ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᓇᐅᕕᒃ ᒪᑐᐃᒃᑲᓐᓂᓛᓕᖅᑐᖅ ᓇᒡᒋᔾᔭᐅᒥ, ᔪᓂ 22
ᔪᓂ 22, 2020 – ᐃᖃᓗᐃᑦ, ᓄᓇᕗᑦ
ᐃᖃᓗᓐᓂ ᐱᖕᖑᐊᖅᑐᓕᕆᔨᒃᑯᑦ ᖁᕕᐊᒋᓪᓗᒍ ᐅᖃᐅᓯᖃᕈᒪᓕᕐᒥᔪᑦ ᐊᓇᐅᕕᒃ ᒪᑐᐃᒃᑲᓐᓂᓛᓕᕐᒥᒻᒪᑦ ᓇᒡᒋᔾᔭᐅᒥ, ᔪᓂ 22. ᐱᖕᖑᐊᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐅᐸᓗᖓᐃᔭᐃᕙᓪᓕᐊᓂᐊᖅᑐᑦ ᐊᓇᐅᕕᒻᒥᑦ ᓇᒡᒋᔾᔭᐅᑉ ᐅᓪᓛᖓᓂ ᑕᕐᓴᓕᕐᓱᐃᓗᑎᒃ ᐃᓗᐊᓂᑦ ᐊᓇᐅᕕᐅᑉ ᐊᑦᑕᓇᔾᔭᐃᕐᕆᐊᕐᓗᒍ ᐊᒻᒪ ᐱᖕᖑᐊᕐᕕᐅᔪᓐᓇᕐᓯᖁᓪᓗᒍ.
ᑕᐃᒃᑯᐊ ᐊᑐᖅᑐᐊᕈᒪᕙᓐᓂᐊᖅᑐᑦ ᐊᓇᐅᕕᒻᒥᑦ ᑐᑦᓯᕋᕈᓐᓇᖅᑐᑦ ᖃᖓᒃᑯᑦ ᐊᑐᖅᑕᐅᖅᑕᐅᔪᓐᓇᕐᒪᖔᖅ ᐱᖕᖑᐊᖅᑐᓕᕆᔨᒃᑯᑦ ᑐᑭᓯᒋᐊᕐᕕᖓᓂᑦ ᖃᕋᑕᐅᔭᒃᑯᑦ ᐅᕙᓃᑦᑐᒥᑦ: https://cityofiqaluitrecreation.maxgalaxycanada.net/Home.aspx. ᐊᑭᖃᖕᖏᑦᑐᒥᑦ Max Galaxy ᖃᕋᑕᐅᒃᑰᕈᓐᓇᐅᑎᒥᑦ ᐱᖃᕆᐊᖃᕐᓂᐊᖅᑐᑦ ᐃᓂᑦᓴᓕᐅᕈᒪᒐᔭᖅᑐᑦ. ᖃᐅᔨᒋᐊᖁᔪᖅ ᐅᕗᖓ 979−5611 ᐃᑲᔪᖅᑕᐅᔪᒪᓐᓂᕈᕕᑦ, ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ recreation@iqaluit.ca.
ᐃᓅᖃᑎᒥᑦ ᖃᓂᑦᓴᕆᐊᖃᖏᓂᕐᒥᑦ ᐱᓕᕆᔾᔪᑎᐅᔪᑦ ᐊᒻᒪ ᓄᕙᕐᔪᐊᕐᓇᖅ−19 ᐅᓗᕆᐊᓇᕐᓂᖏᓐᓂᑦ ᒥᑭᓪᓕᑎᕆᔾᔪᑎᓂᑦ ᐊᑐᐊᒐᐃᑦ ᐊᑐᓕᖅᑎᑕᐅᓯᒪᔪᑦ ᐊᖏᔪᖅᑳᖓᓐᓄᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᐊᑐᖅᑕᐅᖏᓐᓇᖅᑐᑦ. ᐊᑐᖅᑕᐅᒋᐊᓖᑦ ᐊᓯᔾᔨᕈᓐᓇᕐᒥᔪᑦ ᐊᓯᔾᔨᕆᐊᖃᓕᕐᓂᖅᐸᑕ.
ᓄᓇᓕᕐᒥᐅᑕᐃᑦ ᐃᖅᑲᐃᑎᑕᐅᒋᕗᑦ ᐳᔫᓚᑦᑎᒋᐊᖃᖕᖏᒻᒪᑦ ᐊᒻᒪ ᑎᒻᒥᑳᔫᓂᑦ ᐊᑐᕆᐊᖃᖕᖏᒻᒪᑦ ᐃᖃᓗᓐᓂ ᐱᖕᖑᐊᖅᑐᓕᕆᔨᒃᑯᑦ ᐱᖁᑎᖃᕐᕕᖏᓐᓂ. ᐃᒥᐊᓗᖃᕆᐊᖃᖕᖏᒻᒥᔪᖅ ᐴᕐᒥᑦᒥᑦ ᐱᓯᒪᒐᓂ.
ᐃᖅᑲᐃᑎᑦᓯᔾᔪᑎ ᕿᒻᒥᖃᖅᑎᓄᑦ, ᕿᒻᒦᑦ ᐃᓗᐊᓃᖏᐊᖃᖕᖏᑦᑐᑦ 5 ᒦᑕᐃᑦ ᐊᕙᑎᖏᓐᓂ ᐱᖕᖑᐊᕐᕖᑦ ᐅᕝᕙᓘᓐᓃᑦ ᓯᓚᒥ ᐱᖕᖑᐊᕐᕖᑦ. ᑕᒪᑦᓱᒥᖓ ᒪᓕᒋᐊᓕᒻᒥᑦ ᓱᕋᐃᔪᑦ ᐊᑭᓖᑎᑕᐅᔪᓐᓇᖅᑐᑦ $50−ᓂᑦ ᐅᕝᕙᓘᓐᓃᑦ $100−ᓂᑦ. ᕿᒻᒥᕆᔭᐅᔪᖅ ᐊᓇᖅᐸᑦ ᑭᒃᑯᑐᐃᓐᓇᐃᑦ ᐅᕝᕙᓘᓐᓃᑦ ᓇᖕᒥᓂᕆᔭᐅᔪᑦ ᐱᖁᑎᖃᕐᕕᖏᓐᓂ ᐊᓯᐊᑕ ᐃᓄᐊᑕ, ᐃᓄᐊ ᐲᕐᓯᒋᐊᓕᒃ ᐊᓇᕐᒥᒃ ᑕᕝᕙᓴᐃᓐᓇᖅ ᐅᕝᕙᓘᓐᓃᑦ ᐊᑭᓖᑎᑕᐅᓗᓂ $100−ᓂᑦ ᐅᕝᕙᓘᓐᓃᑦ $150−ᓂᑦ. ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᓂ ᐃᑉᐱᒍᓱᑦᑎᐊᖅᑐᑦ ᐱᖁᑎᖃᖅᑏᑦ ᒪᓕᒐᕋᓛᖅ.
ᐅᑭᐅᒃᑯᑦ ᐱᖕᖑᐊᕐᕕᐊᓗᐊ ᐃᓪᓘᑉ ᐃᓗᐊᓃᑦᑐᖅ ᒪᑐᓯᒪᐃᓐᓇᓂᐊᖅᑐᖅ ᐊᓯᐊᒍᑦ ᖃᓄᐃᓕᓚᐅᖏᓐᓂᖏᓐᓂ.
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-3216
