ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓪᓗᕋᓛᓕᐅᖃᑦᑕᕐᓂᖅ ᐊᑐᖅᑐᐊᑕᐅᓐᖏᑐᓂ ᓄᓇᓕᐸᐅᔭᒃᑯᑦ ᓄᓇᖁᑎᖏᓐᓂ ᓄᖅᑲᖅᑎᑕᐅᑲᐃᓐᓇᖅᐳᖅ ᖃᓅᒋᐊᖃᓛᓕᕐᒪᖔᖅ ᖃᐅᔨᒃᑲᐃᒐᓱᐊᕐᓂᖏᓐᓂ
ᓄᓇᓕᐸᐅᔭᒃᑯᑦ ᖃᐅᔨᒐᓱᓐᓂᐊᕐᒪᑕ ᖃᓄᖅ ᐱᕙᓕᐊᑎᑦᑎᔪᓐᓇᕐᒪᖔᑕ ᒪᓕᒐᖅᑎᒍᑦ ᐊᐅᓚᑦᑎᔾᔪᑎᒃᓴᓂᑦ ᐃᓪᓗᕋᓛᓕᐅᕐᓂᐅᕙᑦᑐᓂᒃ ᐊᒻᒪᓗ ᐃᖃᐃᓕᓴᕐᓂᕐᒧᑦ ᑐᕌᖓᔪᓂᒃ ᓴᓇᔭᐅᕙᑦᑐᓂᒃ ᐊᑐᖅᑐᐊᑕᐅᓐᖏᑦᑐᒥ ᓄᓇᓕᐸᐅᔭᒃᑯᑦ ᓄᓇᖁᑎᖓᓂ, ᑲᑎᒪᔩᑦ ᐊᖏᖅᑐᐃᓐᓇᐅᓚᐅᖅᑎᓪᓗᒋᑦ ᐃᓱᒪᓕᐅᕈᑎᐅᔪᒥᒃ ᔪᓚᐃ 28, 2020-ᒥ ᑲᑎᒪᔨᑦ ᑲᑎᒪᑎᓪᓗᒋᑦ. ᑖᓐᓇ ᐋᖅᑭᑦᑕᐅᔪᖅ ᓴᖅᑭᓚᐅᖅᑐᖅ ᐊᑐᓕᖁᔭᓕᐊᖑᔪᔪᒥ ᐸᕐᓇᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᑲᑎᒪᔨᕋᓛᑦ ᑲᑎᒪᑐᐃᓐᓇᑎᓪᓗᒋᑦ ᔪᓚᐃ 21, 2020-ᒥ.
ᐃᖃᓗᒻᒥᐅᑕᐃᑦ ᖃᐅᔨᒃᑲᖅᑕᐅᕗᑦ ᑖᒃᑯᐊ ᓄᓇᓕᐸᐅᔭᒃᑯᑦ ᐱᔭᕇᖅᓯᓚᐅᖅᑎᓐᓇᒋᑦ ᐊᑐᐊᖅᑕᐅᒋᐊᓕᓐᓂᒃ ᓄᑖᓂᒃ ᐃᓪᓗᕋᓛᓕᐅᕈᒪᔪᓄᑦ, ᐃᖃᓗᒻᐅᑕᐃᑦ ᓄᖅᑲᕆᐊᖃᖅᐳᑦ ᐃᓪᓗᓕᐅᕐᓂᕐᒥᓂᒃ ᐃᓪᓗᕋᓛᒃᓴᓂᑦ ᐊᑐᖅᑐᐊᑕᐅᓐᖏᑦᑐᒥ ᓄᓇᓕᐸᐅᔭᒃᑯᑦ ᓄᓇᖁᑎᖓᓂ.
ᑕᑯᓯᐅᒃ ᐅᐃᒍᓕᐅᑎᓯᒪᔪᖅ ᓄᓇᓐᖑᐊᖅ ᓇᓗᓇᐃᖅᓯᓯᒪᔪᖅ ᓄᓇᐃᑦ ᑭᓪᓕᖏᓐᓂᑦ. ᖃᐅᔨᒪᓂᐊᕆᕗᓯ ᓄᓇᐃᑦ ᑭᓪᓕᖏᑦ ᓴᖅᑭᔮᖅᑐᑦ ᓄᓇᓐᖑᐊᒥ 100% ᑭᓪᓕᖏᓐᓂᑦ ᓇᓚᐅᑦᑎᑎᐊᖅᓯᒪᓐᖏᒻᒪᑕ. ᑐᒃᓯᕋᐅᑎᓕᐅᖅᑐᑦ ᓇᓗᓇᐃᖅᑕᐅᑎᑦᑎᒋᐊᓖᑦ ᑭᒃᑯᓐᓄᑦ ᐊᐅᓚᑕᐅᔪᒦᒻᒪᖔᖅ ᐱᒐᓱᐊᖅᑕᖓ ᐊᒻᒪᓗ ᐊᖏᖅᑕᐅᓯᒪᓂᖓᓂᑦ ᓄᓇᒥᒃ ᓇᒻᒥᓂᖃᖅᑐᒧᑦ ᓴᖅᑭᖅᓯᓗᓂ ᐃᓪᓗᕋᓛᒥᒃ ᓴᓇᒋᐊᖅᑐᖃᓚᐅᓐᖏᓐᓂᖓᓂ.
ᓄᓇᓐᖑᐊᖅ ᓴᓇᔭᒥᓂᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖓᓄᑦ.
ᐱᕙᓪᓕᐊᔪᓕᕆᔨᓄᑦ ᑐᕌᖓᔪᓄᑦ ᐊᐱᖅᑯᑎᓄᑦ , ᐅᓇ ᖃᐅᔨᒃᑲᕈᓐᓇᖅᑕᓯ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607
