ᐊᐃᑉᐸᒥᓃᑦ ᐱᓐᓂᖏᑕᖓ ᐃᔅᓯᕙᐅᑕᑯᑖᖅ, ᑭᓯᐊᓂ ᐱᓂᐊᖅᑕᕗᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐊᐃᑉᐸᒥᓃᑦ ᐱᓐᓂᖏᑕᖓ ᐃᔅᓯᕙᐅᑕᑯᑖᖅ, ᑭᓯᐊᓂ ᐱᓂᐊᖅᑕᕗᑦ

ᔫᓂ 9, 2026 – ᐃᖃᓗᐃᑦ, ᓄᓇᕗᑦ

 

ᓄᓇᓕᐸᐅᔭᐃᑦ ᐃᖃᓗᐃᖅ ᖁᕕᓱᑦᑐᑦ ᑐᓴᖅᑎᑦᑎᓗᑎ ᐅᑎᕐᓂᐊ ᐊᖏᕋᒦᑦᑐᖅᓯᐅᑎᑦ ᐊᖏᔫᑎᑦ ᐊᐃᔭᐅᓂᖏᓐᓄᑦ ᐱᓕᕆᐊᖅ ᐱᒋᐊᕐᓂᖃᖅᑐᓂ ᐱᓇᓱᐊᕈᓯᖓᓂ ᔫᓂ 15, 2026.

ᐃᔅᓯᕙᐅᑕᑯᑖᒥᓂᖃᕈᕕᑦ, ᓱᕋᔅᓯᒪᔪᓂᑦ ᐃᓪᓗᒥᐅᑕᓂᑦ, ᐊᓪᓕᓂᒥᓂᑐᖃᕐᒥᑦ, ᐅᕝᕙᓘᓐᓃᑦ ᐊᒥᓱᒐᓚᓐᓂᑦ ᐱᓕᕆᐊᕆᒍᒪᖃᑦᑕᖅᓯᒪᔭᑎᑦ “ᖃᖑᒃᑯᒃᑭᐊᑦ,” ᑕᕝᕙᒫᓐᓇ ᐱᕕᔅᓴᕆᔭᐃᑦ.

ᐊᖏᖅᑕᐅᔪᑦ ᐃᓪᓗᒥᐅᑕᐃᑦ, ᐃᔅᓯᕙᐅᑕᑯᑖᑦ, ᖃᓪᓕᓃᑦ, ᑲᑎᓐᖓᑎᑕᐅᔪᑦ ᓇᑎᕋᔭᒥᓃᑦ, ᓱᓪᓗᓕᒥᓃᑦ, ᐃᒐᓛᒥᓃᑦ, ᑕᕐᕋᕐᑑᑎᒥᓃᑦ ᐊᒻᒪ ᐊᓯᖏᑦ ᐃᓪᓗᒥᐅᑕᔅᓴᔭᐃᑦ ᐊᖏᓗᐊᖅᑐᑦ ᐊᑦᑕᑯᒃᑯᕕᒻᒧᑦ ᐊᖏᓗᐊᖅᑐᑦ ᓄᐊᑕᐅᓂᖏᓐᓄᑦ.

ᑭᓱᑐᐃᓐᓇᐃᑦ ᐱᖃᓯᐅᔾᔭᐅᖏᑦᑐᑦ ᐃᓪᓗᒦᑦᑐᖅᓯᐅᑎᓄᑦ ᐊᑦᑕᑯᐃᑦ, ᐊᑦᑕᓇᖅᑐᑦ ᐊᑦᑕᑯᐃᑦ, ᓴᓂᑐᐃᓐᓇᐃᑦ, ᓄᓇᓯᐅᑎᓄᑦ ᐃᓚᒥᓂᖏᑦ, ᖃᕋᓴᐅᔭᒃᑰᕈᑏᑦ, ᐊᒥᐊᑦ, ᐅᖅᓱᐊᓗᐃᑦ, ᐃᓚᓕᐅᕈᑏᑦ, ᐊᔅᓴᓗᐊᑦ, ᐊᒻᒪ ᐱᓕᕆᕕᓐᓄᑦ ᐱᖁᑎᒋᔭᐅᔪᑦ.

ᓄᓇᓕᒻᒥᐅᑕᐃᑦ ᐊᐱᕆᔭᐅᔪᑦ ᐃᓕᔭᐅᓗᑎ ᐊᖏᖅᑕᐅᓯᒪᔪᑦ ᐊᖏᔫᑏᑦ ᐊᑐᕆᐊᖅ ᑭᓪᓕᖓᓃᑦᑎᑕᐅᓗᑎ, ᓴᓂᑦᑎᓂᐊᖓᓂ ᐊᑦᑕᑯᖃᕐᕕᒻᒥᑦ, ᐱᓇᓱᐊᕈᓯᖓᓂ ᔫᓂ 15. ᐃᑲᔪᕐᓗᒋᑦ ᐃᖅᑲᓇᐃᔭᖅᑏᑦ ᐸᕐᓇᐃᓗᑎ ᓄᐊᑦᑎᓂᕐᒧᑦ ᐊᖅᑯᑎᖏᓐᓂ, ᓄᓇᓕᒻᒥᐅᑕᐃᑦ ᑲᔪᖏᓴᖅᑕᐅᔪᑦ ᑭᓱᖏᓐᓂ ᐊᓃᑎᑦᑎᓗᑎ ᓇᒡᒐᔾᔭᐅᖑᓕᖅᑎᓪᓗᒍ, ᔫᓂ 15. ᑭᓱᐃᑦ ᐃᓛᒃᑰᖓᑎᑕᐅᒋᐊᓖᑦ ᓴᓂᐊᓂ ᐊᑦᑕᑰᒐᔪᑦᑐᓂᑦ ᐊᒻᒪ ᐃᓕᔭᐅᓯᒪᓗᑎ ᐋᖅᑭᓱᖅᓯᒪᓗᑎ, ᖁᓕᕇᖏᓪᓗᑎ.

ᐲᕐᓗᒋᑦ ᓇᒻᒥᓂᖅ ᐱᒋᔭᑎᑦ ᐃᒋᑕᐅᓂᐊᖏᑦᑐᓂᑦ ᓇᒦᓐᓂᖏᓐᓂ ᓄᐊᑦᑎᓂᐅᔪᖅ ᐱᒋᐊᓚᐅᖅᑎᓐᓇᒍ. ᐃᓚᖏᑦ ᑭᓱᐃᑦ ᐊᑐᒃᑲᓐᓂᕆᐊᖃᖅᑎᑕᐅᔪᓐᓇᕐᑐᑦ. ᐃᓚᖏᑦ ᑭᓱᐃᑦ ᑕᐃᒪᐃᑕᐅᒋᐊᖃᖏᑦᑐᑦ.

ᑖᓐᓇ ᐱᓕᕆᐊᖅ ᐊᑐᐃᓐᓇᐅᔪᖅ ᐊᖏᕋᖃᕐᕕᓄᑦ ᓇᒦᓐᓂᑐᐊᖏᓐᓄᑦ. ᐱᓕᕆᕕᐅᔪᓄᑦ ᓇᒦᓐᓂᖏᑦ, ᐱᖃᓯᐅᑎᓪᓗᓂ ᓄᓇᓕᖃᕐᕕᓪᓗᐊᑕᖓ, ᐱᖓᓐᓇᖓ 40, ᐊᒻᒪ ᐅᑮᕕᑐᖃᒻᒨᕆᐊᖅ ᐊᑐᕆᐊᖅ, ᐱᔪᓐᓇᖅᑎᑕᐅᖏᑦᑐᑦ.

 

ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᓄᓇᓕᒻᒥᐅᑕᓂᑦ ᐃᑲᔪᕐᓂᖏᓐᓄᑦ ᓴᓂᓪᓕᕇᔭᕗᑦ ᓴᓗᒪᑎᒃᑲᓂᕐᓗᒍ, ᐊᑦᑕᓇᖏᓂᖅᓴᐅᓗᑎ, ᐊᒻᒪ ᐊᒥᓲᖏᓂᖅᓴᐅᕌᔾᔪᓪᓗᑎ ᑭᓱᑐᐃᓐᓇᐃᑦ ᐃᔅᓯᕚᕐᕕᐅᓚᐅᖅᓯᒪᖏᑦᑐᓂᑦ 2021−ᒥᓂᑦ.

 

 

##

 

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:

 

ᐳᕆᐋᓇ ᓴᐃᒻᒪᐃᔪᖅ-ᐸᐃᓐᔅ

ᓴᓇᔪᓕᕆᔨᒃᑯᑦ ᑎᑎᕋᖅᑎ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5630 | b.shaimaiyuk-baines@iqaluit.ca