ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐆᒪᔪᐃᑦ ᐱᓪᓗᒋᑦ ᐊᐅᓚᑦᑎᓂᖅ ᐊᒻᒪ ᓄᓇᓕᕐᒥᐅᑕᐃᑦ ᐊᑦᑕᓇᖅᑐᒦᒋᐊᖃᖏᓐᓂᖏᑦ
ᐋᒐᓯ 25, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᑦᓯᐊᖅᑐᑦ ᐃᓱᒫᓘᑎᒻᒪᕆᐅᔪᒥᒃ ᐃᓗᐊᓂ ᓄᓇᓕᐅᑉ ᕿᒻᒥᒧᑦ ᐹᔭᐅᔪᖃᓚᐅᖅᑎᓪᓗᒍ ᐅᖃᐅᓯᐅᓚᐅᖅᑐᒥᒃ ᐋᒐᓯ 24, 2026. ᖃᓄᐃᓕᐅᕈᑎᐅᔪᑦ ᐱᔾᔪᑎᖃᐅᖅᑐᑦ ᐃᕐᓯᓇᖅᑐᓂᒃ ᐅᕝᕙᓘᓐᓃᑦ ᑕᒫᓂᖅᑭᔪᓄᑦ ᕿᒻᒥᓂᒃ ᐊᑦᓱᑲᓪᓚᐅᔪᖅ ᐊᑦᑐᐃᓂᖃᕈᓐᓇᕐᒪᑕ ᓄᓇᓕᕐᒥᐅᑕᓂᒃ, ᐃᓚᒌᓂᒃ, ᐊᒻᒪ ᑭᒃᑯᑐᐃᓐᓇᑦᓯᐊᓂᒃ ᓄᓇᓕᕐᒥᐅᑕᓂᒃ, ᐊᒻᒪ ᓄᓇᓕᐸᐅᔭᒃᑯᑦ ᓱᓕ ᐃᑲᔪᕐᓱᐃᖏᓐᓇᓂᐊᖅᑐᑎᒃ ᓄᓇᓕᕐᒥᐅᑕᐃᑦ ᐊᑦᑕᓇᖅᑐᒦᖁᓇᒋᑦ ᐊᑐᕐᓗᑎᒃ ᐆᒪᔪᓂᒃ ᐊᐅᓚᑦᓯᔾᔪᑎᒍᑦ ᐃᑉᐱᒋᔭᕆᐊᓕᖏᓐᓂᒃ ᐱᓕᕆᔾᔪᑎᒍᑦ.
ᓄᓇᓕᓐᓂ ᐸᓖᓯᖕᖑᐊᒃᑯᑦ ᐱᓕᕆᐊᖃᖅᐸᑦᑐᑦ ᐊᔾᔨᒌᖏᑦᑐᓂᒃ ᐆᒪᔪᓕᕆᔪᓂᒃ ᐃᓱᒫᓘᑎᐅᕙᑦᑐᓂᒃ, ᐱᖃᓯᐅᔾᔭᐅᓗᑎᒃ ᑕᒫᓂᖅᑭᔪᑦ ᕿᒻᒦᑦ, ᐆᒪᔪᓂᒃ ᐱᔾᔪᑎᖃᖅᑐᑎᒃ ᐊᑲᐅᖏᓕᐅᕈᑎᐅᔪᓂᒃ, ᕿᒻᒥᓄᑦ ᑮᔭᐅᕙᑦᑐᓂᒃ, ᐆᒪᔪᓂᒃ ᐱᑦᑎᐊᖏᑦᑐᓂᒃ, ᑐᖁᖓᔪᓂᒃ ᐆᒪᔪᓂᒃ, ᐊᒻᒪ ᐊᓯᖏᓐᓂᒃ ᐱᔾᔪᑎᖃᕈᓘᔭᖅᑐᓂᒃ ᓄᓇᓕᐸᐅᔭᒃᑯᑦ ᐆᒪᔪᓂᒃ ᐊᐅᓚᑦᓯᔾᔪᑎᖏᓐᓂᒃ. ᑲᒪᔨᐅᔪᑦ ᐃᒻᒥᓂᒃ ᖃᐅᔨᓴᖅᐸᒻᒥᔪᑦ ᐊᒻᒪ ᖃᓄᖅᑑᐸᑦᑐᑎᒃ ᕿᒻᒥᓂᒃ ᑎᒍᓚᑉᐸᑦᑐᑎᒃ ᑕᒫᓂᖅᑭᔪᓂᒃ.
ᒫᓐᓇᒧᑦ ᐊᕐᕌᒍᒥ 2026, ᓄᓇᓕᓐᓂ ᐸᓖᓯᖕᖑᐊᒃᑯᑦ ᐅᑯᓂᖓ ᓇᓗᓇᐃᕐᓯᓯᒪᓕᖅᑐᑦ:
- 64 ᕿᒻᒦᑦ ᑕᒫᓂᖅᑭᓂᕋᐃᔪᓂᒃ ᐊᑲᐅᖏᓕᐅᕈᑎᓕᓐᓂᒃ;
- 73 ᕿᒻᒦᑦ ᑎᒍᔭᐅᓚᐅᖅᑐᑦ;
- 42 ᕿᒻᒦᑦ ᐅᑎᖅᑎᑕᐅᓚᐅᖅᑐᑦ ᐃᓄᖏᓐᓄᑦ;
- 22 ᕿᒻᒦᑦ ᑎᒍᖅᑖᖑᕙᓚᐅᖅᑐᑦ;
- 9 ᕿᒻᒦᑦ ᑐᖁᑕᐅᓚᐅᖅᑐᑦ;
- 54 ᐃᒻᒥᒍᑦ ᖃᓄᐃᓕᐅᕈᑎᐅᓇᓱᐊᖅᐸᓚᐅᖅᑐᑦ ᑎᒍᓯᔾᔪᑎᑦᓴᓂᒃ ᕿᒻᒦᓐᓂᒃ;
- 17 ᕿᒻᒦᓄᑦ ᑮᔭᐅᓂᕋᖅᑕᐅᔪᓂᒃ ᐅᖃᐅᓯᐅᓚᐅᖅᑐᑦ ᐊᒻᒪ ᖃᐅᔨᓴᖅᑕᐅᓗᑎᒃ;
- 7 ᐆᒪᔪᓂᒃ ᐱᑦᑎᐊᖏᑦᑐᖃᕐᓂᖓᓄᑦ ᐊᑲᐅᖏᓕᐅᕈᑎᐅᓚᐅᖅᑐᑦ;
- 11 ᑐᖁᖓᔪᑦ ᕿᒻᒦᑦ ᐊᑲᐅᖏᓕᐅᕈᑎᐅᓚᐅᖅᑐᑦ; ᐊᒻᒪ
- 1 ᐳᓯᑳᓂᒃ ᐊᑲᐅᖏᓕᐅᕈᑎᖃᕐᓂᕋᓚᐅᖅᑐᑦ.
ᕿᒻᒥᒧᑦ ᐹᔭᐅᓐᓂᓚᐅᖅᑐᖅ ᐅᖃᐅᓯᐅᓚᐅᖅᑐᖅ ᐋᒐᓯ 24, 2026 ᖃᐅᔨᓴᖅᑕᐅᕙᓪᓕᐊᔪᖅ ᒫᓐᓇᒧᑦ ᐸᓖᓯᒃᑯᓐᓄᑦ (RCMP), ᐱᓕᕆᕝᕕᐅᔪᑦ ᓯᕗᓕᖅᑎᐅᓗᑎᒃ ᖃᐅᔨᓴᖅᑎᓂᒃ ᖃᓄᐃᓕᐅᕈᑎᐅᓚᐅᖅᑐᒥᒃ. ᓄᓇᓕᓐᓂ ᐸᓖᓯᖕᖑᐊᒃᑯᑦ ᐃᑲᔪᕐᓱᐃᒻᒥᔪᑦ ᐱᓕᕆᔪᓂᒃ ᒪᓕᑦᑐᑎᒃ ᐃᑲᔫᑎᒋᒋᐊᓕᒻᒥᓂᒃ ᐊᒻᒪ ᖃᓄᐃᓕᐅᕐᓂᐊᖅᑐᑎᒃ ᖃᓄᐃᓕᐅᕈᑎᐅᔪᓄᑦ ᐊᑐᐃᓐᓇᕆᔭᒥᓂᒃ ᐱᓕᕆᔾᔪᑎᒋᔪᓐᓇᖅᑕᒥᓂᒃ ᓄᓇᓕᐸᐅᔭᒃᑯᑦ ᐆᒪᔪᓂᒃ ᐊᐅᓚᑦᓯᔾᔪᑎᒍᑦ ᐱᔪᓐᓇᐅᑎᐅᔪᓂᒃ. ᐊᐱᖅᑯᑎᐅᔪᑦ ᐱᔾᔪᑎᖃᓗᐊᖅᑐᑦ ᐸᓖᓯᒃᑯᑦ (RCMP) ᖃᐅᔨᓴᐅᑎᖏᓐᓂᒃ ᑐᖄᖅᑎᑕᐅᒍᓐᓇᖅᑐᑦ ᐃᖃᓗᓐᓂ ᐸᓖᓯᒃᑯᓐᓄᑦ (RCMP).
ᓄᓇᓕᐸᐅᔭᒃᑯᑦ ᐊᔭᐅᖅᑐᐃᖏᓐᓇᐸᑦᑐᑦ ᓄᓇᓕᕐᒥᐅᑕᓂᒃ ᐅᖃᐅᓯᖃᖃᑦᑕᖁᓪᓗᒋᑦ ᕿᒻᒥᓂᒃ ᑕᒫᓂᖅᑭᔪᓂᒃ ᐊᒻᒪ ᐊᓯᖏᓐᓂᒃ ᐆᒪᔪᓕᕆᔪᓂᒃ ᕿᓚᒥᐅᔫᒥᔪᒃᑯᑦ ᐊᔪᕐᓇᖏᑉᐸᑦ. ᕿᓚᒥᐅᔫᒥᔪᖅ ᐅᖃᐅᓯᐅᑎᓪᓗᒋᑦ ᓄᓇᓕᓐᓂ ᐸᓖᓯᖕᖑᐊᒃᑯᑦ ᑭᐅᓴᕋᐃᓂᕐᓴᐅᔪᓐᓇᐸᒻᒪᑕ ᐃᓱᒫᓘᑎᐅᔪᓄᑦ, ᓇᓗᓇᐃᔭᐃᒍᓐᓇᐸᑦᑐᑎᒃ ᐱᓕᖅᑭᑦᑖᔪᓂᒃ, ᐊᒻᒪ ᓈᒻᒪᑦᑐᓂᒃ ᖃᓄᐃᓕᐅᕆᐊᕈᓐᓇᐸᑦᑐᑎᒃ ᓴᐳᒻᒥᑦᓯᓇᓱᐊᖅᑐᑎᒃ ᓄᓇᓕᕐᒥᐅᑕᓂᒃ ᐊᒻᒪ ᐆᒪᔪᓂᒃ ᓄᓇᓕᓐᓃᑦᑐᓂᒃ.
ᐅᖃᐅᓯᖃᕈᒪᔪᑦ ᑕᒫᓂᖅᑭᔪᓂᒃ ᐅᕝᕙᓘᓐᓃᑦ ᐃᕐᓯᓇᖅᑐᓂᒃ ᐆᒪᔪᓂᒃ:
ᓄᓇᓕᐸᐅᔭᒃᑯᑦ ᑭᐅᔨᖏᑦ (24/7): 867-979-5650
ᐃᕐᖐᓇᖅᑕᐅᑎᒃᑯᑦ ᑐᕌᕈᑎᖏᑦ (ᓇᒡᒋᔾᔭᐅᒥᒃ ᑕᓪᓕᒥᕐᒧᑦ, 9-ᒥᓂᒃ ᐅᓪᓛᓂᒃ – 5-ᒧᓄᑦ ᐅᓐᓄᓴᒃᑯᑦ): municipalenforcement@iqaluit.ca
ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᓄᓇᓕᕐᒥᐅᑕᓂᒃ ᐅᖃᐅᓯᖃᖅᐸᓐᓂᖏᓐᓄᑦ ᐃᓱᒫᓘᑎᐅᔪᓂᒃ ᐊᒻᒪ ᐃᑲᔪᕐᓱᐃᕙᓐᓂᖏᓐᓄᑦ ᓄᓇᓕᕗᑦ ᐊᑦᑕᓇᖅᑐᖃᖁᓇᒍ ᑭᒃᑯᑐᐃᓐᓇᑦᓯᐊᓄᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
