ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᕙᕐᔪᐊᕐᓇᖅ-19 ᐊᒻᒪ ᓄᓇᓕᐸᐅᔭᐃᑦ ᐃᖃᓗᓐᓂ ᑐᓴᕋᑦᓴᑦ – ᐱᖕᖑᐊᕐᕖᑦ
ᔪᓂ 11, 2020 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᐱᓕᕆᖃᑎᖃᐃᓐᓇᖅᑐᑦ ᒐᕙᒪᒃᑯᑦ ᓄᓇᕗᒻᒥ ᐊᖏᔪᖅᑳᖓᓐᓂᑦ ᐋᓐᓂᐊᓇᖕᖏᑦᑐᓕᕆᓂᕐᒥᑦ ᖃᐅᔨᓴᖅᐸᓪᓕᐊᓂᒃᑯᑦ ᐊᒻᒪ ᐱᓕᕆᔾᔪᑎᖃᖅᐸᓂᒃᑯᑦ ᐊᑐᕆᐊᖃᖅᑕᒥᓂᒃ ᐱᔾᔪᑎᒋᓪᓗᒍ ᓄᕙᕐᔪᐊᕐᓇᖅ-19.
ᐱᓕᕆᔾᔪᑎᒋᓪᓗᒋᑦ ᐱᑐᐃᓐᓇᐅᖏᔾᔪᑎᓂᑦ ᖃᓱᐃᕙᓪᓕᐊᓂᐅᔪᖅ ᐊᖏᔪᖅᑳᖓᑎᒍᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ, ᐃᖃᓗᓐᓂ ᐱᖕᖑᐊᖅᑐᓕᕆᔨᒃᑯᑦ ᐱᓕᕆᖃᑎᖃᐃᓐᓇᖅᑐᑦ ᐋᓐᓂᐊᖃᕐᓇᖏᑦᑐᓕᕆᔨᒥᑦ ᐱᓕᕆᕝᕕᖁᑎᖏᓐᓂᑦ ᐅᑎᖅᑎᑦᑎᕙᓪᓕᐊᓂᒃᑯᑦ ᐊᐅᔭᒃᑯᑦ ᐱᓕᕆᐊᑦᓴᓄᑦ.
ᓯᑎᒃᑯᑦ ᐱᖕᖑᐊᕐᕕᖏᑦ ᒪᑐᐃᖅᑕᐅᕙᓪᓕᐊᓂᐊᖅᑐᑦ. ᓯᑎᒃᑯᑦ ᒥᕐᖑᐃᕐᓯᕕᖏᑦ, ᓯᓚᒥ ᐱᖕᖑᐊᕐᕕᖏᑦ, ᑐᓪᓕᓃᑦ ᐊᒻᒪ ᐃᓚᖏᑦ ᓯᓚᒥ ᑭᐱᖕᖑᐃᔭᕐᕕᐅᕙᑦᑐᑦ ᒪᑐᐃᖅᑕᐅᓯᒪᓕᖅᑐᑦ. ᐊᓇᐅᕕᒃ ᓂᕆᐅᒋᔭᐅᔪᖅ ᒪᑐᐃᓛᕆᐊᖓ ᑭᖑᓪᓕᖅᐹᖓᓂ ᐱᓇᓱᐊᕈᓯᕐᒥ ᔪᓂᒥ. ᐊᓇᐅᕕᒻᒧᑦ ᐅᓪᓗᖅ ᓇᓗᓇᐃᖅᑕᐅᓯᒪᒍᓐᓇᕐᓯᓛᖅᑐᖅ ᔪᓂ 19.
ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᒪᑐᓯᒪᐃᓐᓇᓂᐊᖅᑐᖅ ᐊᐅᔭᒥ.
ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥ ᓯᑯᖃᕐᕕᖓ ᐋᖅᑭᑦᓯᕕᐅᕙᓪᓕᐊᓕᖅᑐᖅ ᓇᑎᕆᓂᐊᖅᑕᖏᑦ ᐊᐅᔭᐅᓂᐊᖅᑐᖅ ᐱᖕᖑᐊᕐᕕᐅᒐᔭᖅᑐᖅ. ᐊᖏᔪᖅᑳᖓᓐᓄᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᐱᑎᑦᓯᓯᒪᓕᖅᑐᑦ ᐸᕐᓇᐅᑎᑦᓴᓂᑦ ᒪᑐᐃᖅᐸᓪᓕᐊᓂᕐᒧᑦ ᐃᓱᒪᑦᓴᕐᓯᐅᕈᑎᑦᓴᖏᓐᓂᑦ ᐊᒻᒪ ᓇᓗᓇᐃᕐᓯᒐᔭᖅᑐᑦ ᐅᓪᓗᕐᓯᐅᑎᒥᑦ ᔪᓂ 19-ᒥ.
ᐊᖏᔪᖅᑳᖓᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᓱᓕ ᐊᖏᓚᐅᖏᑦᑐᖅ ᐊᐅᔭᐅᓂᐊᖅᑐᖅ ᑭᐱᖕᖑᐃᔭᐅᑎᓂᑦ. ᐸᕐᓇᐅᑎᓕᐅᖅᐸᓪᓕᐊᔪᑦ ᓱᓕ ᐊᓯᖏᓐᓂᑦ ᐱᓕᕆᔾᔪᑎᑦᓴᐅᔪᓐᓇᖅᑐᓂᑦ. ᐊᓯᖏᓐᓂᑦ ᑐᑭᓯᒋᐊᕈᑎᑦᓴᓂᑦ ᐅᖃᐅᓯᖃᓛᑐᐃᓐᓇᖅᑐᑦ ᐱᖕᖑᐊᖅᑐᓕᕆᔨᒃᑯᑦ ᐊᐅᔭᒃᑯᑦ ᑭᐱᖕᖑᐃᔭᐅᑎᖏᓐᓂᑦ ᐱᔾᔪᑎᖃᕐᓗᑎᒃ ᔪᓂ 22-ᒥ, 2020. ᐳᐃᔾᔪᕋᕐᕕᒻᒥ ᑭᐱᖕᖑᐃᔭᓛᖏᑦᑐᑦ ᐊᐅᔭᐅᓂᐊᖅᑐᖅ.
ᐳᐃᔾᔪᕋᕐᕕᖃᕐᕕᒃ ᒪᑐᐃᖅᐸᓪᓕᐊᓂᐊᕐᒥᔪᖅ. ᓯᕗᓪᓕᖅᐹᒥ ᒪᑐᐃᖅᐸᑦ ᐳᐃᔾᔪᕋᕆᐊᕈᓐᓇᓛᖅᑐᑦ, ᐃᖃᐃᓕᓴᕐᕕᖃᕐᕕᒃ ᒪᑐᐃᕋᔭᖅᑐᖅ ᑐᓪᓕᐊᓂ ᐱᓕᕆᔾᔪᑎᒥ. ᐅᓪᓗᕐᓯᐅᑎᖏᑦ ᓱᓕ ᓇᓗᓇᐃᖅᑕᐅᓯᒪᖕᖏᑦᑐᑦ ᖃᖓᒃᑯᑦ ᒪᑐᐃᕋᔭᕐᒪᖔᖅ, ᑭᓯᐊᓂᓕ ᐃᓱᒪᒋᔭᐅᔪᖅ ᐱᓕᕆᕝᕕᒃ ᒪᑐᐃᕋᔭᕐᓂᖓᓄᑦ ᐱᑐᐃᓐᓇᐅᖏᔾᔪᑎᖃᕐᓗᑎᒃ ᐊᒻᒪ/ᐅᕝᕙᓘᓐᓃᑦ ᐊᓯᔾᔨᕐᓯᒪᓗᑎᒃ ᐃᓄᑦᓴᖏᑦ ᔪᓚᐃ ᐱᒋᐊᕋᑖᖏᓐᓂ ᐅᓪᓗᕐᓂ. ᑐᑭᓯᒋᐊᖅᑎᑦᑎᒃᑲᓐᓂᓛᖅᑐᑦ ᒪᑐᐃᓛᕐᓂᖓᓂᑦ ᖃᖓᒃᑯᑦ ᐳᐃᔾᔪᕋᕐᕕᖃᕐᕕᒃ, ᐅᓪᓗᖏᑦ ᐅᖃᐅᓯᐅᒐᔭᖅᑐᑦ ᔪᓂ 26.
ᐱᔾᔪᑎᐅᓗᑎᒃ ᓴᓇᔭᐅᕙᓪᓕᐊᔪᑦ ᒪᒃᑯᑦᑐᒃᑯᕕᒻᒥ, ᐱᖕᖑᐊᕐᕕᒃ ᒪᑐᓯᒪᐃᓐᓇᓂᐊᖅᑐᖅ ᑕᖅᑭᕐᓂ ᔪᓂ ᐊᒻᒪ ᔪᓚᐃ. ᑭᓯᐊᓂ, ᐊᓯᖏᓐᓂᑦ ᓯᓚᒥ ᐱᓕᕆᐊᑦᓴᓂᑦ ᒪᒃᑯᑦᑐᓄᑦ ᐊᕐᕌᒍᓕᓐᓄᑦ 13-ᓂᑦ 18-ᓄᑦ ᐊᑐᐃᓐᓇᐅᓛᖅᑐᑦ ᐱᒋᐊᕐᓗᑎᒃ ᔪᓚᐃᒥ. ᐱᓕᕆᐊᑦᓴᓄᑦ ᐅᓪᓗᕐᓯᐅᑎ ᐊᑐᐃᓐᓇᐅᓛᖅᑐᖅ ᔪᓂ 26.
ᑲᓇᑕᐅᑉ ᐅᓪᓗᖓᓂ ᓇᓪᓕᐅᓂᕐᓯᐅᕐᓂᐅᔪᖅ ᐊᓯᔾᔨᕐᓯᒪᓛᕐᒥᔪᖅ ᐊᕐᕌᒍᑦᑎᓐᓂ ᐱᔾᔪᑎᒋᓪᓗᒍ ᖃᓂᒌᓗᐊᕆᐊᖃᖕᖏᓐᓂᖅ. ᑭᓯᐊᓂᓕ, ᓄᓇᒃᑰᔫᒃᑯᑦ ᐃᖏᕐᕋᔭᑦᑎᑕᐅᓛᖅᑐᑦ ᐊᑐᕆᐊᒃᑯᑦ ᓂᔾᔭᐅᓯᔭᖅᑏᑦ ᐊᒻᒪ ᒧᒥᖅᑏᑦ ᐱᖓᑦᓯᕐᒥ, ᔪᓚᐃ 1 ᐱᒋᐊᕐᓗᑎᒃ ᐅᓪᓗᒃᑯᑦ 11-ᒥ ᐅᓐᓄᓴᒧᑦ 3:30-ᒧᑦ. ᓄᓇᓕᕐᒥᐅᑕᐃᑦ ᐊᔭᐅᖅᑐᖅᑕᕗᑦ ᑕᑯᕋᓐᓈᓛᖁᓪᓗᒋᑦ ᓂᔾᔭᐅᓯᔭᖅᑐᓂᑦ ᓯᓚᒥ ᑭᓯᐊᓂ ᐊᖏᕐᕋᒥᓂᒃ ᖃᓂᒋᔭᖃᕐᓗᑎᒃ ᐊᒻᒪ ᑲᑎᖕᖓᕙᓪᓗᑎᒃ ᐃᓄᒋᐊᓗᐊᖅᐸᖏᓪᓗᑎᒃ ᑐᖔᓃᑉᐸᓪᓗᑎᒃ 25 ᑲᑎᖕᖓᔪᑦ. ᑮᓇᑉᐸᑦᓯᒪᖁᔪᑦ ᖃᓂᒌᑦᑕᓪᓗᑎᒃ ᑭᓯᐊᓂᐊᒍᓂ ᑐᖔᓂ 2 ᒦᑕᐃᑦ.
ᖁᔭᓕᑦᑎᐊᖅᑐᒍᑦ ᐃᓘᓐᓇᓯ ᑲᑐᔾᔨᖃᑎᒌᑦᑎᐊᓂᒃᑯᑦ ᐊᑐᕐᓂᓯᓐᓂᒃ ᐊᒻᒪ ᐅᑕᖅᑭᑦᓯᐊᓂᕐᓯᓐᓂᒃ ᐱᓕᕆᐊᖃᖅᐸᓪᓕᐊᑎᓪᓗᑕ ᐱᓕᕆᐊᑦᓴᓂᑦ ᐅᑎᖅᑎᑦᓯᓇᓱᐊᕐᓂᒃᑯᑦ ᐊᐅᔭᐅᓂᐊᖅᑐᒧᑦ.
ᑐᑭᓯᒋᐊᕐᕕᑦᓴᖅ ᐱᑦᑕᐃᓕᒪᑎᑦᑎᓂᕐᒥᑦ ᐱᓕᕆᔾᔪᑎᓂᑦ ᐅᕗᖓᕐᓗᓂ:
https://www.gov.nu.ca/health/information/covid-19-novel-coronavirus
ᑐᑭᓯᒋᐊᕐᕕᑦᓴᖅ ᓄᓇᓕᐅᑉ ᐊᓯᐊᓄᑦ ᓂᐅᕐᕈᓂᕐᒥᑦ ᐊᒻᒪ ᐊᑦᑐᐊᔪᓂᑦ ᐅᖃᐅᔾᔪᐃᔾᔪᑎᓂᑦ ᐅᕗᖓᕐᓗᓂ:
https://travel.gc.ca/travelling/advisories
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-3216
