ᑲᓇᑕᐅᑉ ᐅᓪᓗᖕᒐᓂ ᖁᔭᓐᓇᒦᒃ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᑲᓇᑕᐅᑉ ᐅᓪᓗᖕᒐᓂ ᖁᔭᓐᓇᒦᒃ
ᔪᓚᐃ 3, 2026 – ᐃᖃᓗᐃᑦ, ᓄᓇᕗᑦ

 

ᐃᖃᓗᖕᓂ ᓄᓇᓕᐸᐅᔭᒃᑯᑦ ᖁᔭᓕᔪᒪᔪᑦ ᑭᒃᑯᓕᒫᓂᒃ ᐱᖃᑕᐅᓚᐅᖅᑐᓂᒃ ᑕᕝᕙᓂ ᐊᕐᕌᒍᒥ ᑲᓇᑕᐅᑉ ᐅᓪᓗᖕᒐᓂ ᖁᕕᐊᓲᑎᖃᖅᑎᓪᓗᑕ.

ᓯᓚᑦᑎᐊᕙᐅᓚᐅᕐᓂᖕᒐᓄᑦ ᐊᒥᓱᑦ ᓄᓇᖅᑲᑎᒌᑦ ᐃᓚᒌᓪᓗ ᑲᑎᖖᒐᔪᓐᓇᓚᐅᕐᒪᑕ ᐅᓪᓗᓕᒫᖅ. ᐃᖕᒋᕐᕋᕋᔮᓚᐅᖅᑎᓪᓗᒋᑦ, ᖁᕕᐊᓲᑎᖃᕐᓂᖅ ᑲᔪᓯᓚᐅᖅᑐᖅ ᓇᑲᓱᒃ ᐃᓕᓐᓂᐊᕐᕕᖕᒐᑕ ᓯᓚᑖᓂ, ᓄᓇᖅᑲᑎᒌᑦ ᑲᑎᖖᒐᓚᐅᖅᑐᑦ ᐃᒐᓪᓗᑎᒃ, ᓂᔾᔭᐅᓯᔭᖅᑐᖃᖅᑐᓂ, ᑮᓇᖕᒋᑦ ᒥᖕᒍᐊᖅᑕᐅᓪᓗᑎᒃ, ᐅᐃᒪᕕᒃ ᐳᓪᓚᒃᑕᐅᓯᒪᓪᓗᓂ, ᐊᒻᒪᓗ ᐊᓯᖕᒋᑦ ᐃᓚᒌᓄᑦ ᐱᓕᕆᐊᖕᒍᕙᒃᑐᑦ.

ᓄᓇᓕᐸᐅᔭᒃᑯᑦ ᖁᔭᓕᔪᒪᖕᒥᔪᑦ ᐃᖅᑲᓇᐃᔭᖅᑎᓂᒃ, ᐊᑭᓕᖅᓱᖅᑕᐅᖕᒋᑦᑐᑦ ᐱᓕᕆᔪᑦ, ᑲᑐᔾᔨᖃᑎᒌᑦ, ᐊᒻᒪᓗ ᓄᓇᓕᖕᓂ ᑲᑎᖖᒐᔪᓂᒃ ᐃᑲᔪᓚᐅᖅᑐᑦ ᐱᖖᒍᐊᖅᑎᑦᑎᔪᓂᒃ ᐊᔪᕐᓇᖖᒋᑎᑦᑎᓚᐅᖅᑐᓪᓗ. 30 ᐅᖕᒐᑖᓃᑦᑐᑦ ᐃᖅᑲᓇᐃᔭᖅᑏᑦ ᐊᒻᒪᓗ ᐊᑭᓕᖅᓱᑕᐅᖖᒋᑦᑐᑦ ᐱᓕᕆᓚᐅᖅᑐᑦ ᐅᓪᓗᓕᒫᖅ, ᐊᒻᒪᓗ ᐃᖕᒋᕐᕋᔪᑦ 30 ᐅᖕᒐᑖᓃᓚᐅᖅᑐᑦ 19-ᓂᒃ ᐊᔾᔨᒌᖖᒋᑦᑐᓂᒃ ᑲᑐᔾᔨᖃᑎᒌᓂᒃ ᐊᒻᒪᓗ ᓄᓇᓕᖕᓂ ᑲᑎᖖᒐᔪᓂᒃ.

ᐃᓚᒋᓪᓗᓂᐅᒃ ᐱᓕᕆᐊᖕᒍᔪᓄᑦ ᓇᑲᓱᒃ ᐃᓕᓐᓂᐊᕐᕕᐅᑉ ᓯᓚᑖᓂ, ᓄᓇᓕᐸᐅᔭᒃᑯᑦ 600-ᓂᒃ ᐅᓲᔭᑐᖅᑎᑦᑎᓚᐅᖅᑐᑦ, 400-ᓂᒃ ᕼᐋᒻᐳᒍᓂᒃ, ᐊᒻᒪᓗ 400-ᓂᒃ ᑲᐃᒃᓂᒃ. ᓄᓇᓕᐸᐅᔭᒃᑯᑦ ᖁᕕᐊᓱᓚᐅᕆᕗᑦ ᐱᓕᕆᖃᑎᖃᖅᑐᑎᒃ ᖃᔪᖅᑐᕐᕕᒃ ᓄᓇᓕᖕᓂ ᓂᕿᓕᕆᕝᕕᖕᒥ, 556-ᓂᒃ ᓵᖃᖅᑎᑦᑎᓪᓗᑎᒃ ᐅᓪᓛᕈᒻᒥᑕᒐᕐᒥᒃ ᐹᓐᑲᐃᒃ, ᓵᓯᑦᔅᓂᓪᓗ ᐅᓪᓗᖅ ᐱᒋᐊᓕᓵᖅᑎᓪᓗᒍ.

ᐃᒻᒪᖄ 30 ᓱᕈᓰᑦ ᐱᖃᑕᐅᓚᐅᖅᑐᑦ ᑐᒃᑲᕆᐊᓕᖕᒋᓐᓂᒃ ᐱᐅᓴᐃᓪᓗᑎᒃ, ᐃᓚᓯᓪᓗᑎᒃ ᐊᒥᐊᓂᒃ ᐊᒻᒪᓗ ᐆᒻᒪᕆᒃᓯᑎᑦᑎᓪᓗᑎᒃ ᖁᕕᐊᓲᑎᖃᖅᑎᓪᓗᒋᑦ.

ᓄᓇᓕᐸᐅᔭᒃᑯᑦ ᖁᔭᓕᔪᑦ ᑭᒃᑯᓕᒫᓂᒃ ᐱᖃᑕᐅᓚᐅᖅᑐᓂᒃ, ᐃᑲᔪᓚᐅᖅᑐᓂᒃ, ᐊᑭᓕᖅᓱᖅᑕᐅᖖᒋᑦᑐᓂᒃ ᐃᑲᔪᖅᑐᓂᒃ, ᐃᖕᒋᕐᕋᖃᑕᐅᓚᐅᖅᑐᓂᒃ, ᓂᕆᑎᑦᑎᓚᐅᖅᑐᓂᒃ ᐅᕝᕙᓘᓐᓃᑦ ᐱᖖᒍᐊᖃᑕᐅᓚᐅᖅᑐᓂᒃ. ᓄᓇᓕᖕᓂ ᖃᓄᐃᓕᐅᕐᓂᐅᔪᑦ ᑐᖖᒐᕕᖃᕐᒪᑕ ᐊᒥᓱᓂᒃ ᐃᓄᖕᓂᒃ ᐱᓕᕆᖃᑎᒌᒃᑐᓂᒃ, ᐊᒻᒪᓗ

 

 

ᓄᓇᓕᐸᐅᔭᒃᑯᑦ ᐃᓕᓴᖅᓯᔪᑦ ᐱᕕᒃᓴᖃᓚᐅᖅᑐᓂᒃ ᐊᒻᒪᓗ ᐱᔪᓐᓇᕐᓂᖕᒋᓐᓂ ᐊᑭᓕᖅᓱᖅᑕᐅᓇᑎᒃ ᐱᓕᕆᕙᒃᑐᑦ, ᐃᖅᑲᓇᐃᔭᖅᑏᑦ ᐊᒻᒪᓗ ᓄᓇᓕᖕᒥᐅᑦ ᐅᐸᒍᑎᓚᐅᖅᑐᑦ ᐅᓪᓗᕐᒥ ᐱᐅᓯᕚᓪᓕᖅᑎᑦᑎᓇᓱᒃᑐᑎᒃ.

ᓄᓇᓕᐸᐅᔭᒃᑯᑦ ᑐᖖᒐᓱᒃᑎᑦᑎᒻᒥᔪᑦ ᐅᖃᐅᓯᒃᓴᕆᔭᐅᔪᓂᒃ ᓄᓇᓕᖕᒥᐅᓄᑦ ᐊᑐᖅᑕᐅᓂᐊᖅᑐᑎᓪᓗ ᐸᕐᓇᓕᕐᒥᒃᐸᑕ ᓯᕗᓂᒃᓴᒥ ᓄᓇᓕᖕᓂ ᖃᓄᐃᓕᐅᕐᓂᐅᓂᐊᖅᑐᓂᒃ.

 

##

 

 

ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᒃᑲᓐᓂᕈᒻᒪᖅᑐᑎᑦ:

 

ᔨᐊᕝ ᐹᕐᓂ

ᑐᓴᐅᒪᔪᓕᕆᓂᕐᒧᑦ ᐊᑭᓕᖅᓱᐃᔨᓄᓪᓗ ᐱᔨᑦᑎᕋᖅᑎᓄᑦ ᐊᐅᓚᑦᑎᔨ

ᐃᖃᓗᖕᓂ ᓄᓇᓕᐸᐅᔭ

867-979-5619 | g.byrne@iqaluit.ca