ᓯᑎᒃᑯᑦ ᑲᑎᒪᔨᖏᑦ ᑲᔪᓯᑎᑦᓯᕗᑦ 2019-ᒥ ᑮᓇᐅᔭᓂᑦ ᐊᑐᖅᑐᑦᓴᓂᑦ

ᓯᑎᒃᑯᑦ ᑲᑎᒪᔨᖏᑦ ᑲᔪᓯᑎᑦᓯᕗᑦ 2019-ᒥ ᑮᓇᐅᔭᓂᑦ ᐊᑐᖅᑐᑦᓴᓂᑦ
ᓅᕖᐱᕆ 27, 2018 (ᐃᖃᓗᐃᑦ, ᓄᓇᕗᑦ) - ᑭᒡᒐᑐᖅᑐᒋᑦ ᓯᑎᒃᑯᑦ ᑲᑎᒪᔨᖏᓐᓂᑦ, ᒪᐃᔭ ᕆᐊᑦᕘᕐᓐ ᐅᖃᐅᓯᖃᖅᑲᐅᔪᖅ ᐅᓐᓄᒃ ᓯᑎᒃᑯᑦ ᑲᔪᓯᑎᑦᓯᖅᑲᐅᒻᒪᑕ 2019-ᒥ ᐊᐅᓚᑦᓯᔾᔪᑎᓄᑦ ᑮᓇᐅᔭᓂᑦ ᐊᑐᖅᑐᑦᓴᓂᑦ ᐊᒻᒪ ᐊᑭᑐᔪᓄᑦ ᑮᓇᐅᔭᐃᔭᐅᑎᑦᓴᓂᑦ ᐸᕐᓇᐅᑎᒥᑦ.
“ᓯᑎᒃᑯᑦ ᑲᑎᒪᔨᖏᑦ ᖁᕕᐊᒋᓪᓗᒋᑦ ᑲᔪᓯᑎᑦᓯᕗᑦ 2019-ᒥ ᑮᓇᐅᔭᓂᑦ ᐊᑐᖅᑐᑦᓴᓂᑦ, ᓇᓕᒧᐃᑎᕆᓂᒃᑯᑦ ᐱᓕᕆᔾᔪᑎᐅᓚᐅᖅᑐᖅ ᐃᑲᔫᑎᐅᓇᓱᐊᖅᑐᑎᒃ ᒪᑭᒪᔾᔪᑎᓂᑦ ᐱᓕᕆᔾᔪᑎᓂᑦ ᐊᑭᓕᑦᓴᐃᔭᐅᑎᓂᑦ ᐊᒻᒪ ᐊᑭᓕᕆᐊᓕᓐᓂᑦ ᐱᔨᑦᓯᕋᕈᑎᓄᑦ ᑭᖕᖒᒪᔭᐅᔪᓂᑦ ᐃᓄᒋᐊᑦᓯᕙᓪᓕᐊᑐᐃᓐᓇᖅᑐᓄᑦ ᐃᓄᓐᓄᑦ,” ᐅᖃᖅᑐᖅ ᒪᐃᔭ ᕆᐊᑦᕘᕐᓐ.
ᓯᑎᒃᑯᑦ ᑮᓇᐅᔭᐃᑦ ᐊᑐᖅᑐᑦᓴᖏᑦ ᑐᕌᒐᖃᖅᑐᑦ ᐸᕐᓇᐅᑎᒍᑦ ᓯᕗᓪᓕᐅᔾᔭᐅᖁᔭᐅᓯᒪᔪᓂᑦ ᐱᖃᓯᐅᑎᓪᓗᒍ ᑮᓇᐅᔭᓕᕆᔾᔪᑎᒍᑦ ᐱᓕᕆᑦᓯᐊᐸᓐᓂᖅ ᐸᕐᓇᐅᑎᓕᐅᖅᐸᓪᓗᓂ ᓄᖑᓴᐃᑎᑦᓴᓂᑦ ᐊᑭᓕᑦᓴᓂᑦ, ᓴᖅᑮᓯᒪᕙᓪᓗᑎᒃ ᐱᓕᕆᔾᔪᑎᑦᓴᑦᓯᐊᕙᐅᔪᓐᓇᖅᑐᓂᑦ, ᓇᓕᒧᓯᒪᔪᓂᑦ ᐱᓕᕆᔾᔪᑎᑦᓴᓂᑦ ᓇᓗᓇᐃᕐᓯᒪᓇᓱᑉᐸᓪᓗᑎᒃ ᓯᑎᒃᑯᑦ ᐊᐅᓚᑦᓯᔾᔪᑎᖏᑦ ᐊᑐᖅᑕᐅᔪᓐᓇᖁᓪᓗᒋᑦ ᐅᓗᕆᐊᓇᖅᑐᒦᑉᐸᖏᓪᓗᑎᒃ ᐊᒻᒪ ᐱᕙᓪᓕᐅᑎᑦᓯᐊᕙᑦᑐᒃᑯᑦ ᓈᒻᒪᓯᐊᖅᐸᓪᓗᑎᒃ ᓱᓇᒃᑯᑖᖁᑎᖏᑦ ᐊᒻᒪ ᐃᖅᑲᓇᐃᔭᖅᑎᖁᖏᑦ.
ᓯᑎᒃᑯᑦ ᓱᓕ ᐱᓕᕆᐊᖃᐃᓇᓂᐊᖅᑐᑦ ᐃᒥᓕᕆᔾᔪᑎᓂᑦ ᓴᓇᕙᓪᓗᑎᒃ, ᐸᕐᓇᐃᓯᓐᓈᕐᓗᑎᒃ ᐊᕐᕌᒍᒐᓴᓄᑦ, ᒪᑭᒪᔾᔪᑎᐅᔪᓐᓇᓯᐊᖅᑐᓂᑦ ᐃᒥᖅᑕᕕᑦᓴᓂᑦ ᓇᑭᑐᐃᓐᓇᖅ. ᐱᐅᓯᑎᒋᐊᕐᓗᒋᑦ ᖃᕋᑕᐅᔭᓕᕆᔾᔪᑎᖏᑦ, ᓴᓇᒋᐊᖅᐸᓪᓗᓂᒋᑦ, ᐊᒻᒪ ᐱᐅᓯᑎᒋᐊᒃᑲᓐᓂᕐᓗᒋᑦ ᐃᓯᕈᑎᖏᓐᓂᑦ ᐃᓪᓗᓄᑦ.
ᐃᓚᒋᔭᐅᓗᑎᒃ ᓇᓕᒧᓯᒪᑦᓯᐊᖅᑐᓂᑦ ᐱᓕᕆᔾᔪᑎᑦᓴᓄᑦ, 2019-ᒥ ᑮᓇᐅᔭᐃᑦ ᐊᑐᖅᑐᑦᓴᑦ ᐃᓱᒪᒋᔭᖃᕆᐊᕐᓯᒪᔪᑦ ᖃᐅᒪᓄᑦ ᐊᑭᓕᕆᐊᓕᓐᓂᑦ ᖁᕝᕙᒋᐊᓛᖅᑐᓂᑦ, ᐅᖅᑰᓴᐅᑎᓄᑦ ᐅᕐᓱᐊᓗᓐᓂᑦ ᐊᒻᒪ ᐃᖅᑲᓇᐃᔭᖅᑎᓂᑦ ᐊᑭᓕᕐᓱᐃᔾᔪᑎᓂᑦ ᖁᕝᕙᒋᐊᓛᖅᑐᓂᑦ ᒪᓕᑦᑐᒋᑦ ᑎᑎᕋᕐᓯᒪᔪᑦ ᐃᖅᑲᓇᐃᔭᖅᑎᓄᑦ ᐊᖏᕈᑎᒥ.
ᑮᓇᐅᔭᐃᑦ ᐊᑐᖅᑐᑦᓴᓂ ᐱᓪᓗᐊᑕᖏᑦ ᐱᖃᓯᐅᔾᔭᐅᓯᒪᔪᑦ: - ᖁᕝᕙᒋᐊᕈᑎᑦᓴᐃᑦ ᓴᓂᓕᕆᐅᑎᓄᑦ ᐊᑭᓕᖅᑕᐅᕙᑦᑐᑦ ᐱᔨᑦᓯᕋᖅᑕᐅᔪᓄᑦ, ᑕᖅᑭᒥ $12-ᓗᐊᓂᑦ ᖁᕝᕙᒋᐊᓛᖅᑐᑦ ᓇᔪᒐᖃᖅᑎᓄᑦ, ᓴᓂᓕᕆᐅᑎᓄᑦ
ᐱᓕᕆᔾᔪᑎᑦᓴᑦ ᐊᑭᓕᑦᓴᐃᔭᖁᓪᓗᒋᑦ, ᒪᓕᑦᑐᒋᑦ ᐊᑐᖅᑕᐅᖁᔭᐅᓯᒪᔪᑦ
ᓄᓇᓕᐸᐅᔭᐃᑦ, ᑕᐅᓐᖑᔪᑦ ᐊᒻᒪ ᕕᓕᔾᔨᓄᑦ ᐱᖁᔭᕐᒥ ᑎᑎᕋᕐᓯᒪᔪᑦ, ᐊᒻᒪᑦᑕᐅᖅ
ᑮᓇᐅᔭᐃᔭᕈᒪᓪᓗᑎᒃ ᑮᓇᐅᔭᓕᐅᕈᑎᒋᓂᐊᕐᓗᒋᑦ ᓱᓇᒃᑯᑖᖅᑖᕐᓗᑎᒃ ᐊᒻᒪ
ᐃᖅᑲᓇᐃᔭᖅᑎᑖᕐᓗᑎᒃ ᐱᐅᓯᑎᒋᐊᕈᑎᑦᓴᐅᔪᓐᓇᖅᑐᓂᑦ ᐱᔨᑦᓯᕋᕈᑎᓂᑦ;
- ᐊᑦᓯᓪᓕᒋᐊᖅᐸᓪᓕᐊᓗᑎᒃ ᓇᔪᒐᖃᖅᑎᓂᑦ ᐃᑲᔫᑎᐅᕙᑦᑐᑦ ᐃᒥᓕᕆᔾᔪᑎᓄᑦ
ᐊᑭᓕᕆᐊᓕᓐᓂᑦ, ᐃᑲᔫᓯᐊᖑᕙᑦᑐᑦ .013-ᓴᓂᑦ ᓖᑕ ᐊᑕᐅᓯᕐᒧᑦ
ᐱᑕᖃᕈᓐᓃᕐᓗᑎᒃ 0-ᓴᓄᑦ. ᐃᑲᔫᓯᐊᖑᕙᑦᑐᑦ ᓄᓇᕗᑦ ᒐᕙᒪᒃᑯᓐᓂᑦ
ᑮᓇᐅᔭᐃᔭᐅᑎᐅᖓᓛᖅᑐᑦ ᐃᒥᓕᕆᔾᔪᑎᓂᑦ ᐱᓕᕆᔾᔪᑎᑦᓴᓄᑦ;
- ᖁᕝᕙᒋᐊᕐᓗᑎᒃ ᐱᖁᑎᓄᑦ ᑖᒃᓰᔭᐃᔭᐅᑎᐅᕙᑦᑐᑦ 5-ᓴᓂᑦ, ᐊᑭᓕᕆᐊᓕᓐᓂᑦ
ᐃᑲᔫᑎᐅᖁᓪᓗᒋᑦ ᖁᕝᕙᒋᐊᓛᖅᑐᓄᑦ ᐊᒻᒪ ᓯᑎᒃᑯᑎᒍᑦ ᐱᔨᑦᓯᕋᐅᑎᖃᕈᒪᓪᓗᑎᒃ
ᐱᕙᓪᓕᐅᑎᑦᓯᐊᖅᑐᓂᑦ ᐊᒻᒪ ᐱᑦᓯᐊᖅᑐᓂᑦ.
- $43.4 ᒥᓕᐊᓂᑦ ᐊᑭᑐᔪᓄᑦ ᑮᓇᐅᔭᐃᔭᐅᑎᑦᓴᓄᑦ ᐸᕐᓇᐅᑎᒥᑦ, ᑖᒃᑯᐊᓕ
ᑮᓇᐅᔭᖃᖅᑎᑕᐅᕙᑦᑐᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᒪᑭᒪᔾᔪᑎᓄᑦ
ᐱᓕᕆᔾᔪᑎᑦᓴᓂᑦ, ᒑᓯᑖᕈᑎᒥᓂᕐᓂᑦ ᐅᑎᖅᑐᑦᓴᓂᑦ, ᓄᓇᕗᑦ ᒐᕙᒪᒃᑯᓐᓂᑦ
ᐃᓗᐃᒃᑲᕐᓂᑦ ᐱᓕᕆᔾᔪᑎᑦᓴᓂᑦ ᐊᒻᒪ ᓯᑎᒃᑯᑦ ᓴᓂᕐᕙᑦᓯᒪᔭᖏᓐᓂᑦ.
- ᐊᑭᑐᔪᓄᑦ ᑮᓇᐅᔭᐃᔭᐅᑎᑦᓴᓄᑦ ᐸᕐᓇᐅᑎᒥ ᐱᖃᓯᐅᔾᔨᓯᒪᔪᑦ ᓴᓇᒋᐊᕈᑎᑦᓴᑦ
ᐃᒥᓕᕆᔾᔪᑎᒥᑦ, ᓄᑖᒥᑦ ᓴᓂᓕᕆᕝᕕᑦᓴᒧᑦ, ᓴᓇᒋᐊᖅᑕᐅᓗᓂ ᓯᑎᒃᑯᑦ
ᐃᓗᕕᖃᕐᕕᖓ ᐊᒻᒪ ᑰᕝᕕᖏᑦ ᐊᒻᒪ ᐊᑐᕆᐊᖏᑦ. ᐱᖃᓯᐅᔾᔨᓯᒪᒻᒥᔪᑦ
ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᔾᔭᐃᒃᑯᑎᑦᓴᖏᓐᓂᑦ ᓄᓇᒃᑰᔫᓂᑦ ᐱᖃᓯᐅᑎᓪᓗᒍ
ᑐᐊᕕᕐᓇᖅᑐᓕᕆᔨᓄᑦ ᓄᓇᒃᑰᔫᑦᓴᖅ ᐊᒻᒪ ᐱᓲᑎᑲᓪᓚᒃ ᑎᓴᒪᓂᑦ ᐊᑦᓴᓗᐊᓕᒃ
ᓯᔾᔭᒥᑦ ᖃᐅᔨᓴᐅᑎᑦᓴᐅᒐᔭᖅᑐᒥᑦ; ᐊᒻᒪ
- ᓄᑖᒥᑦ ᓄᓇᓕᓐᓂ ᑭᓪᓕᓯᓂᐊᖅᑎᒧᑦ ᐃᖅᑲᓇᐃᔮᑦᓴᒥᑦ, ᐃᑲᔪᖅᑎᐅᒐᔭᕐᓗᓂ
ᐃᓄᑦᑎᑐᑦ ᑭᓯᐊᓂ ᐅᖃᕈᓐᓇᖅᑐᓂᑦ ᓄᓇᓕᕐᓂᒥᐅᑕᓂᑦ.
ᓄᑖᖅ ᑮᓇᐅᔭᐃᑦ ᐊᑐᖅᑐᑦᓴᑦ ᐊᑐᓕᓛᖅᑐᑦ ᔮᓐᓄᐊᕆ 1, 2019.
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑐᓴᒪᑎᑦᓯᓕᕆᔩᑦ ᐱᕙᓪᓕᐊᔪᓂᑦ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca