ᖃᑦᑎᕆᔨᒃᑯᑦ ᐃᑦᑎᕐᕕᐅᔭᓕᕆᔾᔪᑎᖓᑦ ᑮᖃᕐᕕᓐᓂᒃ ᐱᓕᕆᐊᑦᓴᖅ

ᐃᓄᖕᓄᑦ ᑐᓴᕋᑦᓴᑦ

ᖃᑦᑎᕆᔨᒃᑯᑦ ᐃᑦᑎᕐᕕᐅᔭᓕᕆᔾᔪᑎᖓᑦ ᑮᖃᕐᕕᓐᓂᒃ ᐱᓕᕆᐊᑦᓴᖅ
ᕕᕝᕗᐊᕆ 23, 2026 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐊᔭᐅᖅᑐᐃᓕᕆᕗᑦ ᓄᓇᓕᕐᒥᐅᑕᓂᒃ ᐊᒻᒪ ᓇᖕᒥᓂᖃᖅᑎᐅᔪᓂᒃ ᐃᑲᔪᖁᓪᓗᒋᑦ ᐱᐅᓯᑎᑦᓯᒋᐊᕈᑎᑦᓴᓂᒃ ᓄᓇᓕᓐᓂ ᐊᑦᑕᓇᑦᑕᐃᓕᒪᐅᑎᐅᔪᓂᒃ ᐋᖅᑭᑦᓱᐃᓗᑎᒃ ᖃᑦᑎᕆᔨᒃᑯᓐᓄᑦ ᒪᐃᖅᑕᐅᒍᓐᓇᖅᑐᓂᒃ ᐃᑦᑎᕐᕕᐅᔭᖅᑖᖁᔭᐅᓗᑎᒃ ᑮᖃᕐᕕᑦᓴᓂᒃ ᐱᖁᑎᖃᕐᕕᖏᓐᓂ.

ᐃᑦᑎᕐᕕᐅᔭᐃᑦ ᑮᖃᕐᕕᑦᓴᓂᒃ ᐊᑐᖁᔭᐅᓗᐊᖅᐸᑦᑐᑦ ᓇᖕᒥᓂᖃᖅᑎᓄᑦ, ᑲᑎᖕᖓᔪᓂᒃ ᓇᔪᒐᖃᕐᕕᓐᓄᑦ, ᐊᑐᖅᑐᐊᖅᑕᐅᔪᓄᑦ ᐱᖁᑎᓄᑦ, ᑮᓇᐅᔭᓕᐅᕐᕕᐅᔪᓄᑦ ᐅᕝᕙᓘᓐᓃᑦ ᓴᓇᕕᖃᕐᕕᓐᓄᑦ, ᐊᒻᒪ ᐱᖁᑎᐅᔪᓄᑦ ᖃᐅᔨᓴᖅᑕᐅᔪᓂᒃ ᖁᖁᐊᕈᑎᓕᓐᓂᒃ. ᑕᒪᒃᑯᐊ ᐃᑦᑎᕐᕕᐅᔭᐃᑦ ᖃᑦᑎᕆᔨᓂᒃ ᕿᓚᒥᑯᓗᒃ ᐊᒻᒪ ᐊᑦᑕᓇᔾᔭᐃᕐᓯᒪᓂᕐᓴᒃᑯᑦ ᐃᓯᕈᑎᐅᒍᓐᓇᕋᔭᕐᒪᑕ ᐃᓪᓗᒧᑦ ᖁᖁᐊᖅᑐᒧᑦ ᐅᕝᕙᓘᓐᓃᑦ ᑐᐊᕕᕐᓇᖅᑐᑕᖃᖅᑎᓪᓗᒍ.

ᐅᖄᓚᔪᖃᖅᑎᓪᓗᒍ ᖃᐃᖁᔭᐅᓗᓂ, ᑐᐊᕕᐊᖑᔭᕆᐊᖃᖅᐸᒻᒪᑕ. ᑕᕝᕙᓴᐃᓐᓇᖅ ᐃᓯᕈᓐᓇᑎᓐᓇᒋᑦ, ᐱᓕᕆᔨᐅᔪᑦ ᐃᓯᕋᓱᒡᒐᕐᓗᑎᐅᒐᔭᕐᒪᑦ ᑭᓯᐊᓂ ᐊᑦᑕᓇᖅᑐᒦᖁᔨᒐᑎᒃ ᑭᒃᑯᑐᐃᓐᓇᕐᓂᒃ. ᐃᑦᑎᕐᕕᐅᔭᐃᑦ  ᑮᖃᕐᕕᑦᓴᐃᑦ ᐱᕙᓪᓕᐅᑎᒍᓐᓇᕐᒪᑕ ᕿᓚᒥᐅᓂᕐᓴᖅ ᐃᓯᕈᓐᓇᕐᓯᒐᔭᕐᒪᑕ ᐊᒻᒪ ᓱᕋᐃᕙᖕᖏᓪᓗᑎᒃ ᒪᑐᓂᒃ ᐊᒻᒪ ᓴᓐᓂᕈᐊᓂᒃ ᖃᑦᑎᕆᔨᐅᔪᑦ ᖃᐅᔨᓴᕋᓱᐊᖅᑎᓪᓗᒋᑦ ᖁᖁᐊᖅᑎᑦᓯᔪᓂᒃ ᐊᒻᒪ, ᑕᐃᒪᐃᒋᐊᖃᕐᓂᕈᑎᒃ, ᖃᒥᑦᓯᒍᓐᓇᕐᓯᓗᑎᒃ ᐃᑭᑦᑐᖃᕐᓂᖅᐸᑦ.

ᐃᓚᖏᓐᓂ, ᑮᖃᖅᑎᐅᔪᑦ ᓇᔪᒐᕐᓄᑦ ᓴᖅᑭᕐᓇᓵᑐᐃᓐᓇᕆᐊᖃᕐᒪᑕ ᐅᕝᕙᓘᓐᓃᑦ ᑖᑦᓱᒥᖓᐅᖏᑦᑐᖅ ᑮᓕᔭᕐᓗᑎᓪᓘᓐᓃᑦ. ᐊᑲᐅᔪᒥᒃ ᐃᑦᑎᕐᕕᐅᔭᒥᒃ ᑮᖃᕐᕕᖃᕈᑦᓯ ᓇᓗᓇᐃᕐᓯᒪᒐᔭᖅᑐᑦ ᖃᑦᑎᕆᔨᒃᑯᑦ ᐃᓯᕈᓐᓇᕐᓂᖏᓐᓄᑦ ᐅᑕᖅᑭᖏᓪᓗᑎᒃ, ᐱᓕᕆᔨᓂᒃ ᑐᕌᒐᖃᖅᑎᑦᓯᓗᑎᒃ ᓴᐳᒻᒥᑦᓯᓇᓱᐊᕐᓂᕐᒥᒃ ᐃᓅᓯᕐᓂᒃ ᐊᒻᒪ ᐱᖁᑎᖃᕐᕕᐅᔪᓂᒃ.

ᐃᑦᑎᕐᕕᐅᔭᐃᑦ ᑮᖃᕐᕕᑦᓴᐃᑦ ᐋᖅᑭᑦᑕᐅᓯᒪᒋᐊᓕᐅᔪᑦ ᖃᓂᒋᔮᓂ ᐹᖏᑕ ᐃᓪᓗᐃᑦ ᑕᑯᑦᓴᐅᑦᓯᐊᕐᓗᑎᒃ ᐊᒻᒪ ᐊᑐᐃᓐᓇᐅᑦᓯᐊᕐᓗᑎᒃ ᐅᐸᒐᑦᓴᒥ.

ᐸᕝᕕᓴᑦᑕᐅᖁᓗᐊᕐᓇᒋᑦ, ᖃᑦᑎᕆᔨᒃᑯᓐᓄᑦ ᑭᓯᐊᓂ ᐱᓕᕆᔨᖏᓐᓄᑦ ᒪᑐᐃᖅᑕᐅᒍᓐᓇᕋᔭᖅᑐᑦ ᑕᒪᒃᑯᐊ ᐃᑦᑎᕐᕕᐅᔭᐃᑦ ᑮᖃᕐᕕᐅᔪᑦ.

ᐃᑦᑎᕐᕕᐅᔭᐃᑦ ᑮᖃᕐᕕᐅᔪᑦ ᐊᑐᐃᓐᓇᐅᕙᑦᑐᑦ ᐊᕐᕌᒍᓕᒫᒥ ᐊᑭᖃᖅᑐᑎᒃ $100 ᐊᑐᓂ. ᖃᑦᑎᕆᔨᒃᑯᓐᓂᒃ ᓂᐅᕕᐊᖑᔪᓐᓇᖅᑐᑦ, ᐊᒻᒪ ᐊᑭᓕᐅᑎᑦᓴᒥᒃ ᑐᑦᓯᕋᕐᕕᑦᓴᐅᓗᑎᒃ.

ᐋᖅᑭᑦᓯᔪᖃᕈᓂ ᐃᑦᑎᕐᕕᐅᔭᒥᒃ ᑮᖃᕐᕕᒻᒥᒃ, ᐱᖁᑎᖃᖅᑎᐅᔪᑦ ᐃᑲᔪᕐᓱᐃᕙᓐᓂᐊᖅᑐᑦ ᑐᐊᕕᕐᓇᖅᑐᓕᕆᔨᓂᒃ  ᑐᐊᕕᐊᖃᕈᓐᓇᓂᕐᓴᐅᓕᕐᓗᑎᒃ ᐊᒻᒪ ᐃᑲᔪᖅᐸᓪᓗᑎᒃ ᓴᐳᒻᒥᑦᓯᓂᒃᑯᑦ ᓄᓇᓕᑦᑎᓐᓂᒃ.

 

##

 

 

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:

 

ᔭᐃᓴᓐ ᕗᐊᕐᓂᐅᕐ

ᑐᓪᓕᐊ ᖃᑦᑎᕆᔨᒃᑯᑦ ᐊᖏᔪᖅᑳᖓᑕ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5690 | J.Fournier@iqaluit.ca