04 - 1010 ᖃᑦᑎᕆᔨᐅᑉ ᑐᖏᓕᖓᓐᓄᑦ

ᐃᖅᑲᓇᐃᔮᔅᓴᖅ
ᖃᑦᑎᕆᔨᐅᑉ ᑐᖏᓕᖓᓐᓄᑦ

ᐊᖏᔪᖅᑳᖃᕐᓗᓂ ᐊᐅᓚᑦᑎᔨᖓᓐᓂ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪᓗ ᐸᖅᑭᑦᑎᔩᑦ, ᐃᖅᑲᓇᐃᔮᓗᖅᑖᖅᑐᖅ ᐸᕐᓇᑦᑎᐅᒐᔭᖅᑐᖅ, ᐋᖅᑭᔅᓱᐃᖃᑦᑕᕐᓗᓂ, ᑎᓕᓯᖃᑦᑕᕐᓗᓂ, ᐊᑐᓕᖅᑎᑦᑎᖃᑦᑕᕐᓗᓂ ᐊᒻᒪᓗ ᐊᐅᓚᑦᑎᓗᑎ ᐃᓕᓐᓂᐊᑎᑦᑎᒍᓐᓇᕐᓗᑎᑦ ᐃᓕᓐᓂᐊᕈᑎᔅᓴᓂᑦ ᐃᖅᑲᓇᐃᔭᐃᓐᓇᖅᑐᓄᑦ, ᐃᖅᑲᓇᐃᔭᑲᐃᓐᓇᖅᑐᓄᑦ ᐊᑭᓕᖅᓱᖅᑕᐅᖏᑦᑐᓄᑦ ᐃᖅᑲᓇᐃᔭᓐᖑᐊᖅᑐᓄᑦ ᑐᐊᕕᕐᓇᖅᑐᓕᕆᔨᒃᑯᓐᓂ. ᐱᓕᕆᖃᑦᑕᕋᔭᖅᑐᑦ ᐱᓕᕆᔨᒻᒪᕆᐅᓗᓂ ᐊᑐᐃᓐᓇᐅᑎᑦᑎᐊᕐᓗᓂᓗ ᑐᐊᕕᕐᓇᖅᑐᓕᕆᔩᑦ ᐱᓕᕆᔨᖏᓐᓂ ᐸᖅᑭᑦᑎᖁᓪᓗᒋᑦ ᐃᓅᓯᕐᓂᑦ ᐊᒻᒪᓗ ᐱᖁᑎᐅᔪᓂᑦ ᐊᒻᒪᓗ ᐋᖅᑭᔅᓯᒪᑦᑎᐊᕋᓱᐊᖃᑦᑕᕐᓗᓂ ᖃᑦᑎᕆᔨᒃᑯᑦ ᖃᒥᑦᑎᓇᓱᐊᖅᑎᓪᓗᒋᑦ, ᑐᐊᕕᕐᓇᖅᑐᓕᕆᓂᕐᒥᑦ ᐊᒻᒪᓗ ᐅᖄᓚᕕᐅᖃᑦᑕᖅᑐᓄᑦ ᑭᐅᔨᖏᓐᓂ.

ᐊᒻᒪᓗ, ᑲᒪᖃᑦᑕᕆᐊᖃᕋᔭᖅᑐᑦ ᒪᓕᒋᐊᓕᓐᓂ ᐊᔭᐅᖅᑐᐃᓂᕐᒥᓪᓗ ᒪᓕᒐᕐᓂᑦ, ᒪᓕᒐᕋᓛᓂᑦ, ᐊᑐᐊᕆᐊᓕᓐᓂᑦ ᒪᓕᒐᑐᐃᓐᓇᓂᓪᓗ; ᐱᖃᓯᐅᑎᓪᓗᒋᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᐊᑦᑕᓇᑦᑕᐅᓕᒪᑎᑦᑎᓂᕐᓗ ᐃᑭᑦᑐᖃᖅᑎᓪᓗᒍ, ᑐᐊᕕᕐᓇᖅᑐᖃᖅᑎᓪᓗᒍ ᑭᐅᔨᓂᓪᓗ.

ᐅᑯᓂᖓ ᐃᖅᑲᓇᐃᔮᖅᑖᕋᓱᐊᖅᑐᖅ ᐱᖃᕆᐊᖃᖅᑐᖅ:

ᐃᓕᓐᓂᐊᕕᔾᔪᐊᕐᒥ ᐱᔭᕇᖅᓯᒪᓗᓂ, ᖁᑦᑎᓐᓂᓕᒻᒥᑦ 3-ᒥᑦ ᐊᖁᑦᑐᖅᓯᐅᑎᒥᑦ ᐳᓪᓚᒨᖅᑐᓄᓪᓗ, ᑲᒪᕚᓪᓗᒋᐊᖃᖅᑐᓂ ᓯᕗᓪᓕᖅᐹᖑᓪᓗᓂ ᖁᑦᑎᓐᓂᓕᒻᒥᑦ III-ᒥᑦ, AED ᐊᒻᒪᓗ ᕿᒥᕐᓗᒃᑯᑦ, CPR / HCP, NFPA 472 ᐅᓗᕆᐊᓇᖅᑐᓕᕆᔪᓐᓇᕐᓗᓂ, NFPA 1001 ᖃᑦᑎᕆᔪᓐᓇᕐᓗᓂ ᖁᑦᑎᓐᓂᓕᒻᒥᑦ II, NFPA 1002 ᖃᑦᑎᕆᔾᔪᑎᒥᑦ ᐊᖁᒍᓐᓇᕐᓗᓂ, NFPA 1006 ᐊᓐᓇᔅᓯᔪᓐᓇᕐᓗᓂ (ᐊᑦᑐᓈᒃᑯᑦ ᐊᓐᓇᔅᓯᔪᓐᓇᕐᓗᓂ ᐊᒻᒪᓗ ᓄᓇᓯᐅᑎᒃᑯᑦ ᐱᕐᕈᓗᐊᕿᓯᒪᔪᓂᑦ ᐊᔪᖅᓯᓯᒪᔪᓂᑦ), NFPA 1021 ᖃᑦᑎᕆᔨᐅᓗᓂ II, NFPA 1041 ᐊᒻᒪᓗ ᖃᑦᑎᕆᔨᐅᓂᕐᒥᑦ ᐃᓕᓐᓂᐊᖅᑎᑦᑎᔪᓐᓇᕐᓗᓂ II.

ᐊᑦᑎᓂᖅᐹᖅᑎᒍᑦ ᐱᓕᒻᒪᔅᓯᒪᒋᐊᓕᒃ ᖃᐅᔨᒪᓂᖃᕆᐊᖃᖅᑐᓂᓪᓗ ᐃᒪᐃᑦᑐᓂᑦ:

ᐊᕐᕌᒍᓂᑦ ᑕᓪᓕᒪᓂᑦ ᖃᑦᑎᕆᔨᐅᓂᕐᒧᑦ ᐃᓕᓴᐃᔨᐅᓯᒪᓗᓂ, ᐊᕐᕌᒍᓂᑦ ᑕᓪᓕᒪᓂᑦ ᖃᑦᑎᕆᔨᐅᓯᒪᓗᓂ, ᐊᕐᕌᒍᓂᑦ ᐱᖓᓱᓂᑦ ᐋᓐᓂᐊᕕᒻᒧᑦ ᑐᐊᕕᕐᓇᖅᑐᓕᕆᔨᐅᓯᒪᓗᓂ, ᐊᕐᕌᒍᓂᑦ ᐱᖓᓱᓂᑦ ᑐᐊᕕᕐᓇᑦᑐᓄᑦ ᐊᐅᓚᑦᑎᔨᐅᓯᒪᓗᓂ, ᐊᒻᒪᓗ ᐊᕐᕌᒎᓐᓄᒃ ᒪᕐᕉᓐᓄᒃ ᐃᖅᑲᓇᐃᔭᖅᑎᓂᑦ ᑲᒪᔨᐅᓯᒪᓗᓂ/ᐊᐅᓚᑦᑎᔨᐅᓯᒪᓗᓂ (ᐃᖅᑲᓇᐃᔮᕆᓯᒪᓗᓂᐅᒃ/ᐊᑭᓕᖅᓱᖅᑕᐅᒐᓂᓗ ᖃᑦᑎᕆᕕᒻᒥ ᐱᓕᕆᖃᑦᑕᖅᓯᒪᓗᓂ). ᓂᕈᐊᖅᑕᐅᔪᖅ ᒪᓕᒋᐊᖃᕐᒥᔪᖅ ᐅᖓᑖᓄᓪᓘᓐᓃᑦ ᑐᐊᕕᕐᓇᖅᑐᓕᕆᓂᕐᒥᑦ ᐋᓐᓂᐊᕕᒻᒥ ᐃᓕᓐᓂᐊᖅᑎᑦᑎᒍᓐᓇᕐᓗᓂ ᐊᒻᒪᓗ ᐱᓕᕆᖃᑦᑕᖅᓯᒪᓗᓂ ᑕᖅᑭᓂᑦ 24-ᓂᑦ ᐃᓗᐊᓃᑦᑐᓂᑦ ᒫᓐᓇᒧᑦ ᑎᑭᓪᓗᒍ.

ᐃᓄᑦᑎᑑᕈᓐᓇᕐᓗᓂ ᐅᐃᕖᑎᑐᓪᓘᓐᓃᑦ

ᐃᓕᓐᓂᐊᖅᓯᒪᓂᖃᕐᓗᓂ, ᖃᐅᔨᒪᓂᖃᕐᓗᓂ, ᐱᓕᒻᒪᔅᓯᒪᓗᓂ ᐱᔪᓐᓇᕐᓗᓂᓗ ᑕᒪᒃᑯᐊ ᐃᓱᓴᖅᓴᖅᓯᐅᕈᑕᐅᖃᓯᐅᔾᔭᐅᒐᔭᖅᑐᑦ.

ᖃᐅᔨᒋᐊᕋᔭᖅᑯᑎᑦ ᓯᑎᒃᑯᓐᓄᑦ ᐃᖃᓗᓐᓂ ᖃᕋᓴᐅᔭᖓᒍᑦ ᐃᖅᑲᓇᐃᔮᑉ ᖃᓄᐃᑦᑐᓪᓚᕆᓐᓂᑦ ᐱᓕᕆᔭᕆᐊᖃᕐᒪᖔᖅ.

ᐊᕐᕌᒍᑕᒫᑦ ᑮᓇᐅᔾᔭᔅᓴᒐᔭᖅᑐᖅ ᐃᒫᒃ $107,416.93 ᐊᒻᒪᓗ ᐅᑭᐅᖅᑕᖅᑐᒦᒍᓯᐊᕐᓂᑦ $22,378.25 ᐊᒻᒪᓗ ᖄᒃᑲᓐᓂᖓᒍᑦ ᐃᑲᔫᓯᐊᕐᓂᑦ ᐊᓯᖏᓐᓂ.

ᒪᑐᕕᔅᓴᓕᒃ: ᒫᕐᓯ 2, 2018

ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ ᑐᓂᓗᒋᑦ ᐅᕗᖓᖓ:

ᓇᓗᓇᐃᔭᐃᑎᖓ: 04-1010
ᐃᖅᑲᓇᐃᔭᖅᑎᓕᕆᓂᖅ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ X0A 0H0
hr@city.iqaluit.nu.ca 
ᓱᒃᑲᔪᒃᑯᑦ: 867-979-5210

ᑕᐃᒃᑯᐊ ᑭᓯᐊᓂ ᖃᐅᔨᒃᑲᕋᔭᖅᑕᕗᑦ ᐊᐱᖅᓱᖅᑕᐅᒐᔭᖅᑐᑦ.

ᒪᓕᑦᑐᒋᑦ ᒪᓕᒐᖅ 23 ᓄᓇᕗᑦ ᓄᓇᑖᕈᑎᖓᑦᑕ ᐊᖏᕈᑎᖓᓐᓂ, ᓯᕗᓪᓕᖅᐸᐅᔾᔭᐅᒐᔭᖅᑐᑦ ᐊᑎᖃᖃᑕᐅᔪᑦ ᓄᓇᑖᕈᑎᐅᔪᓂᑦ ᒪᓕᑦᑎᐊᖅᑐᓪᓗ ᒪᓕᒋᐊᓕᓐᓂ.

ᓴᖅᑭᖅᑐᖅ: ᕕᕝᕗᐊᕆ 2018