ᐊᖏᔫᑎᓂᑦ ᓴᓂᕐᓂᒃ ᓄᐊᑦᑎᓂᕐᒥᑦ ᐱᓕᕆᐊᑦᓴᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐊᖏᔫᑎᓂᑦ ᓴᓂᕐᓂᒃ ᓄᐊᑦᑎᓂᕐᒥᑦ ᐱᓕᕆᐊᑦᓴᖅ

ᔪᓂ 16, 2020 – ᐃᖃᓗᐃᑦ, ᓄᓇᕗᑦ

 

ᓯᑎᒃᑯᑦ ᖁᕕᐊᒋᓪᓗᒍ ᐅᖃᐅᓯᖃᕈᒪᓕᕐᒥᔪᑦ ᐊᕐᕌᒍᑕᒫᕐᓯᐅᑎ ᐊᖏᔫᑎᓂᑦ ᓴᓂᕐᓂᒃ ᓄᐊᑦᑎᓂᕐᒥᑦ ᐱᓕᕆᐊᑦᓴᖅ ᐊᑐᖅᑕᐅᓛᓕᕐᒥᒻᒪᑦ ᐱᓇᓱᐊᕈᓯᖓᓂ ᓇᒡᒋᔾᔭᐅᑉ, ᔪᓂ 22−ᒥᑦ ᑕᓪᓕᒥᕐᒧᑦ, ᔪᓂ 26, 2020.  ᑖᒃᑯᓇᓂ ᐅᓪᓗᕐᓂ ᓄᓇᓕᕐᒥᐅᑕᐃᑦ ᓴᓗᒻᒪᕐᓴᐃᒍᓐᓇᕐᓯᓛᖅᑐᑦ ᐊᖏᕐᕋᒥᓂᒃ ᐃᒋᐅᖅᑲᐃᓗᑎᒃ ᐊᖏᔫᑎᓂᑦ ᓴᓂᕐᓂᒃ ᐊᑦᓯᕕᒻᒧᑦ ᐃᑲᔪᖅᑕᐅᓗᑎᒃ ᓯᑎᒃᑯᑦ ᐃᖅᑲᓇᐃᔭᖅᑎᖁᑎᖏᓐᓂᑦ.

ᓄᓇᓕᕐᒥᐅᑕᐃᑦ ᐅᑯᓂᖓ ᐃᒋᑦᑐᒍᓐᓇᖅᑎᑕᐅᓂᐊᖅᑐᑦ:
 

• ᒪᕐᕉᓐᓂᒃ ᓱᓇᒃᑯᑖᓐᓂᒃ ᐊᖏᕐᕋᒥ (ᐅᐊᓴᕐᕕᒥᓂᖅ, ᐸᓃᕐᓯᕕᒥᓂᖅ, ᖁᐊᒃᑯᕕᒥᓂᖅ, ᖁᐊᖃᐅᑎᒥᓂᖅ, ᐅᕝᕙᓘᓐᓃᑦ ᐃᒐᒥᓂᕐᒥᑦ)

  ᐊᒻᒪ

   

• ᐱᖓᓱᓂᑦ ᐊᖏᕐᕋᐅᑉ ᐃᓗᐊᓂ ᐊᖏᔫᑎᓂᑦ ᓱᓇᒃᑯᑖᒥᓂᕐᓂᑦ ᐅᖁᒪᐃᓐᓂᖃᖅᑐᓂᑦ 50 ᐸᐅᓐᔅ ᐅᖁᒪᐃᓐᓂᕐᓴᓂᓪᓘᓐᓃᑦ, ᐊᒻᒪ ᐊᖏᓗᐊᖅᑐᓂᑦ ᐃᒋᑦᑎᕕᑐᐃᓐᓇᕐᒨᕐᓂᐊᕐᓗᒋᑦ ᕿᓂᖅᑕᒧᑦ.
  ᐅᑯᐊ ᐱᖃᓯᐅᔾᔭᐅᔪᓐᓇᖅᑐᑦ:
  • ᓱᓇᒃᑯᑖᑦ ᐃᓪᓗᒥ (ᐃᑦᓯᕙᐅᑕᑯᑖᒥᓃᑦ, ᐃᑦᓯᕙᐅᑕᒥᓃᑦᑦ, ᓵᒥᓃᑦ, ᐊᓪᓕᓂᒥᓃᑦ,

  ᐊᓯᖏᓪᓗ)
• ᓇᑎᒥᓃᑦ (ᒥᖅᑯᓖᑦ, ᓇᑎᕐᓄᑦ ᓂᕈᒻᒫᒃᑯᑏᑦ, ᐊᒻᒪ ᑎᒋᖓᔪᑦ ᓇᑎᑦᓴᐃᑦ), ᑲᑎᓯᒪᓗᒋᑦ

  ᐊᖏᓂᖏᒍᑦ 1.7 ᒦᑕᐃᑦ ᐊᒻᒪ 1 ᒦᑕ (5 ᐃᓯᒐᖕᖑᐊᑦ ᐊᒻᒪ 3 ᐃᓯᒐᖕᖑᐊᑦ) ᑕᑭᓂᖏᑦ  

  (ᐊᑕᐅᓯᖅ ᐃᒧᓯᒪᔪᖅ ᐃᓱᒪᒋᔭᐅᓂᐊᖅᑐᖅ ᐊᑕᐅᓯᖅ ᐃᓗᐃᑦᑐᖅ ᓴᓂᖅ)

• ᓱᓪᓗᓕᒥᓃᑦ ᑯᕝᕕᒥᓂᖏᑦ (ᐱᖃᓯᐅᑎᓗᒋᑦ ᖁᕝᕕᒥᓃᑦ)

• ᐄᒐᓛᒥᓃᑦ ᐊᒻᒪ ᑕᕐᕋᖅᑑᑎᒥᓃᑦ

 

ᐊᑏ ᐃᓘᓐᓇᑎᒃ ᐃᒋᑦᑐᑦᓴᐃᑦ ᓴᓂᐊᓅᖅᐸᓪᓗᒋᑦ ᓴᓂᒃᑯᕖᑦ ᑭᓯᐊᓂ ᐃᓛᒃᑰᖓᓗᒋᑦ ᓈᑦᓯᐅᖑᔭᒥ, ᔪᓂ 21, 2020.

ᐃᑉᐱᒋᒋᐊᖁᔪᖅ ᑭᓪᓕᒋᑎᑕᐅᔪᓂᑦ ᐱᖓᓲᒋᐊᖃᕐᓂᖏᓐᓂᑦ ᓴᓃᑦ ᐊᒻᒪ ᐋᖅᑭᓱᖅᐸᓪᓗᒋᑦ ᐃᒋᑕᐅᔪᓐᓇᖁᔭᐅᔪᑦ ᐅᑯᐊ ᒪᓕᓪᓗᒋᑦ:

 

• ᓴᓂᑐᐃᓐᓇᕐᓄᑦ ᑲᑎᖕᖓᖏᓪᓗᑎᒃ
• ᓄᐊᓯᒪᓗᒋᑦ ᓴᓃᑦ ᐃᓛᑰᑕᕐᓯᒪᓗᑎᒃ
• ᖁᒻᒧᑦ ᓄᐊᑦᓯᒪᖕᖏᓪᓗᒋᑦ

 

ᐃᖅᑲᓇᐃᔭᖅᑏᑦ ᐋᖅᑭᑦᓱᐃᓛᖅᑐᑦ ᐅᓪᓗᕐᓯᐅᑎᒥᑦ ᐃᖃᓗᐃᑦ ᐃᓗᐊᓂᑦ ᓄᐊᑦᑎᕕᒋᕙᓐᓂᐊᖅᑕᒥᓂᒃ ᓴᓂᕐᓂᒃ ᐱᓇᓱᐊᕈᓯᐅᑉ ᐃᓗᐊᓂ.  ᐃᓚᖏᑦ ᓴᓃᑦ ᕿᒪᑦᑕᐅᑐᐃᓐᓇᖃᑦᑕᓂᐊᖅᑐᑦ ᐅᓪᓘᑉ ᐊᓯᐊᓂ ᓄᐊᑕᐅᒐᔭᕐᓗᑎᒃ.

ᓱᓇᑐᐃᓐᓇᐃᑦ ᐃᒋᑕᐅᒋᐊᖃᖕᖏᑦᑐᑦ ᓅᑕᐅᖃᑦᑕᕆᐊᖃᕐᓂᐊᖅᑐᑦ ᓴᓂᒃᑯᕕᐅᑉ ᓴᓂᐊᓂᑦ (ᓲᕐᓗ ᐸᐃᓯᑰᑦ, ᐱᖕᖑᐊᑦ ᓱᕈᓯᕐᓄᑦ, ᓇᖕᒥᓂᕆᔭᐅᔪᑦ ᓱᓇᑐᐃᓐᓇᐃᑦ) ᐃᒋᑕᐅᑲᓪᓚᑕᖅᐱᐊᕐᒪᑕ ᓴᓂᐅᖏᒃᑯᑎᒃ.

ᐊᑏ ᖃᐅᔨᒪᒋᐊᕐᓂᐊᖅᐳᓯ ᑮᓇᐅᔭᓕᐅᖅᑎᐅᓂᖏᑦ ᓄᐊᑦᑎᕕᐅᓛᖏᒻᒪᑕ ᐊᖏᔫᑎᓂᑦ ᓴᓂᕐᓂᒃ (ᓲᕐᓗ ᓄᓇᓕᐅᑉ ᐃᓄᒋᐊᕝᕕᖏᓐᓃᑦᑐᑦ, ᑰᓕᐊᕆᐊᒥ, ᐊᒻᒪ ᖃᖅᑲᓕᐊᕆᐊᒥ ᐊᑐᕆᐊᕐᒥ).

 

ᐅᑯᐊ ᓄᐊᑕᐅᓛᖏᑦᑐᑦ ᐊᒻᒪ ᐊᑦᓯᕕᒻᒨᕈᔾᔭᐅᒋᐊᖃᖅᐸᓂᐊᖅᑐᑦ ᓇᖕᒥᓂᖅ:
 

• ᐅᐊᔭᒨᖅᑐᒥᓃᑦ (ᑎᕖᒥᓃᑦ, ᖃᕋᑕᐅᔭᒥᓃᑦ, ᐊᓯᖏᓪᓗ)

• ᐊᖏᕐᕋᒥ ᓴᓗᒻᒪᕐᓴᐃᑎᒥᓃᑦ ᐅᓗᕆᐊᓇᖅᑐᑦ ᓴᓃᑦ

• ᓄᓇᒃᑰᔫᓄᑦ ᐃᓚᒥᓃᑦ, ᐱᖃᓯᐅᔾᔭᐅᓗᑎᒃ ᓄᓇᒃᑰᔫᓂ ᐃᑦᓯᕙᐅᑕᒥᓃᑦ

• ᐊᑦᓴᓗᐊᒥᓃᑦ

• ᐊᔾᔨᒌᖏᑦᑐᑦ ᑲᑎᖕᖓᔪᑦ ᓴᕕᕋᔭᐃᑦ ᓴᓃᑦ

• ᐃᓪᓗᒥᓃᑦ ᐊᒻᒪ ᓱᕋᐃᔭᖅᑕᐅᓯᒪᔪᑦ ᓴᓃᑦ

• ᕿᔪᐃᑦ (ᐃᓪᓗᓕᐅᕈᑎᒥᓃᑦ/ᓱᕋᐃᔭᖅᑕᐅᓯᒪᔪᓂᑦ ᓴᓃᑦ, ᐃᓕᔾᔨᕕᒥᓃᑦ, ᐊᓪᓕᕋᒥᓃᑦᕿᔪᐃᑦ, ᐴᒥᓃᑦ ᕿᔪᐃᑦ, ᒪᑐᒥᓃᑦ, ᐊᓯᖏᓪᓗ)

• ᓴᕕᕋᔭᐃᑦ

• ᐳᓪᓚᖃᐅᑎᒥᓃᑦ

• ᐃᔾᔪᐃᑦ ᐊᒻᒪ ᐅᔭᖅᑲᐃᑦ

• ᐆᒪᔪᖁᑎᓂᑦ ᓴᓃᑦ

• ᐃᑦᑎᕐᕕᐅᔭᐃᑦ ᐸᐃᑉᐹᑦ ᑎᒋᖓᔪᑦ − ᐱᖃᓯᐅᔾᔭᐅᓯᒪᒌᖅᑐᑦ ᓇᔪᒐᓕᓐᓂᑦ ᓴᓂᕐᓂᒃ ᓄᐊᑦᑎᓂᐅᕙᑦᑐᓂᑦ ᖃᐅᑕᒫᑦ, ᐅᕝᕙᓘᓐᓃᑦ ᐊᑦᓯᕕᒻᒨᕈᔾᔭᐅᔪᓐᓇᖅᑐᑦ ᓇᖕᒥᓂᖅ

 

ᓄᓇᓕᕐᒥᐅᑕᐃᑦ ᓇᖕᒥᓂᖅ ᐃᒋᑦᑎᒋᐊᖅᑐᕆᐊᓖᑦ ᓴᓂᕐᒥᓂᒃ ᓄᐊᑕᐅᔪᓐᓇᖏᑦᑐᓂᑦ.

ᐃᓘᓐᓇᑎᒃ ᓴᓃᑦ ᓄᐊᑕᐅᔪᑦ ᐊᖏᔪᑎᓂᑦ ᓴᓂᕐᓂᒃ ᓄᐊᑦᑎᑎᓪᓗᒋᑦ ᐊᑦᓯᕕᒻᒨᖅᑕᐅᕙᓐᓂᐊᖅᑐᑦ.

ᓄᓇᓕᕐᒥᐅᑕᐃᑦ ᓴᓂᕐᓂᒃ ᒥᑭᓪᓕᒋᐊᖅᑎᑦᑎᔪᓐᓇᕐᒥᔪᑦ ᐊᑦᓯᕕᒻᒨᐸᑦᑐᓂᑦ, ᓂᐅᕕᐊᑦᓴᕆᓪᓗᒋᑦ, ᑕᐅᕐᓰᒍᑎᒋᓗᒋᑦ, ᐅᕝᕙᓘᓐᓃᑦ ᐱᓕᐅᑎᒋᕙᓪᓗᒋᑦ ᓱᓇᑐᐃᓐᓇᐃᑦ ᓱᕋᑦᓯᒪᖕᖏᑦᑐᑦ.

 

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5630
S.Avery@iqaluit.ca