ᐅᖃᐅᑎᑦᓴᖏᑦ ᒪᐃᔭ ᕆᐊᑦᕘᕐᓐᐃᑲᔪᕐᓱᐃᔾᔪᑎ ᑐᓂᖅ ᑕᐃᒥ ᓄᓇᓕᓐᓂ ᕿᑲᕐᓇᐅᓛᖅᑐᒥᑦ ᐅᓪᓗᕐᒥᑦ

ᐅᖃᐅᑎᑦᓴᖏᑦ ᒪᐃᔭ ᕆᐊᑦᕘᕐᓐ
ᐃᑲᔪᕐᓱᐃᔾᔪᑎ ᑐᓂᖅ ᑕᐃᒥ ᓄᓇᓕᓐᓂ ᕿᑲᕐᓇᐅᓛᖅᑐᒥᑦ ᐅᓪᓗᕐᒥᑦ
ᖃᐅᔨᒪᔪᑦᓴᐅᒐᑦᓯ, ᐊᕐᕌᒍᑕᒫᖅ ᐃᖃᓗᒻᒥᐅᑕᐃᑦ ᑐᖕᖓᓱᐊᑎᑕᐅᕙᑦᑐᑦ ᐱᖃᑕᐅᖁᔭᐅᓗᑎᒃ ᑐᓂᖅ ᑕᓕᒥᑦ ᓇᓪᓕᐅᓂᕐᓯᐅᖅᑐᓂᑦ, ᑖᓐᓇᓕ ᐊᕐᕌᒍᑕᒫᕐᓯᐅᑎ ᐃᑲᔫᑎᖃᖅᐸᑦᑐᓂ ᓴᖅᑭᔮᖅᑎᑦᓯᓂᕐᒥᑦ ᐊᒻᒪ ᐊᑐᖅᑕᐅᑎᑦᓯᓂᕐᒥᑦ ᐃᓄᐃᑦ ᐃᓕᖅᑯᓯᑐᖃᖏᓐᓂᑦ, ᐊᒻᒪᑦᑕᐅᖅ ᓇᓪᓕᐅᓂᕐᓯᐅᕈᑎᐅᕙᑦᑐᓂ ᐅᐱᕐᖓᑦᓵᑯᓘᓕᕐᓂᖓᓂᑦ.
ᐃᖅᑲᓇᐃᔭᖅᑏᑦ ᐱᖃᑕᐅᖁᑦᓯᐊᖅᑐᒋᑦ ᖃᓄᐃᓕᐅᕈᑎᓂ ᓇᓪᓕᐅᓂᕐᓯᐅᕈᑎᓂ, ᐊᒻᒪᑦᑕᐅᖅ ᐃᑲᔪᕈᒪᓐᓂᕈᑎᒃ ᐃᑲᔪᕈᓐᓇᖁᓪᓗᒋᑦ ᓇᓪᓕᐅᓂᕐᓯᐅᕈᑎᒥᑦ ᐊᐅᓚᑦᓯᔨᓂᑦ, 2012-ᖑᑎᓪᓗᒍ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᒪᓕᒐᕋᓛᓕᐅᓚᐅᖅᑐᑦ 735-ᒥᑦ, ᐊᑐᓕᖅᑎᑦᓯᓪᓗᑎᒃ ᐃᓚᖓᓂᑦ ᐱᖁᔭᕐᔪᐊᑉ ᓄᓇᓕᐸᐅᔭᓄᑦ, ᑕᐅᓐᖑᔪᓄᑦ ᐊᒻᒪ ᕕᓕᔾᔨᓄᑦ ᑐᕌᖓᔫᑉ ᓄᓇᓕᓐᓂ ᑲᑎᒪᔨᓂᑦ ᐱᔪᓐᓇᐅᑎᐅᔪᖅ ᐅᓪᓗᕐᒥᑦ ᓄᓇᓕᓐᓂ ᕿᑲᕐᓇᐅᔪᓐᓇᑎᑦᓯᓪᓗᑎᒃ ᐃᓗᐊᓃᑦᑐᓂᑦ ᐱᔪᓐᓇᐅᑎᖃᕐᕕᖏᑕ ᓄᓇᓕᐸᐅᔭᖏᑕ.
ᑭᒡᒐᑐᕐᓗᒋᑦ ᐃᖃᓗᓐᓂ ᓄᓇᓕᐸᐅᔭᐃᑦ ᑲᑎᒪᔨᖏᑦ, ᐃᖃᓗᓐᓂ ᑲᑐᔾᔨᖃᑎᒌᓕᒫᑦ ᐃᑲᔪᕐᓱᐃᖁᒻᒪᕆᑦᑕᕋᓗᐊᒃᑲ ᐱᔾᔪᑎᐅᓇᓱᐊᖅᑐᒥᑦ ᒪᓕᒐᕋᓛᑎᒍᑦ ᐃᖅᑲᓇᐃᔭᖅᑎᓯ ᐅᓪᓗᓕᒫᖅ ᐃᐳᕈ 13, 2018 ᐃᖅᑲᓇᐃᔭᖏᑎᑲᐃᓐᓇᕐᓗᓯᐅᒃ ᕿᑲᕐᓇᐅᓛᕐᓂᖓ ᓄᓇᓕᓐᓂ ᐱᔾᔪᑎᒋᓪᓗᒍ.
ᓄᓇᓕᖃᑎᒌᑦᓯᐊᕐᓗᑕ ᑲᑐᔾᔨᖃᑎᒌᑦᓯᐊᓂᒃᑯᑦ, ᓄᓇᒋᔪᒥᓇᓕᖅᑎᒍᓐᓇᖅᑕᕗᑦ ᐃᖃᓗᐃᑦ ᓄᓇᒋᓗᒍ, ᐃᖅᑲᓇᐃᔭᕐᕕᒋᕙᓪᓗᒍ ᐊᒻᒪ ᐱᖕᖑᐊᕐᕕᒋᕙᓪᓗᒍ ᓄᓇᓕᕐᓂᒥᐅᑕᓕᒫᑦᓯᐊᓄᑦ.
ᓄᓇᓕᐸᐅᔭᐃᑦ ᑲᑎᒪᔨᖏᓪᓗ ᐅᕙᖓᓗ ᓇᑯᕐᒦᕈᒪᕙᑦᓯ ᓯᕗᓂᐊᒍᑦ ᐊᑐᕈᒪᑦᓯᐊᓛᕐᓂᓯᓐᓂᑦ ᐊᒻᒪ ᐃᑲᔪᕐᓱᐃᓛᕐᓂᓯᓐᓂᑦ ᑐᓂᖅ ᑕᐃᒥ ᓄᓇᓕᓐᓂ ᕿᑲᕐᓇᐅᓛᖅᑐᒥᑦ.