ᐃᑯᐊᓚᑎᑦᑎᓂᐅᓴᕕᑦ? ᖃᐅᔨᒪᓗᒋᑦ ᓄᑖᑦ ᐃᑯᐊᓚᑎᑦᑎᓂᐊᕐᓗᓂ ᒪᓕᒋᐊᓖᑦ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᐃᑯᐊᓚᑎᑦᑎᓂᐅᓴᕕᑦ? ᖃᐅᔨᒪᓗᒋᑦ ᓄᑖᑦ ᐃᑯᐊᓚᑎᑦᑎᓂᐊᕐᓗᓂ ᒪᓕᒋᐊᓖᑦ

ᔮᓐᓄᐊᕆ 27, 2026 – ᐃᖃᓗᐃᑦ, ᓄᓇᕗᑦ

 

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᐱᒻᒪᕆᐅᔪᓂᒃ ᓄᑖᖖᒍᕆᐊᖅᓯᒪᔪᓂᒃ ᐃᑯᐊᓚᑎᑦᑎᓂᐊᕐᓗᓂ, ᒪᓕᒃᑐᒍ ᐃᖃᓗᖕᓂ ᒪᓕᒐᕋᓛᖅ 324.

ᑕᕝᕙᓂ ᐊᕐᕌᒍᒥ ᐱᒋᐊᕐᓂᐊᖅᑐᒥ, ᓄᓇᖅᑲᑎᒌᑦ ᓇᖕᒥᓂᖃᖅᑎᐅᔪᓪᓗ ᑐᓂᓯᔭᕆᐊᖃᕐᓂᐊᖅᑐᑦ ᐊᑕᐅᓯᕐᒥᒃ ᐃᑯᐊᓚᑎᑦᑎᔪᓐᓇᕐᓂᕐᒧᑦ ᐱᔪᓐᓇᐅᑎᒥᒃ ᐊᕐᕌᒍᓕᒫᒍᑦ. ᒪᕐᕉᖕᓂᒃ ᐱᔪᓐᓇᐅᑎᑕᓕᒃ ᐊᑐᐃᓐᓇᐅᔪᓂᒃ, ᐊᖕᒋᓂᖕᒐ ᐊᒻᒪᓗ ᐱᔾᔪᑎᖕᒐ ᐃᑭᑎᑦᑎᔾᔪᑕᐅᔪᖅ ᒪᓕᒡᓗᒍ.

ᑕᒪᕐᒥᑲᓴᒃ ᓄᓇᖅᑲᑎᒌᑦ ᐊᑐᖅᐸᒃᑐᑦ ᑭᐱᖖᒍᐃᔭᕐᓂᕐᒧᑦ ᐱᔪᓐᓇᐅᑎᖃᕆᐊᖃᕐᓂᐊᖅᑐᑦ, ᐃᑭᑎᑦᑎᕕᖃᕆᐊᓕᒃ 1-ᒦᑕ ᑭᑉᐹᕆᒃᑑᓗᓂ. ᑖᓐᓇ ᐊᖕᒋᑎᒋᐸᓗᒃᑐᖅ ᐊᖕᒋᕐᕋᒥ ᐅᐊᓴᐅᑎᐊᓗᒃᑎᑐᑦ ᐅᕝᕙᓘᓐᓃᑦ ᒥᑭᑦᑐᖅ ᓂᕆᕕᒃ ᓵ. ᑕᐃᒃᑯᐊ ᐸᕐᓇᒃᑐᑦ ᐊᖕᒋᓂᖅᓴᓂᒃ ᐃᑭᑎᑦᑎᓂᕐᒥᒃ, ᓲᕐᓗ ᑮᓇᐅᔭᓕᐅᕋᓱᒃᑎᒃᑯᑦ ᐅᕝᕙᓘᓐᓃᑦ ᓴᓇᕝᕕᖕᒧᓪᓘᓐᓃᑦ ᐱᔾᔪᑎᓕᖕᓄᑦ, ᐱᓇᓱᒋᐊᖃᖅᑐᑎᑦ ᑮᓇᐅᔭᓕᐅᕋᓱᐊᖅᑎᓄᑦ ᐅᕝᕙᓘᓐᓃᑦ ᓴᓇᕝᕕᖕᒧᓪᓘᓐᓃᑦ ᐱᔪᓐᓇᐅᑎᒥᒃ. ᑖᓐᓇ ᐱᔪᓐᓇᐅᑎ ᐃᑭᑎᑦᑎᔪᓐᓇᐅᑎᓕᒃ 27-ᒦᑕ ᑭᑉᐹᕆᒃᑐᑦ ᑎᑭᓪᓗᒍ, ᐊᖕᒋᑎᒋᐸᓗᒃᑐᖅ ᒥᑭᑦᑐᒥ ᐅᓯᑲᖅᑕᐅᑎᓕᖕᓄᑦ ᓄᓇᒃᑰᕈᑎᑎᑐᑦ ᑕᑕᑦᑐᒥ ᐱᖁᑎᓂᒃ.

ᑭᒃᑯᓕᒫᑦ ᓯᓚᒥ ᐃᑭᑎᑦᑎᔪᑦ ᐱᔪᓐᓇᐅᑎᖃᕐᓗᑎᒃ ᖃᐅᔨᒋᐊᕆᐊᖃᖅᑐᑦ ᐅᖄᓚᕝᕕᖕᒧᑦ ᐃᑭᑎᑦᑎᓚᐅᖅᑎᓐᓇᒋᑦ ᐃᑭᑎᑦᑎᒌᖅᐸᑕᓗ. ᐃᑭᑎᑦᑎᓂᖅ ᖃᒥᑦᑎᑦᑎᓂᕐᓗ ᖃᐅᔨᒪᑎᑦᑎᓂᐅᕗᖅ ᐃᖃᓗᐃᑦ ᖃᑦᑎᕆᔨᒃᑯᓐᓂᑦ ᐅᔾᔨᕈᓱᖕᓂᐊᕐᒪᑕ ᐃᑭᑎᑦᑎᔪᖃᓕᖅᐸᑦ ᖃᒥᑦᑎᔪᖃᖅᐸᓪᓗ. ᑕᒪᓐᓇ ᐃᑲᔫᑎᖃᖅᐳᖅ ᑐᐊᕕᕐᓇᖅᑑᖕᒋᓐᓂᖕᒐᓂᒃ ᐊᒻᒪᓗ ᑭᒃᑯᑐᐃᓐᓇᓂᒃ ᐊᑦᑕᕐᓇᖅᑐᒦᑎᑦᑎᑦᑕᐃᓕᒪᓂᕐᒥᒃ. ᑐᓴᖅᑎᑦᑎᔪᒪᒍᕕᑦ ᐅᖄᓚᕝᕕᐅᕙᒃᑐᒥᒃ, ᓄᓇᖅᑲᑎᒌᑦ ᐅᖄᓚᔪᓐᓇᖅᑐᑦ 867-979-5650-ᒧᑦ.

ᐃᓚᖕᒋᑦ ᑭᑭᑕᐅᔪᓐᓇᖅᑐᑦ ᐃᑭᑎᑦᑎᔪᓐᓇᐅᑎᖃᕆᐊᖃᖖᒋᓪᓗᓂ. ᓇᐅᑦᑎᖅᓱᖅᑕᐅᓗᑎᒃ ᐃᑭᑎᑦᑎᔪᓐᓇᖅᑐᑦ 1 ᑭᒻᒫᕆᒃᑐᖅ ᒦᑕᒧᑦ ᑎᑭᓪᓗᒍ ᐱᔪᓐᓇᐅᑎᖃᖖᒋᓪᓗᑎᒃ ᓂᐊᖁᖖᒎᒥ ᕉᑎᐅᕆ ᑲᔾᔭᐅᓴᒡᕕᖕᒥ, ᑕᓯᕐᓗᓕᐊᕆᐊᖅ ᑲᔾᔭᐅᓴᒡᕕᒃ (ᑕᓯᕐᓗᓕᐊᕆᐊᖅ), ᐊᒻᒪᓗ ᓯᐅᓪᕕᐊ ᑰ ᑲᔾᔭᐅᓴᒡᕕᒃ. ᐱᔪᓐᓇᐅᑎᖃᕆᐊᖃᖖᒋᒻᒥᔪᑦ ᐃᑭᑎᑦᑎᔪᖃᕐᓂᐊᖅᐸᑦ ᑮᓇᐅᔭᓕᐅᕋᓱᖕᓂᕐᒧᑦ ᓴᓇᔭᐅᓯᒪᔪᓂᒃ ᐱᖁᑎᓂᒃ ᒪᓕᒃᑐᓂᒃ ᐊᑐᖅᑕᐅᔭᕆᐊᓕᖕᓂᒃ ᑲᓇᑕᒥᐅᓄᑦ ᐊᑐᖅᑕᐅᕙᒃᑐᓄᑦ ᑲᑐᔾᔨᖃᑎᒌᓄᑦ (CSA) ᒪᓕᒋᐊᖃᖅᐸᒃᑐᓄᑦ. ᑕᒪᓐᓇ ᐃᓚᖃᖅᑐᖅ ᑲᑉᐳᔾᔭᖅᑐᒨᖅᑐᓂᒃ ᓲᕐᓗ ᐃᒐᔾᔪᑎᓂᒃ, ᐳᔫᖅᑎᑦᑎᔾᔪᑎᓂᒃ, ᐅᖅᓱᐊᓗᖕᒨᖅᑐᓂᒃ ᐃᑯᐊᓚᑎᑦᑎᕕᖕᓂᒃ, ᐳᓪᓚᓕᖕᓄᑦ ᐅᖅᑰᓴᐅᑎᓂᒃ, ᐊᔾᔨᑲᓴᖕᒋᓐᓂᓪᓗ ᐱᖁᑎᓂᒃ. ᐃᑯᐊᓚᔪᑦ ᐊᑐᖅᑕᐅᔪᑦ ᓂᕿᓕᐅᕈᑕᐅᓪᓗᑎᒃ ᑭᑭᑕᐅᖕᒥᔪᑦ ᐱᔪᓐᓇᐅᑎᖃᕆᐊᖃᕐᓂᕐᒧᑦ. ᐊᒻᒪᓗᒃᑲᓐᓂᖅ, ᐃᓕᖅᑯᓯᑐᖃᒃᑯᑦ ᐃᑭᑎᑦᑎᓂᖅ, ᓲᕐᓗ ᖁᓪᓖᑦ, ᐱᔪᓐᓇᐅᑎᖃᕆᐊᑐᖖᒋᑦᑐᑦ.

ᐱᔪᓐᓇᐅᑎᐅᑉ ᖃᓄᐃᓕᖕᒐᓂᖕᒐ ᐃᓱᒪᒋᓇᒍ, ᐱᒻᒪᕆᐅᕗᖅ ᐃᖅᑲᐅᒪᔭᐅᒋᐊᓕᒃ ᓴᓗᒪᔪᑐᐊᑦ ᐅᖅᓱᐊᓗᐃᑦ ᐊᑐᖅᑕᐅᔭᕆᐊᖃᕐᓂᖕᒋᓐᓂᒃ ᐃᑭᑦᑐᓕᒫᓄᑦ. ᐃᑭᑦᑎᓂᖅ ᐃᒡᓗᒥᐅᑕᓂᒃ ᐃᒋᑕᐅᔪᓂᒃ, ᐊᐅᒃᑕᔫᑦ, ᐊᒃᓴᑳᔪᑦ, ᐅᕝᕙᓘᓐᓃᑦ ᖃᓄᐃᑦᑐᑐᐃᓐᓇᐃᑦ ᐱᖁᑏᑦ ᐊᑦᑕᕐᓇᕈᓐᓇᖅᑐᑦ ᐊᕙᑎᒧᑦ ᐃᑭᑕᐅᔭᕆᐊᖃᖖᒋᑦᑐᑦ.

ᒪᓕᖖᒋᓐᓂᖅ ᐃᑯᐊᓚᑎᑦᑎᓂᕐᒧᑦ ᐱᔪᓐᓇᐅᑎᒥᑦ, ᐃᓚᒋᔭᐅᓪᓗᓂ ᐱᔪᓐᓇᐅᑎᑖᖖᒋᓐᓂᖅ ᐱᔭᕆᐊᖃᕋᓗᐊᖅᑎᓪᓗᒍ, ᖃᒥᑦᑎᖖᒋᓐᓂᖅ, ᐅᕝᕙᓘᓐᓃᑦ ᐃᑭᑎᒋᐊᖃᖖᒋᑕᕐᓂᒃ ᐃᑭᑦᑎᓂᖅ, ᐊᑭᓕᒐᒃᓴᖅᑖᖅᑎᑕᐅᔪᓐᓇᖅᑐᑎᑦ ᐊᓯᖕᒋᓐᓂᓪᓘᓐᓃᑦ ᐊᑐᖅᑎᑦᑎᓪᓚᕆᖕᓂᕐᒧᑦ ᐊᑐᖅᑕᐅᕙᒃᑐᓂᒃ ᒪᓕᒐᕋᓛᖅ 324 ᐊᑖᒍ.

ᐃᑯᐊᓚᑎᑦᑎᓂᕐᒧᑦ ᐱᔪᓐᓇᐅᑎᑦ ᐃᖃᓗᐃᑦ ᖃᑦᑎᕆᕕᖕᒐᓂ ᐃᖅᑲᓇᐃᔭᕐᓇᐅᑎᓪᓗᒍ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᓄᓇᓕᐸᐅᔭᒃᑯᑦ ᑐᕕᐊᕐᓇᑐᓕᕆᔨᒃᑯᑦ ᐃᑭᐊᖅᑭᕕᖕᒐᒍᑦ ᐱᔭᐅᔪᓐᓇᖅᑐᑦ: https://iqaluit.ca/departments/emergency-services-0.

ᓄᓇᓕᐸᐅᔭᒃᑯᑦ ᖁᔭᓕᔪᑦ ᓄᓇᖅᑲᑎᒌᓂᑦ ᐃᑲᔪᕈᓐᓇᕐᒪᑕ ᓄᓇᓕᕗᑦ ᐊᑦᑕᕐᓇᖖᒋᑦᑐᒦᑎᓪᓗᒍ ᐃᒃᐱᓱᒍᑦᑎᐊᕈᓐᓇᖅᑐᑎᓪᓗ ᓄᓇᒥᑦ ᒪᓕᒡᓗᑎᒃ ᓄᑖᖖᒍᕆᐊᖅᓯᒪᔪᓂᑦ ᐃᑭᑎᑦᑎᔪᓐᓇᐅᑎᓄᑦ ᒪᓕᒋᐊᓕᖕᓂᑦ.

 

##

ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕗᖕᒐ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐅᖄᓚᕝᕕᖕᒐ

i.dispatch@iqaluit.ca

867-979-5650