ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᐃᖃᓗᒻᒥᐅᑕᐃᑦ ᐃᑲᔫᓯᐊᓂᐊᖅᑐᑦ ᐱᐅᓯᑎᒋᐊᖅᑕᐅᓯᒪᔪᒥᑦ ᐊᑦᑕᑯᓂᑦ ᐊᐅᓚᑦᑎᓂᕐᒧᑦ ᐊᑦᑕᐅᔪᒥᑦ
ᐃᖃᓗᐃᑦ, ᓄᓇᕗᑦ, ᔪᓚᐃ 20, 2018 – ᐅᓪᓗᒥᒨᖓᔪᑦ ᐃᓄᓐᓄᑦ ᐱᖁᑎᕐᔪᐊᑦ ᐃᑲᔪᖅᑐᐃᓪᓗᐊᑕᖅᑐᖅ ᐊᔾᔨᐅᖏᑦᑐᓂᑦ ᐱᔭᐅᔭᕿᐊᓕᓐᓂᑦ ᐅᑭᐅᑕᖅᑐᒥ ᓄᓇᓕᖏᓐᓄᓂᑦ. ᐱᓕᕆᑎᑦᑎᓂᖅ ᓯᓚᒧᑦ ᐱᐅᔪᓂᑦ ᐱᖁᑎᕐᔪᐊᓂᑦ ᓴᐳᒻᒥᑦᑎᔪᖅᐊᕙᑎᒥᑦ ᐊᒻᒪᓄ ᐃᑲᔪᖅᑐᐃᔪᑦᓄᓇᓕᒻᒥ ᑮᓇᐅᔭᓕᕆᓂᕐᒧᑦ ᐱᕕᔅᓴᐅᔪᓂᑦ, ᐊᑕᐅᑦᑎᒃᑰᑑᖃᑎᒌᑦᑐᑦ ᐱᐅᓯᑎᑦᑎᒋᐊᓂᕐᒥᑦ ᐃᓚᒌᓄᑦ ᑮᓇᐅᔭᓕᐊᓂᑦ, ᐃᖅᑲᓇᐃᔮᔅᓴᐅᔪᓐᓇᖅᑐᓂᑦ ᐊᒻᒪ ᐱᐅᓂᖓᓄᑦ ᐃᓅᓯᖅ ᓄᓇᖃᖅᑐᓄᑦ ᐊᒻᒪ ᐃᖅᑲᓇᐃᔭᖅᑐᓄᑦ ᐅᑭᐅᑕᖅᑐᒥ.
ᒪᓕᒐᓕᐅᑎᖅᔪᐊᖅ ᕗᕌᓐᓱᐊ−ᐱᓕᐸᐃ ᓵᒻᐸᐃᓐ, ᒥᓂᔅᑕ ᐱᖁᑎᕐᔪᐊᓕᕆᓂᕐᒧᑦ ᐊᒻᒪ ᓄᓇᓕᓐᓄᑦ; ᒪᓕᒐᓕᐅᖅᑎ ᓗᐊᓐ ᑯᓱᒐᖅ, ᒥᓂᔅᑕ ᓄᓇᓕᓐᓂᑦ ᒐᕙᒪᒃᑯᓂᓪᓗ ᐱᔨᑦᑎᕋᖅᑎᑯᓐᓂᑦ; ᐊᒻᒪ ᒪᕐᓕᓐ ᕆᐊᑦᕗᓐ, ᐅᐱᓐᓇᖅᑐᖅ ᒪᐃᔭ ᓄᓇᓕᐸᐅᔭᖓᓄ ᐃᖃᓗᐃᑦ, ᐅᓪᓗᒥ ᐅᖃᖅᑐᑦ ᖃᓂᒋᔭᐸᓗᖏᓐᓃᑦᑐᑦ $35 ᒥᓕᐊᓐ ᑲᑐᑎᔭᐅᓪᓗᓂ ᑮᓇᐅᔭᖃᖅᑎᑕᐅᓂᖅ ᐱᐅᓯᑎᒋᐊᕐᓗᒍ ᓄᓇᓕᐸᐅᔭᒃᑯᑦ ᑎᓯᔪᓄᑦ ᐊᑦᑕᑯᓄᑦ ᐊᐅᓚᑕᐅᓂᖏᓐᓄᑦ. ᒐᕙᒪᑐᖃᒃᑯᑦ ᑐᓂᓯᔪᑦ ᐅᖓᑖᓃᑦᑐᓂᑦ $26.2 ᒥᓕᐊᓂ ᑖᔅᓱᒧᖓ ᐱᓕᕆᐊᒧᑦ ᐊᒻᒪ ᓄᓇᓕᐸᐅᔭᒃᑯᑦ ᑐᓂᓯᓂᐊᖅᑐᑦᐅᖓᑖᓃᑦᑐᓂ $8.7 ᒥᓕᐊᓐ.
ᒐᕙᒪᑐᖃᒃᑯᓐᓂᑦ ᑮᓇᐅᔭᖃᖅᑎᑕᐅᓂᖅ ᓄᓇᓕᐸᐅᔭᒃᑯᓐᓄᑦ ᐃᖃᓗᐃᑦ ᓄᑖᒧᒥᑦ ᑎᓯᔪᓄᑦ ᐊᑦᑕᑯᓄᑦᐃᓪᓗᒧᑦ ᐱᓕᕆᐊᖅ ᐅᕙᓐᖔᖅᑐᖅ ᐱᓕᕆᑎᑦᑎᓂᕐᒧᑦ ᑲᓇᑕᒥ ᐱᖁᑎᕐᔪᐊᓄᑦ ᐸᕐᓇᐅᒻᒥᑦ, ᑐᓂᔭᐅᕙᓪᓕᐊᔪ ᓄᓇᕗᒻᒥ ᐊᖏᕈᑎᑎᒍᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐊᒻᒪ ᓄᓇᕗᑦ ᒐᕙᒪᒃᑯᑦ.
ᑖᓐᓇ ᐱᓕᕆᐊᖅ ᐱᖃᓯᐅᔾᔨᔪᖅ ᐊᓯᔾᔨᖅᑕᐅᓂᖓ ᓄᓇᓕᐸᐅᔭᒃᑯᑦ ᒫᓐᓇᐅᔪᒥᑦ ᐊᓯᔾᔨᕕᖓ, ᑎᑭᑦᑎᓯᒪᓕᖅᑐᖅ ᐊᑐᖅᑕᐅᔪᓐᓇᕐᓂᖓᓄᑦ. ᖁᔭᓐᓇᒦᖅᑐᒋᑦ ᑖᔅᓱᒧᖓ ᐱᓕᕆᑎᑦᑎᓂᕐᒧᑦ, ᓄᓇᓕᐸᐅᔭᖓᑦ ᐃᖃᓗᐃᑦ ᓄᑖᒥᑦ ᐊᔅᓯᕕᓕᐅᓂᐊᖅᑐᑦ ᐱᑕᖃᕆᐊᖃᖅᑐᒥᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᓄᓇᓕᒻᒧᑦ ᐊᒻᒪ ᓴᐳᒻᒥᔭᐅᓂᖓᓄᑦ ᐊᕙᑎᖓ. ᐱᓕᕆᐊᖅ ᐱᖃᓯᐅᔾᔨᔪᖅ ᐱᕙᓪᓕᐊᑎᑕᐅᓂᖓ ᓄᓂᑖᖅ ᐊᑐᒃᑲᓐᓂᕈᓐᓇᖅᑐᓂᑦ ᐊᒻᒪ ᐊᕙᑎᒧᑦ ᐱᐅᔪᒧᑦ ᐱᓕᕆᕕᑦ, ᓄᖑᓴᐃᑎᑦᑎᓂᕐᒧᑦ ᐊᒻᒪᓄᑖᑦ ᐊᑐᖅᑕᐅᔪᑦ ᐊᑦᑕᑯᓂᑦ ᓄᐊᑕᐅᔪᓂᑦ ᐊᖏᕋᖃᕐᕕᐅᔪᓄᑦ ᐱᓕᕆᕕᓐᓄᑦ ᐊᒻᒪ ᓇᒻᒥᓂᕆᔭᐅᕗᓄᑦ ᐊᑦᑕᑯᓄᑦ. ᑮᓇᐅᔭᖃᖅᑎᑕᐅᓂᖅ ᐊᑐᖅᑕᐅᓂᐊᕐᒥᔪᑦ ᐊᑐᕆᐊᖅ ᓴᓇᔭᐅᓂᖓᓄᑦ ᐊᔅᓯᕕᒻᒧᑦ ᐊᒻᒪ ᐊᑐᕈᓐᓃᖅᑎᑕᐅᓂᖓ ᒫᓐᓇᐅᔪᒥᑦ ᐊᔅᓯᕕᒃ.
ᑕᒪᓐᓇ ᓂᕆᐅᒋᔭᐅᓯᒪᒻᒪᕆᑦᑐᖅ ᐱᓕᕆᐊᖅ ᐃᑲᔪᕐᓂᐊᖅᑐᖅ ᐱᐅᓯᑎᑕᐅᒋᐊᕐᓗᓂ ᐊᐅᓚᓂᖓ ᐊᒻᒪ ᐊᑐᖅᑕᐅᓂᐊᖅᑐᓄᑦ ᑎᓯᔪᓄᑦ ᐊᑦᑕᓴᑯᓄᑦ ᐊᐅᓚᑕᐅᓂᖏᓐᓄᑦ ᐃᖃᓗᓐᓂ ᐊᑦᑎᓪᓕᒋᐊᖅᑎᑎᓪᓗᑎ ᐊᕙᑎᒧᑦ ᐊᑦᑐᖅᑕᐅᔪᑦ, ᐱᖃᓯᐅᑎᓪᓗᑎ ᐳᔪᕐᓗᐃᑦ ᓯᓚᒨᖅᑲᕐᓂᖏᑦ, ᐊᒻᒪ ᐱᐅᓯᑎᒋᐊᖅᑕᐅᓗᓂ ᓄᓇᓕᐸᐅᔭᐅᑉ ᓯᓚᖓ ᐱᐅᓂᖓ.
ᐅᖃᖅᑕᐅᓯᒪᔪᑦ
“ᑲᓇᑕᐅᑉ ᒐᕙᒪᒃᑯᖏᑦ ᐅᐱᒍᓱᑦᑐᑦ ᐱᓕᕆᑎᑦᑎᓗᑎ ᐱᖁᑎᕐᒧᐊᓂᑦ ᐱᐅᓯᑎᑦᑎᒋᐊᓂᕐᒧᑦ ᐃᑲᔪᕐᓂᖃᖅᑐᑦ ᐃᖃᓗᐃᑦ ᑭᓇᐅᔭᓕᕆᓂᖓᓄᑦ, ᐃᑲᔪᖅᑐᓂ ᓴᐳᒻᒥᑎᓪᓗᓂ ᐊᕙᑎᒥᑦ ᐊᒻᒪ ᐱᐅᓯᑎᑦᑎᒋᐊᖅᑐᖅ ᐱᐅᓂᖓᓂᑦ ᐃᓅᓯᕐᒥᑦ ᐅᑭᐅᑕᖅᑐᒥ ᑲᓇᑕᒥᐅᑕᓄᑦ. ᑖᓐᓇ ᐱᓕᕆᐊᖅ ᐱᐅᓯᑎᑦᑎᒋᐊᓂᐊᖅᑐᖅ ᑎᓯᔪᑦ ᐊᑦᑕᑯᐃᑦ ᐊᐅᓚᑕᐅᔭᕆᐊᖃᕐᓂᖏᓐᓄᑦ ᐊᒻᒪ ᐊᕙᑎᒧᑦ ᐊᑦᑐᐃᖏᓂᖅᓴᐅᑎᑦᑎᓗᓂ ᓄᓇᓕᒻᒥᐅᑕᓕᒫᓄᑦ ᑭᖑᕚᖑᓂᐊᖅᑐᓄᓪᓗ.”
ᒪᓕᒐᓕᐅᑎᖅᔪᐊᖅ ᕗᕌᓐᓱᐊ−ᐱᓕᐸᐃ ᓵᒻᐸᐃᓐ, ᒥᓂᔅᑕ ᐱᖁᑎᕐᔪᐊᓕᕆᓂᕐᒧᑦ ᐊᒻᒪ ᓄᓇᓕᓐᓄᑦ
“ᐅᓪᓗᒥ ᓇᓗᓇᐃᖅᑕᐅᔪᑦ ᐆᑦᑐᕋᐅᑎᑦᑎᐊᕙᐅᔪᖅ ᐱᖓᓱᓄᑦ ᒐᕙ>ᒪᓴᐃᑦ ᐃᖅᑲᓇᐃᔭᖃᑎᒌᑦᑐᑦ ᐱᐅᓯᑎᑦᑎᒋᐊᓂᕐᒧᑦ ᐊᕙᑎᑦᑎᓐᓂᑦ. ᑎᓯᔪᓄᑦ ᐊᑦᑕᑯᓄᑦ ᐊᐅᓚᑦᑎᓂᕐᒧᑦ ᐃᓱᒫᓗᒋᔭᐅᕙᓪᓕᐊᔪᖅ ᓄᓇᕗᒻᒧᑦ. ᐊᐅᓚᑕᐅᔪᒥᑦ ᐊᒻᒪ ᐸᕐᓇᑕᐅᓯᒪᔪᒥᑦ ᐊᑐᕆᐊᖃᓂᕐᒧᑦ ᑎᓯᔪᑦ ᐊᑦᑕᑯᐃᑦ ᐊᐅᓚᑕᐅᓂᖏᓐᓄᑦ, ᓄᓇᓕᒻᒧᑦ ᐊᐅᓚᔾᔪᑕᓪᓗᐊᑕᐅᓪᓗᓂ, ᐃᑲᔪᖃᑕᖅᑐᑦ ᖃᓄᐃᖏᑎᐊᕐᓂᖏᓐᓄᑦ ᓄᓇᕗᒻᒥᐅᑦ ᐊᒻᒪ ᓇᓕᒧᓐᓂᖃᖅᑐᖅ ᐃᓄᐃᑦ ᐃᓅᖃᑎᒌᓐᓂᕐᒧᑦ ᐅᑉᐱᕆᔭᖏᓐᓂᑦ ᐊᕙᑎᒃᑎᓐᓂᒃ ᑲᒪᑦᓯᐊᕐᓂᖅ: ᐃᑉᐱᒋᔭᖃᕐᓂᖅ ᐊᒻᒪ ᑲᒪᒋᔭᖃᕐᓂᖅ ᓄᓇᒥᑦ, ᐆᒪᔪᓂᑦ ᐊᒻᒪ ᐊᕙᑎᒥᑦ.”
ᒪᓕᒐᓕᐅᑎ ᓗᐊᓐ ᑯᓱᒐᖅ, ᒥᓂᔅᑕ ᓄᓇᓕᓐᓂᑦ ᒐᕙᒪᒃᑯᓂᓪᓗ ᐱᔨᑦᑎᕋᖅᑎᑯᓐᓂᑦ, ᓄᓇᕗᑦ ᒐᕙᒪᒃᑯᑦ
“ᖁᕕᐊᑦᑐᖓ ᑐᓴᖅᑎᑦᑎᔪᓐᓇᕋᒪ ᓄᓇᓕᐸᐅᔭᒋᔭᕗᑦ ᐊᑦᑕᑯᓄᑦ ᐊᐅᓚᑦᑎᓂᕐᒧᑦ ᐊᑐᒐᖃᓂᐊᓕᖅᑐᑦ ᐱᔭᕿᐊᖃᓪᓚᕆᑦᑕᑎᓐᓂᑦ. ᖃᐅᔨᒪᔪᖓ ᓄᓇᓕᖓ ᐃᖃᓗᐃᑦ ᖃᓱᔫᒥᓂᐊᖅᑐᖅ ᖃᓄᐃᓘᖅᑕᐅᔪᑦ ᑕᑯᓗᒋᑦ ᓴᐳᒻᒥᔭᐅᓗᑎ ᐆᒪᔪᐃᑦ ᐊᒻᒪ ᐊᕙᑎᕗᑦ. ᑕᒪᓐᓇ ᓯᕗᒧᒋᐊᑦᑎᐊᖅᑐᖅ ᐃᖃᓗᓐᓂ ᐱᕙᓪᓕᐊᑎᑦᑎᓂᕐᒧᑦ ᓄᓇᓕᐸᐅᔭᒋᔭᐅᓪᓗᓂ ᐃᖃᓗᐃᑦ ᓄᓇᕗᒻᒧᑦ ᐊᒻᒪ ᑲᓇᑕᒥ ᐅᑭᐅᑕᖅᑐᒥ ᓄᓇᓕᐸᐅᔭᐅᓗᓂ.”
ᐅᐱᓐᓇᖅᑐᖅ ᒪᕐᓕᓐ ᕆᐊᑦᕗᓐ, ᒪᐃᔭ ᓄᓇᓕᐸᐅ.ᔭᖓᓄ ᐃᖃᓗᐃᑦ
ᖃᓄᐃᓐᓂᕆᔭᖏᑦ
• ᐅᑯᑎᒎᓇ ᐱᓕᕆᑎᑦᑎᓂᕐᒥᑦ ᑲᓇᑕᒥ ᐱᖁᑎᕐᔪᐊᓂᑦ ᐸᕐᓇᐅᒻᒥᑦ, ᑲᓇᑕᐅᑉ ᒐᕙᒪᒃᑯᖏᑦ ᑮᓇᐅᔭᖅᑐᓂᐊᖅᑐᑦ ᐅᖓᑖᓃᑦᑐᓂ $180 ᐱᓕᐊᓐ 12−ᓂ ᐊᕐᕌᒎᓂᐊᖅᑐᓂᑦ ᐃᓄᓐᓄᑦ ᐃᖏᕋᔾᔪᑎᓄᑦ ᐱᓕᕿᐊᓄᑦ, ᓯᓚᒧᑦ ᐱᐅᔪᓂᑦ ᐱᖁᑎᕐᔪᐊᓂᑦ, ᐃᓅᖃᑎᒌᓐᓂᕐᒧᑦ ᐱᖁᑎᕐᔪᐊᑦ, ᑕᐅᖅᓰᓂᕐᒧᑦ ᐊᒻᒪ ᐃᖏᕋᔪᓕᕆᓂᕐᒧᑦ ᐊᖅᑯᑎᓄᑦ, ᐊᒻᒪ ᐃᓄᒋᐊᑦᑐᓃᑦᑐᓂᑦ ᑲᓇᑕᒥ ᐅᑭᐅᑕᖅᑐᒥ ᓄᓇᓕᓐᓂᑦ.
• $26.9 ᐱᓕᐊᓐ ᑕᕝᕙᓐᖓᑦ ᑮᓇᐅᔭᖃᖅᑎᑕᐅᔪᒥᑦ ᐃᑲᔪᕐᓂᐊᖅᑐᖅ ᓯᓚᒧᑦ ᐱᐅᔪᓂᑦ ᐱᖁᑎᕐᔪᐊᓂᑦ ᐱᓕᕆᐊᓄᑦ, ᐱᖃᓯᐅᑎᓪᓗᑎ $5 ᐱᓕᐊᓐ ᐊᑐᐃᓐᓇᐅᓂᐊᖅᑐᑦ ᐱᓕᕆᑎᑦᑎᓂᕐᒧᑦ ᐅᑯᑎᒎᓇ ᑲᓇᑕᒥ ᐱᖁᑎᕐᔪᐊᓄᑦ ᑮᓇᐅᔭᒃᑯᕕᒻᒥᑦ.
• $2 ᐱᓕᐊᓐ ᑕᕝᕙᓐᖓᑦ ᑮᓇᐅᔭᖃᖅᑎᑕᐅᔪᒥᑦ ᐃᑲᔪᕐᓂᐊᖅᑐᑦ ᐱᖁᑎᕐᔪᐊᓄᑦ ᐱᓕᕆᐊᓄᑦ ᑎᑭᑦᑎᔪᓂᑦ ᐊᔾᔨᐅᖏᑦᑐᓂᑦ ᐱᔭᐅᔭᕆᐊᖃᖅᑐᓂᑦ ᐃᓄᒋᐊᑦᑐᓂᑦ ᐊᒻᒪ ᐅᑭᐅᑕᖅᑐᒥ ᓄᓇᓕᓐᓄᑦ ᓲᕐᓗ ᐃᓗᐃᑦ ᐃᑲᔪᕐᓂᐊᖅᑐᑦ ᓂᕿᓄᑦ ᐊᑦᑕᓇᐃᖅᓯᒪᓂᕐᒧᑦ, ᐊᑐᕋᔅᓴᐅᓂᖏᑦ ᐊᑐᕆᐊᑦ ᐊᒻᒪ ᖃᕋᓴᐅᔭᒃᑯᑦ ᑐᑲᓐᓂᖏᑦ ᐱᐅᓯᑎᒋᐊᖅᑕᐅᓗᑎ. ᐃᓚᒋᐊᕐᓗᒍ, $400 ᒥᓕᐊᓐ ᑐᓂᔭᐅᓂᐊᖅᑐᑦ ᐅᑯᑎᒎᓇ ᐅᑭᑕᖅᑐᒥ ᐊᐅᓚᔪᓐᓇᑎᓕᕆᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᓯᕗᒧᒋᐊᖅᑕᐅᓗᓂ ᐊᐅᓚᔪᓐᓇᐅᑎᓕᕆᓂᖅ ᐊᑦᑕᓇᐃᖅᓯᒪᓂᖓᓄᑦ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓂᑦ.
• $4 ᐱᓕᐊᓐ ᑕᕝᕙᓐᖓᑦ ᑮᓇᐅᔭᖃᖅᑎᑕᐅᔪᒥᑦ ᐃᑲᔪᓂᐊᖅᑐᑦ ᐱᖁᑎᕐᔪᐊᓄᑦ ᐱᓕᕆᐊᓄᑦ ᓄᓇᖃᖅᑳᖅᓯᒪᔪᓄᑦ ᓄᓇᓕᓐᓂᑦ.
ᐊᑦᑐᐊᓂᓖᑦ ᐃᓚᒍᑕᖃᕐᕕᐅᔪᑦ
Investing in Canada: Canada’s Long-Term Infrastructure Plan (ᐱᓕᕆᑎᑦᑎᓂᖅ ᑲᓇᑕᒥ: ᑲᓇᑕᐅᑉ ᐊᑯᓂᐅᔪᒧᑦ ᐱᖁᑎᕐᔪᐊᓄᑦ ᐸᕐᓇᐅᑦ)
Federal infrastructure investments in Nunavut (ᒐᕙᒪᑐᖃᒃᑯᑦ ᐱᖁᑎᕐᔪᐊᓄᑦ ᐱᓕᕆᑎᑦᑎᓂᖅ ᓄᓇᕗᒻᒥ)
- 30 -
ᖃᐅᔨᒋᐊᕐᕕᐅᔪᓐᓇᖅᑐᑦ
ᐳᕈᒃ ᓯᒻᓴᓐ
ᑎᑎᕋᖅᑎ
ᐊᓪᓚᕕᖓ ᒥᓂᔅᑕ ᐱᖁᑎᕐᔪᐊᓕᕆᓂᕐᒧᑦ ᐊᒻᒪ ᓄᓇᓕᓐᓄᑦ
613-219-0149 brook.simpson@canada.ca
ᐋᕋᒪᐃᑦ ᐅᓄᐊᔨ
ᐊᐅᓚᑦᑎᔨ, ᐊᑐᐊᒐᕐᓂᑦ ᐊᒻᒪ ᒪᓕᒐᕐᓂᑦ
ᓄᓇᓕᓐᓂ ᒐᕙᒪᒃᑯᓂᓪᓗ ᐱᔨᑦᓯᕋᒃᑎᒃᑯᑦ
867-975-5354 aowoaje2@gov.nu.ca
ᐋᓐᑐᕆᐊ ᓯᐱᑦᓱ
ᑐᓴᐅᒪᔾᔪᑎᓕᕆᓂᕐᒧᑦ ᐊᐅᓚᑦᑎᔨ
ᓄᓇᓕᐸᐅᔭᖓᑦ ᐃᖃᓗᐃᑦ
867-979-5607 a.spitzer@city.iqlauit.nu.ca
ᐱᖁᑎᕐᔪᐊᑦ ᑲᓇᑕᒥ
613-960-9251
ᐊᑭᖃᖏᑐᒃᑯᑦ: 1-877-250-7154
ᖃᕋᓴᐅᔭᑎᒍᑦ ᑎᑎᕋᕐᕕᒃᓴᖓ: infc.media.infc@canada.ca
Twitter: @INFC_eng
ᖃᕋᓴᐅᔭᒃᑯᑦ: ᐱᖁᑎᕐᔪᐊᑦ ᑲᓇᑕᒥ
