ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖃᐅᒪᓂᖅ ᐊᐅᔭᒃᑯᑦ ᐅᓪᓗᒃᑯᑦ ᑭᐱᖕᖑᐃᔭᕐᓂᖅ
ᔪᓂ 24, 2020 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᑦ ᖁᕕᐊᒋᓪᓗᒍ ᐅᖃᐅᓯᖃᕈᒪᕗᑦ ᐊᕐᕌᒍᑦᑎᓐᓂ ᖃᐅᒪᓂᖅ ᐅᓪᓗᒃᑯᑦ ᑭᐱᖕᖑᐃᔭᕐᓂᕐᒥᑦ.
ᐃᓚᒋᔭᐅᓗᓂ ᓄᕙᕐᔪᐊᕐᓇᖅ−19 ᐱᓕᕆᔾᔪᑎᓄᑦ ᓯᐊᒻᒪᐃᑦᑕᐃᓕᒪᔾᔪᑎᓂᑦ ᓄᕙᕐᔪᐊᕐᓇᕐᒥᑦ, ᐊᔾᔨᒋᔭᐅᔾᔮᖏᑦᑐᖅ ᐊᕐᕌᒍᑦᑎᓐᓂ ᑭᐱᖕᖑᐃᔭᕐᓂᐅᓂᐊᖅᑐᖅ. ᐊᓯᖏᓐᓂᑦ ᐊᓯᔾᔩᑐᐃᓐᓇᕆᐊᖃᕐᒥᔪᑦ ᒪᓕᓪᓗᑎᒃ ᐊᑐᖁᔭᖏᓐᓂᑦ ᐊᖏᔪᖅᑳᖓᑕ ᐋᓐᓂᐊᓇᖕᖏᑦᑐᓕᕆᔨᒃᑯᑦ.
ᖃᐅᒪᓂᖅ ᐅᓪᓗᒃᑯᑦ ᑭᐱᖕᖑᐃᔭᕐᓂᖅ ᓯᓚᒥ ᐊᑐᖅᑕᐅᓛᖅᑐᖅ, ᐊᓯᐊᒍᑦ ᐅᑭᐅᒃᑯ ᐱᖕᖑᐊᕐᕕᐊᓗᒻᒥᑦ ᐊᑐᕈᓐᓇᓛᕐᓂᖏᑦ ᐊᓇᕝᕕᖏᓐᓂᑦ ᐊᒻᒪ ᓱᓇᒃᑯᑖᒥᓂᒃ ᓴᓂᕐᕙᐃᓯᒪᒍᓐᓇᓛᖅᑐᑦ.
ᐅᓪᓗᒃᑯᑦ ᑭᐱᖕᖑᐃᔭᖃᑦᑕᓛᖅᑐᑦ ᐅᓪᓘᑉ ᐊᕝᕙᖓᓂᑦ ᐊᒡᒍᕐᓯᒪᓗᑎᒃ ᐅᓪᓛᒃᑯᑦ ᐊᒻᒪ ᐅᓐᓄᓴᒃᑯᑦ. ᓱᕈᓰᑦ ᐊᑎᓕᐅᕈᑎᐅᔪᓐᓇᖅᑐᑦ ᐅᓪᓛᒧᑦ ᐅᕝᕙᓘᓐᓃᑦ ᐅᓐᓄᓴᒧᑦ, ᑭᓯᐊᓂ ᑕᒪᒃᑭᕈᓐᓇᓛᖏᑦᑑᒃ, ᐊᒥᓲᓂᕐᓴᓂᑦ ᑭᐱᖕᖑᐃᔭᕈᓐᓇᖅᑐᖃᓛᕐᒪᑦ ᐊᕐᕌᒍᑦᑎᓐᓂ. ᐊᑐᓂ ᑲᑎᖕᖓᔪᑦ ᓱᕈᓰᑦ ᐊᒥᓲᓂᖃᕈᓐᓇᓛᖅᑐᑦ ᐊᕙᑎᓂᑦ (20) ᓱᕈᓯᓂᑦ ᐊᕐᕌᒍᓕᓐᓂᑦ 6−ᓂᑦ 12−ᓄᑦ.
ᐅᓪᓗᒃᑯᑦ ᑭᐱᖕᖑᐃᔭᕐᓂᐅᓛᖅᑐᖅ ᐊᑐᖅᑕᐅᓛᖅᑐᖅ ᓇᒡᒋᔾᔭᐅᒥᑦ ᑕᓪᓕᒥᕐᒧᑦ. ᐅᓪᓛᑰᖅᑐᖅ ᐱᒋᐊᖅᐸᓛᖅᑐᖅ 8−ᒥ 12−ᒧᑦ ᐅᓪᓗᒃᑯᑦ; ᐅᓐᓄᓴᒃᑰᖅᑐᖅ 1−ᒥᑦ 5−ᒧᑦ ᐅᓐᓄᓴᒃᑯᑦ. ᕿᑐᕐᖓᓖᑦ ᐊᑎᓕᖁᕈᓐᓇᓛᖅᑐᑦ ᕿᑐᕐᖓᒥᓂᒃ ᐱᓇᓱᐊᕈᓰ ᐊᑕᐅᓯᐅᓈᖅᑎᐸᓪᓗᒋᑦ ᐊᐅᔭᓕᒫᖅ. ᓯᕗᓪᓕᐅᓛᖅᑐᑦ ᐱᒋᐊᓛᖅᑐᑦ ᔪᓚᐃ 6 ᐊᑎᓕᐅᖅᐸᓪᓕᐊᓕᕐᓗᑎᒃ ᔪᓂ 29 ᐅᓐᓄᓴᒃᑯᑦ 1:30−ᐸᑦ. ᐱᓇᓱᐊᕈᓯᑕᒫᑦ ᐊᑎᓕᐅᕈᓐᓇᐸᓐᓂᐊᖅᑐᑦ ᑕᓪᓕᒥᕐᒥ ᓯᕗᓂᐊᒍᑦ ᓇᒡᒋᔾᔭᐅᒥ ᑭᐱᖕᖑᐃᔭᕆᐊᓚᐅᖏᓐᓂᖏᓐᓂ.
ᐊᑎᓕᐅᕈᑏᑦ $25 ᐱᓇᓱᐊᕈᓯᖅ ᐊᑕᐅᓯᕐᒧᑦ ᐅᓪᓘᑉ ᐊᕝᕙᖓᓄᑦ. ᓴᓇᒋᐊᓕᒃ ᐱᓕᕆᔾᔪᑎᒥᑦ ᐊᑭᖃᖕᖏᑦᑐᒥᑦ Max Galaxy−ᖁᑦ ᐊᒻᒪ ᐊᑎᓕᐅᕐᓗᓂ ᖃᕋᑕᐅᔭᒃᑯᑦ ᐅᕗᖓ https://cityofiqaluitrecreation.maxgalaxycanada.net/Home.aspx.
ᐃᑲᔪᖅᑕᐅᒍᓐᓇᖅᑐᑦ ᐅᖄᓚᓗᑎᒃ 867−979−5611 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᓗᑎᒃ ᐅᕗᖓ recreation@iqaluit.ca.
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᕚᓐ ᓂᐅᓪᓴᓐ
ᐱᖕᖑᐊᖅᑐᓕᕆᔨᒃᑯᑦ ᐱᓕᕆᐊᑦᓴᓂᑦ ᑐᑭᒧᐊᑦᑎᑦᑎᔨᖓᑦ
ᓄᓇᓕᐸᐅᔭᐃᑦ ᐃᖃᓗᐃᑦ
867−975−8505
