦ ᖃᐅᒪᓂᒃ ᐊᒻᒪ ᑕᑯᒥᓇᓕᖅᑎᓯᒪᔪᓂᑦ ᖃᐅᒪᑯᓗᐃᑦ ᕿᑲᕐᓇᖅ ᐱᓪᓗᒍ ᐱᔾᔪᓯᐊᕋᓱᓐᓂᖅ 3−ᒥᑦ 7−ᒧᑦ ᐅᓐᓄᓴᒥᑦ ᐅᓐᓄᒧᑦ.
ᑏᓰᐱᕆ 17 − ᐅᖃᐅᓯᐅᔪᑦ ᓵᓚᖃᖅᑐᑦ ᖃᐅᒪᑯᓗᐃᑦ ᕿᑲᕐᓇᓕᕆᔪᑦ ᐱᓇᓱᐊᖃᑕᐅᓯᒪᔪᑦ
ᑏᓰᐱᕆ 19 − ᐱᑖᖅᑎᑦᑎᔨ ᓵᓂᑲᓛᓯ ᐊᑐᕆᐊᒃᑯᑦ ᐃᖏᕐᕋᖃᑕᐅᓂᖓ ᒪᓕᑦᑎᒌᑦᑐᑎᒃ
ᑏᓰᐱᕆ 20 − ᓯᓚᒥ ᖁᕕᐊᓱᕝᕕᑦᓯᐅᑎᓕᕆᔪᓂᑦ ᓴᓇᖕᖑᐊᓕᐅᑎᓂᖅ
ᑏᓰᐱᕆ 20 − ᑭᖑᓪᓕᖅᐹᖅ ᐅᓪᓗᖅ ᐊᑎᓕᐅᕐᕕᑦᓴᖅ ᐱᖃᑕᐅᒍᒪᔪᓄᑦ ᖁᕕᐊᓱᕝᕕᑦᓯᐅᑎᓂᑦ ᑐᖕᖓᕕᓕᓐᓂᑦ ᓯᕙᓛᓕᐅᕐᓯᒪᔪᑦ ᑕᑯᒥᓇᓕᖅᑎᓯᒪᓪᓗᒋᑦ ᓴᓇᒍᒪᔪᑦ ᐅᓐᓄᐊᒃᑯᑦ ᖁᓛᓅᖅᐸᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᑦ ᕙᐃᔅᐳᒃ ᒪᑉᐱᒐᖓᓐᓄᑦ ᐅᕗᖓ: https://www.facebook.com/CityofIqaluitRecreation
ᑏᓰᐱᕆ 21 − ᐅᖃᐅᓯᐅᒐᔭᖅᑐᑦ ᓵᓚᖃᖅᑐᑦ ᖁᕕᐊᓱᕝᕕᑦᓯᐅᑎᓂᑦ ᑐᖕᖓᕕᓕᓐᓂᑦ ᓯᕙᓛᓕᐅᕐᓯᒪᔪᑦ ᑕᑯᒥᓇᓕᖅᑎᓯᒪᓪᓗᒋᑦ ᓴᓇᓯᒪᔪᑦ
ᑏᓰᐱᕆ 21 − ᐅᖃᐅᓯᐅᒐᔭᖅᑐᑦ ᓵᓚᖃᖅᑐᑦ ᓯᓚᒥ ᖁᕕᐊᓱᕝᕕᑦᓯᐅᑎᓕᕆᔪᓂᑦ ᓴᓇᖕᖑᐊᕐᓯᒪᔪᑦ
ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᖁᔪᖅ:
ᐱᓕ ᐋᓐᑐᓴᓐ
ᐱᖕᖑᐊᖅᑐᓕᕆᓂᕐᒥᑦ ᐱᓕᕆᐊᑦᓴᓕᕆᔨ
ᓄᓇᓕᐸᐅᔭᐃᑦ ᐃᖃᓗᐃᑦ
B.Andersen@iqaluit.ca
879-979-5627
