ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᑦᓴᕋᑦᓴᖅ
ᐅᐱᕐᖓᓵᒃᑯᑦ ᐊᑦᑕᓇᑦᑕᐅᓕᒪᔪᓕᕆᓂᖅ - ᐃᓪᓗᐃᑦ ᖄᖏᓐᓂᒃ ᑲᑕᒑᔪᑦ ᓂᓚᐃᑦ, ᐊᐳᑏᑦ, ᐊᒻᒪ ᓄᓇᐅᑉ ᖁᐊᓴᐅᓂᖓ
ᐃᐳᕈ 24, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐃᑉᐱᒍᓱᔾᔫᒥᖃᑦᑕᖁᔭᐅᓗᑎᒃ ᐅᐱᕐᖓᑦᓵᒥ ᐊᐅᑉᐸᓪᓕᐊᓕᕐᒥᑎᓪᓗᒍ ᐊᐳᑎᐅᑉ, ᓂᕈᒥᑦᓯᕙᓪᓕᐊᓕᕐᒥᑎᓪᓗᒍ ᓂᓚᐃᑦ ᐊᒻᒪ ᐊᐳᑏᑦ ᐃᓪᓗᐃᑦ ᖄᖏᓐᓄᑦ ᓄᐊᑉᐸᑦᑐᑦ ᐅᑭᐅᒃᑯᑦ ᑲᑕᒑᓕᓲᖑᒻᒪᑕ ᖄᖏᓐᓂᒃ, ᓯᓈᖏᓐᓂᒃ, ᐊᒻᒪ ᐊᓯᖏᓐᓂᒃ ᖁᑦᓯᑦᑐᓂᒃ.
ᑲᑕᒑᔪᑦ ᓂᓚᑲᓪᓚᐃᑦ ᐊᒻᒪ ᐊᐳᑏᑦ ᐅᓗᕆᐊᓇᕈᓐᓇᕐᒪᑕ ᑭᒃᑯᑐᐃᓐᓇᕐᓄᑦ. ᓄᓇᓕᕐᒥᐅᑕᐃᑦ ᐊᕙᑎᖏᓐᓂᒃ ᐅᔾᔨᕈᓱᒋᐊᕐᓯᒪᖁᔭᐅᓂᐊᓕᕐᒥᔪᑦ ᐱᓱᓕᕋᐃᒍᑎᒃ ᐅᕝᕙᓘᓐᓃᑦ ᓄᓇᒃᑰᔫᖏᓐᓂᒃ ᓄᖅᑲᖓᑎᑦᓯᓂᐅᓴᔪᑦ ᐃᓪᓗᐃᑦ ᓴᓂᖏᓐᓂ, ᐊᒻᒪ ᖃᓂᒋᔭᖏᒎᓗᐊᑦᑕᐃᓕᒪᕙᓪᓗᓯ ᐃᓪᓗᐃᑦ ᖄᖏᑕ, ᐊᓃᕐᕕᖏᑕ, ᐊᒻᒪ ᓂᕕᖓᔪᒐᓚᐃᑦ ᓂᓚᑦᑕᖃᑐᐃᓐᓇᕆᐊᓕᓐᓂ.
ᐱᖁᑎᖃᖅᑎᐅᔪᑦ ᖃᐅᔨᓴᖃᑦᑕᖁᔭᐅᒻᒥᔪᑦ ᐃᓪᓗᖁᑎᖏᓐᓂᒃ ᖃᐅᑕᒫᑦ ᐊᒻᒪ, ᐊᑦᑕᓇᓗᐊᖏᑉᐸᑦ, ᐊᐳᑕᐃᔭᐃᕙᓪᓗᓯ ᐊᒻᒪ ᓂᓚᐃᔭᐃᕙᓪᓗᓯ ᐅᓗᕆᐊᓇᖅᑐᓂᒃ ᐱᑕᖃᖏᓂᕐᓴᐅᓂᐊᖁᓪᓗᒍ.
ᓄᓇᓕᕐᒥᐅᑕᐃᑦ ᐳᐃᒍᖅᑕᐃᓕᖁᔭᐅᒻᒥᔪᑦ ᖁᐊᕈᔫᑎᓪᓗᒋᑦ ᐃᓗᖏᑦ ᐃᓯᕐᓴᐃᑦ, ᑕᓰᑦ, ᑕᓯᑲᓪᓚᐃᑦ, ᐊᒻᒪ ᐊᓯᖏᑦ ᐃᒪᖃᐅᖅᑐᑦ ᐃᓯᕐᓴᐃᑦ ᐱᐅᔫᓃᕐᓯᒪᑐᐃᓐᓇᕆᐊᖃᖅᐸᒻᒪᑕ ᐅᐱᕐᖓᑦᓵᖑᓕᕋᐃᒻᒪᑦ ᐊᒻᒪ ᐊᓯᔾᔨᕈᓐᓇᓯᐊᖅᐸᒻᒪᑕ ᐅᓪᓘ ᐃᓗᐊᓂ. ᐅᔾᔨᕈᓱᒋᐊᕐᓯᒪᕙᓪᓗᓯ ᐊᒻᒪ ᐊᕙᑎᖏᓐᓅᖅᐸᖏᓪᓗᓯ ᓂᓚᓕᓐᓄᑦ ᓂᓚᑦᑕᖓ ᐊᑐᕋᑦᓴᐅᒐᓗᐊᕐᒪᖔᖅ ᓇᓗᓇᕈᓂ.
ᓄᓇᓕᐸᐅᔭᒃᑯᑦ ᐊᐱᕆᒻᒥᔪᑦ ᓄᓇᓕᕐᒥᐅᑕᓂᒃ ᐃᖅᑲᐅᒪᒋᐊᖃᑦᑕᖁᔭᐅᓗᑎᒃ ᐅᖁᒪᐃᑦᑐᓂᒃ ᐱᓕᕆᔾᔪᑎᓕᓐᓂᒃ ᓄᓇᓕᐅᑉ ᐃᓗᐊᓂ ᐊᐳᑕᐃᔭᐃᔪᓂᒃ. ᖃᓂᒋᓗᐊᑦᑕᐃᓕᕙᓪᓗᒋᑦ ᐊᒻᒪ ᐊᑦᑕᓇᔾᔭᐃᕐᓯᒪᓇᓱᐊᖅᑐᑦ ᐊᐅᓚᑦᓯᔨᖏᑦ ᐃᓂᖃᑦᓯᐊᑎᑉᐸᓪᓗᒋᑦ.
ᐊᖏᔪᖅᑳᕆᔭᐅᔪᑦ ᐊᒻᒪ ᖃᐅᔨᓴᖅᑎᐅᔪᑦ ᓱᕈᑦᓯᓂᒃ ᐅᖃᐅᔾᔪᐃᒋᐊᖁᔭᐅᕙᓐᓂᐊᖅᑐᑦ ᓱᕈᑦᓯᓂᒃ ᐱᔾᔪᑎᒋᓪᓗᒍ ᐅᐱᕐᖓᓵᒃᑯᑦ ᐊᑦᑕᓇᔾᔭᐃᕐᓯᒪᒋᐊᖃᖅᐸᓐᓂᖅ ᐱᓪᓗᒍ, ᖃᓂᒋᔮᓃᖁᔭᐅᕙᖏᓪᓗᑎᒃ ᐊᕙᑎᐅᔪᑦ ᐊᒻᒪ ᓂᓚᓐᓂᒃ ᐊᒻᒪ ᐊᐳᑎᓂᒃ ᑲᑕᒑᕕᐅᑐᐃᓐᓇᕆᐊᖃᖅᑐᑎᒃ, ᑕᓯᕈᔪᓐᓅᐸᖏᓪᓗᑎᒃ ᓂᓚᓕᓐᓄᑦ ᐱᐅᖏᑐᐃᓐᓇᕆᐊᖃᕐᒪᑕ, ᐊᒻᒪ ᐅᖁᒪᐃᑦᑐᓂᒃ ᓱᓇᒃᑯᑖᓕᕆᔪᓂᒃ ᖃᓂᑦᓴᕋᓱᓗᐊᖅᐸᖏᓪᓗᑎᓪᓗ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᔭᓐᓇᒦᑦᑐᖅ ᓄᓇᓕᕐᒥᐅᑕᓂᒃ ᑲᑐᔾᔨᖃᑕᐅᑦᓯᐊᖅᑐᑎᒃ ᐃᑲᔪᖅᐸᓐᓂᖏᓐᓄᑦ ᓄᓇᓕᑦᑕ ᐃᓗᐊ ᐊᑦᑕᓇᖅᑐᒦᖁᓇᒍ ᐅᐱᕐᖓᑦᓵᖑᓕᖅᑎᓪᓗᒍ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᑦᓯᔾᔪᑎᓂᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | g.byrne@iqaluit.ca
