ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-38 ᐊᐅᔭᒃᑯᑦ ᐃᓕᓐᓂᐊᖅᑎ ᐃᖅᑲᓇᐃᔭᖅᑎᑕᐅᓂᖓ ᖃᑦᑎᔨᕆᓂᕐᒧᑦ
ᐃᖅᑲᓇᐃᔮᔅᓴᖅ
ᐊᐅᔭᒃᑯᑦ ᐃᓕᓐᓂᐊᖅᑎ ᐃᖅᑲᓇᐃᔭᖅᑎᑕᐅᓂᖓ ᖃᑦᑎᔨᕆᓂᕐᒧᑦ
ᐊᖓᔪᖅᑳᖃᓪᓗᓂ ᖃᑦᑎᕆᔨᒃᑯᑦ ᐊᖓᔪᖅᑳᖓᑕ ᑐᒡᓕᐊᓂᒃ, ᑖᓐᓇ ᐃᖅᑲᓇᐃᔮᖅᑖᖅᑐᖅ ᑲᒪᒋᔭᖃᕐᓂᐊᖅᑐᖅᖅ ᐃᑲᔪᖅᐸᓪᓗᓂ ᖃᐅᑕᒫᑦ ᐊᐅᓚᓂᕆᔭᖓᓂᒃ ᖃᑦᑎᕆᔨᒃᑯᑦ ᐃᑲᔪᖅᐸᓪᓗᓂ ᐱᓕᕆᔾᔪᑎᓂᒃ ᐊᒻᒪᓗ ᓴᓇᔭᐅᓂᖏᓐᓄᑦ, ᓱᓪᓗᓕᓐᓂᒃ ᐆᑦᑐᕋᐃᖃᑦᑕᕐᓗᓂ, ᐃᓕᓐᓂᐊᕐᓗᓂ ᐱᔭᒃᓴᕆᔭᒥᓂᒃ ᐊᒻᒪᓗ ᑲᒪᒋᔭᖃᕆᐊᖃᑦᑕᒥᓂᒃ EMS / ᖃᑦᑎᕆᔨᐅᓗᓂ ᐊᔪᕈᓐᓃᖅᓴᓂᒃᑯᑦ ᐊᒻᒪᓗ ᑲᒪᒋᔭᖃᓪᓚᑦᑖᕐᓂᒃᑯᑦ ᐱᓕᕆᓗᓂ.
ᐊᒻᒪᓗᒃᑲᓐᓂᖅ, ᑖᓐᓇ ᐃᖅᑲᓇᐃᔮᖅᑖᖅᑐᖅ, ᐱᓕᕆᖃᑎᖃᓪᓗᓂ ᐅᓪᓗᓗᒃᑖᖅ ᐊᒻᒪᓗ ᐃᑲᔪᖅᑎᐅᔪᓂᒃ EMS / ᖃᑦᑎᕆᔨᓂᒃ ᐱᕕᖃᖃᑦᑕᓂᐊᕐᒥᔪᖅ ᐃᓚᐅᓗᓂ ᐃᑭᑦᑐᖃᑦᑎᓪᓗᒍ ᓯᓚᑖᓂ ᐊᐅᓚᑕᐅᓗᓂ ᐱᓕᕆᔪᓐᓇᓪᓚᕆᑦᑐᒧᑦ ᐃᓕᓴᐃᔨᓄᑦ.
ᐃᖅᑲᓇᔭᖅᑎᑖᓂᐊᖅᑐᑦ ᐃᓕᓐᓂᐊᖅᑎᒥᒃ ᐊᒻᒪᓗ ᐱᓕᕆᖃᑦᑕᖅᓯᒪᓂᖃᓪᓗᓂ ᐃᓄᓐᓄᑦ ᑐᓐᖓᓇᑦᑎᐊᕐᓗᓂ, ᐃᑉᐱᒍᓱᑦᑎᐊᕈᓐᓇᕐᓗᓂ ᐊᒻᒪᓗ ᐱᓕᕆᑦᑎᐊᕈᓐᓇᕐᓗᓂ. ᐅᖃᓪᓚᒍᓐᓇᑎᐊᕐᓗᑎᓗᒃ ᐊᒻᒪᓗ ᓈᓚᒍᓐᓇᑎᐊᕐᓗᑎᒃ ᐊᒻᒪᓗ ᐱᓕᕆᔪᓐᓇᑎᐊᕐᓗᑎᒃ ᐊᒃᓱᕈᓐᓇᖅᑐᖅᑕᖃᑦᑎᓪᓗᒍ. ᐊᑐᐃᓐᓇᐅᕙᓪᓗᑎᓪᓗ ᐃᖅᑲᓇᐃᔭᕆᐊᔅᓴᖅ ᑭᐳᑦᑕᖃᑦᑕᓂᒃᑯᑦ.
ᐊᓯᒃᑲᓐᓂᖏᑦ ᐱᔪᓐᓇᕆᐊᖃᑦᑕᖏᑦ ᒪᑯᐊᖑᕗᑦ ᓯᕗᓂᐊᒍᑦ ᐋᓐᓂᖅᑐᓕᕆᓂᕐᒥᒃ ᐃᓕᓐᓂᐊᖅᓯᒪᓗᓂ/ᐊᓂᖅᓵᑎᑦᑎᓇᓱᐊᕐᓂᕐᒥᒃ, ᖃᑦᑎᕆᓂᕐᒥᒃ ᐅᕝᕙᓘᓐᓃᑦ ᑐᐊᕕᓐᓇᖅᑐᖅᑕᖃᑦᑎᓪᓗᒍ ᑲᒪᔪᓐᓇᕐᓗᓂ, NFPA 1001 ᐊᒻᒪᓗ EMR ᓇᓗᓇᐃᒃᑯᑕᖃᓪᓗᓂ.
ᐅᖃᓪᓚᒍᓐᓇᑎᐊᕐᓗᓂ ᐃᓄᒃᑎᑐᑦ ᐅᕝᕙᓘᓐᓃᑦ ᐅᐃᕖᑎᑐᑦ ᐱᒻᒪᕆᐅᓗᐊᓐᖑᐊᕋᔭᕆᕗᖅ.
ᐊᑦᔨᐸᓗᖓᓂᒃ ᐃᓚᖃᓪᓗᓂ ᐊᑦᔨᒌᖏᑦᑐᓂᒃ ᐃᓕᓐᓂᐊᕐᓂᕐᒥᒃ, ᖃᐅᔨᒪᓂᕐᒥᒃ, ᐊᔪᖏᑕᒥᓂᒃ ᐊᒻᒪᓗ ᐱᓕᕆᔪᓐᓇᖅᑕᒥᓂᒃ ᐃᓕᓐᓂᐊᖅᓯᒪᓂᖃᓪᓗᓂ ᐊᒻᒪᓗ ᐱᓕᕆᖃᑦᑕᖅᓯᒪᓂᖃᓪᓗᓂ ᐃᓱᒪᒋᔭᐅᖃᓯᐅᔾᔭᐅᓂᐊᖅᑐᑦ.
ᑐᓂᓯᓗᑎᑦ ᐅᓪᓗᒥᐅᔪᖅ ᐊᔪᓐᖏᔾᔪᑎᓐᓂᒃ ᐊᒻᒪᓗ ᓇᓗᓇᐃᒃᑯᑕᖅᑖᕆᓯᒪᔭᓐᓂᒃ ᐱᓯᒪᔭᓐᓂᒃ ᐱᓇᓲᑎᓐᓄᑦ ᐱᖃᓯᐅᑎᓗᒋᑦ.
ᐱᑦᔪᑎᒋᓪᓗᒍ ᑖᒃᓱᒪ ᖃᓄᐃᑦᑑᓂᖓ ᐃᖅᑲᓇᐃᔮᑉ ᑕᐃᓐᓇ ᐃᖅᑲᓇᐃᔮᖅᑖᖅᑐᖅ ᑐᓂᓯᔭᕆᐊᓕᒃ ᐱᕋᔭᒃᓯᒪᓂᖃᒻᒪᖔᑦ ᖃᐅᔨᓴᖅᑕᐅᔾᔪᑎᖏᓐᓂᒃ ᐸᓖᓯᒃᑯᓐᓂᑦ ᓄᓇᓕᐸᐅᔭᒃᑯᓐᓄᑦ ᐃᖃᓗᓐᓂ.
ᐃᑲᕐᕋᖅ ᐊᑕᐅᓯᕐᒧᑦ ᐊᑭᓕᖅᑕᐅᔾᔪᑎᖓ ᑖᒃᓱᒧᖓ ᐃᖅᑲᓇᐃᔮᒧᑦ $15.00-ᖑᕗᖅ ᐊᒻᒪᓗ 6% ᕿᑲᐅᓯᐊᖅᑖᕈᑎᔅᓴᖓᓄᑦ.
ᑐᓂᓗᒍ ᑎᑎᕋᖅᓯᒪᔪᖁᑎᑎᑦ ᐅᕗᖓ:
ᖃᐅᔨᒪᔾᔪᑎ ᓇᒻᒪ 2017-38
Human Resources
P.O. Box 460
Iqaluit, NU X0A 0H0
ᐅᖄᓚᐅᑎᖓ-(867)975-8506
ᓱᒃᑲᔪᒃᑯᑦ: (867)979-5210
hr@city.iqaluit.nu.ca
ᖃᐅᔨᒃᑲᐃᓂᐊᖅᐳᒍᑦ ᑕᐃᒃᑯᓂᖓᐃᓐᓇᖅ ᐊᐱᖅᓱᖅᑕᐅᓂᐊᖅᑐᓂᒃ
ᒪᓕᓪᓗᒍ ᓄᓇᑖᕈᑎᓂᒃ ᑎᑎᕋᖅᓯᒪᔪᖅ 23 ᐊᖏᖃᑎᒌᒍᑎᒥ, ᓯᕗᓪᓕᐅᔾᔭᐅᓂᐊᖅᑐᑦ ᓄᓇᑖᖃᑕᐅᓯᒪᔪ ᐊᔪᓐᖏᑦᑐᑦ.
