ᐃᖃᓗᐃᑦ ᐃᓗᐊᓂᒃ ᓴᓗᒻᒪᕐᓴᐃᓂᖅ: ᓄᓇᕐᔪᐊᕗᑦ ᒪᒥᓴᕐᒪᑦ. ᐃᑲᔪᖅᑕ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᖃᓗᐃᑦ ᐃᓗᐊᓂᒃ ᓴᓗᒻᒪᕐᓴᐃᓂᖅ: ᓄᓇᕐᔪᐊᕗᑦ ᒪᒥᓴᕐᒪᑦ. ᐃᑲᔪᖅᑕ.
ᔪᓂ 10, 2026 – ᐃᖃᓗᐃᑦ, ᓄᓇᕗᑦ

 

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᖕᖓᓱᑦᑎᑦᓯᕗᑦ ᓄᓇᓕᕐᒥᐅᑕᓂᒃ, ᓇᖕᒥᓂᖃᖅᑎᐅᔪᓂᒃ, ᑲᑐᔾᔨᖃᑎᒌᖑᔪᓂᒃ, ᐊᒻᒪ ᓂᐅᕐᕈᓯᒪᔪᓂᒃ ᐱᖃᑕᐅᖁᓪᓗᒋᑦ ᐊᕐᕌᒍᑎᓐᓂ ᓄᓇᓕᓐᓂᒃ ᓴᓗᒻᒪᕐᓴᐃᓕᕈᑦᑕ ᑕᓪᓕᒥᐅᓕᖅᐸᑦ, ᔪᓂ 19, 2026 ᐱᒋᐊᕋᔭᖅᑐᓯ 9-ᒥ ᐅᓪᓛᒃᑯᑦ 4-ᒧᓄᑦ ᐅᓐᓄᓴᒃᑯᑦ.

ᐊᐳᑦ ᐊᐅᑦᓯᒪᔪᐃᓐᓇᕋᓘᓕᕐᒪᑦ, ᐊᒻᒪ ᕿᑮᖄᖅᕙᓗᓐᓂᐅᕙᑦᑐᖅ ᐃᓕᑕᕐᓇᐸᑦᑐᖅ ᐅᑭᐅᕐᒥᒃ ᐊᓂᒍᐃᕙᓗᓕᖅᑐᓂ.

ᓄᓇᓕᓐᓂ ᐆᒪᔪᐃᑦ ᐊᒻᒪ ᐊᓐᓄᕌᓕᕋᐃᒻᒪᑦ ᓄᓇᐅᑉ ᖄᖓᓃᑦᑐᓂᒃ ᓅᑎᕆᓯᒪᓗᑎᒃ ᐅᑭᐅᒃᑯᑦ ᓇᓗᓇᕋᑎᒃ. ᓄᓇᓕᓐᓂᒃ ᓴᓗᒻᒪᕐᓴᐃᓂᒃᑯᑦ ᐅᑎᖅᑎᐅᖃᐃᔪᓐᓇᓕᖅᐸᑦᑐᒍᑦ ᓴᓂᒃᑯᕕᓐᓄᑦ ᐅᑎᖅᑎᐅᖃᖅᑐᒋᑦ.

ᐴᑦᓴᐃᑦ ᓴᓂᕐᓄᑦ, ᐊᒡᒑᑦ, ᐊᒻᒪ ᓱᓇᒃᑯᑖᑦᑕᖏᓐᓂᒃ ᐊᑐᐃᓐᓇᖃᓛᓕᕐᒥᔪᑦ ᐱᒋᐊᕐᓗᑎᒃ ᐅᓪᓛᒃᑯᑦ 9-ᒨᖅᐸᑦ ᓯᓚᑖᓂ ᐃᖃᓗᐃᑦ ᐅᖃᓕᒫᒐᖃᕐᕕᖓᑕ/ᐅᓂᑳᕐᕕᒃ ᐳᓚᕋᑦᑎᓄᑦ ᑐᖕᖓᕕᐊᑕ. ᑎᒍᓯᓗᓯ  ᓱᓇᒃᑯᑖᑦᓴᓐᓂᒃ, ᓂᕈᐊᕐᓗᓯ ᓇᒥ ᓴᓗᒻᒪᕐᓴᐃᓂᐊᕐᒪᖔᑦᓯ, ᑕᑕᓪᓗᒍ ᓴᓂᒃᑯᕖᑦ, ᕿᓚᑦᓯᐊᕐᓗᒍ, ᐊᒻᒪ ᕿᒪᑉᐸᓪᓗᒋᑦ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᓄᐊᑕᐅᒐᔭᕐᒪᑕ.  

ᒐᕙᒪᐃᑦ, ᓇᖕᒥᓂᖃᖅᑎᐅᔪᑦ, ᐊᒻᒪ ᑲᑐᔾᔨᖃᑎᒌᖑᔪᑦ ᐊᔭᐅᖅᑐᖅᑕᐅᕗᑦ ᐃᖅᑲᓇᐃᔭᖅᑎᖁᑎᖏᓐᓂᒃ ᐱᖃᑕᐅᑎᑦᓯᖁᓪᓗᒋᑦ. ᖃᓄᐃᖏᑦᓯᐊᕐᓂᖓᓄᑦ ᐃᑲᔪᕐᓱᐃᔾᔪᑎᒋᓂᐊᕐᓗᒍ ᓄᓇᓕᓐᓂᒃ, ᓯᓚᒦᑲᐃᓐᓇᕈᒪᔪᑦ ᓯᓚᒦᑲᐃᓐᓇᓂᐊᕐᒪᑕ, ᐊᒻᒪ ᐃᕐᖐᓇᖅᑕᐅᑎᐅᔪᑦ ᑭᖑᕝᕕᖅᑕᐅᖔᑲᐃᓐᓇᕐᓗᑎᒃ ᓴᓂᕐᓂᒃ ᐴᑦᓴᓄᑦ ᕿᓚᒥᑯᓗᒃ ᐃᒻᒪᖄ ᐃᑲᕐᕋᐅᑉ ᐊᕝᕙᕐᔪᐊᖓᓂᓪᓘᓐᓃᑦ ᐱᕙᓪᓕᐅᑎᒐᔭᖅᑐᑦ.

ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑐᒥᓂᐅᔪᓂᒃ ᖁᔭᓕᓗᑎᒃ ᐆᑦᓯᓛᕐᓂᐊᖅᑐᑦ ᓂᕿᓂᒃ ᐱᒋᐊᕐᓗᑎᒃ ᐅᓪᓗᒃᑯᑦ 11:30-ᒥ 1:30-ᒧᓄᑦ ᐅᓐᓄᓴᒃᑯᑦ ᓯᓚᑖᓂ ᐅᖃᓕᒫᒐᖃᕐᕕᐅᑉ/ᑐᖕᖓᕕᐅᑉ, ᐅᓲᔭᖃᕐᓗᑎᒃ, ᐃᒥᒐᑦᓴᓂᒃ, ᐊᒻᒪ ᐱᔾᔪᓯᐊᖅᑎᑦᓯᕙᓪᓗᑎᒃ ᐱᓛᖅᑐᑦ ᐱᖃᑕᐅᓯᒪᔪᓂᒃ. ᓴᓪᓗᒐᓂ, ᖃᓄᐃᖏᒻᒪᕆᑦᑐᑦ ᐊᑐᕐᓂᐊᕐᓗᒋᑦ ᑕᓪᓕᕐᒥᐅᑉ ᐅᓪᓗᐊᐱᐊᓂ.  

ᓯᓚᕈᔫᓐᓂᖅᐸᑦ, ᓴᓗᒻᒪᕐᓴᐃᖔᕋᔭᖅᑐᑦ ᑕᓪᓕᒥᕐᒥ, ᔪᓂ 26, 2026.

ᓄᓇᓕᐸᐅᔭᒃᑯᑦ ᖁᔭᓐᓇᒦᕐᔪᐊᖅᑐᑦ ᐃᓘᓐᓇᑦᓯᐊᓯᓐᓂᒃ ᐃᑲᔪᖅᐸᓂᑦᓯᓐᓄᑦ ᐃᖃᓗᐃᑦ ᐃᓗᐊ ᓴᓗᒪᑎᑕᐅᓇᓱᑦᑎᓪᓗᒍ, ᖃᐅᒪᓂᕐᓴᐅᓕᖁᓪᓗᒍ, ᐊᒻᒪ ᐊᑦᓱᑲᓪᓚᐅᔪᖅ ᓯᖁᓪᓛᕙᓗᖏᓂᕐᓴᐅᓕᕐᓂᖓᓄᑦ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:

ᔭᕝ ᐴᕐᓐ

ᑐᓴᐅᒪᐅᑎᓕᕆᔾᔪᑎᓂᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ

ᓄᓇᓕᐸᐅᔭᐃᑦ ᐃᖃᓗᓐᐃᑦ

867-979-5619 | G.Byrne@iqaluit.ca