ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᓇᐅᕕᐅᕙᑦᑐᖅ ᒪᑐᓯᒪᓂᐊᖅᑐᖅ ᐃᓗᐊ ᐋᖅᑭᑦᓯᕕᐅᓂᖓᓄᑦ ᐱᖕᖑᐊᕐᕕᒻᒥᒃ
ᔪᓚᐃ 30, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᑦᓯᐊᖅᑐᒍ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᓇᐅᕕᐅᑉ ᐃᓗᐊ ᐋᖅᑭᑦᓯᕕᐅᓛᓕᕐᓂᖓᓄᑦ ᒫᓐᓇᕈᓘᓕᖅᑐᖅ.
ᐱᒋᐊᕐᓗᑎᒃ ᓇᒡᒋᔾᔭᐅᒥ, ᐋᒐᓯ 3 ᐅᓪᓛᒃᑯᑦ 8-ᒨᖅᐸᑦ, ᐊᓇᐅᕕᐅᕙᑦᑐᖅ ᒪᑐᓯᒪᑲᐃᓐᓇᓛᕐᒪᑦ ᑭᒃᑯᑐᐃᓐᓇᕐᓄᑦ ᐱᓕᕆᔨᐅᔪᑦ ᐅᐸᓗᖓᐃᔭᐃᓂᖏᓐᓂ ᐃᓗᐊᓂᒃ ᐊᒻᒪ ᐱᔭᕆᖅᑕᐅᓗᓂ ᓄᓇᑦᑕᖓ ᓄᑖᒥᒃ ᐃᓗᐊ ᐋᖅᑭᑦᓯᕕᐅᒐᔭᕐᓗᓂ ᐊᓇᐅᕕᐅᒐᔭᖅᑐᒥᒃ. ᑕᐃᑦᓱᒪ ᐱᓇᓱᐊᕕᓯᖓᓂ ᐱᒋᐊᓛᔾᔭᖕᖒᕆᔭᐅᔪᑦ ᐋᑦᑭᒃᓱᐃᔪᑦᓴᑦ.
ᐱᓕᕆᐊᖑᔪᖅ ᐱᔭᕇᖅᑕᐅᔾᔭᖕᖒᖅᑐᖅ, ᐊᒻᒪ ᐊᓇᐅᕕᒃ ᒪᑐᐃᕋᔭᕐᓗᓂ ᓇᒡᒋᔾᔭᐅᒥ, ᐋᒐᓯ 10.
ᓄᓇᓕᕐᒥᐅᑕᐃᑦ ᐊᑐᖕᖏᑲᐃᓐᓇᖁᔭᐅᔫᒐᓗᐊᑦ ᐊᓇᐅᕕᒻᒥᒃ ᐱᓕᕆᕝᕕᐅᓂᖓᓂ. ᐃᓯᕋᓚᑦᑕᐅᒍᓂ ᐊᓇᐅᕕᒃ ᑭᖑᕙᑐᐃᓐᓇᕆᐊᖃᕐᒪᑦ ᐱᓕᕆᐊᖑᔪᖅ ᐊᒻᒪ ᐊᑦᑐᐃᓗᑎᒃ ᐸᕐᓇᐅᑕᐅᓯᒪᔪᒥᒃ ᒪᑐᐃᕐᕕᒋᒃᑲᓐᓂᓛᖅᑕᖓᓂᒃ ᐅᓪᓗᕐᓯᐅᑎᒍᑦ.
ᖃᐅᔨᒪᔪᐃᓐᓇᐅᔪᒍᑦ ᖁᕕᐊᓇᖅᐸᖏᓐᓂᖓᓄᑦ ᐊᓇᐅᕕᐅᔪᖅ ᒪᑐᓯᒪᑎᓪᓗᒍ, ᕿᓚᒥᕈᓘᒐᓗᐊᖅ, ᑭᓯᐊᓂ ᑕᒪᒃᑯᐊ ᐱᐅᓯᑎᑦᓯᒋᐊᕈᑎᐅᓂᐊᖅᑐᑦ ᐱᖕᖑᐊᐸᑦᑐᓂᒃ ᐊᒻᒪ ᐃᓚᒋᔭᖏᓐᓂᒃ ᐊᑲᐅᓂᕐᓴᐅᔪᒥᒃ ᐃᓂᖃᖃᕈᑎᐅᓂᐊᖅᑐᑦ ᐊᕐᕌᒍᒐᓴᓂᒃ.
ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᓄᓇᕗᑦ ᐅᒥᐊᕐᔪᐊᒃᑯᑦ ᓱᓇᒃᑯᑖᑦᓴᓂᒃ ᐅᓯᔨᓂᒃ (NSSI) ᒥᓐᓂᖏᑦᑎᐊᖅᑐᑎᒃ ᐃᑲᔫᑎᖃᓚᐅᕐᓂᖏᓐᓄᑦ ᐅᒥᐊᕐᔪᐊᒃᑰᕈᑎᖏᒍᑦ ᓱᓇᒃᑯᑖᑦᓴᖏᓐᓂᒃ ᐱᓕᕆᔾᔪᑎᐅᓂᐊᖅᑐᓂᒃ. ᐃᑲᔪᕐᓱᐃᓂᖏᑦ ᐱᓪᓗᒋᑦ ᐊᓇᐅᕕᐅᑉ ᐃᓗᐊᓃᑦᑐᑦᓴᐃᑦ ᓱᓇᒃᑯᑖᑦ ᐃᖃᓗᓐᓅᕈᓐᓇᖅᑎᑕᐅᓚᐅᖅᑐᑦ ᐱᔭᕆᐊᑭᑦᑐᒃᑯᑦ ᐊᒻᒪ ᐱᐅᓯᑎᑦᓯᖃᑕᐅᓂᐊᓕᖅᑐᑎᒃ ᑭᐱᖕᖑᐃᔭᕐᕕᐅᕙᑦᑐᒥᒃ ᓄᓇᓕᕐᒥᐅᑕᓄᑦ.
ᖁᔭᒋᑦᓯᐊᐸᑦᑕᕗᑦ ᓄᓇᓕᕐᒥᐅᑕᐃᑦ ᐅᑕᖅᑭᑦᓯᐊᐸᓐᓂᖏᑦ ᐊᒻᒪ ᐃᑲᔪᖅᐸᓐᓂᖏᑦ ᑲᑐᔾᔨᖃᑕᐅᓗᑎᒃ. ᑐᖕᖓᓱᑦᑎᑲᓐᓂᓛᕈᒪᑦᓯᐊᖅᑕᕗᑦ ᓄᓇᓕᕐᒥᐅᑕᐃᑦ ᐅᑎᒃᑲᓐᓂᕈᑦᑕ ᐊᓇᐅᕕᒻᒧᑦ ᒫᓐᓇᕈᓘᓛᖅᑐᖅ!
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
979-5619 | g.byrne@iqaluit.ca
