ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᖃᓂᒪᕐᔪᐊᕐᓇᖅ ᐳᕝᕕᕆᓇᕐᑐᖅ COVID-19 ᐱᔾᔪᑎᓕᒋᓪᓗᒍ ᐱᓐᖑᐊᕐᑐᓕᕆᔨᒃᑯᑦ ᑐᓴᕋᑦᓴᖏᑦ − ᐱᖓᔪᐊᓂ ᒪᑐᐃᖅᐸᓪᓕᐊᖑᔭᕐᓂᖅ
ᐳᐃᔾᔪᕋᕐᕕᒃ
ᐳᐃᔾᔪᕋᕐᕕᒻᒥᐅᑦ ᐱᒋᐊᕐᑎᑦᓯᒪᓕᕐᑐᑦ ᐊᓪᓗᕆᐊᕈᑕᐅᓂᐊᕐᑐᓂᑦ ᖃᓂᒪᕐᔪᐊᕐᓇᖅ ᐳᕝᕕᕆᓇᕐᑐᖅ COVID-19 ᐱᔾᔪᑎᒋᓪᓗᒍ ᐅᔾᔨᕐᑐᑦᓯᐊᕆᐊᓕᓐᓂᑦ, ᑐᑭᓕᒃ ᐳᐃᔾᔪᕋᕐᕕᒃ ᐊᐅᓚᓂᕆᕙᑦᑕᖏᓗ ᒪᑐᐃᖅᐸᓪᓕᐊᖑᔭᕐᓂᐊᕐᑐᑦ ᓇᓪᓕᑭᑕᕐᓗᑎᑦ. ᐳᐃᔾᔪᕋᕐᕕᒻᒥᑦ ᐋᖅᑭᒋᐊᕆᓂᐊᕐᑐᖅ ᒪᑐᐃᖅᐸᓪᓕᐊᓂᐊᕐᑐᓄᑦ ᐸᕐᓇᐅᑎᖏᓂᑦ ᒪᓕᑦᓯᐊᖁᓪᓗᑕ ᐅᖁᒪᐃᓐᓂᓂᐊᕐᕕᒃᑯᓄᑦ ᒪᓕᑦᑕᐅᖁᔭᐅᔪᓂᑦ.
ᐃᓂᑦᓴᓕᐅᕐᓯᒪᓗᓂ ᓱᓕ ᒪᑐᐃᖓᖃᑦᑕᓂᐊᕐᑑᒐᓗᐊᖅ ᓈᑦᓯᐅᖑᔭᒥ ᖁᓛᓅᕋᐃᑉᐸᑦ 12:00ᒥ ᓄᓇᖅᑲᑎᒌᓄᑦ ᐊᒻᒪ 11:00ᒥ ᐅᓪᓛᒃᑯᑦ ᐊᕐᕌᒍᓕᒫᒧᑦ ᐃᓯᕈᓐᓇᐅᑎᓕᓐᓄᑦ. ᐃᓂᑦᓴᓕᐅᕈᓐᓇᕐᑐᓯ ᖃᕆᓴᐅᔭᒃᑯᑦ ᐱᑐᕝᕕᑎᓐᓄᑦ, ᐅᖄᓚᓗᓯ ᐊᒻᒪ ᐅᐸᒍᑎᓗᓯ ᐱᔨᑦᓯᕐᐸᑦᑕᑦᑕ ᐃᑲᔪᕐᑎᖏᓐᓄᑦ ᐳᐃᔾᔪᕋᕐᕕᒻᒥ. ᐃᓂᑦᓴᓕᐅᕐᓂᒃᑯᑦ ᐳᐃᔾᔪᕈᒪᒍᓯ ᐊᑲᕐᕆᔮᕐᓂᖅᓴᐅᓂᐊᕋᑦᑕ ᐃᓂᑦᓴᖃᑦᓯᐊᕐᑐᐃᓐᓇᐅᓗᑎᑦ ᐱᕕᑭᓐᓂᖓᓄᑦ ᐃᖅᑲᓇᐃᔭᕐᑎᖃᑦᓯᐊᖏᒧᓪᓗ, ᐃᑲᔪᕐᓂᖃᕐᓂᐊᕐᑐᓂᓗ ᐅᖓᓯᒌᑦᑕᕆᐊᖃᕐᓂᑎᓐᓄᑦ ᓯᐊᒻᒪᖁᓇᒍ ᐊᒻᒪ ᓄᕙᓕᖁᓇᓯ ᖃᓂᒪᕐᔪᐊᕐᓇᖕᒥᑦ COVID-19 ᐳᕝᕕᕆᓇᕐᑐᒥᑦ.
ᐱᒋᐊᕐᓗᒍ ᐊᐃᑉᐱᕐᒥ, ᐅᒃᑑᕝᕙ 13, ᐳᐃᔾᔪᕋᕐᕕᒃ ᒪᑐᐃᖓᓛᕐᑐᖅ ᐊᖏᔪᖅᑳᕇᓄᑦ ᕿᑐᕐᖓᕇᓄᑦ ᐊᒥᓲᓛᖑᔪᓐᓇᕐᓗᑎᑦ ᐊᕙᑎᑦ ᑕᓪᓕᒪᓪᓗ (25) ᐃᓱᒪᕐᓱᖅᕕᐅᓂᕐᓴᐅᕙᑦᑐᒥ ᐳᐃᔾᔪᕐᕕᒻᒥ. ᓇᒡᒐᔾᔭᐅᒥ, ᐅᒃᑑᕝᕙ 19, ᐊᑐᐃᓐᓇᕈᓛᓕᕐᒥᔪᑦ ᐃᓚᒌᓄᑦ ᐳᐃᔾᔪᕐᕕᑦᓴᖅ ᐊᒥᓲᓛᖑᔪᓐᓇᕐᓗᑎᑦ ᐊᕙᑎᑦ ᑕᓪᓕᒪᓪᓗ (25) ᐃᓱᒪᖅᓱᖅᕕᐅᓂᕐᓴᐅᕙᑦᑐᒥ ᐳᐃᔾᔪᕐᕕᒻᒥ. ᖃᐅᔨᒋᐊᕈᓐᓇᕐᑐᑎᑦ ᐳᐃᔾᔪᕋᕐᕕᐅᑉ ᐅᓪᓗᕐᓯᐅᑎᒃᑯᑦ ᐋᖅᑭᑦᓱᕐᓯᒪᔭᖏᓐᓂᑦ ᖃᖓᓪᓚᑦᑖᒃᑯᑦ ᐊᑐᐃᓐᓇᕈᓛᕐᒪᖔᑕ.
ᐳᐃᔾᔪᕋᕐᕕᒃ ᐊᐃᓐᓇᕈᐃᓛᕐᒥᔪᑦ ᐊᑦᑐᑦᑕᐃᓕᖃᑦᑕᐅᑎᓗᓂ ᐳᐃᔾᔪᕆᐅᕐᓴᕕᑦᓴᒥᑦ ᐳᐃᔾᔪᕐᑏᑦ 3ᒥᖕ ᐊᖏᓪᓕᕙᓪᓕᐊᔪᓄᑦ, ᐃᓐᓇᐃᓪᓗ ᐳᐃᔾᔪᕆᐅᕐᓴᑎᑕᐅᓗᑎᑦ ᐊᒻᒪ ᐳᕋᐃᑯᔅ ᐳᐃᔾᔪᕐᑏᑦ ᑕᐱᕇᖏᑦ. ᐊᑎᓕᐅᕐᕕᑦᓴᑦ ᒪᑐᐃᓛᕐᑐᑦ ᐊᐃᑉᐱᕐᒥ, ᐅᒃᑑᕝᕙ 13ᖑᓕᕐᐸᑦ 1:00ᒥ ᐅᓪᓗᒃᑯᑦ. ᐊᑎᓕᐅᖁᔭᐅᒐᓗᐊᕐᑐᓯ ᐊᑐᕐᓗᒍ Max Galaxy ᖃᕆᓴᐅᔭᒃᑯᑦ ᐱᑐᕝᕕᒃ ᐅᕝᕙᓘᓐᓃᑦ ᐱᔨᑦᓯᐸᑦᑕᑎᓐᓄᑦ ᐃᑲᔪᕐᑏᑦ ᖃᐅᔨᒋᐊᕐᕕᐅᔪᓐᓇᕐᑐᑦ ᐃᓃᒍᑎᒌᓐᓂᐊᕐᒥᒻᒪᑕ. ᕿᑐᕐᖓᐃᑦ ᐊᐃᖃᑎᒋᔪᓐᓇᕐᑕᐃᑦ 5 ᒥᓂᑦᒥᑦ ᖃᐅᔨᓴᕐᑕᐅᓂᐊᕐᖓᑦ ᐳᐃᔾᔪᕈᕐᓇᕐᓂᖓ ᐊᐃᑉᐱᕐᒥ, ᐅᒃᑑᕝᕙ 13ᒥᖕ ᑕᓪᓕᒥᕐᒧᑦ ᐅᒃᑑᕝᕙ 16ᒧᑦ 5:15ᒥᖕ 7:30ᒧᑦ ᐅᓄᓴᒃᑯᑦ ᕿᑐᕐᖓᑯᓗᐃᑦ ᑕᕝᕗᖓᑦᓯᐊᖅ ᐃᓕᓐᓂᐊᕆᓕᖏᓐᓄᑦ ᐃᓂᑦᓴᓕᐅᖁᓪᓗᒍ. ᐊᒥᓱᑦ ᐱᕕᖃᕐᑎᑕᐅᖁᓪᓗᒋᑦ ᐳᐃᔾᔪᕈᒪᔪᑦ, ᐃᖅᑲᐃᑎᑦᓯᒍᒪᕗᒍᑦ ᐊᖏᔪᖅᑳᕆᔭᐅᔪᓂᑦ ᑕᑯᓐᓇᕆᐊᕐᓯᒪᕙᑦᑐᓄᓪᓗ ᐱᕙᓪᓕᐊᔪᑦ ᑐᓴᒐᒃᓴᙳᖅᑎᑕᐅᔪᑦ ᐱᔭᐅᔪᓐᓇᖃᑦᑕᖅᑐᑦ ᐃᓄᒃᑎᑑᖓᓗᑎᒃ , ᖃᓪᓗᓈᑎᑐᑦ , ᐅᐃᕖᑎᑐᓪᓗ ᐅᕙᓂ www.iqaluit.ca
ᕿᑐᕐᖓᐃᑦ ᐳᐃᔾᔪᕋᕐᕕᓕᐊᕈᑎᕙᓪᓗᒍ ᐊᐃᕙᓪᓗᒍᓗ ᐱᔭᕇᑐᐊᕋᐃᑉᐸᑕ ᑕᕝᕙᑲᐅᑎᒋ ᐳᐃᔾᔪᕆᐅᓴᕇᑐᐊᕋᐃᑉᐸᑦ. ᕿᑐᕐᖓᐃᑦ ᑎᓴᒪᐅᔪᕐᖏᕋᕐᑐᓂᑦ (8) ᐅᑭᐅᖃᕐᐸᑦ, ᐸᖅᑭᔨᖃᕆᐊᓕᒃ ᐃᓪᓗᒥ, ᐱᕕᑭᓐᓂᐊᕐᒥᒻᒪᑦ ᐅᑕᖅᑭᕕᐅᖃᑦᑕᖅᑐᖅ ᓄᐊᔅᕕᔅᑎᐊ ᑭᓱᑐᐃᓐᓇᕐᓄᑦ ᐃᓪᓗᕈᓯᖅ. ᐳᐃᔾᔪᕋᕐᑐᓄᑦ ᕿᒥᕐᕈᕕᐅᕙᑦᑐᖅ ᒪᑐᓯᒪᑐᐃᓐᓇᕐᓂᐊᕐᑐᖅ ᓱᓕ.
ᐆᓇᔪᑦᑐᒥᑦ ᐳᕐᕆᓛᔪᖅ ᐳᐃᔾᔪᕐᕕᒃ ᐊᒻᒪ ᑭᐊᑦᑐᒧᑦ ᐆᓇᕐᑐᒧᑦ ᐊᑲᐅᓯᓴᕐᕕᒃ ᒪᑐᓯᒪᐃᓐᓇᕐᓂᐊᕐᑐᖅ ᓱᓕ.
ᐱᒋᐊᕐᓗᒍ ᐊᐃᑉᐱᖅ, ᐅᒃᑑᕝᕙ 13, ᐃᖃᐃᓕᓴᕐᕕᒃ ᐊᑐᐃᓐᓇᐅᓂᐊᓕᕐᒥᔪᖅ ᐃᓯᑐᐃᓐᓇᕈᒪᔪᓄᑦ ᐃᖃᐃᓕᓴᕆᐊᕐᓗᑎᖕ ᐊᒻᒪ ᐊᑎᓕᐅᕐᐸᒌᕐᓯᒪᔪᑦ ᐃᖃᐃᓕᓴᕐᕕᑦᓴᖏᑦ ᐊᒥᓱᓛᖑᔪᓐᓇᕐᑐᑎᑦ ᐊᑕᐅᑦᓯᒥ ᖁᓕᑦ (10). ᖃᐅᔨᒋᐊᖁᔪᖅ ᖃᕆᓴᐅᔭᒃᑯᑦ ᐱᑐᕝᕕᑎᓐᓄᑦ ᐃᖃᐃᓕᓴᕐᕕᐅᑉ ᐅᓪᓗᕐᓯᐅᑎᖏᑦ ᖃᓄᐃᓕᖓᒻᒪᖔᑕ. ᐃᓂᑦᓴᓕᐅᕐᓯᒪᔪᑦ ᐃᓄᑑᓗᑎᑦ ᐃᖃᐃᓕᓴᕈᒪᔪᑦ ᑲᔪᓰᓐᓇᕐᓂᐊᕐᑐᑦ ᓱᓕ.
ᐳᐃᔾᔪᕋᕐᕕᒻᒥᐅᑦ ᐊᑐᐃᓐᓇᐅᑎᑦᓯᔪᒪᒻᒪᑕ ᐅᓗᕆᐊᓇᓐᖏᑦᑐᒥ ᐳᐃᔾᔪᕈᓐᓇᖁᓪᓗᒋᑦ ᐊᒻᒪ ᑭᒃᑯᑐᐃᓐᓇᑦᓯᐊᑦ ᐊᓕᐊᓇᐃᒍᓱᒍᓐᓇᕐᓂᐊᕐᖓᑕ ᐃᓱᒫᓗᓐᖏᓪᓗᑎᖕ. ᐱᒋᐊᕐᑎᑦᓯᓯᒪᓕᕐᑐᒍ ᖃᕆᓴᐅᔭᒃᑯᑦ ᐱᑐᕝᕕᑦᓴᒥᑦ ᐃᓂᑦᓴᓕᐅᕈᒪᔪᓄᑦ ᐊᑭᓖᕕᑦᓴᒥᓪᓗ ᐱᔭᕆᐊᑭᓐᓂᕐᓴᐅᓂᐊᕐᖓᑦ. ᐋᖅᑮᒋᐊᖃᕐᓂᐊᕐᑐᑎᑦ ᐃᓯᕈᓐᓇᐅᑎᓂᑦ ᐊᑭᖃᓐᖏᑦᑐᒥᑦ ᖃᕆᓴᐅᔭᒃᑯᑦ ᐱᑐᕝᕕᑎᓐᓄᑦ Max Galaxy ᐊᑭᓖᕕᑦᓴᖅ ᐊᒻᒪ ᐃᓂᑦᓴᓕᐅᕈᓐᓇᕐᓗᑎᑦ ᖃᕆᓴᐅᔭᒃᑯᑦ ᐱᑐᕝᕕᑎᓐᓄᑦ ᐅᕗᖓ https://cityofiqaluitrecreation.maxgalaxycanada.net/BrowseActivities.aspx.
ᐊᐱᖅᑯᑎᑦᓴᖃᕈᕕᑦ, ᖃᐅᔨᒋᐊᕈᓐᓇᕐᑐᑎᑦ ᐱᔨᑦᓯᕐᐸᑕᑎᓐᓄᑦ ᐃᑲᔪᕐᑎᓄᑦ ᐅᕗᖓ 867-975-8544 ᐅᕝᕙᓘᓐᓃᑦ ᐃᕐᖕᓃᓈᕈᑎᒃᑯᑦ ᐅᕗᖓ recreation@iqaluit.ca.
ᐊᓐᓂᑭᑦᑐᕐᕕᒃ
ᐅᑭᐅᖅᑕᖅᑐᒥ ᐊᓐᓂᑭᑦᑐᕐᕕᒃ ᒪᒃᑯᑦᑐᒃᑯᕕᐅᕙᑦᑐᖅ ᐋᖅᑭᒋᐊᕐᑕᐅᕙᓪᓕᐊᓕᕐᖓᑦ ᐊᓐᓂᑭᑦᑐᕐᕕᐅᔪᓐᓇᕐᓯᓂᐊᓕᕐᑐᖅ ᐊᒻᒪ ᒪᑐᐃᓛᕐᑐᖅ ᓯᕙᑖᕐᕕᒻᒥ, ᐅᒃᑑᕝᕙ 17, 2020ᖑᓕᕐᐸᑦ.
ᑰᓕᕐᕕᒃ ᒪᑐᐃᕈᒫᕐᓂᐊᕐᑐᖅ ᐅᒃᑑᕝᕙᐅᑉ ᓄᓐᖑᐊᓂ.
ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᓴᓇᔭᐅᕙᓪᓕᐊᖏᓐᓇᕐᓂᐊᕐᖓᑦ ᐅᑭᐊᑦᓵᖅ ᐊᒻᒪ ᒪᑐᐃᕈᒫᕐᑐᓂ ᓄᕕᒻᒪᐅᑉ ᓄᓐᖑᐊᓂ.
ᐊᓐᓂᑭᑦᑐᕐᕕᒻᒧᑦ ᐃᓂᓴᓕᐅᕈᓐᓇᕐᑐᓯ ᖃᕆᓴᐅᔭᒃᑯᑦ ᐱᑐᕝᕕᑎᓐᓄᑦ ᐅᕗᖓ https://cityofiqaluitrecreation.maxgalaxycanada.net/Home.aspx ᐅᕝᕙᓘᓐᓃᑦ ᐃᕐᖕᓃᓐᓈᕈᑎᒃᑯᑦ ᐅᕗᖓ recreation@iqaluit.ca.
ᒪᓕᑦᑐᒋᑦ ᐋᓐᓂᐊᕐᑐᓕᕆᔨᒃᑯᑦ ᐅᖁᒪᐃᓐᓂᓂᐊᕐᑎᒃᑯᖏᑕ ᒪᓕᒐᖏᑦ, ᐃᓂᑦᓴᓕᐅᕐᓂᖕᒧᑦ ᐊᑎᓕᐅᖃᑕᐅᔪᒪᔪᑦ ᒪᓕᑦᑕᕆᐊᓖᑦ ᐃᓅᖃᑎᒌᑦ ᐅᖓᓯᒌᑦᑕᕆᐊᖃᕐᓂᖏᓐᓂᑦ ᐊᒻᒪ ᓴᓗᒻᒪᕐᓴᕈᓰᑦ ᒪᓕᒐᖏᓂᑦ.
ᑐᑭᓯᒋᐊᒃᑲᓂᕈᒪᒍᕕᑦ ᐅᕝᕙᓘᓐᓃᑦ ᐃᓂᑦᓴᓕᐅᕐᓂᖕᒧᑦ ᐃᑲᔪᕐᑕᐅᔪᒪᒍᕕᑦ ᖃᐅᔨᒋᐊᕈᓐᓇᕐᑐᑎᑦ ᐱᔨᑦᓯᕐᑕᐅᕙᑦᑐᑦ ᐃᑲᔪᕐᑎᖏᓐᓄᑦ ᐅᕗᖓ 867-979-5611 ᓇᒡᒐᔾᔭᐅᒥᖕ ᑕᓪᓕᒥᕐᒧᑦ 1:00ᒥᖕ 5:00ᒧᑦ ᐅᓐᓄᓴᒃᑯᑦ ᐅᕝᕙᓘᓐᓃᑦ ᐃᕐᖕᓃᓐᓈᕈᑎᒃᑯᑦ ᐅᕗᖓ recreation@iqaluit.ca.
ᐃᓐᓇᑐᖃᕐᓄᑦ ᖃᕐᒪᖅ
ᐃᓄᑐᖃᐃᑦ ᖃᕐᒪᖓ ᒪᑐᐃᒃᑯᓐᓂᓛᖅᑐᖅ ᐱᓕᕆᐊᕆᕙᑦᑕᖏᓐᓄᑦ ᐱᒋᐊᕐᓗᑎᒃ ᑎᓴᒻᒥᕐᒥ, ᐅᑐᐱᕆ 15, 2020.
ᐱᔾᔪᑎᒋᓪᓗᒍ ᖃᓂᒪᓇᖅᑐᖅᑕᖃᕐᓂᖓ, ᓄᓇᓕᐸᐅᔭᓕᕆᔨᒃᑯᑦ ᐃᖃᓗᓐᓂ ᐋᖅᑭᔅᓯᓯᒪᒻᒪᑕ ᐃᓱᒫᓗᓇᖅᑐᒥᒃ−ᐸᓚᕐᔫᒥᑎᑦᑎᒋᐊᕈᒪᓂᕐᒧᑦ ᐸᕐᓇᐅᑎᓂᑦ ᐃᓄᑐᖃᐃᑦ ᖃᕐᒪᖓᓐᓄᑦ ᖃᐅᔨᒪᑦᑎᐊᕈᒪᓪᓗᑎᒃ ᐊᑦᑕᓇᖅᑐᒦᙱᒃᑲᓗᐊᕐᒪᖔᑕ ᑕᐃᑯᙵᐸᑦᑐᑦ ᐃᖅᑲᓇᐃᔭᖅᑏᓪᓗ. ᐃᓄᑐᖃᕐᓄᑦ ᖃᕐᒪᖅ ᐃᓱᒫᓗᓇᖅᑐᒥᒃ−ᐸᓚᕐᔫᒥᑎᑦᑎᒋᐊᕐᓂᕐᒧᑦ ᐸᕐᓇᐅᑎᖏᑦ ᐃᓚᖃᖃᑦᑕᓂᐊᕐᖓᑕ ᓴᓗᒻᒪᕐᓴᐃᖃᑦᑕᓂᕐᒧᑦ ᐋᖅᑭᓯᒪᓂᐅᔪᓂᑦ ᐊᒻᒪᓗ ᐊᒥᓲᓂᕐᐹᕆᔪᓐᓇᓂᐊᖅᑕᖏᑦ ᑕᐃᑯᙵᖃᑦᑕᖅᑐᑦ 20. ᐃᖅᑲᓇᐃᔭᖅᑏᑦ ᑐᓂᓯᔭᐅᓯᒪᖃᑦᑕᓂᐊᖅᑐᑦ ᐊᐃᑦᑐᑕᐅᔾᔭᐃᒃᑯᑎᓂᑦ ᑕᐃᒫᒃ ᖃᐅᔨᒪᑦᑎᐊᖃᑦᑕᓂᐊᕐᖓᑕ ᐊᑦᑕᓇᙱᑦᑐᒥᒃ ᐊᒻᒪᓗ ᓈᒻᒪᑦᑐᒥᒃ ᐃᑲᔫᑎᖃᖃᑦᑕᓂᐊᕐᖓᑕ.
ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:
ᑭᕚᓐ ᓂᐅᓪᓴᓐ
ᐱᖕᖑᐊᖅᑐᓕᕆᔨᒃᑯᑦ ᐱᓕᕆᐊᑦᓴᓂᑦ ᑐᑭᒧᐊᑦᑎᑦᑎᔨᖓᑦ
ᓄᓇᓕᐸᐅᔭᐃᑦ ᐃᖃᓗᐃᑦ
K.Nelson@iqaluit.ca
867−975−8505
ᓄᓇᓕᐸᐅᔭᓕᕆᔨᒃᑯᑦ ᐃᖃᓗᓐᓂ ᐅᐸᓗᖓᐃᕐᓯᒪᔪᑦ ᐊᓯᔾᔩᔪᓐᓇᓂᕐᒧᑦ ᖃᓄᑐᐃᓐᓇᖅ ᐊᑐᕆᐊᖃᓕᕐᓂᖅᑲᑕ ᖃᓂᒪᓇᖅᑐᖅᑕᖃᕐᓂᖓᓄᑦ ᐊᒻᒪᓗ ᖃᓂᒪᓇᖅᑐᒧᑦ ᐱᓕᕆᔾᔪᓯᐅᔭᕆᐊᓖᑦ ᐊᓯᔾᔨᖅᑲᑕ.
ᑐᑭᓯᒋᐊᒃᑲᓂᕈᒪᒍᕕᑦ ᖃᓂᒻᒪᔾᔭᐃᕈᓯᓂᑦ ᖃᐅᔨᒋᐊᕈᓐᓇᕐᑐᑎᑦ, ᐅᕗᖓ:
https://www.gov.nu.ca/health/information/covid-19-novel-coronavirus
