ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐋᖅᑭᒋᐊᕈᑎ: ᓇᒡᒋᔾᔭᐅᓕᖅᑭᕐᒥ ᐃᒪᖃᖕᖏᑲᐃᓐᓇᓛᖅᑐᑦ/ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᔪᑦ ᐃᓪᓗᓖᑦ 5100-ᓂᑦ ᓈᓴᐅᑎᓕᓐᓂᑦ (5000-ᖑᖏᑦᑐᓂᒃ)
ᒫᕐᓯ 19, 2018 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᐋᖅᑭᒋᐊᕈᑎᒥᑦ ᐅᖃᐅᓯᖃᕈᒪᔪᑦ ᖃᐅᔨᒪᖁᔨᔾᔪᑎᐅᖅᑲᐅᔪᒥᑦ, ᐊᒻᒪ ᖃᐅᔨᒪᖁᔨᓪᓗᑎᒃ ᓄᓇᓕᕐᓂᒥᐅᑕᓂᑦ ᐃᓪᓗᖃᖅᑎᐅᔪᓂᑦ ᓯᓚᑦᑐᓴᕐᕕᐅᑉ ᐅᖓᑖᓂ 5100-ᓂᑦ ᓈᓴᐅᑎᓕᓐᓂᑦ (5000-ᖑᖏᑦᑐᓂᑦ, ᓯᕗᓪᓕᕐᒥ ᑕᐃᔭᐅᒋᐊᖕᖓᖅᑲᐅᔪᓂᑦ) ᐃᒻᒪᖃᖕᖏᑲᐃᓐᓇᖅᑎᑕᐅᓛᕐᒪᑕ ᓇᒡᒋᔾᔭᐅᓕᖅᑭᐅᓕᖅᐸᑦ, ᒫᕐᓯ 20, ᐅᓪᓛᓂᑦ 9-ᒥᓂᑦ 4-ᒧᓄᑦ ᐅᓐᓄᓴᒧᑦ, ᓱᓪᓗᓕᒃ ᐃᒥᕐᒨᖓᔪᖅ ᓴᓇᔭᐅᑲᐃᓐᓇᕆᐊᖃᕐᒪᑦ.
ᐊᒻᒪᑦᑕᐅᖅ, ᖃᓄᐃᖁᔨᒐᑎᒃ, ᓄᓇᓕᐸᐅᔭᒃᑯᑦ ᖃᐅᔨᒪᖁᔨᒻᒥᔪᑦ ᑕᑉᐹᓂᒥᐅᑕᓂᑦ ᐃᒥᕐᒥᓂᒃ ᐃᓪᓗᓕᓐᓂᑦ ᓈᓴᐅᑎᓕᓐᓂᑦ 5100-ᓂᑦ ᑎᖅᑎᑎᑦᓯᑲᐃᓐᓇᖁᔭᐅᓂᐊᖅᑐᑦ ᐃᒥᕐᒥᒃ ᐊᑐᓚᐅᖏᓂᕐᒥᓂ ᓴᓇᔭᐅᓂᖓᓂ ᓴᓇᔭᐅᕋᑖᕐᓂᖓᓂᓗ, ᐊᒻᒪ ᐊᓯᐊᒍᑦ ᐅᖃᖅᑐᖃᓚᐅᖏᓐᓂᖓᓂ ᑕᐃᒪᐃᓕᖓᑲᐃᓐᓇᓂᐊᖅᑐᑦ (ᐃᑲᕐᕋᐃᑦ 24 ᓈᒐᓱᓐᓂᖏᓐᓂ). ᓄᓇᓕᕐᓂᒥᐅᑕᐃᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᔪᑦ - ᐅᕝᕙᓘᓐᓃᑦ ᓂᐅᕕᕐᕕᔭᓂᑦ - ᐃᒥᑦᓴᕆᓂᐊᕈᓂᐅᒃ, ᑭᒍᓯᑎᐅᓕᕋᐃᒍᑎᒃ, ᐱᐊᕋᕐᓂᑦ ᓂᖅᑎᐅᕈᔾᔨᒍᑎᒃ, ᓂᖅᑎᐅᖅᑐᑎᒃ, ᓂᓚᓕᐅᕐᓂᐊᕈᑎᒃ, ᐊᒻᒪᑦᑕᐅᖅ ᐊᓯᖏᓐᓄᑦ ᐃᒻᒪᖄ ᓂᕐᕆᑎᕆᓂᐊᕈᑎᒃ.
ᑎᖅᑎᓯᒪᔪᒥᑦ ᐊᑐᕐᓂᐊᕈᕕᑦ, ᑯᕕᑎᑕᐃᑦ ᑎᖅᑎᑎᑲᐃᓐᓇᖃᑦᑕᕆᐊᓖᑦ 2 ᒪᓇᑦᔅᓯᒥᑦ, ᓂᓪᓕᑉᐸᑦ ᐊᑐᓕᕐᓗᒍ.
ᓯᑎᒃᑯᑦ ᓇᑯᕐᒦᕈᒪᔪᑦ ᓄᓇᓕᕐᓂᒥᐅᑕᓂᑦ ᑐᑭᓯᐊᑦᓯᐊᕐᓂᖏᓐᓂᑦ ᐱᓕᕆᐊᖑᒋᐊᓕᓐᓂᑦ.
-30-
ᑐᑭᓯᒋᐊᒃᑲᓐᓂᕈᒪᓂᐊᖅᑐᑦ ᖃᐅᔨᒋᐊᕈᓐᓇᖅᑐᑦ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca
