ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑦᑕᓇᔾᔭᐃᕐᓯᒪᓂᖅ ᐊᑐᕆᐊᓂ ᐊᒻᒪ ᐊᑦᑕᓇᖕᖏᑦᑐᓂᑦ ᐃᓕᓴᕖᑦ ᑭᓪᓕᖏᑕ ᐃᓗᖏᓐᓂ ᐱᒋᐊᖅᑐᐃᓐᓇᐅᕙᑦᑐᑦ ᐊᑦᑕᓇᔾᔭᐃᕐᓯᒪᓪᓗᓂ ᓄᓇᒃᑰᔫᕐᓂᕐᒥᒃ
ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᑎᔪᒪᓕᕐᒥᔪᑦ ᓄᓇᒃᑰᔫᓂᑦ ᐊᖁᑉᐸᑦᑐᓂᒃ ᐅᑎᕐᓯᒪᓕᖅᑎᓪᓗᒋᑦ ᐃᓕᓐᓂᐊᖅᑏᑦ ᐊᑐᕆᐊᕗᑦ ᐊᒻᒪᑦᑕᐅᖅ ᐃᓕᓴᕖᑦ ᐊᒻᒪ ᓯᓚᒥ ᐱᖕᖑᐊᕐᕖᑦ ᐃᓄᖃᑦᑎᐊᕐᓂᐊᓕᕐᒥᒻᒪᑕ.
ᐊᑦᑕᓇᔾᔭᐃᕐᓯᒪᔪᑦ ᐊᑐᕆᐊᑦ ᐱᒋᐊᕈᑎᖃᖅᐸᑦᑐᑦ ᐊᑦᑕᓇᔾᔭᐃᕐᓯᒪᓗᓂ ᐊᖁᑉᐸᓂᕐᒥᑦ, ᒪᓕᑉᐸᓪᓗᓂ ᑎᑎᕋᕐᓯᒪᔪᓂᑦ ᖃᓄᑎᒋ ᓱᒃᑲᓂᖃᕐᓗᓂ ᐃᖏᕐᕋᒋᐊᓕᓐᓂᑦ ᒪᓕᒐᕐᓂᑦ ᐊᒻᒪᑦᑕᐅᖅ ᓱᒃᑲᐃᓂᕐᓴᐅᓗᑎᒃ ᐃᖏᕐᕋᕙᓪᓗᑎᒃ ᐃᓗᖏᓐᓂ ᐃᓕᓴᕖᑦ ᐊᒻᒪ ᓯᓚᒥ ᐱᖕᖑᐊᕐᕖᑦ ᐊᕙᑎᖏᓐᓂ ᐊᑐᖅᑐᒻᒪᕆᐅᕗᖅ ᐊᑦᑕᓇᖅᑐᒦᖁᓇᒋᑦ ᓱᕈᑦᓰᑦ ᐊᒻᒪ ᐊᓯᖏᑦ ᐊᑐᕆᐊᑦᑎᓐᓃᐸᑦᑐᑦ.
ᓄᓇᒃᑰᔫᖅᑎᐅᔪᑦ ᐊᖏᓂᖅᐹᒃᑯᑦ ᐅᓗᕆᐊᓇᕐᓂᖅᐹᖑᕙᑦᑐᑦ ᓱᕈᑦᓯᓄᑦ ᐊᑐᕆᐊᓂ ᐊᒻᒪ ᐱᒻᒪᕆᐅᕗᖅ ᖃᓄᖅ ᐊᖁᑉᐸᓐᓂᐅᔪᖅ ᓄᓇᒃᑰᔫᓂᑦ ᐊᒻᒪ ᐱᐅᓯᐅᕙᑦᑐᑦ ᐊᖁᑦᑎᓪᓗᒋᑦ ᓱᕈᑦᓯᓂᑦ ᐊᒻᒪ ᐊᓯᖏᓐᓂᑦ ᑭᒃᑯᑐᐃᓐᓇᕐᓂᑦ ᐊᑐᕆᐊᑦᑎᓐᓃᐸᑦᑐᓂᑦ ᐅᓗᕆᐊᓇᖅᑐᒦᑦᑎᑦᑎᑕᐅᓕᒪᕙᓪᓗᒋᑦ.
ᓯᑎᒃᑯᑦ ᐃᖅᑲᐃᑎᑦᑎᔪᒪᒋᕗᑦ ᐊᖁᑉᐸᑦᑐᓂᒃ ᐊᖁᒋᐊᖃᖅᐸᖏᒻᒪᑕ ᑎᒍᒥᐊᕐᓗᑎᒃ ᐅᕝᕙᓘᓐᓃᑦ ᐊᑐᕐᓗᑎᒃ ᑎᒍᒥᐊᕆᐊᖃᖅᐸᑦᑐᓂᒃ ᓱᓇᑐᐃᓐᓇᕐᓂᒃ, ᐅᕝᕙᓘᓐᓃᑦ ᐊᑐᕆᐊᖃᖕᖏᒻᒪᑕ ᑕᕐᕆᔭᐅᑎᐅᔮᖅᑐᓂᒃ ᑕᑯᑦᓴᐅᓗᓂ ᐊᖁᑎᒧᑦ, ᓇᓪᓕᑐᐃᓐᓇᑦᑎᐊᖅ ᐊᖁᑎᐅᕙᑦᑐᑦ ᖃᐅᔨᔭᐅᔪᑦ ᓱᕋᐃᓯᒪᓂᖏᓐᓂᑦ ᒪᓕᒐᕐᓂᑦ ᖃᓄᐃᓕᔭᐅᔪᓐᓇᕐᒪᑕ ᒪᓕᑦᑕᐅᓗᑎᒃ ᐊᑐᕆᐊᕐᓂ ᐃᖏᕐᕋᕙᑦᑐᑦ ᐊᑦᑕᓇᔾᔭᐃᕐᓯᒪᒋᐊᖃᕐᓂᖏᓐᓂᑦ ᐱᖁᔭᐅᑉ ᑎᑎᕋᕐᓯᒪᓂᖏᓐᓂᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᕌᑦ ᒪᒡᕗᐊᕐᑦ
ᓯᑎᒃᑯᑦ ᐊᓪᓚᑦᑎᖓᑦ
ᓄᓇᓕᐸᐅᔭᐃᑦ ᐃᖃᓗᐃᑦ
979-5600