ᐱᓕᕆᖃᑎᒌᖕᓂᖅ ᐊᑭᓕᖅᓱᐃᕙᓪᓕᐊᓂᕐᒧᑦ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐱᓕᕆᖃᑎᒌᖕᓂᖅ ᐊᑭᓕᖅᓱᐃᕙᓪᓕᐊᓂᕐᒧᑦ
ᐋᒡᒌᓯ 13, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᑭᓯᐅᒪᔪᑦ ᑮᓇᐅᔭᑎᒍᑦ ᐊᒃᓱᕈᕐᓇᕐᓂᖕᒐᓂᑦ ᑭᓇᑐᐃᓐᓇᑦᑎᐊᕐᒧᑦ ᑕᐃᒪᐃᒍᓐᓇᕆᓪᓗᓂ. ᑭᖕᒍᕙᖅᐸᑕ ᐊᑭᓕᕆᐊᓕᑎᑦ ᓄᓇᓕᐸᐅᔭᒃᑯᓐᓄᑦ, ᖃᐅᔨᒪᖁᕙᔅᓯ ᑭᖕᒍᕙᖖᒋᑦᑎᐊᕐᒪᑦ ᐃᑲᔪᖅᑕᐅᔭᕆᐊᒃᓴᖅ. ᑕᒫᓃᑉᐳᒍᑦ ᐃᓕᖕᓂᒃ ᐱᓕᕆᖃᑎᖃᕆᐊᖅᑐᖅᓯᒪᓪᓗᑕ. ᑐᕌᒐᕆᔭᕗᑦ ᐃᑲᔪᖅᑐᐃᔪᒪᓂᐅᕗᖅ ᓄᓇᖅᑲᑎᒌᓂᒃ ᐅᑎᖁᓪᓗᒋᑦ ᓈᒻᒪᒃᑐᒃᑯᑦ ᐊᓯᔾᔨᒋᐊᒐᒃᓴᐅᔪᒃᑯᓪᓗ ᐋᖅᑭᒃᓯᒪᓕᕈᑕᐅᔪᓐᓇᖅᑐᓂᒃ.

ᐊᖅᑯᑎᖃᕐᓗᑕ ᑮᓇᐅᔭᓕᕆᔨᒃᑯᑦ ᐊᒻᒪᓗ ᐱᓕᕆᕝᕕᖕᒥ ᐊᐅᓚᑦᑎᓂᕐᒧᑦ ᐱᔨᑦᑎᕋᖅᑏᑦ ᐱᓕᕆᕝᕕᖕᒐᑎᒍ, ᒪᓂᒪᑎᑦᑎᕗᒍᑦ ᐊᑭᓖᓂᕐᒧᑦ ᐱᕙᒌᔭᖅᑕᐅᓯᒪᔪᓂᒃ ᐊᔪᕐᓇᖖᒋᑦᑐᓂᒃ ᐋᖅᑭᒃᓯᒪᓕᖅᑎᑦᑐᒪᓪᓗᒋᑦ, ᑲᖖᒍᓇᖅᑐᑦ, ᐊᒻᒪᓗ ᐋᖅᑭᑦᑎᐊᖅᓯᒪᔪᓐᓇᖅᑐᑦ ᐱᔭᕆᐊᖃᖅᑕᕐᓄᑦ.
ᒪᕐᕉᖕᓂᒃ ᐊᔾᔨᒌᖖᒋᑦᑐᓂᒃ ᐊᑭᓕᖅᓱᐃᓂᕐᒧᑦ ᐸᕐᓇᐅᑎᑕᖃᖅᐳᖅ ᐊᑐᐃᓐᓇᐅᔪᓂᒃ:

ᐸᕐᓇᒃᓯᒪᓂᕐᒧᑦ ᐊᑭᓕᖅᓱᐃᓂᖅ ᐊᑭᓕᖅᓱᐃᓂᕐᒧᑦ ᐸᕐᓇᐅᑎ ᑎᑎᕋᖅᓯᒪᔪᖅ ᐊᖕᒋᕈᑎᒥᑦ ᐃᓕᖕᓄᑦ ᓄᓇᓕᐸᐅᔭᕐᒧᓪᓗ. ᓇᓗᓇᐃᔭᐃᓯᒪᔪᖅ ᐊᑐᒐᕐᓂᖅᑐᑎᑦ ᑕᖅᑭᑕᒫᑦ ᐊᑭᓕᐅᑎᓂᑦ ᐋᖅᑭᒃᓯᒪᔪᒃᑯᑦ. ᑖᒃᑯᐊ ᐸᕐᓇᐅᑎᑦ ᐊᓯᔾᔨᒐᒃᓴᐅᔪᑦ, ᖃᓄᐃᓕᖕᒐᓂᕆᔭᑎᓪᓗ ᐊᓯᔾᔨᖅᐸᑕ, ᐋᖅᑭᒋᐊᕈᓐᓇᖅᑕᕗᑦ ᒪᓕᒋᐊᓕᖕᒋᑦ ᐊᑕᐅᑦᑎᒃᑯᑦ.

ᐊᑭᓕᖅᓱᐃᕙᒌᕐᓂᖅ ᑕᖅᑭᑕᒫᑦ

ᐊᑭᓕᖅᓱᐃᖃᑦᑕᖅᓯᒪᒍᕕᑦ ᑕᖅᑭᓄᑦ 6-ᓄᑦ, ᐊᑭᓕᖅᓱᐃᑦᑎᐊᖕᒋᓐᓇᖃᑦᑕᕈᕕᑦ ᐊᑭᓖᕕᒋᔭᕆᐊᖃᖅᑕᖕᒐ ᑎᑭᓚᐅᖅᑎᓐᓇᒍᑦ, ᐱᔪᓐᓇᖅᐸᒌᑐᐃᓐᓇᕆᐊᖃᖅᑐᑎᑦ ᐸᕐᓇᐅᑎᒥᒃ. ᑖᒃᑯᐊ ᐋᖅᑭᒃᑕᐅᓯᒪᔪᑦ ᑐᕌᒐᖃᖅᑐᑦ ᐊᑭᓕᒃᓴᖕᒋᑦ ᓇᓗᓇᐃᖅᓯᒪᔪᑦ ᑕᖅᑭᓄᑦ 24-ᓄᑦ.

ᖃᓄᐃᒻᒪᑦ ᐋᖅᑭᒃᓯᓂᖅ ᐊᑭᓕᖅᓱᐃᓂᕐᒧᑦ ᐱᕙᒌᔭᖅᑕᐅᓯᒪᔪᓂᒃ?
   ᐱᔨᑦᑎᕋᖅᑕᐅᑎᓂᕐᔭᑎᑦ ᓄᖅᑲᖅᑎᑕᐅᖁᓇᒋᑦ
   ᑭᖕᒍᕙᓯᒃᑕᐃᓕᒪᓂᕐᒧᑦ ᐊᑭᓕᖅᓱᐃᒃᑲᓐᓂᕆᐊᖃᕋᔭᖖᒋᓐᓇᕕᑦ
   ᑮᓇᐅᔭᓄᑦ ᐊᒃᓱᕈᓇᖅᑐᒃᑰᖖᒋᓐᓂᖅᓴᐅᓂᐊᕋᕕᑦ
   ᓄᓇᓕᐸᐅᔭᒃᑯᓐᓄᑦ ᓈᒻᒪᑦᑎᐊᕐᓂᐊᕐᒪᑦ ᐊᑭᓕᖅᓱᐃᑦᑎᐊᖃᑦᑕᕐᓂᒃᑯᑦ
   ᐱᓕᕆᖃᑎᖃᕐᓂᖅ ᐃᑲᔪᖅᓱᐃᔪᒥᒃ ᐃᖅᑲᓇᐃᔭᖅᑎᓂᒃ ᐃᒃᐱᒍᓱᒃᑎᐊᖅᑐᒥᑦ ᑕᑎᒋᔭᒃᓴᒥᓪᓗ

ᑕᒫᓃᑉᐳᒍᑦ ᐃᑲᔪᕈᒪᓪᓗᑕ

ᐱᒋᐊᖅᐸᓪᓕᐊᓗᓂ ᐱᔭᕐᓂᖅᑐᖅ. ᐱᔭᕇᕆᐊᑐᖖᒋᑕᑎᑦ ᐸᐃᑉᐹᑦ ᑕᑕᑎᕆᐊᓖᑦ ᐱᒋᐊᕐᓂᐊᕐᓗᓂ. ᖃᐅᔨᒋᐊᕐᕕᒋᑎᒍᑦ, ᐱᓕᕆᖃᑎᒋᔭᕗᓪᓗ ᐃᑲᔪᕐᓂᐊᖅᑐᑦ ᐃᓕᖕᓂᒃ ᐊᑐᐃᓐᓇᐅᔪᓂᑦ ᐊᑐᒐᒃᓴᓂᒃ ᐃᑲᔪᕐᓗᑎᓪᓗᒡ ᐋᖅᑭᒃᓯᓂᕐᒥᒃ ᐸᕐᓇᐅᑎᒥᒃ ᐊᑑᑎᖃᖅᑐᒥᒃ ᖃᓄᐃᓕᖕᒐᓂᕆᔭᕐᓄᑦ.

##

ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᔨᕙ ᐹᕐᓂ
ᑐᓴᐅᒪᑎᑦᑎᓂᕐᒧᑦ ᐊᑭᓕᖅᓱᐃᕙᒃᑐᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐊᐅᓚᑦᑎᔨ
ᐃᖃᓗᓐᓂ ᓄᓇᓕᐸᐅᔭ
867-979-5619 | G.Byrne@iqaluit.ca