ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-25 ᑐᐊᕕᕐᓇᖅᑐᓕᕆᕕᒻᒥ ᑭᐅᔨᐅᓂᕐᒥᑦ (ᐊᕐᕌᒍ ᐊᑕᐅᓯᕐᒥᑦ (1) ᐃᖅᑲᓇᐃᔭᕋᔭᖅᑐᖅ) - ᒪᑐᐃᖓᔪᖅ ᐃᖅᑲᓇᐃᔮᒃᓴᖅ
ᐃᖅᑲᓇᐃᔭᖅᑎᓄᑦ/ᐃᖅᑲᓇᐃᔭᖅᑎᐅᖏᑦᑐᓄᓪᓗ ᒪᑐᐃᖓᔪᖅ ᐃᖅᑲᓇᐃᔮᒃᓴᖅ
ᐊᕐᕌᒍ ᐊᑕᐅᓯᕐᒥᑦ (1) ᐃᖅᑲᓇᐃᔭᕋᔭᖅᑐᖅ ᑐᐊᕕᕐᓇᖅᑐᓕᕆᕕᒻᒥ ᑭᐅᔨᐅᓂᕐᒥᑦ
ᐊᖏᔪᖅᑳᖃᕐᓗᓂ ᖃᑦᑎᕆᔨᒃᑯᑦ ᐊᖏᔪᖅᑳᖓᑕ ᑐᓪᓕᐊᓂᑦ, ᑭᐅᔨᑦᓴᖅ ᖃᐅᔨᓴᖅᑎᐅᒐᔭᖅᑐᖅ ᑐᐊᕕᕐᓇᖅᑐᓕᕆᓂᕐᒥᑦ ᑐᓴᐅᒪᐅᑎᓂᑦ ᐊᒻᒪᓗ ᐅᖃᐅᑎᕙᓪᓗᓂᒋᑦ ᑲᒪᒋᐊᓖᑦ ᑐᐊᕕᕐᓇᖅᑐᓕᕆᔨᑦ. ᐃᖅᑲᓇᐃᔮᑦᓴᖅ ᐊᑐᖅᑐᒻᒪᕆᐅᔪᖅ ᑐᓴᐅᒪᑎᑦᓯᓂᒃᑯᑦ ᐃᖃᓗᒻᒥᐅᓄᑦ ᐃᑲᔪᖅᑕᐅᒋᐊᓕᓐᓄᑦ ᑐᐊᕕᕐᓇᑐᒃᑯᑦ ᐊᒻᒪᓗ ᑐᐊᕕᕐᓇᖅᑐᓕᕆᔨᓄᑦ ᐃᖅᑲᓇᐃᔭᖅᑎᓄᑦ ᑐᐊᕕᕐᓇᖅᑐᕆᔭᒥᑦ ᑲᒪᒍᓐᓇᖅᑐᓂᑦ.
ᐊᒻᒪᓗᑦᑕᐅᖅ ᐃᖅᑲᓇᐃᔭᖅᑎ ᖃᐅᔨᓴᖃᑦᑕᕋᔭᖅᑐᖅ ᖁᖁᐊᕈᑎᓂᑦ ᖃᐅᔨᒃᑲᕐᓵᕆᔾᔪᑎᓂᑦ ᐊᒻᒪᓗ ᐊᖏᕈᑎᒍᑦ ᖃᐅᔨᓴᖅᑕᐅᕙᑦᑐᓂᑦ ᖁᖁᐊᕈᑎᓕᓐᓂᑦ, ᑐᓴᖅᑎᑦᓯᔨᐅᓗᓂ ᐅᕝᕙᓘᓐᓃᑦ ᐅᖄᓚᔪᓂᑦ ᐅᖃᐅᔾᔪᐃᕙᓪᓗᓂ ᓇᒧᑦ ᐅᖄᓚᒋᐊᖃᕐᒪᖔᑕ ᐃᖅᑲᓇᐃᔭᕐᕕᓐᓄᑦ ᐊᒻᒪᓗᑦᑕᐅᖅ ᖃᐅᔨᓴᖅᐸᓪᓗᓂ, ᑎᑎᕋᖅᐸᓪᓗᓂ ᐱᓕᕆᔾᔪᑎᒥᓂᕐᓂᒃ ᐊᒻᒪᓗ ᐃᑲᔪᖅᐸᓪᓗᓂ ᑐᐊᕕᕐᓇᖏᑦᑐᓂᑦ ᐅᖄᓚᐅᑎᓕᓐᓂᑦ ᐃᓗᐊᓂ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᕐᕕᖏᓐᓂ.
ᐃᖅᑲᓇᐃᔭᖅᑎᐅᔪᒪᔪᖅ ᐅᑯᓂᖓ ᐱᓯᒪᑦᓯᒋᐊᓕᒃ:
- ᒍᓚᐃ 12-ᒥᑦ ᐱᔭᕇᕐᓯᒪᓗᓂ ᐱᔭᕇᕈᑎᖃᕐᓗᓂ;
- ᖃᕋᑕᐅᔭᓕᕆᔾᔪᑎᓂᑦ ᐊᔾᔨᒌᓐᖏᑦᑐᓂᑦ ᐱᓕᕆᔾᔪᑎᖃᕈᓐᓇᑦᓯᐊᕆᐊᓕᒃ.
- ᐃᖅᑲᓇᐃᔮᖃᓚᐅᕐᓯᒪᓗᓂ ᑭᒃᑯᑐᐃᓐᓇᕐᓄᑦ ᐅᐸᑦᑕᐅᒐᔪᑦᑐᒥ ᑐᓐᖓᓇᖅᐸᓪᓗᓂ, ᓇᓪᓕᒍᓱᑉᐸᓪᓗᓂ ᐊᒻᒪᓗ ᐃᖅᑲᓇᐃᔭᖅᑎᑦᓯᐊᕙᐅᔪᓐᓇᕐᓗᓂ;
- ᐅᖃᐅᓯᒃᑯᑦ ᐊᒻᒪᓗ ᓈᓚᒍᓐᓇᓂᒃᑯᑦ ᑐᓴᐅᒪᐅᑎᒃᑯᑦ ᐱᓕᒻᒪᑦᓴᐅᑎᖃᑦᓯᐊᕐᓗᓂ;
- ᑭᖑᕙᖓᕙᖕᖏᓪᓗᓂ ᐊᒻᒪᓗ ᓱᓕᑦᓯᐊᖅᑐᓂᑦ ᐅᓂᒃᑳᓕᐅᕈᓐᓇᐸᓪᓗᓂ ᑐᑭᓯᒋᐊᕈᑎᓂᑦ ᐊᑕᐅᓯᐅᖏᑦᑐᒥᑦ ᐃᖅᑲᓇᐃᔮᖃᕈᓐᓇᕐᓗᓂ ᐱᔭᑦᓴᓕᒻᒪᕆᒻᒥ;
- ᖃᖓᑐᐃᓐᓇᒃᑯᑦ ᐃᖅᑲᓇᐃᔭᕈᓐᓇᕐᓗᓂ ᐅᓪᓗᒃᑯᑦ, ᐅᓐᓄᒃᑯᑦ ᐊᒻᒪᓗ ᐅᓐᓄᐊᒃᑯᑦ ᐃᑲᕐᕋᖏᒍᑦ ᒪᓕᑉᐸᓪᓗᓂ ᐃᖅᑲᓇᐃᔭᕆᐊᖃᓕᕋᐃᒍᓂ.
ᐱᕙᓪᓕᐅᑎᔪᒻᒪᕆᐅᒐᔭᖅᑐᖅ ᐃᖅᑲᓇᐃᔮᖃᓚᐅᕐᓯᒪᒍᓂ ᑭᐅᔨᐅᓂᕐᒥ/ᑐᐊᕕᕐᓇᖅᑐᓕᕆᓂᕐᒥ, ᐊᖑᒻᒪᑎᓯᒪᑦᓯᐊᖅᑐᒥᑦ ᐃᓕᓐᓂᐊᕈᑎᖃᕐᓗᓂ ᐃᑲᔪᕈᓐᓇᓂᕐᒥᑦ ᑭᓕᕐᓯᒪᔪᓂᑦ / ᐊᓂᖅᑎᕆᔪᓐᓇᐃᓕᔪᓂᑦ, ᖃᑦᑎᕆᓂᕐᒥ ᐅᕝᕙᓘᓐᓃᑦ ᑐᐊᕕᕐᓇᖅᑐᓕᕆᓂᕐᒥ ᐃᖅᑲᓇᐃᔮᖃᓚᐅᕐᓯᒪᓗᓂ, ᐃᓕᓐᓂᐊᕈᑎᖃᕐᓗᓂ NFPA 1001-ᒥᑦ, ᑐᐊᕕᕐᓇᖅᑐᓕᕆᔪᓐᓇᓂᕐᒥᑦ ᐱᔭᕇᕈᑎᖃᕐᓗᓂ, ᐊᒻᒪᓗ ᖃᓄᐃᓕᒍᑎᐅᓯᒪᔪᓂᑦ ᐅᓂᒃᑳᓕᐅᕈᓐᓇᕐᓗᓂ.
ᐱᕙᓪᓕᐅᑎᔪᒻᒪᕆᐅᒐᔭᖅᑐᖅ ᐅᖃᕈᓐᓇᕈᓂ ᐃᓄᑦᑎᑐᑦ ᐅᐃᕖᑎᑐᓪᓘᓐᓃᑦ.
ᐃᓱᒪᕐᓴᕐᓯᐅᕈᑕᐅᔪᓐᓇᓂᐊᖅᑐᑦ ᐊᔾᔨᐸᓗᖏᓐᓂᑦ ᐊᑐᕐᓯᒪᔪᑦ ᐃᓕᓐᓂᐊᓂᒃᑯᑦ, ᖃᐅᔨᒪᓂᒃᑯᑦ, ᐱᓕᒻᒪᑦᓴᐅᑎᒃᑯᑦ ᐊᒻᒪᓗ ᐱᔪᓐᓇᐅᑎᓂᑦ ᐃᓕᓐᓂᐊᕈᑎᓪᓚᕆᓐᓂᑦ ᐊᒻᒪᓗ ᐃᖅᑲᓇᐃᔮᕆᓚᐅᕐᓯᒪᓂᒃᑯᑦ.
ᐊᑏ ᐱᑎᑦᓯᓚᐅᕆᑦ ᐊᔾᔨᖏᓐᓂᑦ ᐊᑐᕐᓯᒪᔭᕕᑦ ᑎᑎᕋᕐᓯᒪᔪᓂᑦ ᐊᒻᒪᓗ ᐸᐃᑉᐹᓂᑦ ᐱᔭᕇᕈᑎᒥᓂᕐᓂᒃ ᐱᓯᒪᔭᓐᓂᑦ ᐃᓚᓕᐅᑎᓯᒪᓂᐊᕐᓗᒋᑦ ᐃᖅᑲᓇᐃᔮᖅᑖᕋᓲᑎᓐᓄᑦ.
ᐱᔾᔪᑎᒋᓪᓗᒍ ᖃᓄᐃᑦᑑᓂᖓ ᐃᖅᑲᓇᐃᔮᑦᓴᐅᑉ, ᐃᖅᑲᓇᐃᔮᖅᑖᕋᓱᑦᑐᑦ ᑐᓂᓯᒋᐊᓕᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑐᓕᕆᔨᒃᑯᖏᓐᓄᑦ ᐃᖅᑲᖅᑐᐃᕕᒃᑯᑦ ᖃᓄᐃᓕᔭᐅᓯᒪᓂᕐᒥᑦ ᖃᐅᔨᓴᐅᑎᓂᑦ ᐸᓖᓯᒃᑯᓐᓂᑦ.
ᐃᑲᕐᕋᑎᒍᑦ ᐊᑭᓕᕐᓱᖅᑕᐅᔾᔪᑎᖓ ᐃᖅᑲᓇᐃᔮᑦᓴᐅᑉ $32.31 ᐊᒻᒪᓗ ᐃᑲᔫᓯᐊᑦᓴᐃᑦ ᓄᓇᓕᕐᒥᐅᑕᐅᓂᕐᒧᑦ $11.48ᒥᒃ.
ᐃᖅᑲᓇᐃᔮᖅᑖᕋᓱᐊᕈᑏᑦ ᑐᓂᔪᓐᓇᖅᑕᐃᑦ ᐅᑯᓄᖓ:
ᓈᓴᐅᑎᖓ 2017-25
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᓕᐸᐅᔭᐃᑦ ᐃᖃᓗᐃᑦ, ᓄᓇᕗᑦ
hr@city.iqaluit.nu.ca
ᓱᑲᑦᑐᒃᑯᑦ: 867-979-5210
ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ ᖃᐅᔨᒋᐊᖅᑕᐅᓂᐊᖅᑐᑦ.
ᒪᓕᓪᓗᒋᑦ ᑎᑎᕋᕐᓯᒪᔪᑦ 23 ᓄᓇᕗᒻᒥ ᓄᓇᑖᕈᑎᓂᒃ ᐊᖏᕈᑎᓂᑦ, ᓯᕗᓪᓕᐅᔾᔭᐅᓂᐊᖅᑐᑦ ᑕᐃᒃᑯᐊ ᓄᓇᕗᒻᒥ ᓄᓇᑖᕈᑎᓂᒃ ᐊᑎᖃᖃᑕᐅᔪᑦ ᒪᓕᑦᑐᑦ ᐃᖅᑲᓇᐃᔮᖅᑖᕋᓲᑎᓂᑦ.
