ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ –
ᑲᑎᒪᔩᑦ ᑲᔪᓯᑎᑦᓯᔪᑦ 2018-ᒥ ᑕᒻᒪᕐᓯᒪᔪᕐᓯᐅᖅᑎᓄᑦ ᖃᐅᔨᓴᖅᑕᐅᑎᓯᒪᔪᓂᑦ ᑮᓇᐅᔭᓕᕆᔾᔪᑎᒥᓂᕐᓂᒃ
ᑲᑎᒪᔩᑦ ᑲᑎᒪᑎᓪᓗᒋᑦ ᐃᐳᕈ 23-ᒥ, 2019, ᒪᐃᔭ ᕆᐊᑦᕘᕐᓐ ᐊᒻᒪ ᑲᑎᒪᔨᐅᔪᑦ ᓈᒻᒪᑦᓴᓚᐅᖅᑐᑦ ᐊᒻᒪ ᑲᔪᓯᑎᑦᓯᓪᓗᑎᒃ ᓯᑎᒃᑯᑦ ᑕᒻᒪᕐᓯᒪᔪᕐᓯᐅᖅᑎᓄᑦ ᖃᐅᔨᓴᖅᑕᐅᓚᐅᖅᑎᓪᓗᒋᑦ ᑮᓇᐅᔭᓕᕆᔾᔪᑎᒥᓂᐅᔪᓂᑦ ᒪᓕᑦᑐᒋᑦ ᑎᑎᕋᕐᓯᒪᓂᖏᑦ ᓴᖅᑭᓚᐅᖅᑕᖏᑦ ᑲᑎᒪᔨ ᓴᐳᕐᑦ, ᐃᑦᓯᕙᐅᑕᖓᑕ ᑮᓇᐅᔭᓕᕆᓂᕐᒥᑦ ᑲᑎᒪᔨᕋᓛᑦ.
“2018-ᒥ ᑕᒻᒪᕐᓯᒪᔪᕐᓯᐅᖅᑎᓄᑦ ᖃᐅᔨᓴᖅᑕᐅᓚᐅᖅᑎᓪᓗᒋᑦ ᑕᑯᑦᓴᐅᑎᑦᓯᑦᓯᐊᖅᑐᑦ ᐱᓕᕆᐊᕆᓯᒪᔭᒻᒪᕆᒥᓂᖏᓐᓂᑦ ᐃᖅᑲᓇᐃᔭᖅᑎᖁᑎᑦᑕ, ᑎᓕᔭᐅᓯᒪᕙᑦᑐᑎᒃ ᓴᖕᖏᓂᖃᑦᓯᐊᖅᑐᓄᑦ ᓯᕗᓕᖅᑎᓄᑦ ᑲᑎᒪᔨᓂᑦ, ᑐᑭᒧᐊᑦᑎᑕᐅᓕᒃᑲᓐᓂᖅᑐᑎᒃ ᓯᑎᒃᑯᑦ ᑮᓇᐅᔭᖁᑎᖏᑦ,” ᐅᖃᖅᑐᖅ ᒪᐃᔭ ᕆᐊᑦᕘᕐᓐ.
ᑲᑎᒪᔨ ᓴᐳᕐᑦ, ᐃᑦᓯᕙᐅᑕᖓᑦ ᑮᓇᐅᔭᓕᕆᓂᕐᒥᑦ ᑲᑎᒪᔨᕋᓛᑦ ᐅᖃᕆᐊᓚᐅᖅᑐᖅ “ᐊᑦᓱᕉᕐᓇᐸᑦᑐᓂᑦ ᖃᓄᖅᑑᕈᑎᖃᖅᐸᑦᑐᑕ ᐊᒻᒪ ᑮᓇᐅᔭᓕᕆᔾᔪᑎᓂᑦ ᐸᕐᓇᐃᑦᓯᐊᐸᑦᑐᑕ 2018-ᒥ, ᓯᑎᒃᑯᑦ ᐊᑭᓕᑦᓴᖃᕈᓐᓃᑲᓴᑦᓯᐊᓚᐅᖅᑐᑦ 2018-ᒥ. ᓴᓂᓕᕆᐅᑎᓄᑦ ᐱᓕᕆᔾᔪᑎᒍᑦ 2018-ᒥ ᐊᑭᓕᑦᓴᐅᓚᐅᖅᑐᑦ $76,280-ᖑᓪᓗᑎᒃ $1,564,614-ᖑᓚᐅᖅᑐᑎᒃ 2017-ᖑᑎᓪᓗᒍ. ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᐱᓕᕆᔾᔪᑎᐅᔪᑦ ᐊᑭᓕᑦᓴᐃᑦ ᒥᑭᓪᓕᒋᐊᓚᐅᖅᑐᑦ 2018-ᒥ $592,000-ᖑᓕᖅᑐᑎᒃ $2,350,883-ᓚᐅᖅᑐᑎᒃ 2017-ᒥ. ᖁᕝᕙᒋᐊᓚᐅᖅᑎᓪᓗᒋᑦ ᓴᓂᓕᕆᐅᑎᓄᑦ ᐊᑭᓕᐅᑎᐅᕙᑦᑐᑦ, ᐊᒻᒪ ᒥᑭᓪᓕᕙᓪᓕᐊᓂᐊᖅᑐᑦ ᓇᔪᒐᓖᑦ ᐃᒥᕐᒧᑦ ᐊᑭᓕᖅᐸᑦᑕᖏᓐᓄᑦ ᐃᑲᔫᑎᐅᕙᑦᑐᑦ, ᓯᑎᒃᑯᑦ ᑐᕌᒐᕆᔭᒥᓂᒃ ᑎᑭᑦᓯᓛᔾᔭᖕᖒᖅᑐᑦ ᐊᑭᓕᑦᓴᖃᕈᓐᓃᓯᐊᕐᓗᑎᒃ 2019-ᒥ. ᑕᒪᓐᓇᓕ ᐊᖏᔪᑲᓪᓛᓗᒻᒥᒃ ᐱᓕᕆᓂᐅᓂᐊᖅᑐᖅ ᐊᒻᒪ ᓯᑎᒃᑯᓐᓂᑦ ᑮᓇᐅᔭᑎᒍᑦ ᐊᑭᓕᕐᓱᐃᔾᔪᑎᖃᕈᓐᓇᕐᓂᐊᓕᖅᑐᑦ ᐱᓕᕆᔾᔪᑎᑦᓴᐅᔪᓐᓇᖅᑐᓂᑦ ᑭᖕᖒᒪᔭᐅᔪᒻᒪᕆᓐᓂᑦ ᐱᐅᓯᑎᒋᐊᕈᑎᑦᓴᓂᑦ ᐱᔨᑦᓯᕋᐅᑎᒃᑯᑦ ᐊᒻᒪ ᒪᑭᒪᔾᔪᑎᒃᑯᑦ ᐱᓕᕆᔾᔪᑎᓂᑦ.”
ᓯᑎᒃᑯᑦ 2018-ᒥ ᑕᒻᒪᕐᓯᒪᔪᕐᓯᐅᖅᑎᓄᑦ ᖃᐅᔨᓴᖅᑕᐅᓯᒪᔪᑦ ᑮᓇᐅᔭᓕᕆᔾᔪᑎᒥᓂᖏᑦ ᑕᑯᔭᐅᔪᓐᓇᖅᑐᑦ ᓯᑎᒃᑯᑦ ᐃᑭᐊᖅᑭᕕᖏᓐᓂᑦ ᐅᕙᓂ, www.iqaluit.ca/city-hall/departments/corporate-services.
