ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᑦᓴᓯᐅᖅᑐᑦ ᖃᑦᑎᕆᔨᒃᑯᑦ

ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᑦᓴᓯᐅᖅᑐᑦ ᖃᑦᑎᕆᔨᒃᑯᑦ
ᓅᕖᐱᕆ 21, 2018 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᕿᓂᓕᕐᒥᔪᑦ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᑦᓴᓂᑦ ᖃᑦᑎᕆᔨᓂᑦ ᐃᓚᒋᔭᐅᒐᔭᖅᑐᓂᑦ ᐃᖃᓗᓐᓂ ᖃᑦᑎᕆᔨᒃᑯᑦ ᐃᖅᑲᓇᐃᔭᖅᑎᖏᓐᓄᑦ.
ᐃᑲᔫᑎᑦᓴᐅᒐᔭᖅᑐᑦ ᑕᐃᒪᖕᖓᓕᒫᖅ ᐱᓕᒻᒪᓴᖅᐸᓐᓂᖅ, ᐃᓕᑕᕆᔭᐅᔾᔪᑎ ᐊᒻᒪ ᐱᔾᔪᓯᐊᖅᑎᑦᓯᓂᕐᒥᑦ ᐱᓕᕆᐊᑦᓴᖅ, ᐃᓅᖃᑎᒌᓐᓄᑦ ᖃᓄᐃᓕᐅᕈᑎᕈᓘᔭᐃᑦ ᐊᒻᒪᑦᑕᐅᖅ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᓂᑦ ᓇᓪᓕᐅᒃᑯᒫᖃᖅᑎᑕᐅᓂᖅ ᐊᒻᒪ ᐃᓅᓯᒃᑯᑦ ᓇᓪᓕᐅᒃᑯᒫᖃᖅᑎᑕᐅᓂᖅ. ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᑦᓴᑦ ᐱᑎᑕᐅᕙᒻᒥᔪᑦ ᐊᓐᓄᕌᓂᑦ ᖃᑦᑎᕆᔨᓄᑦ ᐊᑐᖅᑕᐅᓲᓂᑦ ᐊᒻᒪ ᑎᒥᒧᑦ ᓴᐴᒻᒥᑦᓯᔾᔪᑎᑦᓴᓂᑦ.
ᐃᑲᔪᖅᑎᐅᔪᒪᔪᑦ ᐅᑯᓂᖓ ᒪᓕᒋᐊᓖᑦ:
 ᐊᕐᕌᒍᖃᕐᓗᑎᒃ 19-ᓂᑦ ᐊᖏᔪᑦᑎᐅᓗᑎᓪᓘᓐᓃᑦ;
 ᒍᓚᐃ 10-ᒥᑦ ᐃᓕᓐᓂᐊᕐᓂᖃᕐᓗᓂ ᐊᔾᔨᐸᓗᐊᓂᓪᓘᓐᓃᑦ;
 ᑲᓇᑕᒥᐅᑕᐅᓗᓂ;
 ᑎᒥᒃᑯᑦ ᐃᖃᐃᑦᓯᐊᕐᓗᓂ ᖃᑦᑎᕆᔨᓄᑦ ᐱᔭᑦᓴᕆᔭᐅᕙᑦᑐᓂᑦ ᐱᓕᕆᔪᓐᓇᖁᒧᑦ;
 ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᒋᓗᓂᐅᒃ;
 ᖃᐅᔨᓴᖅᑕᐅᒐᓗᐊᕈᓂ ᐃᓅᓯᖃᒍᑦ ᖃᓄᐃᑦᓴᖏᓪᓗᓂ;
 ᐊᑐᕈᓐᓇᖅᑐᒥᑦ ᐊᖁᑦᑐᖅᓯᐅᑎᖃᕐᓗᓂ;
 ᐃᑲᕐᕋᓂᑦ 150-ᓄᑦ ᑲᑎᑦᑐᒋᑦ ᐱᓕᒻᒪᑦᓴᕈᓐᓇᕐᓗᓂ, ᐊᕐᕌᒍᓕᒫᒥ;
 ᐱᓕᕆᔨᐅᑦᓯᐊᕙᐅᔪᓐᓇᕐᓗᓂ ᑕᑯᑦᓴᒃᑯᑦ ᐃᖃᓗᓐᓂ ᖃᑦᑎᕆᔩᑦ ᐱᓕᕆᕝᕕᖏᓐᓂ; ᐊᒻᒪ
 ᒪᓕᒍᓐᓇᕐᓗᓂᒋᑦ ᐊᐅᓚᑦᓯᔾᔪᑎᒍᑦ ᐱᓕᕆᔾᔪᑏᑦ, ᒪᓕᒐᐃᑦ ᐊᒻᒪ ᐊᑐᐊᒐᐃᑦ.
ᐃᑲᔫᖅᑎᐅᔪᒪᔪᑦ ᐱᔭᕇᕆᐊᓖᑦ ᑐᑦᓯᕋᐅᑎᒥᑦ ᑕᑕᑎᕆᐊᓕᒻᒥᑦ ᐱᔭᐅᔪᓐᓇᖅᑐᒥᑦ ᓯᑎᒃᑯᑦ ᐃᑭᐊᖅᑭᕕᖏᓐᓂᑦ ᐊᒻᒪᑦᑕᐅᖅ ᖃᑦᑎᕆᔨᒃᑯᓐᓂᑦ, ᐊᒻᒪ ᐸᔫᑎᒋᓗᒍ ᖃᑦᑎᕆᕕᒻᒧᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑐᓴᒪᑎᑦᓯᓕᕆᔩᑦ ᐱᕙᓪᓕᐊᔪᓂᑦ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca