ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓂᐲᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᓐᓅᕐᓗᒍ
ᒪᐃ 8, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᐃᑦ ᑐᓂᓯᓂᖃᖅᑐᑦ ᑐᑭᓯᒋᐊᕈᑎᔅᓴᑲᓐᓂᕐᓂᑦ ᐱᔾᔪᑎᖃᖅᑐᓂ ᖃᓄᖅ ᑐᑭᖃᕐᒪᖔᖅ ᐱᔨᑦᑎᕐᓗᓂ ᓄᓇᓕᐸᐅᔭᒃᑯᓐᓄᑦ ᑲᑎᒪᔨᐅᓗᓂ ᐊᒻᒪ ᑭᓱᓂᑦ ᓄᓇᓕᒻᒥᐅᑕᐃᑦ ᓂᕆᐅᓐᓂᖃᕈᓐᓇᕐᒪᖔᑕ ᐱᓕᕆᐊᕆᒋᐊᖃᖅᑕᖓᓂ.
ᑐᔅᓯᕋᐅᑎᓕᐅᕐᕕᖓ ᐃᓐᓄᑦᑕᐅᓯᒪᖏᑦᑐᒧᑦ ᓄᓇᓕᐸᐅᔭᒃᑯᑦ ᑲᑎᒪᔨᒧᑦ ᐃᓂᐅᔪᖅ ᒫᓐᓇ ᒪᑐᐃᖓᓕᖅᑐᖅ ᐊᒻᒪ ᒪᑐᓛᖅᑐᓂ ᑕᓪᓕᕐᒥᖅ, ᒪᐃ 22, 2026.
ᑲᑎᒪᔨᐅᓗᓂ ᐃᓚᒋᔭᐅᕕᔅᓴᐅᔪᓐᓇᖅᑐᖅ ᐋᖅᑭᑦᑕᐅᓂᖓᓄᑦ ᓯᕗᓂᔅᓴᖓ ᓄᓇᓕᑦᑎᓐᓂ. ᑲᑎᒪᔩᑦ ᐃᑲᔪᕈᓐᓇᖅᑐᑦ ᑐᑭᒧᐊᖅᑎᑦᑎᓗᑎ ᐃᓱᒪᓕᐅᕐᓂᐅᔪᓂᑦ ᐊᑦᑐᐃᓂᖃᖅᑐᓂᑦ ᐃᖃᓗᓐᓂ ᐊᑕᖏᖅᑐᒍ, ᓯᕗᒧᑎᑦᑐᒋᑦ ᐃᓱᒪᒋᔭᐅᔪᑦ, ᐃᓱᒫᓘᑕᐅᔪᑦ, ᐊᒻᒪ ᐱᕕᔅᓴᐅᔪᓐᓇᖅᑐᑦ ᐃᑲᔪᖅᑐᓂᑦ ᖃᓄᐃᖏᑎᐊᕐᓂᖏᓐᓄᑦ ᓄᓇᓕᒻᒥᐅᑕᐃᑦ.
ᐱᓕᕆᓂᖃᑦᑕᖅᓯᒪᒋᐊᑐᖏᑦᑐᑎᑦ ᒐᕙᒪᒃᑯᓐᓂᑦ ᐅᕝᕙᓘᓐᓃᑦ ᓇᓗᓇᐃᖅᓯᒪᔪᒥᑦ ᖁᕝᕙᓯᓐᓂᖓᓂ ᐃᓕᓐᓂᐊᖅᓯᒪᓂᕐᒧᑦ ᐱᔨᑦᑎᕐᓗᑎᑦ ᑲᑎᒪᔨᓂᑦ. ᐃᓄᐃᑦ ᐊᒥᓱᓂᑦ ᓇᑭᑐᐃᓐᓈᖅᓯᒪᔪᑦ ᓇᔅᓴᖃᑦᑕᖅᑐᑦ ᐱᒻᒪᕆᐅᔪᓂᑦ ᐃᓱᒪᒋᔭᐅᔪᓂᑦ. ᖃᐅᔨᒪᓂᐅᔪᑦ ᐱᓕᕆᖃᑦᑕᖅᓯᒪᓂᕐᒧᑦ, ᓄᓇᓕᒻᒥᑦ ᖃᐅᔨᒪᓂᖃᓂᕐᒧᑦ, ᐊᒻᒪ ᓈᓚᒍᒪᓂᖃᓂᕐᒧᑦ, ᐃᓕᒍᒪᓂᖃᓂᕐᒧᑦ, ᐊᒻᒪ ᐃᓚᒋᔭᐅᖃᑕᐅᓗᓂ ᐊᑕᖏᖅᑐᑎ ᐱᒻᒪᕆᐅᔪᑦ ᑕᕝᕙᓂ ᐱᓕᕆᐊᕆᒋᐊᖃᖅᑕᖓᓂ. ᓱᖁᑎᒋᒍᕕᐅᒃ ᓄᓇᓕᒋᔭᐃᑦ, ᓂᐲᑦ ᐱᒻᒪᕆᐅᔪᖅ ᑲᑎᒪᔨᓂᑦ.
ᑲᑎᒪᔩᑦ ᐃᖅᑲᓇᐃᔭᖃᑦᑕᖅᑐᑦ ᐃᖅᑲᓇᐃᔭᖃᑎᒌᑦᑐᑎ. ᐃᓚᒋᒋᔭᐅᔪᑦ ᑲᑎᖃᑦᑕᖅᑐᑦ ᐊᔾᔨᒌᖏᑦᑐᓂᑦ ᐃᓱᒪᒋᔭᖃᖅᑐᓂᑦ, ᒪᑐᐃᖓᔪᒥᑦ ᐅᖃᖃᑎᒌᓐᓂᖃᖅᑐᑎ, ᐊᒻᒪ ᐃᓱᒪᓕᐅᖅᑐᑎ ᐊᑕᖏᖅᑐᑎ ᑲᑎᒪᔩᑦ ᑲᑎᒪᓂᖃᖅᑎᓪᓗᒋᑦ. ᐅᖃᖃᑎᒌᓐᓂᖃᑦᑎᐊᕈᓐᓇᕋᓗᐊᖅᑎᓪᓗᒋᑦ, ᑲᑎᒪᔩᑦ ᓂᕆᐅᒋᔭᐅᔪᑦ ᐃᑉᐱᒋᖃᑦᑕᐅᑎᑦᑎᐊᕐᓗᑎ, ᐱᓕᕆᐊᓪᓗᐊᑕᖃᕐᓗᑎ ᐃᓱᒫᓘᑕᐅᔪᓂᑦ, ᐊᒻᒪ ᐃᑲᔪᕐᓗᑎ ᑲᑎᒪᔩᑦ ᐃᓱᒪᓕᐅᖅᑕᖏᓐᓂ ᐃᓱᒪᓕᐅᕋᐃᒻᒪᑕ.
ᐱᓕᕆᐊᕆᒋᐊᓕᖏᑦ ᐱᖃᓯᐅᔾᔨᔪᑦ:
- ᐃᓚᒋᔭᐅᖃᑕᐅᓗᓂ ᑲᑎᒪᔨᓂᑦ ᐊᒻᒪ ᑲᑎᒪᔨᕋᓛᓂᑦ ᑲᑎᒪᓂᖃᑐᐃᓐᓇᑎᓪᓗᒋᑦ
- ᕿᒥᕐᕈᓂᖅ ᑐᑭᓯᒋᐊᕈᑎᓂᑦ ᓯᕗᓂᐊᒍᑦ ᖃᐅᔨᒪᑎᑕᐅᖏᓐᓇᕐᓗᓂ
- ᐃᓱᒪᒋᔭᖃᑦᑎᐊᖅᑐᓂᑦ, ᓈᒻᒪᑦᑐᓂᑦ ᐃᓱᒪᓕᐅᕐᓂᐅᔪᑦ ᐃᓱᒪᒋᒋᔭᖃᖅᑐᑦ ᐱᔭᕆᐊᓕᖏᓐᓂ ᓄᓇᓕᓕᒫᒧᑦ
- ᐃᑉᐱᒍᓱᑦᑎᐊᕐᓂᖅ ᑲᓐᖑᓇᖅᑐᓕᕆᓂᕐᒥᑦ ᐱᑕᖃᕆᐊᖃᖅᑎᑕᐅᑎᓪᓗᒍ
- ᐊᑐᖅᑕᐃᓕᒪᓂᖅ ᐊᐳᕈᑎᖃᖅᑐᓂᑦᐅᑯᓂᖓ ᐃᒻᒥᒧᑦ ᐱᔪᒪᓂᕆᔭᖏᑦ ᐊᒻᒪ ᐃᓄᓐᓄᑦ ᑲᒪᒋᔭᐅᔭᕆᐊᓖᑦ
ᑲᑎᒪᔩᑦ ᓂᕆᐅᒋᔭᐅᒻᒥᔪᑦ ᓈᓚᓪᓗᑎ ᓄᓇᓕᒻᒥᐅᑕᓂᑦ, ᖃᐅᔨᒪᑎᑕᐅᓗᑎ ᓄᓇᓕᒻᒧᑦ ᐱᔾᔪᑕᐅᔪᓂᑦ, ᑐᓂᓯᓗᑎ ᐃᑉᐱᒍᓱᑦᑎᐊᖅᑐᒥ ᐊᒻᒪ ᐱᓕᕆᓂᖃᑦᑎᐊᖅᑐᒥ ᑕᒪᒃᑭᓐᓂ ᑲᑎᒪᓂᐅᔪᓂᑦ ᐊᒻᒪ ᐃᓄᓐᓄᑦ.
ᑖᓐᓇ ᐃᓛᓐᓂᑯᐃᓐᓇᖅ ᐱᓕᕆᐊᕆᒋᐊᖃᖅᑕᖏᑦ ᐱᑕᖃᕆᐊᖃᖅᑎᑦᑎᔪᑦ ᐊᑐᐃᓐᓇᐅᓂᕐᒧᑦ, ᐊᒻᒪ ᐱᓪᓚᕆᐅᔪᒥᑦ ᐱᔪᒪᓂᖃᓂᕐᒧᑦ ᓄᓇᓕᒻᒥᑦ.
ᓂᕈᐊᕋᔅᓴᖅ ᓂᕈᐊᖅᑕᐅᔪᖅ ᑲᑎᒪᔨᓄᑦ ᑎᒃᑯᐊᖅᑕᐅᓂᐊᖅᑐᖅ ᐱᔨᑦᑎᕐᓗᓂ ᐊᒥᒃᑯᖓᓄ ᒫᓐᓇᐅᔪᒥᑦ ᑲᑎᒪᔩᑦ ᐊᑯᓂᐅᓂᖏᓐᓄᑦ, ᐃᓱᓕᓐᓂᖃᖅᑐᖅ ᐅᑦᑑᐱᕆ 2027.
ᐱᓇᓱᓪᓗᑎᑦ
ᑎᒃᑯᐊᖅᑕᐅᔪᓐᓴᖅᑐᑦ ᐱᔭᕇᖅᓯᔭᕆᐊᓖᑦ ᑐᔅᓯᕋᐅᑎᓕᐅᕈᑎᓂᑦ ᑲᑎᖅᑐᖅᓯᒪᔪᓂᑦ. ᑖᒃᑯᐊ ᑲᑎᖅᑐᖅᓯᒪᔪᑦ ᐊᑐᐃᓐᓇᐅᔪᑦ:
- ᖃᕋᓴᐅᔭᒃᑯᑦ: CityClerk@iqaluit.ca
- ᐃᓄᑦᑎᒍᑦ: ᓄᓇᓕᐸᐅᔭᒃᑯᑦ ᐊᓪᓚᕕᖓ ᐃᓗᓪᖓ #1085 – ᓴᓂᕌᒍ “A” ᑲᑎᕝᕕᖓ
ᐃᖅᑲᓇᐃᔮᖅᑖᕋᓱᐊᓂᕐᒧᑦ ᒪᑐᕕᔅᓴᖓ
ᑐᔅᓯᕋᐅᑎᓕᐅᕈᑏᑦ ᑐᓂᔭᐅᔭᕆᐊᓖᑦ ᓄᓇᓕᐸᐅᔭᒃᑯᑦ ᐊᓪᓚᑎᖓᑕ ᐊᓪᓚᕕᖓᓄᑦ ᐅᓇᐅᓕᖅᑎᓪᓗᒍ ᑕᓪᓕᕐᒥᖅ, ᒪᐃ 22, 2026 ᓯᕿᙳᔭᖓ 4:30 ᐅᓐᓄᓴᒃᑯᑦ.
ᑐᔅᓯᕋᐅᑎᓕᐅᕈᑎᑦ ᑐᓂᔭᐅᔪᓐᓇᖅᑐᑦ ᐃᒫᒃ:
- ᖃᕋᓴᐅᔭᒃᑯᑦ: CityClerk@iqaluit.ca
- ᐃᓄᑦᑎᒍᑦ: ᓄᓇᓕᐸᐅᔭᒃᑯᑦ ᐊᓪᓚᕕᖓ ᐃᓗᓪᖓ #1085 – ᓴᓂᕌᒍ “A” ᑲᑎᕝᕕᖓ
ᓂᕈᐊᓂᕐᒧᑦ ᐱᕙᓪᓕᐊᓂᖓ
ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᕿᒥᕐᕈᓂᐊᖅᑕᖏᑦ ᑐᔅᓯᕋᐅᑎᓕᐅᕈᑏᑦ ᐊᒻᒪ ᓂᕈᐊᕐᓗᑎ ᓂᕈᐊᕋᔅᓴᒥᑦ ᑲᑎᒪᔩᑦ ᑲᑎᒪᓕᖅᑲᑕ ᐅᕙᓂ ᐊᐃᑉᐱᖅ, ᔫᓂ 23, 2026. ᑐᔅᓯᕋᐅᑎᓕᐅᖅᑐᑦ ᑐᓐᖓᓱᑦᑎᑕᐅᔪᑦ ᐅᐸᖃᑕᐅᓗᑎ ᐃᓄᑦᑎᒍᑦ ᐅᕝᕙᓘᓐᓃᑦ ᑕᑯᓐᓇᕐᓗᑎ ᑕᑯᔅᓴᐅᑦᑕᐅᑎᒋᔪᓂᑦ. ᓂᕈᐊᖅᑕᐅᔪᖅ ᓂᕈᐊᕋᔅᓴᖅ ᖃᐅᔨᒃᑲᖅᑕᐅᓂᐊᖅᑐᖅ ᐅᕙᓂ ᐱᖓᑦᑎᖅ, ᔫᓂ 24, 2026.
###
ᓄᓇᓕᒻᒥᐅᑕᐃᑦ ᖃᐅᔨᒋᐊᒃᑲᓐᓂᕈᒪᓂᖃᖅᑐᑦ ᐅᕝᕙᓘᓐᓃᑦ ᐱᓇᓱᐊᖅᑐᑎ ᖃᐅᔨᒋᐊᕐᕕᖃᖁᔭᐅᔪᑦ:
ᓂᕈᐊᖅᑐᓕᕆᔨᒃᑯᑦ ᓄᓇᕗᒻᒥ
1-800-267-4394
info@elections.nu.ca
ᐳᕆᐊᓇ ᓛᖕᐅᐊᕐᖦ
ᓄᓇᓕᐸᐅᔭᐃᑦ ᐊᓪᓚᑦᑎᖓᑦ
867-979-5634
CityClerk@iqaluit.ca
ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᓂᐅᔪᓄᑦ, ᖃᐅᔨᒋᐊᕐᕕᒋᓗᒍ:
ᔩᐅᑉ ᕙᕐᓂ
ᐊᖏᔪᖅᑳᖅ ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪ ᐊᑭᓕᕐᓱᐃᔨᓄᑦ ᐱᔨᖅᑎᕋᐅᑎ
ᓄᓇᓕᐸᐅᔭᐃᑦ ᐃᖃᓗᐃᑦ
