ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᑦ
ᓇᓗᓇᐃᕐᓯᒪᓇᓱᓐᓂᖅ ᓇᖕᒥᓂᖃᐅᑎᕕᑦ ᓚᐃᓴᖓ ᐅᓪᓗᕐᓯᐅᑎᒍᑦ ᐊᖑᒻᒪᑎᓯᒪᑦᓯᐊᕋᓗᐊᕐᒪᖔᖅ
ᔮᓐᓄᐊᕆ 16, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᐃᓘᓐᓇᖏᓐᓂᒃ ᓇᖕᒥᓂᖃᖅᑎᓕᒫᓂᒃ ᖃᕋᑕᐅᔭᒃᑯᑦ ᐱᓕᕆᔾᔪᑎᖏᓐᓃᑦᑐᓂᒃ ᐊᕐᕌᒍᒧᑦ 2026 ᓇᖕᒥᓂᖃᐅᑎᓄᑦ ᓚᐃᓴᓄᑦ ᓄᑖᕈᖅᑎᑦᓯᔾᔪᑎᐅᔪᖅ ᒪᑐᐃᖓᓕᕐᒪᑦ.
ᓇᖕᒥᓂᖃᖅᑎᐅᔪᑦ ᐊᔭᐅᖅᑕᐅᔪᑦ ᓄᑖᕈᖅᑎᑦᓯᔾᔪᑎᑦᓴᖏᓐᓂᒃ ᑐᑦᓯᕋᐅᑎᓕᐅᖁᔭᐅᓯᒪᓪᓗᑎᒃ ᔮᓐᓄᐊᕆ 31, 2026, ᓯᕗᓂᐊᒍᓪᓘᓐᓃᑦ ᐊᑐᕈᒪᓂᐊᕐᓂᕈᑎᒃ ᐊᑭᑭᓪᓕᒋᐊᕈᑎᐅᔪᒥᒃ ᓄᑖᕈᖅᑎᑦᓯᔾᔪᑎᓂᒃ. ᑐᑦᓯᕋᐅᑏᑦ ᖃᐃᑕᐅᔪᑦ ᐅᖓᑖᓂ ᕕᕝᕗᐊᕆ 1, 2026, ᐊᑭᑭᓪᓕᒋᐊᕐᓯᒪᖕᖏᓪᓗᒍ ᐊᑭᓕᐅᑎᖓ ᐊᑭᓖᒋᐊᖃᕋᔭᕐᒪᑕ.
ᒪᓕᑦᑐᒋᑦ ᓇᓗᓇᐃᖅᑕᐅᓯᒪᓂᖏᑦ ᓇᖕᒥᓂᖃᖅᑎᓄᑦ ᓚᐃᓴᓕᕆᔾᔪᑎ ᒪᓕᒐᕋᓛᖅ ᓈᓴᐅᑎᓕᒃ 859, ᐃᓘᓐᓇᑎᒃ ᓇᖕᒥᓂᕆᔭᐅᔪᑦ ᐱᓯᒪᑦᓯᒋᐊᖃᕐᓂᐊᕐᒪᑕ ᐊᕐᕌᒍᒧᑦ 2026 ᓚᐃᓴᒥᒃ ᑎᑭᑉᐸᑦ ᕕᕝᕗᐊᕆ 15, 2026, ᐊᑭᓖᒍᒪᓂᐊᖏᑯᑦᓯ ᖃᓄᐃᓕᔭᐅᔾᔪᑎᓂᒃ ᓚᐃᓴᖃᖏᓐᓂᑯᒧᑦ. ᑐᑦᓯᕋᐅᑏᑦ ᖃᐃᑕᐅᔪᑦ ᐅᖓᑖᓂ ᐅᓪᓗᕐᓯᐅᑎᐅᑉ ᑕᐃᔭᐅᓯᒪᔫᑉ ᐊᑭᓖᑎᑕᐅᔪᓐᓇᕐᒪᑕ $50-ᓂᒃ ᐸᐃᑉᐹᓕᕆᔾᔪᑎᓄᑦ ᐊᒻᒪ ᐊᑭᓕᖅᑕᐅᒻᒥᓗᑎᒃ ᓚᐃᓴᑖᕈᑎᐅᔪᑦ.
ᑲᔪᓯᑦᓯᐊᖁᓪᓗᒋᑦ ᓄᑖᕈᖅᑎᑦᓯᔾᔪᑎᐅᔪᑦ ᐅᐸᓗᖓᐃᔭᐅᑏᑦ, ᓄᓇᓕᐸᐅᔭᒃᑯᑦ ᓄᑖᒥᒃ ᖃᕋᑕᐅᔭᒃᑯᑦ ᐱᓕᕆᔾᔪᑎᑖᓚᐅᖅᑐᑦ ᓇᖕᒥᓂᖃᐅᑎᓂᒃ ᓚᐃᓴᓕᕆᔾᔪᑎᒥᒃ ᐅᑯᓄᓇ ᖃᕋᑕᐅᔭᓕᕆᔨᓄᑦ (CloudPermit). ᐅᓇ ᐱᓕᕆᔾᔪᑎᐅᔪᖅ ᐊᑐᖅᑕᐅᓂᐊᓕᖅᑐᖅ ᐃᓘᓐᓇᖏᓐᓄᑦ ᓇᖕᒥᓂᖃᖅᑎᓄᒃ ᓚᐃᓴᓂᒃ ᑐᑦᓯᕋᖅᑐᓄᑦ ᐊᒻᒪ ᓄᑖᕈᖅᑎᑦᓯᔪᓄᑦ, ᐊᑲᐅᓂᕐᓴᐅᓂᐊᓕᖅᑐᖅ ᐊᒻᒪ ᐅᐸᒐᑦᓴᐅᓂᕐᓴᐅᓕᕐᓗᓂ ᐱᔭᕆᐊᑭᑦᑐᒃᑯᑦ.
ᖃᕋᑕᐅᔭᖃᕐᕕᒃ ᐅᐸᒋᐊᓕᒃ: https://ca.cloudpermit.com/gov/login
ᐃᑲᔪᖅᑕᐅᒍᒪᔪᑦ ᐅᕝᕙᓘᓐᓃᑦ ᐊᐱᖅᑯᑎᓖᑦ ᐱᓪᓗᒍ ᓄᑖᖅ ᖃᕋᑕᐅᔭᒃᑯᑦ ᐱᓕᕆᔾᔪᑎ, ᖃᐅᔨᒋᐊᖁᔪᖅ ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᔨᒥᒃ ᐅᕝᕙᓘᓐᓃᑦ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᓐᓅᕐᓗᓯ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ: ᑖᒥᓃᒃ ᒐᐃᒡᓇᐃ
ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᔾᔪᑎᓂᒃ ᑲᒪᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607 | D.Gagne@iqaluit.ca
