ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-27 ᑐᐊᕕᕐᓇᖅᑐᓂᑦ ᑲᒪᔨ/ᓘᑕᓇᑦ
ᐃᖅᑲᓇᐃᔭᖅᑎᓄᑦ/ᐃᖅᑲᓇᐃᔭᖅᑎᐅᖏᑦᑐᓄᑦ ᐃᖅᑲᓇᐃᔮᑦᓴᖅ
ᑐᐊᕕᕐᓇᖅᑐᓂᑦ ᑲᒪᔨ/ᓘᑕᓇᑦ
ᐊᖏᔪᖅᑳᖃᕐᓗᓂ ᑐᓪᓕᐊᓂᑦ ᖃᑦᑎᕆᔨᒃᑯᑦ ᐊᖏᔪᖅᑳᖓᑕ, ᐃᖅᑲᓇᐃᔭᖅᑎᑦᓴᖅ ᐱᓕᕆᔨᐅᒐᔭᖅᑐᖅ ᐱᔨᑦᓯᕋᖅᑎᑦᓯᐊᕙᐅᓗᓂ ᒪᑯᓇᓂ ᐃᑭᑦᑐᖃᓕᕋᐃᑉᐸᑦ ᐃᓅᓕᑦᓯᖅᑕᐅᔪᖃᕆᐊᖃᓕᕋᐃᑉᐸᑦ ᐅᐸᑦᑎᐅᓗᓂ, ᐋᓐᓂᐊᕕᓕᐊᓚᐅᖏᓐᓂᖏᓐᓂ ᑲᒪᔨᐅᓗᓂ, ᖃᐅᔨᓴᖅᑎᐅᓗᓂ ᐊᒻᒪ ᓯᕗᓕᖅᑎᐅᓗᓂ ᐃᖅᑲᓇᐃᔭᖅᑎᓄᑦ ᖃᖓᑐᐃᓐᓇᒃᑯᑦ ᐃᖅᑲᓇᐃᔭᕆᐊᖅᐸᑦᑐᓂᑦ. ᐃᓅᖃᑎᒋᔭᕐᓂᑦᓯᐊᕆᐊᓕᒃ ᑭᒃᑯᑐᐃᓐᓇᕐᓂᑦ ᑲᒪᔨᐅᒐᔭᕐᒪᑦ, ᖃᓄᐃᓕᖓᒍᑎᐅᔪᓂᑦ ᑐᑭᓯᔪᓐᓇᑦᓯᐊᕐᓗᓂ ᓇᓗᓇᖕᖏᑐᒃᑯᑦ, ᑐᑭᓯᔪᓐᓇᑦᓯᐊᕐᓗᓂ ᐊᒻᒪ ᑐᑭᓕᐅᕆᔪᓐᓇᑦᓯᐊᕐᓗᓂ ᑐᑭᓯᒋᐊᕈᑎᐅᔪᓂᑦ ᐱᓕᕆᑎᓪᓗᒍ, ᐃᖅᑲᓇᐃᔭᐅᑎᓂᓪᓗ ᖃᐅᔨᒪᑦᓯᐊᕐᓗᓂ, ᒪᓕᒐᕈᓘᔭᕐᓂᓪᓗ, ᐃᖅᑲᓇᐃᔭᕐᕕᒻᒥ ᐊᑐᕆᐊᓕᓐᓂᑦ, ᐊᒻᒪ ᖃᐅᔨᒪᐅᑎᓂᑦ, ᐃᖅᑲᓇᐃᔭᐅᑎᓂᑦ ᒪᑭᒪᑎᒋᐊᓕᓐᓂᑦ ᖃᐅᔨᒪᑦᓯᐊᕐᓗᓂ, ᖃᐅᔨᓴᖅᐸᓪᓗᓂ ᐃᓗᓯᓕᕆᔾᔪᑎᓂᑦ ᐊᒻᒪ ᐊᑦᑕᓇᑦᑕᐃᓕᒪᐅᑎᓂᑦ ᐊᒻᒪ ᐊᓯᖏᓐᓂᑦ ᑎᓕᓯᔾᔪᑎᐅᒐᔪᑦᑐᓂᑦ. ᐃᑲᔪᖃᑦᑕᕋᔭᕐᒥᔪᖅ ᐱᓕᒻᒪᑦᓴᐃᔪᓂᑦ, ᐃᑯᐊᓪᓚᑦᑕᐃᓕᒪᔪᓕᕆᔪᓂᑦ, ᑭᒃᑯᑐᐃᓐᓇᕐᓄᑦ ᐃᓕᓐᓂᐊᖅᑕᐅᒋᐊᓕᓐᓂᑦ, ᐃᑯᐊᓚᓕᕆᔪᓂᑦ ᖃᐅᔨᓴᕈᓐᓇᕐᓗᓂ ᐊᒻᒪ ᐸᐃᑉᐹᓕᕆᕙᓪᓗᓂ ᐃᖅᑲᓇᐃᔭᐅᑎᓂᑦ. ᐱᕐᕈᓗᐊᕿᔪᖃᕐᓂᖅᐸᑦ ᑎᓕᓯᔨᐅᔪᓐᓇᕐᓗᓂᓗ ᐃᑯᐊᓇᓕᕆᔪᓂᑦ / ᑐᐊᕕᕐᓇᖅᑐᓕᕆᔪᓂᓪᓗ.
ᐸᐸᒋᐊᓕᖏᑦ:
- ᒍᓚᐃ 12-ᖃᕐᓗᓂ ᐱᔭᕇᕈᑎᖃᕐᓗᓂ
- ᖃᑦᑎᕆᔨᐅᓂᒃᑯᑦ ᐃᓕᓐᓂᐊᕈᑎᖃᕐᓗᓂ ᐱᔭᕇᕈᑎᖃᕐᓗᓂᓗ ᓇᓗᓇᐃᒃᑯᑎᓕᓐᓂ II
- ᑐᐊᕕᕐᓇᖅᑐᓕᕆᔪᓐᓇᕐᓂᖓᓂᑦ ᐋᓐᓂᐊᔪᓕᕆᓂᕐᒥᑦ ᑲᒪᒍᓐᓇᓂᕐᒥᑦ ᓇᓗᓇᐃᒃᑯᑎᖃᕐᓗᓂ
- ᐊᕐᕌᒎᓐᓂᒃ ᒪᕐᕉᓐᓂᒃ ᑐᖔᓂᐅᖕᖏᑦᑐᖅ ᖃᑦᑎᕆᔨᐅᓚᐅᕐᓯᒪᓗᓂ ᑐᐊᕕᕐᓇᖅᑐᓕᕆᔨᐅᓯᒪᓗᓂ
- ᒫᓐᓇᓂᕐᓴᓂᑦ ᐊᓂᖅᑎᕆᔪᓕᕆᔾᔪᑎᓂᑦ ᓇᓗᓇᐃᒃᑯᑎᖃᕐᓗᓂ C-ᒥᑦ
- ᐊᖁᑦᑐᖅᓯᐅᑎᖃᕐᓗᓂᓗ ᓇᓗᓇᐃᒃᑯᑎᒥᑦ 3-ᒥᑦ ᐳᓪᓚᓂᑦ ᓄᖅᑲᖅᑕᐅᑎᓕᓐᓂᑦ ᐊᖁᒍᓐᓇᕐᓗᓂ
- ᐃᖅᑲᖅᑐᖅᑕᐅᓚᐅᕐᓯᒪᖕᖏᒃᑲᓗᐊᕐᒪᖔᖅ ᖃᓄᐃᓕᔭᐅᔾᔪᑎᒋᓯᒪᔭᕐᒥᓂᒃ ᖃᐅᔨᓴᐅᑎᖃᕐᓗᓂ ᑲᓇᑕᐅᑉ ᐸᓖᓯᒃᑯᖏᓐᓂᑦ ᓄᓇᓕᓐᓂᓘᓐᓃᑦ ᐸᓖᓯᒃᑯᓐᓂᑦ.
ᐸᐸᑕᐅᖁᔭᐅᓪᓚᕆᑦᑐᑦ:
- ᐸᖅᑭᐊᖃᕈᓐᓇᕐᓂᖓᓂᑦ ᐋᓐᓂᐊᔪᓕᕆᔨᐅᓗᓂ
- ᖃᑦᑎᕆᔨᐅᓗᓂ ᓇᓗᓇᐃᒃᑯᑎᓕᒻᒥᑦ 1
- ᑲᓇᑕᒥ ᖃᑦᑎᕆᔨᓄᑦ ᐱᔭᕇᕈᑎᖃᕐᓗᓂ 1041-ᒥᑦ I ᖃᑦᑎᕆᔾᔪᑎᓄᑦ ᐱᔨᑦᓯᕋᕈᑎᓂᑦ ᐃᓕᓴᐃᔨᐅᔪᓐᓇᕐᓗᓂ
- ᑲᓇᑕᒥ ᖃᑦᑎᕆᔨᓄᑦ ᐱᔭᕇᕈᑎᖃᕐᓗᓂ 1002-ᒥ ᐊᖁᒍᓐᓇᕐᓗᓂ/ᐊᐅᓚᑦᓯᔪᓐᓇᐅᑎᖃᕐᓗᓂ
ᐊᑐᐃᓐᓇᐅᑎᑦᓯᒋᐊᓕᒃ ᐊᔾᔨᖏᓐᓂᑦ ᐱᔭᕇᕈᑎᒋᓯᒪᔭᕐᒥᓂᒃ ᐱᓕᒻᒪᑦᓴᐅᑎᓂᑦ ᓇᓗᓇᐃᔭᕐᓯᒪᔪᓂᑦ ᐊᒻᒪ ᐊᔾᔨᖓᓂᑦ ᒍᓚᐃ 12-ᒥᑦ ᐱᔭᕇᕈᑎᒥᑦ ᐃᖅᑲᓇᐃᔮᖅᑖᕋᓱᐊᕈᑎᒧᑦ. ᐊᔾᔨᖓᓂᑦ ᐊᑐᐃᓐᓇᖃᕐᓗᓂᓗ ᓇᓗᓇᐃᒃᑯᑎᓕᒻᒥᑦ 3 ᐊᖁᑦᑐᖅᓯᐅᑎᒥᑦ ᓇᓗᓇᐃᒃᑯᑎᖃᕐᓗᓂᓗ ᐳᓪᓚᓄᑦ ᓄᖅᑲᖅᑕᐅᑎᓕᒻᒥᑦ ᓄᓇᒃᑰᔫᕈᓐᓇᓂᕐᒥᑦ, ᐊᒻᒪ ᐊᔾᔨᖓᓂᑦ ᐸᓖᓯᒃᑯᑎᒍᑦ ᖃᐅᔨᓴᐅᑎᒥᑦ. ᐃᖅᑲᓇᐃᔮᖅᑖᕋᓱᐊᖅᑐᑦ ᑕᒪᒃᑯᓂᖓ ᓇᓪᓕᐊᓐᓂᑐᐃᓐᓇᖅ ᐱᖃᖕᖏᑦᑐᑦ ᐱᓇᓱᐊᕈᓐᓇᔾᔮᖏᑦᑐᑦ.
ᐃᖅᑲᓇᐃᔮᖅᑖᖅᑐᖅ ᐊᓯᒥᓂᑦ ᐃᖅᑲᓇᐃᔭᖃᑎᖃᕈᓐᓇᐅᑎᓂᑦ ᐱᓕᒻᒪᓴᕐᓯᒪᒋᐊᓕᒃ, ᐃᓅᖃᑎᒋᔭᕐᓂᓪᓗ ᐊᓯᒥᑕ ᐃᓕᖅᑯᓯᖏᓐᓂᑦ ᖃᐅᔨᒪᑦᓯᐊᕐᓗᓂ, ᐊᒻᒪ ᑐᐊᕕᕐᓇᖅᑐᓕᕆᔪᓐᓇᓯᐊᕐᓗᓂ ᐅᐃᒪᔮᖏᓪᓗᓂ. ᐃᖅᑲᓇᐃᔮᖅᑖᖅᑐᖅ ᐃᖅᑲᓇᐃᔭᕈᓐᓇᕆᐊᓕᒃ ᖃᖓᑐᐃᓐᓇᒃᑯᑦ ᐃᑲᕐᕋᑎᒍᑦ, ᐱᓇᓱᐊᕈᓰᓪᓗ ᓄᖕᖑᖏᓐᓂ. ᖃᓪᓗᓈᑎᑐᑦ ᐃᓄᑦᑎᑐᓪᓗ ᐅᐃᕕᑎᑐᓪᓘᓐᓃᑦ ᐅᖃᕈᓐᓇᕈᓂ ᐱᕙᓪᓕᐅᑎᔪᒻᒪᕆᐅᒍᓐᓇᖅᑐᖅ.
ᐊᕐᕌᒍᒥ ᑮᓇᐅᔭᓕᐊᕆᒐᔭᖅᑕᖏᑦ $70,368.93 ᐊᒻᒪ ᓄᓇᓕᕐᓂᒥᐅᑕᐅᓂᕐᒥᓄᑦ ᐃᑲᔫᓯᐊᖅᐸᓪᓗᓂ $20,907.43 ᐊᒻᒪ ᐱᐅᔪᐊᓗᓐᓂᑦ ᐃᑲᔫᓯᐊᖃᖅᐸᓪᓗᓂ ᓯᓚᑖᒍᑦ ᑮᓇᐅᔭᓕᐊᑦᓴᖏᑕ.
ᐃᖅᑲᓇᐃᔮᖅᑖᕋᓱᐊᕈᑎᑎᑦ ᐅᕗᖕᖓᕆᐊᓖᑦ:
ᓇᓗᓇᐃᒃᑯᑎᖓ ᓈᓴᐅᑎᒍᑦ #2017-27
ᐃᖅᑲᓇᐃᔭᖅᑎᓕᕆᓂᖅ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ X0A 0H0
ᓱᑲᑦᑐᒃᑯᑦ: (867) 979-5210
hr@city.iqaluit.nu.ca
ᖃᐅᔨᒃᑲᓛᖅᑕᕗᑦ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ.
ᒪᓕᑦᑐᒋᑦ ᑎᑎᕋᕐᓯᒪᔪᑦ ᓈᓴᐅᑎᓕᓐᓂ 23 ᓄᓇᕘᒥᑦ ᓄᓇᑖᕈᑎᒥᓂᕐᒥ ᐊᖏᕈᑎᒥ, ᓯᕗᓪᓕᐅᔾᔭᐅᔪᓐᓇᖅᑐᑦ ᐊᖏᕈᑎᒥ ᐊᑎᖃᖃᑕᐅᔪᑦ ᒪᓕᑦᑐᑦ ᒪᓕᒋᐊᓕᓐᓂᑦ ᐃᖅᑲᓇᐃᔮᖅᑖᕋᓱᐊᕈᑎᓂᑦ.
