ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐃᖅᑲᓇᐃᔮᑦᓴᐃᑦ 2026 ᓈᓴᐅᑎᒃᑯᑦ ᖃᐅᔨᓴᓕᖅᐸᑕ
ᓰᑏᐱᕆ 12, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᖃᐅᓯᖃᕈᒪᓕᕆᕗᑦ ᐱᒻᒪᕆᐅᔪᒥᒃ ᑐᑭᓯᒋᐊᕈᑎᑦᓴᓂᒃ ᐱᓯᒪᔪᓂᒃ ᓈᓴᐅᑎᒃᑯᑦ ᖃᐅᔨᓴᖅᑎᓂᒃ ᑲᓇᑕᒥ (Statistics Canada) ᐱᔾᔪᑎᖃᖅᑐᑎᒃ ᐃᖅᑲᓇᐃᔭᖅᑎᑦᓴᕐᓯᐅᓛᕐᓂᖏᓐᓄᑦ ᐊᕐᕌᒍᒥ 2026 ᓈᓴᐅᑎᒍᑦ ᖃᐅᔨᓴᓕᕐᒥᑉᐸᑕ ᖃᓄᑎᒋ ᐃᓄᒋᐊᓕᕐᓂᖓᓄᑦ.
ᓄᓇᓕᐸᐅᔭᒃᑯᑦ ᑕᒪᒃᑯᓂᖓ ᐃᑉᐱᒍᓱᓗᐊᖅᐸᖏᒃᑲᓗᐊᕐᒪᑕ ᓯᓚᑎᖏᓐᓂ ᐃᖅᑲᓇᐃᔮᑦᓴᐅᕙᑦᑐᓂᒃ, ᑕᒪᒃᑯᐊ ᓈᓴᐅᑎᓕᕆᔪᓄᑦ ᐊᑦᑐᐊᔪᑦ ᐃᖅᑲᓇᐃᔮᑦᓴᐃᑦ ᑐᕌᖓᓪᓗᐊᖅᑐᒃᑯᑦ ᐊᒻᒪ ᓄᓇᓕᑦᑕ ᐃᓗᐊᒍᑦ ᐊᑯᓂᕈᓗᒃ ᐊᑦᑐᐃᔾᔪᑎᐅᔪᓐᓇᐸᒻᒪᑕ. ᐱᓕᕆᔾᔪᑎᐅᔪᑦ ᓄᐊᑕᐅᕙᑦᑐᑦ ᐃᑲᔪᕐᓱᐃᔾᔪᑎᐅᕙᒻᒥᒻᒪᑕᑦᑕᐅᖅ ᐸᕐᓇᐃᑎᓪᓗᑕ ᐱᓕᕆᐊᑦᓴᓂᒃ ᐊᒻᒪ ᐱᔨᑦᓯᕋᐅᑎᑦᓴᓂᒃ ᐱᔾᔪᑎᖃᐅᖅᑐᓂᒃ ᓲᕐᓗ ᐃᓪᓗᓕᕆᓂᕐᒥᒃ, ᐃᓕᓐᓂᐊᕈᑎᓕᕆᓂᕐᒥᒃ, ᐅᖃᐅᓯᓕᕆᓂᒃᑯᑦ, ᐃᓗᓯᓕᕆᓂᒃᑯᑦ, ᐊᒻᒪ ᐃᓄᓕᕆᓂᒃᑯᑦ, ᑕᒪᒃᑯᐊᓕᒫᑦᓯᐊᑦ ᐊᑑᑎᖃᖅᑐᐃᓐᓇᐅᓗᑎᒃ ᐃᖃᓗᒻᒥᐅᑕᓄᑦ.
ᓈᓴᐅᑎᒃᑯᑦ ᖃᐅᔨᓴᖅᑎᓂᒃ ᑲᓇᑕᒥ (Statistics Canada) ᐃᖅᑲᓇᐃᔭᖅᑎᑖᖅᐸᓪᓕᐊᓕᖅᑐᑦ ᐊᒥᓱᓂᒃ ᐊᑑᑎᖃᑦᓯᐊᕋᔭᖅᑐᓂᒃ, ᐅᑯᐊ ᐱᖃᓯᐅᔾᔭᐅᓗᑎᒃ:
ᐃᖅᑲᓇᐃᔭᖅᑎᑖᖅᑎᑦᓴᓂᒃ, ᐃᑲᔪᕐᓱᐃᔨᐅᒐᔭᖅᑐᓂᒃ ᐃᖅᑲᓇᐃᔭᖅᑎᑖᕋᓱᐊᖅᑎᓪᓗᒋᑦ ᓈᓴᐃᔨᑦᓴᓂᒃ ᐳᓚᕋᑦᑎᑦᓴᓂᒃ
ᐳᓚᕋᑦᑎᑦᓴᓂᒃ ᐊᐅᓚᑦᓯᔾᔪᑎᓂᒃ ᖃᐅᔨᓴᖅᑏᑦ, ᐱᓕᒻᒪᓴᖅᑕᐅᓗᑎᒃ ᐊᒻᒪ ᑐᑭᒧᐊᑦᑎᑕᐅᕙᓪᓗᑎᒃ ᓈᓴᐃᔨᐅᔪᑦ ᐱᓕᕆᔩᑦ
ᑕᒪᒃᑯᐊ ᐃᖅᑲᓇᐃᔮᑦᓴᐃᑦ ᓇᓗᓇᐃᔭᐃᑎᐅᕙᒻᒪᑕ ᓂᐱᖏᑦ ᐃᓄᐃᑦ ᓄᓇᓕᖏᓐᓃᖔᖅᐸᑦᑐᑦ ᑕᑯᑦᓴᐅᖁᔭᐅᓗᑎᒃ ᐱᓕᕆᔾᔪᑎᐅᔪᓂᒃ ᐋᖅᑭᑦᓱᐃᔾᔪᑎᐅᕙᑦᑐᓂᒃ ᑲᓇᑕᒥ ᐊᒻᒪ ᐅᑭᐅᖅᑕᖅᑐᒥ ᓄᓇᓕᖃᕐᕕᓐᓂ ᐱᓕᕆᐊᑦᓴᓂᒃ. ᓄᓇᓕᕐᒥᐅᑕᐃᑦ ᐱᖃᑕᐅᖁᔭᐅᑦᓯᐊᖅᑑᒐᓗᐊᑦ ᓇᓗᓇᐃᕐᓯᒪᒍᒪᓪᓗᑎᒃ ᐃᓅᓯᒃᑯᑦ ᐊᑐᖅᑕᐅᕙᑦᑐᑦ ᐊᒻᒪ ᓯᕗᓪᓕᐅᔾᔭᐅᔪᒪᕙᑦᑐᑦ ᐃᖃᓗᒻᒥᐅᑕᓄᑦ ᐱᑦᓯᐊᕐᓯᒪᔪᒃᑯᑦ ᓱᓕᔪᒃᑯᑦ ᑎᑎᖅᑕᐅᖃᑦᑕᖁᓪᓗᒋᑦ ᐊᒻᒪ ᓇᓗᓇᐃᖅᑕᐅᓯᒪᖃᑦᑕᖁᓪᓗᒋᑦ ᐃᓱᒪᑦᓴᕐᓯᐅᕈᑎᖃᖅᐸᑦᑐᓄᑦ ᐊᑐᖅᑕᐅᔪᑦᓴᓂᒃ ᓇᐅᒃᑯᑐᐃᓐᓇᖅ ᐱᓕᕆᔾᔪᑎᒍᑦ.
ᐃᖅᑲᓇᐃᔭᖅᑎᑖᖑᔪᒪᓂᕐᓴᐅᓂᐊᖅᑐᑦ ᐱᓇᓱᐊᖅᑐᑦ ᓄᓇᓕᕐᒥᐅᑕᐃᑦ ᓈᓴᐃᕕᓐᓂᒃ ᐱᓯᒪᔪᑦ, ᐊᒻᒪ ᐃᑲᕐᕋᖏᑎᒍᑦ ᖃᓄᐃᓕᖓᒍᒪᒻᒪᖔᑕ ᐅᖃᖃᑕᐅᒍᓐᓇᓯᐊᕐᓂᐊᖅᑐᑦ ᐃᖅᑲᓇᐃᔮᖅᑖᖅᑐᑦ ᐃᓱᒪᒋᓪᓗᒋᑦ ᐃᖅᑲᓇᐃᔭᖅᑎᐅᔪᑦ ᓈᓴᐃᔨᓄᑦ ᐅᐸᑦᑕᐅᒋᐊᖃᖅᐸᓂᐊᖅᑐᑦ ᐅᓪᓗᕐᓯᐅᑎᒋᕙᑦᑕᖏᑦ ᖃᖓᒃᑯᑦ ᐊᑐᐃᓐᓇᐅᒐᔭᕐᓂᖏᓐᓄᑦ.
ᓄᓇᓕᕐᒥᐅᑕᐃᑦ ᐊᐱᖅᑯᑎᖃᑐᑦ ᐃᖅᑲᓇᐃᔮᑦᓴᓕᕆᔪᓂᒃ ᐅᕝᕙᓘᓐᓃᑦ ᐱᓇᓱᐊᕈᑎᐅᔪᒥᒃ ᖃᐅᔨᒋᐊᕈᓐᓇᖅᑐᑦ ᓄᓇᖃᖅᑳᕐᓯᒪᔪᓄᑦ ᑭᓪᓕᓯᓂᐊᖅᑎᒥᒃ ᐅᖃᐅᔾᔪᐃᔨᒥᒃ ᐃᑲᔪᖅᑕᐅᒍᒪᒍᑎᒃ. ᐃᖃᓗᓐᓂ ᐃᑲᔪᖅᑕᐅᖑᒪᔪᓄᑦ, ᐅᓇ ᖃᐅᔨᒋᐊᖁᔪᖅ:
ᓯᑕᕙᓂ ᑰᑑ-ᓯᐊᕆᐊᓗ
ᓈᓴᐅᑎᒃᑯᑦ ᖃᐅᔨᓴᖅᑎᓂᒃ ᑲᓇᑕᒥ (Statistics Canada)
ᐅᖄᓚᐅᑎᖓ: 819-360-5837
ᐃᕐᖐᓇᖅᑕᐅᑎᖓ: stephanie.kootoo-chiarello@statcan.gc.ca
ᓴᐳᓂᓴ ᓴᐃᒃ
ᓈᓴᐅᑎᒃᑯᑦ ᖃᐅᔨᓴᖅᑎᓂᒃ ᑲᓇᑕᒥ (Statistics Canada)
ᐅᖄᓚᐅᑎᖓ: 647-680-9630
ᐃᕐᖐᓇᖅᑕᐅᑎᖓ: sabernisa.shaikh@statcan.gc.ca
ᐃᖅᑲᓇᐃᔭᖅᑎᑖᖅᐸᓪᓕᐊᓂᐊᖅᑐᑦ ᐅᑭᐊᖓᓂ 2025 ᐊᒻᒪ ᑲᔪᓯᓗᑎᒃ ᐱᒋᐊᓕᕋᑖᖏᓐᓄᑦ ᐅᓪᓗᖏᑕ 2026. ᐃᖅᑲᓇᐃᔭᕈᒪᓂᐊᖅᑐᑦ ᓄᓇᓕᕐᒥᐅᑕᐃᑦ ᕿᓚᒥᐅᔫᒥᔪᖅ ᐱᓇᓱᐊᖁᔭᐅᔫᒐᓗᐊᑦ ᐊᔪᕐᓇᖏᑉᐸᑦ.
ᐃᖅᑲᓇᐃᔮᑦᓴᐃᑦ ᖃᓄᐃᑦᑑᒻᒪᖔᑕ ᑕᑯᔪᒪᒍᕕᑦ ᐅᕝᕙᓘᓐᓃᑦ ᐱᓇᓱᐊᕈᒪᒍᕕᑦ, ᐅᐸᖁᔪᖅ ᐃᑭᐊᖅᑭᕕᖓᑦ ᐅᓇ www.canada.ca/GCJobs
ᓄᓇᓕᐸᐅᔭᐃᑦ ᐃᖃᓗᐃᑦ ᐃᑲᔪᕐᓱᐃᔪᑦ ᐆᕕᖓ ᐱᒋᐊᖅᑎᑕᐅᔪᒥᑦ ᐊᒻᒪ ᐊᔭᐅᖅᑐᐃᓗᑎᒃ ᓄᓇᓕᕐᒥᐅᑕᓂᒃ ᐱᖃᑕᐅᖁᓪᓗᒋᑦ ᐅᕗᖓ ᐱᒻᒪᕆᐊᓘᔪᒧᑦ ᑲᓇᑕᒥᐅᑕᓄᑦ ᐱᓕᕆᔾᔪᑎᐅᕙᑦᑐᒧᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
ᐅᖄᓚᐅᑎᖓ: 979-5619 | ᐃᕐᖐᓇᖅᑕᐅᑎᖓ: g.byrne@iqaluit.ca
