ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᓕᓐᓂᐊᕐᓇᐅᓂᐊᓕᕐᒥᒻᒪᑦ – ᐃᖕᒋᕐᕋᔪᓄᑦ ᐊᑦᑕᕐᓇᖅᑕᐃᓕᒪᓂᖅ
ᐋᒐᓯ 29 2025 – ᐃᖃᓗᐃᑦ, ᓄᓇᕗᑦ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᐃᓕᓐᓂᐊᖅᑏᑦ ᐃᓕᓐᓂᐊᓛᓕᕐᒥᒻᒪᑕ ᓰᑎᐱᕆ 2, 2025-ᖕᒍᓕᖅᐸᑦ, ᐅᔾᔨᖅᓱᑦᑎᐊᕆᐊᖃᖅᑐᓯ ᐃᖕᒋᕐᕋᓕᕌᖕᒐᔅᓯ, ᐱᓗᐊᖅᑐᒥ ᐃᓕᓐᓂᐊᕐᕕᐅᑉ ᓱᕈᓯᖅᑕᐅᑎᖕᒋᓐᓂ ᐊᒻᒪᓗ ᐃᓕᓐᓂᐊᕐᕕᐅᑉ ᖃᓂᒋᔭᖕᒋᓐᓂ.
ᐅᔾᔨᖅᓱᑦᑎᐊᖃᑦᑕᕐᓂᐊᖅᐳᑎᑦ ᐅᓪᓛᒃᑯᑦ ᐊᒻᒪᓗ ᑖᖅᓯᓕᖅᑎᓪᓗᒍ, ᑕᑯᒐᕐᓂᖖᒋᑐᐃᓐᓇᕆᐊᖃᕐᒪᑕ ᐱᓱᒃᐸᒃᑐᑦ.
ᐃᖅᑲᐅᒪᒋᑦ ᒪᓕᒐᕐᒥᒃ ᓱᕋᐃᓂᐅᒻᒪᑦ ᓱᕈᓯᖅᑕᐅᑎᐅᑉ ᐊᐅᐸᖅᑐᑦ ᖃᐅᒻᒪᖕᒋᑦ ᖃᐅᒻᒪᓪᓛᑎᓪᓗᒋᑦ ᐊᒻᒪᓗ ᓄᖅᑲᕆᐊᖃᖅᑐᑎᑦ.
ᐊᖁᕝᕕᐅᔫᒃ ᑕᒪᕐᒥᒃ ᓄᖅᑲᖕᒐᕕᐅᔪᐃᓐᓇᐅᔭᕆᐊᓖᑦ ᐊᐅᐸᖅᑐᑦ ᖃᐅᒪᖕᒋᑦ ᖃᒥᒐᓱᓐᓂᖕᒋᓐᓂᒃ.
ᐊᖁᑦᑐᑦ ᓱᒃᑲᐃᒋᐊᓖᑦ ᐃᓕᓐᓂᐊᕐᕕᐅᑉ ᐱᖖᒍᐊᕐᕕᖕᒋᓪᓗ ᖃᓂᒋᔭᖕᒋᓐᓂ, ᐱᓗᐊᖅᑐᒥ ᐃᓕᓐᓂᐊᕐᓇᐅᑎᓪᓗᒍ ᐃᓕᓐᓂᐊᖅᑏᑦ ᓂᐅᔭᐅᑎᓪᓗᒋᑦ ᐊᐃᔭᐅᑎᓪᓗᒋᓪᓗ.
ᐊᑭᓕᒐᒃᓴᖅᑖᕐᓇᖅᑐᖅ ᖄᖕᒋᖅᓯᓗᓂ ᐃᓕᓐᓂᐊᕐᕕᐅᑉ ᓱᕈᓯᖅᑕᕈᑎᖕᒋᓐᓂᒃ ᐃᑯᒪᖕᒋᑦ ᐃᑭᑦᑕᖅᑎᓪᓗᒋᑦ ᐊᖅᑯᑎᒃᑯᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒐᕋᓛᖕᒐ ᒪᓕᒃᑐᒍ $1,000.-ᖕᒍᓪᓗᓂ ᐊᒻᒪᓗ (4) ᑎᓴᒪᓂᑦ ᑎᑎᖅᑖᕐᓇᖅᑐᖅ ᐱᕋᔭᒍᑎᓂᑦ.
ᐃᑲᔫᑎᑦᓴᐃᑦ ᐊᑐᕆᐊᕐᒥ ᐊᑦᑕᓇᔾᔭᐃᕐᓯᒪᐅᑎᑦᓴᑦ ᐅᖃᐅᓯᐅᒋᐊᖃᓪᓚᕆᑦᑐᑦ ᓱᕈᓯᖁᑎᑦᓯᓐᓄᑦ ᐊᓂᓚᐅᖏᓐᓂᖏᓐᓂ ᐃᓕᓐᓂᐊᕆᐊᕐᓗᑎᒃ ᐃᑲᔫᑎᖃᑐᐃᓐᓇᕆᐊᓕᐅᔪᑦ ᐃᓅᓯᕐᓂᒃ ᐱᐅᓕᑦᓯᓂᒃᑯᑦ.
ᓱᕈᓯᕐᓄᑦ:
ᑖᓂᖅᑐᔫᒥᒋᐊᖅᐸᓪᓗᓯ: ᑕᑯᑦᓴᐅᓯᐊᖅᑐᓂᒃ ᑖᓂᖅᑐᔪᓂᒃ ᐅᕝᕙᓘᓐᓃᑦ ᐋᖅᑭᑦᓯᕕᒋᓯᒪᔪᓂᒃ ᕿᓪᓕᖅᑐᓂᒃ ᖃᐅᒪᓄᑦ ᐊᓐᓄᕌᕐᓯᒪᕙᓪᓗᓯ ᓄᓇᓯᐅᑎᓄᑦ ᑕᑯᔭᐅᔪᓐᓇᕐᔫᒥᔪᓂᒃ.
ᐅᔾᔨᓱᐃᓐᓇᐸᓪᓗᓯ: ᐃᑉᐱᒋᐊᑦᓯᐊᐸᓪᓗᒋᑦ ᐊᕙᑎᓐᓃᑦᑐᑦ ᐊᒻᒪ ᖃᐅᔨᓴᖅᐸᓪᓗᓯ ᓄᓇᒃᑰᔫᓂᒃ ᐱᓱᓕᕋᐃᒍᑦᓯ ᐹᓯᒧᑦ ᐅᕝᕙᓘᓐᓃᑦ ᐅᑎᖅᐸᓪᓕᐊᓕᕋᐃᒍᑦᓯ ᐹᓯᒥᒃ ᓄᖅᑲᑕᕐᕕᖓᓂᒃ.
ᒪᓕᑉᐸᓪᓗᒋᑦ ᒪᓕᒐᐃᑦ: ᐊᑐᕆᐊᒃᑯᑦ ᐃᑳᖅᐸᓪᓗᓯ ᑭᓯᐊᓂ ᐃᑳᕐᕕᓕᐊᖑᓯᒪᔪᒃᑯᑦ ᐊᒻᒪ ᒪᓕᑉᐸᓪᓗᒋᑦ ᐹᓯᒥᒃ ᐊᖅᑯᐅᑎᑉ ᐊᑐᖅᑕᐅᖁᔭᖏᑦ.
ᐅᑕᖅᑭᒋᐊᖅᑐᐸᓪᓗᓯ ᖃᐃᓚᐅᖏᓐᓂᖓᓂ ᐹᓯ: ᐹᓯᐅᑉ ᓄᖅᑲᑕᕐᕕᖓᓅᖅᐸᓪᓗᓯ ᖃᐃᓚᐅᖏᓱᖓᕐᓂᖓᓂ ᐹᓯ. ᐊᑐᕆᐊᒦᓗᐊᖅᐸᖏᓪᓗᓯ: ᐅᖓᓯᔾᔫᒥᔪᒦᑉᐸᓪᓗᓯ ᐹᓯᐅᑉ ᓄᖅᑲᑕᕐᕕᖓᓂᒃ ᐊᒻᒪ ᐱᖕᖑᐊᐸᖏᓪᓗᓯ ᖃᓂᒋᓗᐊᖅᑕᖓᓂ ᓄᖅᑲᑕᕐᕕᐅᑉ.
ᑕᓯᐅᖅᐸᓪᓗᒋᑦ ᐊᓯᕕᑦ ᐊᒡᒐᖏᑦ: ᓄᖃᖅᑎᐅᒍᑦᓯ, ᐊᖏᔪᖅᑳᕕᑦ ᐅᕝᕙᓘᓐᓃᑦ ᖃᐅᔨᓴᖅᑎᕕᒃ ᐊᒡᒐᖏᑦ ᑕᓯᐅᖅᐸᓪᓗᒋᑦ ᐱᓱᑦᑎᓪᓗᓯ ᐹᓯᐅᑉ ᓄᖅᑲᑕᕐᕕᖓᓄᑦ ᐅᕝᕙᓘᓐᓃᑦ ᕿᒪᐃᕙᓪᓕᐊᑎᓪᓗᓯ.
ᒪᓕᑉᐸᓪᓗᒋᑦ ᐹᓯᐅᑉ ᒪᓕᒐᖏᑦ: ᓈᓚᑉᐸᓪᓗᒍ ᐹᓯᐅᑉ ᐊᖁᑎᖓ ᐊᒻᒪ ᒪᓕᑉᐸᓪᓗᒋᑦ ᒪᓕᒐᖏᑦ ᐹᓯᐅᑉ, ᓲᕐᓗ ᐃᑦᓯᕚᖏᓐᓇᕐᓗᓯ, ᑕᓕᓯ ᐹᓯᐅᑉ ᓯᓚᑖᓅᖅᐸᖏᓪᓗᒋᒃ.
ᑕᑯᑦᓴᐅᒋᐊᖅᐸᓪᓗᓯ ᐊᑐᕆᐊᓂᒃ ᐃᑳᖅᐸᓪᓕᐊᑎᓪᓗᓯ: ᐃᔨᖏᓐᓂᒃ ᑕᑯᒋᐊᖅᐸᓪᓗᓯ ᐊᖁᑦᑐᑦ ᓄᖅᑲᖓᑎᓪᓗᒋᑦ ᐊᒻᒪ ᐃᑳᕐᕕᒃᑯᑦ ᐃᑳᖅᐸᓪᓗᓯ ᐅᕝᕙᓘᓐᓃᑦ ᐃᑳᕐᕕᓕᐊᖑᓯᒪᔪᒃᑯᑦ.
ᐃᑳᖅᐸᖏᓪᓗᓯ ᐅᖓᑖᒍᑦ ᐹᓯᐅᑉ: ᐃᑳᖅᐸᓪᓗᓯ ᑭᓯᐊᓂ ᐹᓯᐅᑉ ᓵᖓᒍᑦ ᐊᖁᑎᒧᑦ ᑕᑯᓐᓇᖅᑕᐅᒍᓐᓇᕐᓗᑎᑦ.
ᐃᑉᐱᒍᓱᐃᓐᓇᐸᓪᓗᓯ: Aᐊᑐᕋᓱᑉᐸᖏᓪᓗᓯ ᐊᕝᕕᐊᕈᑎᓂᒃ ᓲᕐᓗ ᐅᖄᓚᐅᑎᕋᓛᓂᒃ ᐅᕝᕙᓘᓐᓃᑦ ᑐᓵᒃᑯᑎᖏᓐᓂᒃ ᐱᓱᑦᑎᓪᓗᓯ ᐹᓯᐅᑉ ᓄᖅᑲᑕᕐᕕᖓᓄᑦ ᐅᕝᕙᓘᓐᓃᑦ ᕿᒪᐃᕙᓪᓕᐊᑎᓪᓗᓯ ᐹᓯᐅᑉ ᓄᖅᑲᑕᕐᕕᖓᓂᒃ.
ᐊᖅᑯᑎᐅᔪᑦ:
ᐅᔾᔨᕈᓱᒋᐊᕐᓯᒪᐃᓐᓇᐸᓪᓗᓯ: ᖃᐅᔨᓴᖅᐸᓪᓗᓯ ᐃᓕᓐᓂᐊᖅᑎᓄᑦ ᐹᓯᓂᒃ ᐊᒻᒪ ᓱᕈᓯᕐᓂᒃ ᐃᑳᖅᑐᖃᓕᕐᒪᖔᖅ ᐊᑐᕆᐊᒃᑯᑦ, ᐱᓗᐊᖅᑐᒥ ᐃᓕᓐᓂᐊᕐᕖᑦ ᐊᕙᑎᖏᓐᓂ.
ᓄᖅᑲᐸᓪᓗᓯ ᐹᓯ ᓄᖅᑲᖓᑎᓪᓗᒍ: ᐃᓕᓐᓂᐊᖅᑎᓄᑦ ᐹᓯᒥᒃ ᓄᖅᑲᖅᑐᖃᖅᐸᑦ ᐊᒻᒪ ᓴᖅᑮᓗᓂ ᐊᐅᐸᖅᑐᓂᒃ ᖃᐅᒪᓂᒃ ᐊᒻᒪ ᓄᖅᑲᖁᔨᔾᔪᑎᒥᒃ, ᓄᖅᑲᐸᓪᓗᓯ ᐊᒻᒪ ᐅᑕᖅᑭᕙᓪᓗᒍ ᐹᓯ ᐃᖏᕐᕋᓯᓚᐅᖏᓐᓂᖓᓂ ᐃᖏᕐᕋᓯᓚᐅᖏᓂᕐᓂ. ᓱᒃᑲᐃᓕᒋᐊᖅᐸᓪᓗᓯ: ᓱᒃᑲᐃᓪᓕᒋᐊᖅᐸᓪᓗᓯ ᐃᓕᓐᓂᐊᕐᕖᑦ ᐊᕙᑎᖏᓐᓂ ᐊᒻᒪ ᓇᔪᒐᖃᕐᕕᓐᓂ ᓱᕈᓯᖅᑕᖃᑐᐃᓐᓇᕆᐊᖃᕐᒪᑕ ᐊᕙᑎᖏᓐᓂ.
ᐅᑕᖅᑭᓯᐊᖅᐸᓪᓗᓯ: ᖄᖐᒐᓱᑉᐸᖏᓪᓗᓯ ᐃᓕᓐᓂᐊᖅᑎᓄᑦ ᐹᓯᓂᒃ, ᓄᖅᑲᖓᖃᑕᐅᒐᓗᐊᖅᐸᑕ ᐊᑐᕆᐊᕐᓂ ᓄᓇᒃᑰᔫᓄᑦ.
ᓱᕈᓯᖁᑎᕗᑦ ᐊᑦᑕᓇᖅᑐᒦᑎᑦᑕᐃᓕᒪᓚᕗᑦ.
##
ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᕐᕕᒋᔪᓐᓇᖅᑕᐃᑦ:
ᓯᑏᕙᓐ ᐋᓚᓐ
ᒪᓕᒐᕋᓛᓂᑦ ᐊᑐᓕᖅᑎᑦᑎᔨᒻᒪᕆ
867-979-5674 s.allen@iqaluit.ca
