ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑐᓴᕋᑦᓴᖅ ᐱᔾᔪᑎᖃᖅᑐᖅ ᐋᒐᓯ 24-ᒥ ᐆᒪᔪᓂᒃ ᐊᐅᓚᑦᓯᔾᔪᑎᒍᑦ ᖃᓄᐃᓕᐅᕈᑎᐅᓚᐅᖅᑐᒥᒃ
ᐋᒐᓯ 26, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᖃᐅᔾᔭᐅᓯᒪᓕᖅᑐᑦ ᐸᓖᓯᒃᑯᓐᓂᒃ (RCMP), ᒪᓕᑦᑐᒍ ᖃᐅᔨᓴᕐᓂᕆᔭᖓᑦ, ᖃᓄᐃᓕᐅᕈᑎᐅᔪᖅ ᐱᑕᖃᖏᒻᒪᑦ ᐱᕋᔭᓐᓂᒃᑯᑦ ᖃᓄᐃᓕᐅᕈᑎᐅᔪᒥᒃ, ᐊᒻᒪ ᐱᓕᕆᔾᔪᑎᐅᔪᖅ ᓴᖑᑎᑕᐅᓂᐊᕐᒪᑦ ᓄᓇᓕᐸᐅᔭᒃᑯᑦ ᓄᓇᓕᓐᓂ ᐸᓖᓯᖕᖑᐊᒃᑯᖏᓐᓄᑦ ᕿᒥᕐᕈᐊᖅᑕᐅᓂᐊᖁᓪᓗᒍ ᐊᑐᖅᑕᐅᓗᑎᒃ ᓄᓇᓕᐸᐅᔭᒃᑯᑦ ᐊᑐᖅᐸᑦᑕᖏᑦ ᐆᒪᔪᓂᒃ ᐊᐅᓚᑦᓯᔾᔪᑎᒋᔭᖏᓐᓂᒃ ᒪᓕᒐᕋᓛᑎᒍᑦ.
ᐸᓖᓯᒃᑯᓐᓂᒃ (RCMP) ᐅᖃᐅᔾᔪᐃᓯᒪᒻᒥᔪᑦ ᓄᓇᓕᐸᐅᔭᒃᑯᓐᓂᒃ, ᒪᓕᑦᑕᐅᓗᑎᒃ ᑐᑭᓯᒋᐊᕈᑎᐅᓯᒪᔪᑦ ᓄᐊᑕᐅᓚᐅᖅᑐᑦ ᖃᐅᔨᓴᖅᑎᓪᓗᒋᑦ, ᕿᒻᒥᐅᔪᖅ ᑕᒫᓂᖅᑭᓚᐅᖏᒻᒪᑦ ᖃᓄᐃᓕᐅᖅᑐᖃᖅᑎᓪᓗᒍ ᐊᒻᒪ ᐅᖃᐅᓯᐅᓯᒪᓗᓂ ᐱᑐᑦᓯᒪᔪᒥᓂᐅᓂᖓᓄᑦ.
ᓄᓇᓕᐸᐅᔭᒃᑯᑦ ᒫᓐᓇᐅᔪᖅ ᐅᑕᖅᑭᐊᖃᖅᑐᑦ ᐱᓕᕆᔾᔪᑎᒍᑦ ᓴᖑᑎᑕᐅᓂᐊᕐᓂᖏᓐᓄᑦ ᐸᓖᓯᒃᑯᓐᓂᒃ (RCMP) ᐱᓕᕆᐊᖑᔪᖅ ᐊᒻᒪ ᐃᑲᔪᕐᓱᐃᔾᔪᑎᐅᔪᑦ ᑐᑭᓯᒋᐊᕈᑎᐅᓂᐊᖅᑐᓂᒃ.
ᐱᓕᕆᔾᔪᑎᐅᔪᖅ ᐱᔭᐅᓯᒪᓕᖅᐸᑦ, ᓄᓇᓕᓐᓂ ᐸᓖᓯᖕᖑᐊᒃᑯᑦ ᕿᒥᕐᕈᐊᕐᓂᐊᖅᑐᑦ ᑐᑭᓯᒋᐊᕈᑎᐅᔪᓂᒃ ᐸᓖᓯᒃᑯᓐᓂᒃ (RCMP) ᐱᔭᐅᔪᓂᒃ, ᖃᐅᔨᓴᒃᑲᓐᓂᕆᐊᖃᕈᑎᒃ ᖃᐅᔨᓴᒃᑲᓐᓂᕐᓗᑎᒃ, ᐊᒻᒪ ᐱᓕᕆᔾᔪᑎᖃᕋᔭᖅᑐᑎᒃ ᐊᑐᖅᑕᐅᕙᑦᑐᓂᒃ ᑭᒃᑯᑐᐃᓐᓇᕐᓂᒃ ᐃᓗᓯᓕᕆᔾᔪᑎᐅᔪᓂᒃ ᑎᓕᓯᔾᔪᑎᑕᖃᕐᓂᖅᐸᑦ ᒐᕙᒪᒃᑯᖏᓐᓂᒃ ᓄᓇᕘᑉ (GN) ᒪᓕᓪᓗᑎᒃ ᓄᓇᓕᐸᐅᔭᒃᑯᑦ ᒪᓕᒐᕋᓛᖁᑎᖏᑦ ᐊᒻᒪ ᐊᑐᖅᑕᐅᕙᑦᑐᓂᒃ ᓄᓇᕘᒥ ᒪᓕᒐᐅᔪᓂᒃ.
ᑕᒪᓐᓇ ᐱᓕᕆᔾᔪᑎᒍᑦ ᕿᒥᕐᕈᐊᖅᑕᐅᓂᐊᕐᓂᖓ ᐱᔾᔪᑎᒋᓪᓗᒍ ᓄᓇᓕᓐᓂ ᐸᓖᓯᖕᖑᐊᑯᓐᓂᒃ, ᓄᓇᓕᐸᐅᔭᒃᑯᑦ ᐅᖃᐅᑎᑦᓴᖃᖏᑲᐃᓐᓇᕐᓂᐊᓕᖅᑐᑦ ᐱᓪᓗᐊᑕᐅᔪᓂᒃ ᖃᓄᐃᒍᑎᐅᓯᒪᔪᓂᒃ ᕿᒥᕐᕈᐊᕐᓂᖏᓐᓂ ᐊᒻᒪ ᐊᑦᑐᐊᔪᓂᒃ ᐱᓕᕆᐊᖃᕐᓂᖏᓐᓂᒃ ᖃᐅᔨᓴᕐᓂᒃᑯᑦ.
ᓄᓇᓕᐸᐅᔭᒃᑯᑦ ᖃᐅᔨᒪᑦᓯᐊᖅᑐᑦ ᐱᒻᒪᕆᐅᓂᖓᓂᒃ ᑕᒪᑦᓱᒪᐅᑉ ᖃᓄᐃᓕᐅᕈᑎᐅᓯᒪᔫᑉ ᐊᒻᒪ ᖃᓄᖅ ᐃᓱᒫᓘᑎᖃᓕᕐᓂᖏᓐᓄᑦ ᓄᓇᓕᕐᒥᐅᑕᐃᑦ. ᑭᒃᑯᑐᐃᓐᓇᕐᓂᒃ ᑐᓴᕋᑦᓴᓕᐅᓛᕐᒥᔪᑦ ᓄᓇᓕᓐᓂ ᐸᓖᓯᖕᖑᐊᒃᑯᑦ ᕿᒥᕐᕈᐊᕇᕐᓯᒪᓕᖅᐸᑕ, ᐅᕝᕙᓘᓐᓃᑦ ᐊᓯᖏᓐᓂᒃ ᑐᑭᓯᔭᐅᒪᒋᐊᓕᓐᓂᒃ ᑐᓴᖅᑎᑕᐅᓐᓂᕈᑎᒃ ᐅᖃᐅᓯᖃᕋᔭᖅᑐᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
ᐅᖃᐅᓯᖃᕈᒪᔪᑦ ᑕᒫᓂᖅᑭᔪᓂᒃ ᐅᕝᕙᓘᓐᓃᑦ ᐃᕐᓯᓇᖅᑐᓂᒃ ᐆᒪᔪᓂᒃ:
ᓄᓇᓕᐸᐅᔭᒃᑯᑦ ᑭᐅᔨᖏᑦ (24/7): 867-979-5650
ᐃᕐᖐᓇᖅᑕᐅᑎᒃᑯᑦ ᑐᕌᕈᑎᖏᑦ (ᓇᒡᒋᔾᔭᐅᒥᒃ ᑕᓪᓕᒥᕐᒧᑦ, 9-ᒥᓂᒃ ᐅᓪᓛᓂᒃ – 5-ᒧᓄᑦ ᐅᓐᓄᓴᒃᑯᑦ): municipalenforcement@iqaluit.ca
