ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᑖᖅ ᓇᒻᒥᓂᐅᔪᒥᑦ ᓚᐃᓴᓐᓯᓄᑦ ᖃᕋᓴᐅᔭᒃᑰᕐᕕᖓ ᒫᓐᓇ ᒪᑐᐃᖓᓕᖅᑐᖅ
ᓄᕕᐱᕆ 17, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᐃᑦ ᐅᖃᐅᔾᔨᒋᐊᕈᒪᔪᑦ ᓇᒻᒥᓂᐅᔪᒥᑦ ᓇᒻᒥᓂᖃᖅᑐᓕᒫᓂᑦ ᑖᓐᓇ ᐃᕐᖏᓐᓈᕈᑎᒃᑯᑦ ᖃᕋᓴᐅᔭᒃᑰᕐᕕᖓ 2026 ᓇᒻᒥᓂᐅᔪᒥᑦ ᓚᐃᓴᒻᓯᓄᑦ ᓄᑕᐅᓐᖑᖅᑎᑕᐅᓂᖏᓐᓄᑦ ᒫᓐᓇ ᒪᑐᐃᖓᓕᖅᑐᖅ.
ᓇᒻᒥᓂᐅᔪᒥᑦ ᓇᒻᒥᓂᖃᖅᑐᑦ ᑐᓂᓯᖁᔭᐅᔪᑦ ᓄᑕᐅᓐᖓᑎᑦᑎᓂᕐᒧᑦ ᑐᔅᓯᕋᐅᑎᓕᐅᕈᑎᖏᓐᓂ ᐅᓇᐅᓕᖅᑎᓪᓗᒍ ᔮᓐᓄᐊᕆ 31, 2026, ᐊᑭᑭᓕᒋᐊᕈᓐᓇᓂᐊᕐᓂᖏᓐᓄᑦ ᓄᑕᐅᓐᖑᑎᑦᑎᓂᕐᒧᑦ ᐊᑭᖓᓄᑦ. ᑐᔅᓯᕋᐅᑎᓕᐅᕈᑏᑦ ᐱᔭᐅᔪᑦ ᐅᕙᓂ ᐅᕝᕙᓘᓐᓃᑦ ᑭᖑᓂᐊᒍᑦ ᕕᕝᕗᐊᕆ 1, 2026, ᐊᑕᖐᔪᓂᑦ ᓄᑕᐅᓐᖑᑎᑦᑎᓂᕐᒧᑦ ᐊᑭᖃᓂᐊᖅᑐᑦ.
ᓇᓗᓇᐃᔭᖅᑕᐅᓯᒪᔪᑦ ᓄᓇᓕᐸᐅᔭᒃᑯᑦ ᐃᖃᓗᐃᑦ ᓇᒻᒥᓂᐅᔪᒥᑦ ᓚᐃᓴᓐᓯᖃᖅᑎᑦᑎᓂᕐᒧᑦ ᒪᓕᒐᕋᓛᖅ ᓈᓴᐅᑎᖓ 859, ᓇᒻᒥᓂᓕᒫᖑᔪᑦ ᐱᓯᒪᑦᑎᒋᐊᓖᑦ ᓈᒻᒪᑦᑐᒥᑦ 2026 ᓚᐃᓴᓐᓯᒥᑦ ᐅᓇᐅᓕᖅᑎᓪᓗᒍ ᕕᕝᕗᐊᕆ 15, 2026, ᐊᑭᓖᑎᑕᐅᑦᑕᐃᓕᒪᓗᑎ. ᑐᔅᓯᕋᐅᑎᓕᐅᕈᑏᑦ ᑐᓂᔭᐅᔪᑦ ᑭᖑᓂᒍᑦ ᑖᔅᓱᒪ ᐅᓪᓗᖓᓂ ᐊᑭᓖᑎᑕᐅᓂᐊᕐᒥᔪᑦ $50.00 ᐊᐅᓚᑦᑎᓂᕐᒧᑦ ᐊᑭᖓᓄᑦ ᐃᓚᒍᑕᒋᓗᓂᐅᒃ ᓄᑕᐅᓐᖑᑎᑦᑎᓂᕐᒧᑦ ᐊᑭᒋᖃᑦᑕᖅᑕᖏᓐᓄᑦ.
ᐱᒡᒐᓇᖏᑎᓪᓗᒍ ᑕᒪᑐᒪᓂ ᐊᕐᕌᒍᒥ ᐱᕙᓪᓕᐊᓂᖓ, ᓄᓇᓕᐸᐅᔭᒃᑯᑦ ᐱᒋᐊᖅᑎᑦᑎᓯᒪᔪᑦ ᓄᑖᒥᑦ ᓇᒻᒥᓂᐅᔪᒥᑦ ᓚᐃᓴᓐᓯᓄᑦ ᖃᕋᓴᐅᔭᒃᑰᕐᕕᖓ. ᐊᐅᓚᑎᑦᑎᓂᖃᖅᑐᖅ CloudPermit. ᑖᓐᓇ ᓴᓇᓯᒪᓂᖓ ᒫᓐᓇ ᐊᑐᖅᑕᐅᓂᐊᓕᖅᑐᖅ ᓇᒻᒥᓂᐅᔪᒥᑦ ᓚᐃᓴᓐᓯᓄᑦ ᑐᔅᓯᕋᐅᑎᓕᐅᕈᑎᓕᒫᓄᑦ, ᐊᐅᓚᓂᖃᖅᑎᐊᑎᑦᑎᓂᖅᓴᐅᔪᖅ ᐊᒻᒪ ᐱᔭᔅᓴᐅᓪᓗᓂ ᑐᔅᓯᕋᐅᑎᓕᐅᖅᑐᓄᑦ.
ᖃᐅᔨᒪᒋᐊᓕᒃ: ᖃᕋᑕᐅᔭᒃᑯᑦ ᑐᑦᓯᕋᐅᑎᓕᐅᕈᑎ ᐊᐅᓚᑕᐅᓕᖅᑐᖅ; ᑭᓯᐊᓂ, ᐊᑭᓕᕐᓱᐃᑎᖓ ᓱᓕ ᐊᑐᐃᓐᓇᐅᖏᑦᑐᖅ ᒫᓐᓇᐅᓂᖓᓂ. ᓇᖕᒥᓂᓕᕆᔪᑦ ᐊᑭᓖᒋᐊᖅᑐᕆᐊᖃᖅᐸᓂᐊᖅᑐᑦ ᐅᐸᓪᓗᑎᒃ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᓐᓄᑦ ᐋᖅᑭᑦᑕᐅᓇᓱᐊᕐᓂᖓᓂ.
ᓇᓗᓇᐃᔭᖅᓯᒪᓂᓪᓗᐊᑕᖏᑦ:
- ᓄᑕᐅᙳᑎᑦᑎᓂᕐᒧᑦ ᒪᑐᐃᕐᓂᖓ: ᓄᕕᐱᕆ 10, 2025
- ᓄᑖᖅ ᓴᓇᓯᒪᓂᖓ: CloudPermit ᒫᓐᓇ ᐊᑐᖅᑕᐅᓕᖅᑐᖅ ᑐᔅᓯᕋᐅᑎᓕᐅᕈᑎᓕᒫᓄᑦ ᐊᒻᒪ ᓄᑕᐅᓐᖑᖅᑎᑕᐅᔪᓄᑦ.
- ᖃᐅᕋᓴᐅᔭᒃᑰᕐᕕᖓᓅᕐᓗᓂ: [https://ca.cloudpermit.com/gov/login] ᐅᕝᕙᓘᓐᓃᑦ ᖃᐅᔨᒋᐊᕐᕕᒋᓗᒍ ᓄᓇᓕᐅᔭᒃᑯᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖓ ᑐᑭᓯᒋᐊᕈᑎᔅᓴᑲᓐᓂᕐᓄᑦ.
ᐃᓄᑦᑎᒍᑦ ᐃᑲᔪᖅᑕᐅᓂᖅ:
ᐃᑲᔪᕐᓂᐊᕐᓗᒋᑦ ᓇᒻᒥᓂᕆᔭᐅᔪᑦ ᐊᐅᓪᓛᐸᓪᓕᐊᔪᓄᑦ ᓄᑖᒧᑦ ᐊᑐᖅᑕᐅᔪᒧᑦ, ᐱᕙᓪᓕᐊᔪᓕᕆᓂᒻᒥ ᐃᖃᓇᐃᔭᖅᑎ (EDO) ᐊᑐᐃᓐᓇᐅᓂᖅᑐᖅ ᓄᓇᓕᐸᐅᔭᒃᑯᑦ ᐃᓪᓗᖓᓂ ᐃᓯᕐᓗᓂ ᐃᑲᔪᖅᑕᐅᓂᕐᒧᑦ ᐅᑯᓇᖓᑦ ᖃᖓᒃᑰᓂᖏᓐᓄᑦ:
- ᓄᕕᐱᕆ 17-21: 9:00 ᐅᔾᓛᒃᑯᑦ ᑎᑭᓪᓗᒍ 12:00 ᐅᓐᓄᓴᒃᑯᑦ (ᖃᐃᖅᑳᖅᑐᖅ, ᐱᔨᑦᑎᑕᐅᖅᑳᖅᑐᖅ).
- ᓄᕕᐱᕆ 25-ᒥᑦ ᑎᓯᐱᕆ 11-ᒧᑦ: ᐊᐃᑉᐱᕐᒥ ᐊᒻᒪ ᕿᑎᖅᑰᒥᑦ ᐱᒋᐊᖅᑐᓂ 11:00 ᐅᓪᓛᒃᑯᑦ ᑎᑭᑦᑐᒍ 12:00 ᐅᓐᓄᓴᒃᑯᑦ ᐊᒻᒪ 1:00 ᐅᓐᓄᓴᒃᑯᑦ ᑎᑭᑦᑐᒍ 2:30 ᐅᓐᓄᓴᒃᑯᑦ
ᐊᐱᖅᑯᑎᔅᓴᖃᕈᕕᑦ ᓄᑖᒧᑦ ᖃᕋᓴᐅᔭᒃᑰᕐᕕᒃ ᐅᕝᕙᓘᓐᓃᑦ ᐃᑲᔪᖅᑕᐅᔪᒪᒍᕕᑦ, ᖃᐅᔨᒋᐊᕐᕕᒋᓗᒍ ᐱᕙᓪᓕᐊᔪᓕᕆᓂᒻᒥ ᐃᖃᓇᐃᔭᖅᑎ.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᑖᒥᓂᒃ ᒐᖕᔭᐃᑦ
ᐱᕙᓪᓕᐊᔪᓕᕆᓂᒻᒥ ᐃᖃᓇᐃᔭᖅᑎ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607 | D.Gagne@iqaluit.ca
