ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᓕᐸᔭᐅᒃᑯᑦ ᑲᑎᒪᔨᖏᑦ ᒪᒥᐊᑉᐳᑦ ᐅᖃᑲᒻᒪᑦᑐᖃᕐᓂᕐᖓᑦ ᐃᓅᖃᑎᒌᓄᑦ ᐅᖃᖃᓯᔮᕐᕕᐅᕙᑦᑐᒥ ᖃᕆᓴᐅᔭᒃᑯᑦ ᑕᐅᑦᑐᖃᑎᒋᓐᖏᑕᒥᓂᖕ ᐊᔾᔨᒌᖏᑎᑦᓯᓂᖕᒥᑦ
ᒪᐃᔭ ᐱᐅᓪ ᐅᔾᔨᕈᓱᑦᓯᒪᒻᒪᑦ ᒫᓐᓇᕋᑖᖅ ᖃᕆᓴᐅᔭᒃᑯᑦ ᐃᓅᖃᑎᒌᓄᑦ ᐅᖃᖃᓯᔮᕕᒻᒥ ᓴᖅᑮᔪᖃᕐᓂᓚᐅᕐᖓᑦ ᓄᓇᓕᐸᐅᔭᒃᑯᓄᑦ ᑲᑎᒪᔨᐅᖃᑕᐅᔪᒧᑦ ᑕᐅᑦᑐᖃᑎᒋᓐᖏᑕᒥᓂᖕ ᐅᖃᐅᓯᖃᕐᓂᕐᑐᓂ ᐃᑉᐸᑦᓴᖅ. ᑲᑎᒪᔨ ᒪᒥᐊᑦᓯᒪᓕᕐᑐᖅ.
ᐃᖃᓗᐃᑦ ᓄᓇᓕᐸᐅᔭᒃᑯᖏᑦ ᐱᓂᐊᕐᓂᖃᕐᖓᑕ ᐊᖏᓯᒪᓂᒃᑯᑦ ᐃᓚᐃᓐᓈᑦᑕᐃᓕᖏᐊᖃᕐᓂᖏᓐᓂᑦ ᓄᓇᖅᑲᑎᒌᓕᒫᓂᑦ ᐃᓅᖃᑎᒌᓕᒫᑦ ᑕᐅᑦᑐᖃᑎᒌᓐᖏᑲᓗᐊᕐᐸᑕ, ᐊᐅᖃᑎᒌᖏᑲᓗᐊᕐᐸᑕ, ᐊᕐᓇᒐᓗᐊᕐᐸᑦ ᐊᖑᑕᐅᒐᓗᐊᕐᐸᑦ, ᐊᒻᒪ ᓄᓕᐊᕐᓂᒃᑯᑦ ᓇᓪᓕᐊᓂᑦ ᓂᕈᐊᕆᔭᖃᕋᓗᐊᕐᐸᑦ. ᓄᓇᓕᐸᐅᔭᒃᑯᑦ ᖃᐅᔨᒪᖁᔨᕗᑦ ᓄᓇᖅᑲᑎᒌᓂᑦ ᐅᖃᐅᓯᕆᔭᒥᓂᖏᑦ ᑕᐃᒫᑦᓴᐃᓐᓇᖅ ᐃᓱᒪᖃᑦᑕᖏᓐᓇᑦᑎᒍ ᑭᒡᒐᕐᑐᐃᖏᓚᑦ ᑕᑯᓐᓇᕐᑕᖏᓂᑦ ᐅᑉᐱᕆᔭᖏᓂᓪᓗ ᓄᓇᓕᐸᐅᔭᒃᑯᑦ ᑲᑎᒪᔨᖏᑦᑕ.
ᒪᐃᔭ ᐱᐅᓪ ᐅᖃᐅᓯᖏᑦ:
“ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᓵᑕᐅᔪᓐᓇᕐᓂᖏᓐᓄᑦ ᑭᐅᖃᑦᑕᕆᐊᖃᕐᖓᑕ ᓄᓇᓕᐸᐅᔭᒃᑯᑦ ᑲᑎᒪᔨᐅᓂᖏᓐᓂ ᒪᓕᑦᑕᕆᐊᓕᖏᑦ ᐊᒻᒪ ᐃᓅᖃᑎᒌᓕᒫᓄᑦ ᐱᔪᓐᓇᐅᑏᑦ ᐊᒻᒪ ᐊᓯᒥᖕ ᐸᕝᕕᓵᖃᕆᐊᖃᓐᖏᓂᖅ ᐃᓕᕋᓇᕐᓵᕐᓂᒃᑯᑦ ᐊᑐᐊᒐᑦ ᒪᓕᑦᑐᒋᑦ. ᑲᑎᒪᔩᑦ ᖃᓄᖅᑑᕈᑎᖃᕐᓂᐊᕐᑐᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᑭᖑᓪᓕᕐᒥ ᑲᑎᒪᓕᕐᒥᑉᐸᑕ ᐊᒻᒪ ᖃᓄᒃᑲᓐᓂᖅ ᐃᓕᓐᓂᐊᕐᑎᑦᓯᔪᓐᓇᕐᒪᖔᑕ ᑲᑎᒪᔨᓂᑦ ᐅᖃᐅᓯᖃᓛᕐᑐᑦ ᑕᐅᑦᑐᖃᑎᒌᖏᑦᑐᑦ ᒥᑦᓵᓄᑦ, ᐃᓚᓐᓂᕐᓱᐃᓂᖕᒥᑦ ᐃᓚᐃᓐᓈᕐᓂᕐᒥᓪᓗ, ᐊᒻᒪ ᐊᓯᖏᓐᓂᑦ ᐃᓅᖃᑎᒌᓄᑦ ᐃᓚᐃᓐᓈᓕᕈᑕᐅᕙᑦᑐᓂᑦ ᐊᔾᔨᒌᖏᑎᑦᓯᒧᑦ.
ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᑭᒡᒐᕐᑐᐃᒻᒪᑕ ᓄᓇᖅᑲᑎᒌᓕᒫᓂᑦ ᐊᒻᒪ ᐃᖅᑲᒋᕙᕗᑦ ᐃᓅᖃᑎᒌᓕᒫᑦᓯᐊᑦ ᐊᔾᔨᒌᖏᓂᖏᑦ ᑕᐅᑦᑐᖃᑎᒌᖏᓂᑦ ᐱᐅᓯᕐᒥᒍᑦ.”
ᓄᓇᓕᐸᐅᔭᒃᑯᑦ ᑲᔪᖏᕐᑐᐃᕗᑦ ᐅᔾᔨᕐᑐᑦᓯᐊᖁᔨᓪᓗᑎᑦ ᐃᓅᖃᑎᒌᓕᒫᓂᑦ ᐃᓚᐃᓈᖃᑦᑕᕐᑐᑦ ᐊᔾᔨᒌᖏᑎᑦᓯᕙᑦᑐᓂᓪᓗ ᑕᐅᑦᑐᖃᑎᒋᓐᖏᑕᒥᓂᖕ, ᐊᒻᒪ ᓂᓪᓕᖃᑦᑕᕐᓗᓯ ᐃᓚᐃᓐᓈᕐᑐᖃᓕᕋᐃᑉᐸᑦ ᐃᓕᓴᐃᕙᓪᓗᓯᓗ ᐃᓄᑦᓯᐊᕙᐅᒋᐊᖃᕐᓂᖕᒥᑦ ᐊᓯᑦᓯᓐᓂᑦ ᑕᐃᒪᐃᑦᑕᕆᐊᖃᓐᖏᓂᕐᒥᑦ.
ᐃᓱᒫᓘᑎᖃᕈᑦᓯ ᐅᖃᐅᓯᕆᔪᒪᔭᑦᓯᓐᓂᑦ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᕐᑎᖏᓐᓄᑦ, ᐅᓐᓂᓪᓗᒍᓐᓇᕐᑐᓯ ᑎᑎᕋᕐᓗᓯ ᐊᖅᑯᑎᒋᒍᓗ ᓄᓇᓕᐸᔭᐅᒃᑯᑦ ᐱᑐᕝᕕᖓ ᐅᓇ ᓇᕿᓪᓗᒍ https://www.iqaluit.ca/complaints-and-compliments.
ᐱᕙᓪᓕᐊᔪᓕᕆᔨᓄᑦ ᑐᕌᖓᔪᓄᑦ ᐊᐱᖅᑯᑎᓄᑦ , ᐅᓇ ᖃᐅᔨᒃᑲᕈᓐᓇᖅᑕᓯ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607
