ᐃᒋᐅᖅᑲᐃᓂᖅ ᑲᒪᒋᑦᓯᐊᕐᓗᒋᑦ ᐃᒋᑕᐅᓂᐊᖅᑐᑦ ᐹᑕᓖᒥᓃᑦ ᐊᒻᒪ ᐅᐊᔭᒨᖅᑐᓂᒃ ᓴᓂᕐᓂᒃ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᒋᐅᖅᑲᐃᓂᖅ ᑲᒪᒋᑦᓯᐊᕐᓗᒋᑦ ᐃᒋᑕᐅᓂᐊᖅᑐᑦ ᐹᑕᓖᒥᓃᑦ ᐊᒻᒪ ᐅᐊᔭᒨᖅᑐᓂᒃ ᓴᓂᕐᓂᒃ  

ᔪᓚᐃ 10, 2026 – ᐃᖃᓗᐃᑦ, ᓄᓇᕗᑦ

 

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐊᒻᒪ ᓇᖕᒥᓂᖃᖅᑎᐅᔪᓂᒃ ᐹᑕᓖᒥᓃᑦ, ᐅᐊᔭᒨᖅᑐᒥᓃᑦ, ᐊᒻᒪ ᐃᓚᒥᓂᐅᔪᑦ ᐅᐊᔭᒨᖅᑐᓄᑦ ᐃᓛᒃᑰᖓᒋᐊᖃᖅᐸᒻᒪᑕ ᓴᓂᑐᐃᓐᓇᕐᓂᒃ ᐊᑦᓯᕕᒻᒧᑦ ᐃᒋᑕᐅᓂᐊᖅᑎᓪᓗᒋᑦ.

ᓱᓇᑐᐃᓐᓇᐃᑦ ᓲᕐᓗ ᐅᖄᓚᐅᑎᒥᓃᑦ, ᖃᕋᑕᐅᔭᒥᓃᑦ, ᓯᒡᒐᓕᐊᖕᖑᐊᒥᓃᑦ ᐊᒻᒪ ᓱᕐᕋᓇᖅᑐᑦ ᑎᒻᒥᑳᓲᑦ, ᐊᖏᕐᕋᓂ ᐹᑕᓖᒥᓃᑦ, ᑏᕖᒥᓃᑦ, ᖃᕋᑕᐅᔭᕋᓛᒥᓃᑦ ᑎᒍᒥᐊᒐᐃᑦ, ᐊᒻᒪ ᐊᓯᖏᑦ ᐅᐊᔭᒨᖅᑐᒥᓃᑦ ᓱᓇᑐᐃᓐᓇᐃᑦ ᐃᑭᒍᓐᓇᕐᒪᑕ ᓴᓂᑐᐃᓐᓇᕐᓄᑦ ᑲᑎᒪᑎᑕᐅᑎᓪᓗᒋᑦ ᐃᒋᑕᐅᒍᑎᒃ. ᑕᒪᒃᑯᐊ ᐃᓛᒃᑰᖓᒋᐊᓕᐅᔪᑦ ᐊᑦᑕᓇᖅᑐᒦᖁᓇᒋᑦ ᐊᑦᓯᕕᒻᒥ ᐃᖅᑲᓇᐃᔭᖅᑎᐅᔪᑦ, ᑐᐊᕕᕐᓇᖅᑐᓕᕆᔨᐅᔪᑦ, ᓄᓇᓕᕐᒥᐅᑕᐃᑦ, ᐊᒻᒪ ᓄᓇᓕᕗᑦ ᐊᑦᑕᓇᖅᑐᒦᖁᓇᒍᑦ.

ᕿᒪᐃᓂᐊᕈᑦᓯ ᐹᑕᓖᒥᓂᕐᓂᒃ ᐅᕝᕙᓘᓐᓃᑦ ᐅᐊᔭᒨᖅᑐᒥᓂᕐᓂᒃ ᓴᓂᕐᓂᒃ ᐊᑦᓯᕕᒻᒧᑦ, ᓄᓇᓕᕐᒥᐅᑕᐃᑦ ᐊᒻᒪ ᓇᖕᒥᓂᖃᖅᑎᐅᔪᑦ ᑕᒪᒃᑯᓂᖓ ᓇᓗᓇᐃᕐᓯᓯᒪᑦᓯᐊᖁᔭᐅᔫᒐᓗᐊᑦ ᐊᑦᓯᕕᐅᑉ ᐃᓪᓗᕋᓛᖓᓃᑦᑐᓄᑦ ᐱᓕᕆᔨᓄᑦ ᕿᒪᐃᒋᐊᖅᑐᖅᓯᒪᓕᕈᑎᒃ.

ᐹᑕᓖᒥᓂᐅᔪᑦ ᐊᒻᒪ ᐅᐊᔭᒨᖅᑐᒥᓃᑦ ᓴᓃᑦ ᒥᑭᔫᑎᐅᕙᑦᑑᒐᓗᐊᑦ, ᑭᓯᐊᓂ ᐊᖏᔫᑎᐊᓗᓐᓂᒃ ᐊᑲᐅᖏᓕᐅᕈᑎᓕᐅᕈᓐᓇᕐᒪᑕ ᑲᑎᑕᐅᓯᒪᑎᓪᓗᒋᑦ ᐊᓯᖏᓐᓄᑦ ᓴᓂᑐᐃᓐᓇᕐᓄᑦ. ᑲᒪᒋᒃᑲᓐᓂᖅᐸᑦᑐᒋᑦ ᑲᑎᒪᑕᐅᕙᖏᓐᓂᖏᑦ ᐊᓯᖏᓐᓄᑦ ᓴᓂᕐᓄᑦ ᓴᐳᒻᒥᑦᓯᒍᓐᓇᕐᒪᑕ ᐊᑦᓯᕕᒻᒥ ᐃᖅᑲᓇᐃᔭᖅᑎᓂᒃ, ᖃᑦᑎᕆᔨᓂᒃ, ᓄᓇᓕᕐᒥᐅᑕᓂᒃ, ᐊᒻᒪ ᓄᓇᓕᑦᑎᓐᓂᒃ ᓴᖅᑭᑎᑦᑕᐃᓕᒪᒐᑦᓴᓂᒃ ᐃᑯᐊᓚᔪᓂᒃ.

ᐃᖃᓗᐃᑦ ᐊᕐᕌᒍᓂ ᐊᓂᒍᖅᑐᓂ ᐊᑦᓯᕕᓕᕆᖑᑲᓚᐅᖅᑐᑦ, ᐊᒻᒪ ᐊᓯᖏᓐᓂᒃ ᑕᑯᒃᑲᓐᓂᕈᒪᒍᓐᓃᖅᑐᑎᒃ ᓄᓇᓕᕐᒥᐅᑕᐃᑦ ᑭᖑᓪᓕᐅᔪᓂᒃ. ᐃᓚᓕᐅᔾᔭᐅᓯᒪᕙᖏᓐᓂᖏᑦ ᐹᑕᓖᒥᓂᐅᔪᑦ ᐊᒻᒪ ᐅᐊᔭᒨᖅᑐᒥᓃᑦ ᓴᓃᑦ ᐃᒋᐅᖅᑲᖅᑕᐅᓚᐅᖏᓐᓂᖏᓐᓄᑦ ᓄᓇᓕᕐᒥᐅᑕᐃᑦ ᐊᒻᒪ ᓇᖕᒥᓂᖃᖅᑎᐅᔪᑦ ᐱᓕᕆᐊᖃᖅᐸᒃᑯᑎᒃ ᐱᔭᕆᐊᑐᔪᐊᓘᖏᒻᒪᑕ ᐊᑦᑕᓇᖅᑐᒦᖁᓇᒍ ᐊᒻᒪ ᓂᕆᐅᓇᖏᑦᑐᓂᒃ ᐊᑐᖃᑦᑕᖁᓇᒍ ᐊᑦᓯᕕᖁᑎᕗᑦ.

ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᓄᓇᓕᕐᒥᐅᑕᓂᒃ ᐊᒻᒪ ᓇᖕᒥᓂᖃᖅᑎᐅᔪᓂᒃ ᐱᓕᕆᖃᑕᐅᕙᓐᓂᖏᓐᓄᑦ ᐊᑦᓯᕕᒃ ᐊᑦᑕᓇᖅᑐᒦᖁᓇᒍ ᐊᒻᒪ ᓯᕗᒧᐊᖑᑎᐅᑦᓯᐊᖁᓪᓗᒍ ᐱᓕᕆᔾᔪᑎᒍᑦ.

 

 

##

 

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:

 

ᐳᕆᐊᓇ ᓴᐃᒪᐃᔪᖅ-ᐸᐃᓐᔅ

ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5630 | b.shaimaiyuk-baines@iqaluit.ca