ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐱᕙᓪᓕᐊᔪᓂᒃ ᑐᓴᒐᒃᓴᖅ
ᓄᓇᓕᐸᐅᔭᓄᑦ ᑲᑎᒪᔨ ᓄᖅᑲᖅᐳᖅ
ᒫᑦᓯ 10, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᓄᑦ ᑲᑎᒪᔨ ᓵᒻ ᑎᓕ ᓄᖅᑲᖅᐳᖅ ᑲᑎᒪᔨᓂᑦ. ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᖏᓚᐅᖅᐳᑦ ᓄᖅᑲᕈᒪᓂᕐᒥᓂᒃ, ᐃᓂᖓ ᐃᓐᓄᒃᓯᒪᙱᓚᖅ ᒫᓐᓇᑲᐅᑎᒋ ᐱᒋᐊᖅᓱᓂ.
ᒪᐃᔭ ᓵᓚᒪᓐ ᐊᕙ ᖁᔭᓕᓚᐅᖅᐳᖅ ᑲᑎᒪᔨ ᑎᓕ ᐱᓕᕆᓚᐅᕐᓂᖓᓄᑦ ᓄᓇᓕᖕᓄᑦ.
"ᑲᑎᒪᔨᐅᖃᑕᐅᓪᓗᓂ ᐊᑯᓂᐊᓗᒃ ᐱᓕᕆᔭᕆᐊᖃᕐᓇᖅᐳᖅ ᐊᒻᒪ ᐊᖏᖅᓯᒪᑦᓯᐊᕆᖃᖅᐳᖅ ᓄᓇᓕᖕᓄᑦ. ᑭᒡᒐᖅᑐᖅᓱᒋᑦ ᑲᑎᒪᔩᑦ ᐃᖃᓗᖕᒥᐅᓪᓗ, ᖁᔭᓕᕙᕋ ᑲᑎᒪᔨ ᑎᓕ ᐱᕕᖃᕈᓐᓇᓚᐅᕐᓂᖓᓄᑦ ᐱᓇᔪᖕᓂᖓᓄᓪᓗ ᑕᒪᑐᒧᖓ ᐱᓕᕆᐊᒃᓴᒧᑦ. ᖃᐅᔨᒪᔪᒍᑦ ᐃᓱᒪᓕᐅᕆᓂᖅ ᑕᐃᒪᐃᑦᑐᓂᒃ ᐊᔪᕐᓇᕈᓐᓇᕐᓂᖓᓂᒃ. ᐃᓛᓐᓂᒃᑯᑦ ᐱᒻᒪᕆᐅᕗᖅ ᓇᖕᒥᓂᖅ ᓯᕗᓪᓕᐅᑎᔪᒪᔭᑦᑎᓐᓂᒃ ᑕᐅᑐᒐᖃᕆᐊᒃᓴᖅ, ᐊᒻᒪ ᑕᒪᓐᓇ ᐃᓱᒪᓕᐅᕈᑕᐅᔪᖅ ᐃᒃᐱᒋᑦᓯᐊᖅᐸᕗᑦ."
ᓄᓇᓕᐸᐅᔭᐃᑦ ᑲᑎᒪᔨᖏᑦ ᐃᖅᑲᓇᐃᔭᖅᑎᖏᓪᓗ ᖁᔭᓕᕗᑦ ᑲᑎᒪᔨ ᑎᓕ ᐱᓕᕆᓚᐅᕐᓂᖓᓄᑦ ᓄᓇᓕᖕᓄᑦ ᑲᔪᓯᑦᓯᐊᖁᕙᕗᓪᓗ ᓯᕗᒻᒧᐊᒃᐸᓪᓕᐊᑎᓪᓗᒋᑦ.
ᓄᓇᕗᒻᒥ ᓂᕈᐊᖅᑐᓕᕆᓂᕐᒧᑦ ᐱᖁᔭᐅᑉ ᐊᑖᒍᑦ, ᑲᑎᒪᔩᑦ ᒪᕐᕉᖕᓂᒃ ᓂᕈᐊᒐᒃᓴᖃᖅᐳᑦ ᐃᓐᓄᒃᑕᐅᖁᓪᓗᒍ ᐃᓐᓄᒃᑕᐅᓯᒪᙱᑦᑐᖅ. ᑲᑎᒪᔨᑦ ᐃᒃᓯᕙᐅᑕᖅᑖᖅᑎᑦᓯᔪᓐᓇᖅᐳᑦ ᐃᓄᖕᒧᑦ ᑭᖑᓪᓕᕐᒧᑦ ᐅᓄᓛᓂᒃ ᓂᕈᐊᖅᑕᐅᓚᐅᖅᑐᒧᑦ ᑭᖑᓪᓕᕐᒥ ᓄᓇᓕᖕᓂ ᓂᕈᐊᕐᓇᐅᑎᓪᓗᒍ, ᐅᕝᕙᓘᓐᓃᑦ ᑲᑎᒪᔩᑦ ᑎᒃᑯᐊᖅᓯᔪᓐᓇᖅᐳᑦ ᐊᔪᙱᑦᑐᒥᒃ ᓄᓇᖃᖅᑐᒥᒃ ᑲᑎᒪᔨᐅᕝᕕᒋᓂᐊᖅᑕᖓᓂᒃ ᐃᓱᓕᓐᓇᓱᐊᖕᓂᖓᓂ
ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᖃᐅᓯᖃᓛᖅᑐᑦ ᑖᒃᑯᓂᖓ ᐊᑐᖅᑕᐅᖔᕈᓐᓇᖅᑐᓂᑦ ᓯᕗᓂᑦᑎᓐᓂᑦ ᑲᑎᒪᔨᑦ ᑲᑎᒪᓕᖅᐸᑕ, ᑕᐃᒪᐃᑦᑕᕆᐊᖃᖅᑎᑕᐅᑎᓪᓗᒍ ᓄᓇᕗᒻᒥᑦ ᓂᕈᐊᖅᑐᓕᕆᓂᕐᒧᑦ ᐱᖁᔭᖓᓂᑦ. ᑐᓴᖅᑕᐅᔪᒃᓴᒃᑲᓐᓂᕐᓂᒃ ᑐᓴᖅᑎᑦᓯᔪᖃᓛᖅᐳᖅ ᓄᓇᓕᖕᒥᐅᓄᑦ ᐋᖅᑭᒃᓯᒪᓕᖅᑎᑦᓯᔪᖃᓚᐅᖅᑎᓪᓗᒍ.
##
ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕗᖓ ᖃᐅᔨᒋᐊᕈᓐᓇᖅᐳᑎᑦ:
ᔨᐊᕝ ᐴᕐᓐ
ᑐᓴᐅᒪᔪᓕᕆᓂᕐᒧᑦ ᐃᑲᔪᖅᑕᐅᔭᕆᐊᓕᖕᓄᓪᓗ ᐊᐅᓚᑦᑎᔨ
ᐃᖃᓗᖕᓂ ᓄᓇᓕᐸᐅᔭᖅ
867-979-5619
