ᐊᑐᕆᐊᓂ ᐃᓯᕐᓴᐅᕙᑦᑐᑦ ᐅᑎᖅᑐᑦ (ᐄᖕ, ᐅᑎᕇᕐᒥᔪᑦ)

ᐃᓄᖕᓄᑦ ᑐᓴᕋᑦᓴᑦ

ᐊᑐᕆᐊᓂ ᐃᓯᕐᓴᐅᕙᑦᑐᑦ ᐅᑎᖅᑐᑦ (ᐄᖕ, ᐅᑎᕇᕐᒥᔪᑦ)

ᒪᐃ 5, 2026 — ᐃᖃᓗᐃᑦ, ᓄᓇᕗᑦ

 

ᓄᓇᓕᐸᐅᔭᒃᑯᑦ ᐃᖃᓗᓐᓂ ᓄᓇᓕᕐᒥᐅᑕᐃᑦ ᐅᖃᐅᔾᔭᐅᓕᕆᕗᑦ ᐊᑐᕆᐊᑦ ᐃᓯᕐᓴᖃᐅᓕᕐᒥᒻᒪᑕ.

ᐄᖕ, ᐊᕐᕌᒎᑉ ᐃᓗᐊᓂ ᑕᐃᒪᐃᑉᐸᓐᓂᖓ ᑎᑭᒌᕐᒥᔪᖅ.

ᓯᓚ ᓂᕈᒥᑦᓯᕙᓪᓕᐊᑐᐃᓐᓇᑎᓪᓗᒍ ᐊᐅᐸᓪᓕᐊᓕᖅᑐᓕ ᐊᐳᑎᐅᓂᖓ ᐊᒻᒪ ᓂᓪᓚᕋᐃᒻᒪᑦ ᖁᐊᖅᐸᑦᑐᓂ ᐱᓕᕐᒥᒻᒪᑦ, ᐃᒪᖅ ᑰᑉᐸᓐᓂᖓ ᐊᑐᕆᐊᓄᑦ, ᖁᐊᖅᐸᑦᑐᓂ, ᐃᒻᒪᐸᓪᓕᐊᑐᐃᓐᓇᓕᕐᒥᔪᖅ ᐊᐅᒐᐃᒻᒪᑦ, ᐊᒻᒪ ᓱᓇᑐᐃᓐᓇᑦᓯᐊᓂᒃ ᓱᕋᐃᔭᐃᕙᓕᖅᑐᑎᓪᓗ. ᐃᖃᓗᐃᑦ ᐊᑐᕆᐊᓕᒫᐸᓗᑦᓯᐊᖏᑦ ᑐᐊᐸᔭᐅᒻᒪᑕ ᐊᒻᒪ ᓯᐅᕋᐅᓗᑎᒃ, ᕿᓚᒥᑯᓗᒃ ᐃᒻᒪᐃᕙᓕᖅᑐᓂ ᐱᒻᒪ. ᖁᐊᖅᑕᖅᑑᓂᖏᑦ ᐊᑐᕆᐊᑦ, ᐱᐅᒐᓗᐊᖅᑐᑎᒃ, ᓱᕋᐃᔭᖅᐸᒻᒪᑕᑦᑕᐅᖅ - ᐃᒪ ᓱᓇᑐᐃᓐᓇᑦᓯᐊᑦ ᐊᑖᓅᕈᓐᓇᐸᒻᒪᑦ ᐊᒻᒪ ᓯᐅᕋᐅᓂᖓ ᓄᐊᐸᑦᑐᓂ ᑕᕝᕗᖓᑦᓴᐃᓐᓇᖅ ᖃᑦᑐᔪᑲᓪᓚᐅᓕᖅᐸᑦᑐᑎᒃ ᐃᓚᖏᑦ.

ᑕᐃᒪᐃᓕᕋᐃᒻᒪᑦ ᐊᑐᕆᐊᑦ ᐃᓯᕐᓴᕐᓛᓕᖅᐸᒻᒪᑕ ᐃᖃᓗᓐᓂ. ᐃᓚᖏᑦ ᓄᑖᑦ. ᐃᓚᖏᑦ ᐅᑎᖅᑕᐸᑦᑐᑦ. ᐃᓚᖏᑦ ᓇᓗᓇᖏᑦᑐᖅ ᐊᑎᓕᐅᕐᓯᒪᔫᔮᖅᐸᑦᑐᑦ ᐊᑯᓂᐊᓗᒃ ᐊᑐᖅᑐᐊᕈᑎᓂᒃ ᑕᕝᕘᓇᑦᓴᐃᓐᓇᖅ ᓴᖅᑭᐸᑦᑐᑎᒃ.

ᓄᓇᓕᕐᒥᐅᑕᐃᑦ ᖃᐅᔨᕙᑦᑐᑦ ᐊᑐᕆᐊᑦ ᐃᓯᕐᓴᖏᑦ ᑲᒪᒋᔭᐅᑦᓴᐅᑎᒋᕙᖏᒻᒪᑕ. ᑕᑯᑦᓴᒃᑯᑦ ᓴᓇᔭᑦᓴᐅᔮᕋᓗᐊᖅᑐᑎᒃ, ᑲᒪᒋᑦᑕᐅᑎᒋᓇᓱᐊᖅᑐᒋᑦ ᓱᓕ ᐊᐳ/ᓂᓚ ᐊᐅᑉᐸᓪᓕᐊᑐᐃᓐᓇᑎᓪᓗᒋᑦ ᑕᐃᒪᐃᓕᒃᑲᓐᓂᑐᐃᓐᓇᐸᑦᑐᑦ... ᐊᖏᓂᕐᓴᐅᓕᖅᑐᑎᒃ, ᓵᓚᑦᓴᐅᑦᓯᐊᕈᓐᓃᖅᑐᑎᒃ ᐃᓚᖏᑦ, ᐊᒻᒪ ᐱᖃᑎᖃᓕᖅᑐᑎᒃ.

ᑐᐊᐸᐅᓂᖏᓐᓂ ᐊᑐᕆᐊᑦ, ᒪᓂᖅᑲᓴᖅᑕᐅᓂᖏᑦ ᐊᑲᐅᓂᖅᐹᖑᕙᑦᑐᑦ ᐊᐳᑦ/ᓂᓚ ᐊᐅᔾᔫᒥᒐᐃᒻᒪᑕ ᐊᒻᒪ ᓴᓗᐊᕐᔫᒥᒐᐃᒻᒪᑕ ᐋᖅᑭᑦᓱᕋᕐᓂᓂᕐᓴᐅᓕᖅᑐᑎᓪᓗ ᐊᒻᒪ ᓇᕿᑎᕋᓐᓂᓕᖅᑐᓂ. ᖁᐊᖅᑕᖅᑐᓕᕐᓯᒪᓂᖏᑦ ᐊᑐᕆᐊᑦ, ᐸᓂᑦᓯᐊᕋᐃᒻᒪᑕ ᑭᓯᐊᓂ ᐱᓕᕆᔭᕐᓂᓕᓲᖑᒻᒪᑕ ᐊᒻᒪ ᓯᓚ ᖃᓄᐃᓗᐊᕈᓐᓃᕋᐃᒻᒪᑦ ᓂᐱᑦᑕᔫᖓ ᓂᐱᑦᓯᐊᕈᓐᓇᓕᖅᑎᓪᓗᒍ. ᓴᓇᓴᕋᐃᓗᐊᖅᑐᒋᑦ ᕿᓚᒥᐅᓗᐊᖅᑐᖅ, ᐊᒻᒪ “ᓴᓇᔭᐅᑦᓯᐊᕈᓐᓃᑕᖅᐳᑦ” ᐊᒻᒪ “ᑕᐃᒪᐃᓕᖓᑲᐃᓐᓇᑐᐃᓐᓇᓂᐊᖅᑐᑎᒃ.”

ᓴᓇᔪᓕᕆᔨᒃᑯᑦ ᐱᓕᕆᔨᖏᑦ ᖃᐅᔨᓴᐃᓐᓇᖅᑐᑦ ᖃᓄᐃᓕᖓᒍᑎᐅᔪᓂᒃ ᐊᒻᒪ ᒪᓂᖅᑲᕐᓴᐃᓂᕐᓴᐅᓂᐊᖅᑐᑎᒃ ᓄᓇᑦᑕᖓ ᐃᓂᓪᓚᔾᔫᒥᑉᐸᑦ ᐊᒻᒪ ᐊᑐᕆᐊᑦ ᐃᓯᕐᓴᖏᑦ ᐱᓗᐊᕐᓂᐅᓴᒎᓐᓃᖅᐸᑦᑕ.

ᐱᔭᕐᓂᓕᓚᐅᖏᓐᓂᖏᓐᓂ, ᓄᓇᓕᕐᒥᐅᑕᐃᑦ ᐅᑯᓂᖓ ᐊᑐᖁᔭᐅᑲᐃᓐᓇᖅᑐᑦ:

• ᓄᓇᒃᑰᔫᖅᑎᓪᓗᓯ ᐅᔾᔨᕈᓱᒋᐊᖅᐸᓪᓗᓯ ᐊᒻᒪ ᓂᕆᐅᒋᕙᖏᓪᓗᒋᑦ ᐊᑐᕆᐊᑦ ᒪᓂᕋᖅᑐᐃᓐᓇᐅᓂᖏᓐᓄᑦ;
• ᐃᓯᕐᓴᑲᓪᓚᓐᓂ ᐃᒪᑲᓪᓚᐃᑦ ᐅᔾᔨᕆᒋᐊᕐᔫᒥᕙᓪᓗᒋᓪᓗ;
• ᓱᓇᑐᐃᓐᓇᐃᑦ ᐊᐅᓚᓗᐊᔾᔭᐃᕐᓯᒪᑎᑉᐸᓪᓗᒋᑦ ᐊᒻᒪ ᑎᒍᒥᐊᕐᓂᕈᑦᓯ ᐆᓇᖅᑐᓂᒃ ᓴᒃᑯᐃᔾᔭᐃᕐᓯᒪᕙᓪᓗᒋᑦ ᑎᒍᒥᐊᑦᓯᐊᐸᓪᓗᒋᑦ;
• ᓈᓚᒍᓐᓇᕐᒥᔪᓯ ᓂᔾᔭᐅᑎᓂᒃ ᖃᓄᐃᖏᑦᑐᓂᒃ ᓄᓇᒃᑰᔫᖅ ᐊᐅᓚᓗᐊᕐᓂᐅᓴᑎᓪᓗᒍ ᓂᕆᐊᓇᖏᑐᒃᑯᑦ;
• ᐊᑐᕆᐊᓂᒃ ᒪᓂᖅᑲᕐᓴᐃᔪᑦ ᐊᒻᒪ ᒪᑭᒪᑎᑦᓯᔨᐅᔪᑦ ᐃᓂᖃᑦᑎᑦᓯᐊᐸᓪᓗᒋᑦ ᐱᓕᕆᓂᖏᓐᓂ.

ᐊᑐᕆᐊᑦ ᐃᓯᕐᓴᖃᑲᐃᓐᓇᑐᐃᓐᓇᐸᑦᑐᑦ, ᑭᓯᐊᓂ ᑕᑎᒋᔭᖃᖅᐸᑦᑐᑦ ᓯᓚᒥᒃ ᑭᓯᐊᓂ. ᐅᓇᐅᓕᖅᐸᑦ ᐅᓪᓗᕐᓯᐅᑎᒍᑦ ᐃᓱᓕᓛᕐᒥᔫᕋᑦᓴᐅᒐᑎᓪᓗ ᓇᓗᓇᕐᒪᑦ.

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᔭᓐᓇᒦᖅᐸᑦᑐᑦ ᓄᓇᓕᕐᒥᐅᑕᓂᒃ ᐅᑕᖅᑭᑦᓯᐊᐸᓐᓂᖏᓐᓄᑦᑕᐅᖅ.

 

###

 

 

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᔭᕝ ᐴᕐᓐ

ᑐᓴᐅᒪᑎᓕᕆᔾᔪᑎᓂᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5619 | G.Byrne@iqaluit.ca