ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᕙᒡᔪᐊᕐᓇᖅ-19 (COVID-19) ᑐᓂᔭᐅᑐᐃᓐᓇᖅᑐᑦ ᐃᑲᔪᖅᑐᑦ ᐅᖂᑕᖅ ᑎᒥᖓᑦ ᐊᖑᑎᓄᑦ ᐊᖏᕋᖃᖏᑐᒃᑯᕕᒃ
ᓴᖅᑭᑦᑕᐅᑎᒋᒋᐊᓕᒃ
ᓄᓇᓕᐸᐅᔭᖓᑦ ᐃᖃᓗᐃᑦ ᖁᕕᐊᓱᑦᑐᑦ ᑐᓴᖅᑎᑦᑎᓗᑎ ᐊᖏᔪᓂᑦ ᑐᓂᔭᐅᑐᐃᓐᓇᖅᑐᓂᑦ ᐅᕙᓐᖓᑦ ᑲᑐᔾᔨᖃᑎᒌᖏᑦ ᑲᓇᑕᒥ ᓄᓇᓖᑦ ᑎᒥᖓᑦ (CMAF) ᓄᓇᓕᑦᑎᓐᓂᑦ ᓴᐳᒻᒥᑎᑦᑎᑎᐊᓂᖅᓴᐃᓗᓂ ᐊᒻᒪ ᐃᑲᔪᕐᓗᓂ ᓯᕗᓪᓕᐅᑎᔭᕆᐊᓕᑦᑎᓐᓄᑦ ᐱᔭᐅᔭᕆᐊᖃᕐᓂᖅᐹᖑᔪᓂᑦ ᓄᕙᒡᔪᐊᕐᓇᖅ-19 ᐋᓐᓂᐊᓇᐅᑎᓪᓗᒍ.
ᓄᓇᓕᐸᐅᔭᒃᑯᑦ ᐱᓚᐅᖅᑐᑦ $61,500.00 ᐅᕙᓐᖓᑦ ᑲᓇᑕᒥ ᐋᓐᓂᐊᖅᑐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᑎᒥᖓᓐ ᐃᑲᔪᖅᑕᐅᓪᓗᑎ ᑲᑐᔾᔨᖃᑎᒌᖏᑦ ᑲᓇᑕᒥ ᓄᓇᓖᑦ. ᑲᑎᒪᔩᑦ ᐊᖏᖅᓯᓚᐅᖅᑐᑦ ᐃᓕᐅᖅᑲᖅᑕᐅᓂᖏᓐᓄᑦ ᐱᖁᔨᕗᖔᐳᑎᒧᑦ #20-182 ᐅᓇᐅᑎᓪᓗᒍ ᔫᓂ 23 ᑖᒃᑯᐊ ᑮᓇᐅᔭᐃᑦ ᑐᓂᔭᐅᓗᑎᑦ ᑕᕝᕗᖓᑦᑕᐅᑎᒋᑦ ᐅᖂᑕᖅ ᑎᒥᖓᑦ ᐊᖑᑎᓄᑦ ᐊᖏᕋᖃᖏᑐᒃᑯᕕᒃ ᓄᕙᒡᔪᐊᕐᓇᖅ-19-ᒧᑦ ᐊᖏᕋᖃᖏᑐᒃᑯᕕᒻᒧᑦ ᐱᓕᕆᐊᖏᓐᓄᑦ.
ᓄᓇᓕᒻᒥᑦ ᒐᕙᒪᐃᑦ ᓯᕗᓕᖅᑎᐅᓯᒪᔪᑦ ᐱᒋᐊᔪᒻᒪᓂᑦ ᐋᓐᓂᐊᕐᓇᖅ ᐊᒻᒪ ᐃᓕᓯᒪᑦᑎᐊᖅᑐᑦ ᐊᐅᓚᓂᖃᑦᑎᐊᖅᑐᒥᑦ ᑐᕌᖅᑎᑕᐅᓗᑎ ᑮᓇᐅᔭᐃᑦ ᓄᓇᓕᒻᒧᑦ. ᑐᓂᔭᐅᑐᐃᓐᓇᖅᑐᑦ ᑖᔅᓱᒧᖓ ᐱᓕᕆᐊᒧᑦ ᐊᑐᖅᑕᐅᓂᐊᖅᑐᑦ ᓴᓗᒻᒪᖅᓴᐃᔾᔪᑎᓄᑦ ᓱᓇᒃᑯᑖᓄᑦ, ᑎᒥᒧᑦ ᓴᐳᒻᒥᔾᔪᑏᑦ ᓱᓇᒃᑯᑖᑦ ᐊᒻᒪ ᐊᑐᓕᖅᑎᑕᐅᓂᖓ ᐱᐅᓯᑎᒋᐊᖅᑕᐅᓯᒪᔪ ᓄᕙᒡᔪᐊᕐᓇᖅ-19 ᖃᓄᐃᓕᓯᒋᐊᕈᑏᑦ ᐅᖂᑕᖅ ᑎᒥᖓᓐᓂᑦ ᐊᑯᑎᓄᑦ ᐊᖏᕋᖃᖏᑐᒃᑯᕕᒃ.
ᐅᖂᑕᖅ ᑎᒥᖓᑦ ᐱᔨᑦᑎᖃᑦᑕᖅᑐᑦ ᑲᑎᓐᖓᔪᓂᑦ 60 ᐱᔨᑦᑎᖅᑕᐅᒐᔪᖃᑦᑕᖅᑐᓂᑦ ᐅᓐᓄᑕᒫᑦ, ᖃᑯᓐᓂᖏᓐᓂ ᒪᕉᓐᓂ ᐱᖠᕆᐊᓐᓂᒃ ᐊᒻᒪ ᐃᓪᓗᓂᑦ (ᐊᐳᕈᑎᑭᑦᑐᑦ, ᑲᑎᓐᖓᔪᑦ ᐊᕐᓇᓄᑦ ᐊᖑᑎᓄᑦ ᐊᖏᕋᖃᖏᑐᒃᑯᕕᒃ ᐃᓂᖃᖅᑎᑦᑎᔪᓐᓇᖅᑐᖅ 17-ᓂᑦ ᐃᓄᓐᓂᑦ ᐅᓐᓄᑕᒫᑦ, ᐊᒻᒪ ᖁᕝᕙᓯᑦᑐᓂ ᐊᐳᕈᑎᖓ − ᐃᒥᐊᓗᖃᕆᐊᖃᖏᑦᑐᖅ ᐊᒻᒪ ᓱᕐᕋᓇᖅᑐᖃᕆᐊᖃᖏᑦᑐᖅ ᐊᖑᑎᓄᑦ ᐊᖏᕋᖃᖏᑐᒃᑯᕕᒃ). ᐊᖑᑎᓄᑦ ᐊᖏᕋᖃᖏᑐᒃᑯᕕᒃ ᐃᓪᓗᖓ ᒥᑭᔪᒦᑦᑐᖅ, ᐊᖏᕋᕈᖅᑎᑕᐅᓯᒪᔪᖅ, ᓯᓚᕈᔫᖃᑦᑕᑎᓪᓗᒍ ᐊᒻᒪ ᐅᑭᐅᒃᑯᑦ ᑕᖅᑭᖏᓐᓂᑦ ᑕᑯᖃᑦᑕᖅᑐᑦ ᐊᒥᓲᓂᖅᓴᓂᑦ 80-ᓂᑦ ᐅᓐᓄᑕᒫᑦ.
ᐅᑉᐱᕈᓱᑦᑐᒍᑦ ᓴᓐᖓᑎᑦᑎᒋᐊᓂᕐᒥᑦ ᓄᓇᓕᓐᓂᑦ ᐱᒻᒪᕆᐅᓂᖓ ᐃᓚᒋᔭᖓ ᐃᑲᔪᖅᓱᓂᒧᑦ ᖃᓄᐃᖏᑎᐊᓂᖏᓐᓄᑦ ᑲᓇᑕᒥᐅᑕᓕᒫᑦ. ᑖᓐᓇ ᐋᓐᓂᐊᕐᓇᐅᔪᖅ ᐅᕙᑦᑎᓐᓂᑦ
ᐃᖅᑲᓇᐃᔭᖃᑎᒌᒋᐊᖃᖅᑎᑦᑎᔪᖅ ᓄᖅᑲᑎᓪᓗᒍ ᓯᐊᒻᒪᖅᑕᐅᓂᖓ ᓄᕙᒡᔪᐊᕐᓇᖅ-19. ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑕᖏᑦ ᑲᑐᔾᔨᖃᑎᒌᖏᑦ ᑲᓇᑕᒥ ᓄᓇᓖᑦ, ᐊᒻᒪ ᐃᖃᓗᒻᒥᐅᑦ ᑲᔪᓯᑎᑕᐅᓂᖏᓐᓄᑦ ᐱᓇᓱᐊᕐᓂᕆᔭᖏᑦ.
