ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓇᓗᓇᐃᔭᐃᓂᖅ ᐱᑐᖃᕐᒥᒃ ᓂᕿᑖᕈᑎᑦᓴᓂᒃ ᑐᓴᖅᑎᑦᓯᔾᔪᑎ ᐱᓪᓗᒍ
ᐋᒃᑑᐸ 10, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᓇᓗᓇᐃᕐᓯᒍᒪᓕᕐᒥᔪᑦ ᒫᓐᓇᓂᓴᕐᓂᒃ ᐅᐃᒪᔮᕈᑎᐅᔪᒥᒃ ᐱᔾᔪᑎᒋᓪᓗᒍ ᐃᓄᐃᑦ ᓱᕈᓰᑦ ᓯᕗᓪᓕᐅᑎᑕᐅᔪᑦ ᐱᒋᐊᖅᑎᑦᓯᔾᔪᑎᒥᒃ (ICFI) ᓂᕿᑖᕈᑎᑦᓴᓂᒃ ᐱᓕᕆᐊᑦᓴᖅ.
ᐊᒥᓱᑲᓪᓚᐅᓕᖅᑐᓄᑦ ᐅᖄᓚᕕᐅᕙᓕᕋᑦᑕ ᐊᒻᒪ ᐅᐸᑦᑕᐅᕙᑦᑐᑕ ᐊᓪᓚᕕᑦᑎᓐᓄᑦ ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅᑕᖃᓚᐅᖅᑎᓪᓗᒍ ᐅᓪᓗᖓᓂ ᐋᒃᑑᐸ 9, 2024. ᑕᐃᓐᓇ ᓇᓗᓇᐃᔭᐃᑎᐅᓚᐅᖅᑐᖅ ᑕᐃᑦᓱᒪᓂ ᓱᓕᓚᐅᕋᓗᐊᖅᑎᓪᓗᒍ, ᒫᓐᓇᓂᓴᐅᔪᓐᓃᖅᑐᖅ.
ᑕᐃᒫᑦᑕᐅᖅ ᐊᓯᕗᑦ ᓄᓇᓕᓐᓂᒃ ᐊᐅᓚᑦᓯᔨᐅᔪᑦ ᓄᓇᕘᒥ ᐊᑐᓚᐅᕐᒪᑕ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᐱᑎᑕᐅᔪᒍᓐᓃᕐᒪᑕ ᓄᑖᕈᖅᑎᑕᐅᔪᓂᒃ ᑮᓇᐅᔭᓂᒃ ᐊᖅᑯᑎᖃᖅᑐᑎᒃ ᓄᓇᖃᖅᑳᕐᓯᒪᔪᓂᒃ ᐱᔨᑦᓯᕋᖅᑏᑦ ᑲᓇᑕᒥ ᑲᔪᓯᔾᔪᑎᑦᓴᓂᒃ ᐱᓕᕆᐊᑦᓴᒥᒃ. ᑕᒪᓐᓇ ᐱᔾᔪᑎᐅᓗᓂ, ᐃᓄᐃᑦ ᓱᕈᓰᑦ ᓯᕗᓪᓕᐅᑎᑕᐅᔪᑦ ᐱᒋᐊᖅᑎᑦᓯᔾᔪᑎᒥᒃ (ICFI) ᓂᕿᑖᕈᑎᑦᓴᓂᒃ ᐱᓕᕆᐊᑦᓴᖅ ᐃᓱᓕᓚᐅᖅᑐᖅ ᒫᕐᓯ 31, 2024.
ᑐᑭᓯᐊᑦᓯᐊᖅᑐᒍᑦ ᖃᓄᖅ ᐃᑲᔪᕐᓱᐃᔾᔪᑎᐅᓚᐅᖅᑐᖅ ᐱᒻᒪᕆᐅᓚᐅᕐᓂᖓᓂᒃ ᐊᒥᓱᐊᓗᓐᓄᑦ ᓄᓇᑦᑎᓐᓂ. ᐱᓕᕆᐊᑦᓴᐅᔪᖅ ᖃᓄᐃᓕᐅᕈᑎᐅᒍᓐᓃᕋᓗᐊᖅᑎᓪᓗᒍ ᒫᓐᓇᐅᔪᖅ, ᓄᓇᓕᕐᒥᐅᑕᓄᑦ ᓇᓗᓇᐃᕐᓯᒍᒪᔪᒍᑦ ᓄᓇᓕᐸᐅᔭᒃᑯᑦ ᓱᓕ ᐱᓕᕆᖃᑎᖃᖅᐸᒻᒪᑕ ᓄᓇᕘᒧᑦ ᐊᒻᒪ ᑲᓇᑕᒧᑦ ᒐᕙᒪᓕᕆᔨᓂ ᑲᑐᔾᔨᖃᑎᐅᕙᑦᑐᓂᒃ ᖃᐅᔨᓴᖅᑐᑕ ᓯᕗᓂᑦᑎᓐᓂ ᐱᕕᑦᓴᐅᒐᔭᖕᖑᐊᖅᑐᓂᒃ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
ᐅᖄᓚᐅᑎᖓ: 867-979-5619 | G.Byrne@iqaluit.ca
