ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 11/01/2019
ᐱᓇᓱᐊᕈᓯᐅᑉ ᓄᖕᖑᐊᓂ ᐱᓕᕆᔾᔪᑎᓂᑦ ᒪᑭᒪᔾᔪᑎᓂᑦ ᓴᓇᓂᐊᖅᑐᑦ ᐃᓪᓗᐊᓗᒻᒥ ᐃᓪᓗᐸᐅᔭᓂᑦ
ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐊᒻᒪ ᐳᓛᕆᐊᖅᐸᑦᑐᓂᑦ ᐃᓪᓗᐊᓗᒻᒥ ᐃᓪᓗᐸᐅᔭᓂᑦ, ᐱᖃᓯᐅᔾᔭᐅᓗᑎᒃ ᑎᓴᒪᐅᔪᖅᑐᓂᑦ (8) ᐊᒻᒪ ᐱᖓᓲᔪᖅᑐᓂᑦ ᓇᔪᒐᖃᕐᕕᐅᔫᒃ ᐃᓪᓗᐸᐅᔮᒃ, ᐱᓕᕆᕝᕕᓐᓂᑦ ᐊᓪᓚᕝᕕᖃᐅᖅᑐᖅ ᑎᑎᖅᑲᓂᐊᕐᕕᒥᓂᖅ, ᐊᒻᒪᑦᑕᐅᖅ ᑐᔪᕐᒥᕕᒃ, ᐱᔭᕇᖅᑕᐅᖁᓪᓗᒋᑦ ᐱᓕᕆᔾᔪᑎᓂᑦ ᒪᑭᒪᔾᔪᑎᓂᑦ ᓴᓇᔭᐅᔪᑦ ᐃᒥᕐᒧᑦ ᓱᓪᓗᓕᒻᒪᕆᐅᑉ ᐃᓚᖓ ᐊᑦᑐᐊᓯᒪᔪᖅ ᐃᓪᓗᐊᓗᒻᒥᐅᑕᓂᑦ, ᐃᖅᑲᓇᐃᔭᖅᑏᑦ ᑕᑉᐱᑲᓂ ᓴᓇᓂᐊᖅᑐᑦ ᐱᓇᓱᐊᕈᓯᐅᑉ ᓄᖕᖑᐊᓂ.
ᓯᑎᒃᑯᑦ ᑳᓐᑐᕌᑎᒍᑦ ᐃᖅᑲᓇᐃᔭᖅᑎᑖᕐᓯᒪᔪᑦ ᐳᐊᕐᕆᔭᕐᓂᐊᖅᑐᓂᑦ ᐊᕙᑎᐊᓂᑦ ᐊᑐᕆᐊᑉ ᐃᓪᓗᐊᓗᒻᒨᖓᔫᑉ. ᓱᓪᓗᓕᒃ ᓴᖅᑭᑉᐸᑦ, ᐃᖅᑲᓇᐃᔭᖅᑏᑦ ᖃᐅᔨᒪᓂᕐᓴᐅᓕᕐᓂᐊᕐᒪᑕ ᑭᓯᐊᓂ ᖃᓄᑎᒋ ᓴᓇᔭᕆᐊᖃᕐᒪᖔᖅ ᓴᓇᔭᕆᐊᓕᒃ, ᐊᒻᒪ ᖃᓄᑎᒋ ᐅᓪᓗᕐᓯᐅᑎᒍᑦ ᓴᓇᒋᐊᕆᐊᖃᕐᓂᐊᕐᒪᖔᖅ ᐅᕝᕙᓘᓐᓃᑦ ᓴᓇᔭᐅᔭᕆᐊᖃᕐᓂᐊᕐᒪᖔᖅ.
ᓯᑎᒃᑯᑦ ᑐᓴᖅᑎᑦᓯᓛᖅᑐᑦ ᖃᓄᖅ ᓴᓇᔭᐅᔭᕆᐊᖃᕐᓂᐊᕐᒪᖔᖅ ᐅᓐᓄᓴᖓᓂ ᓯᕗᓂᐊᓂᓘᓐᓃᑦ 5-ᒨᖅᐸᑦ, ᓈᑦᓯᐅᖑᔭᒥ, ᔮᓐᓄᐊᕆ 13, 2019.
ᓯᑎᒃᑯᑦ ᖁᔭᓐᓇᒦᖅᑐᑦ ᐃᓕᑦᓯᓐᓂᑦ ᑐᑭᓯᐊᑦᓯᐊᓂᕐᓯᓂᑦ ᐊᒻᒪ ᐃᑲᔪᕐᓱᐃᓂᕐᓯᓐᓂᑦ.
Notice: