ᑕᑯᑦᓴᐅᑎᑦᓯᓂᖅ ᐊᒻᒪ ᕿᓪᓕᖅᑐᖅ ᓄᓇᓕᓐᓂ ᖃᓄᐃᓕᐅᕈᑎᐅᔪᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑕᑯᑦᓴᐅᑎᑦᓯᓂᖅ ᐊᒻᒪ ᕿᓪᓕᖅᑐᖅ ᓄᓇᓕᓐᓂ ᖃᓄᐃᓕᐅᕈᑎᐅᔪᖅ
ᐋᒐᓯ 8, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᑦᓯᐊᖅᑐᒍ ᑐᖕᖓᓱᑦᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐱᖓᔪᐊᓄᑦᐊᕐᕌᒍᑕᒫᕐᓯᐅᑎᒧᑦ ᑕᑯᑦᓴᐅᑎᑦᓯᓂᖅ ᐊᒻᒪ ᕿᓪᓕᕐᓂᖅ, ᐊᑐᖅᑕᐅᓛᖅᑐᒥᒃ ᓈᑦᓯᐅᖑᔭᓛᕐᓂᐊᖅ, ᐋᒐᓯ 16, 2025 12-ᒥᓂᒃ ᐅᓪᓗᒃᑯᑦ 3-ᒧᓄᑦ ᐅᓐᓄᓴᒃᑯᑦ ᓄᑖᕐᒥ ᐊᐅᓚᑦᓯᔾᔪᑎᓄᑦ ᑐᖕᖓᕕᒻᒥ (ᐃᓪᓗ 1549).
ᐊᕐᕌᒍᑦᑎᓐᓂ ᖃᓄᐃᓕᐅᕈᑎᐅᓂᐊᖅᑐᖅ ᐊᔾᔨᐅᖏᑦᑐᒥᒃ ᐱᔭᕇᕈᑎᐅᓂᐊᕐᒥᔪᖅ, ᒪᑐᐃᖅᑕᐅᓂᐊᕐᒥᒻᒪᑦ ᐱᓕᕆᔾᔪᑎᒍᑦ ᓄᑖᖅ ᐊᐅᓚᑦᓯᔾᔪᑎᓄᑦ ᑐᖕᖓᕕᒃ. ᓄᓇᓕᕐᒥᐅᑕᐃᑦ ᖃᐅᔨᓴᕆᐊᖁᔭᐅᑦᓯᐊᖅᑐᑦ ᐱᓕᕆᕝᕕᒻᒥᒃ, ᖃᓄᖅ ᐊᑑᑎᖃᕐᓂᖓᓄᑦ ᖃᐅᔨᒋᐊᖅᑐᕐᓗᑎᒃ ᐃᑲᔪᕐᓱᐃᕙᓐᓂᒃᑯᑦ ᐊᑐᖅᑕᐅᒋᐊᓕᒻᒪᕆᓐᓂᒃ ᓄᓇᓕᐸᐅᔭᒃᑯᑦ
ᐱᔨᑦᓯᕋᐅᑎᖏᓐᓂᒃ, ᐊᒻᒪ ᑕᑯᓂᐊᕐᓗᑎᒃ ᑭᒃᑰᒻᒪᖔᑕ ᐃᖅᑲᓇᐃᔭᖅᑎᖏᑦ ᐃᖏᕐᕋᑎᑦᓯᕙᑦᑐᑦ ᐃᖃᓗᓐᓂᒃ.

ᐃᓚᒌᓂᒃ ᑐᖕᖓᓱᑦᑎᑦᓯᓯᓯᐊᖅᑐᑦ ᑕᑯᑦᓴᐅᑎᑦᓯᓂᖅ ᐊᒻᒪ ᕿᓪᓕᕐᓂᖅ ᖃᓄᐃᓕᐅᕈᑎᒃᑯᑦ ᑕᑯᑦᓴᐅᑎᑦᓯᓛᖅᑐᑦ ᐅᖁᒪᐃᑦᑐᓂᒃ ᓱᓇᒃᑯᑖᓂᒃ ᐊᑐᖅᑕᐅᕙᑦᑐᓂᒃ ᓄᓇᓕᐸᐅᔭᒃᑯᑦ ᐱᓕᕆᕝᕕᖏᓐᓄᑦ, ᐱᖃᓯᐅᔾᔭᐅᓗᑎᒃ ᓯᐅᕋᖅᑕᐅᑏᑦ, ᓴᓕᒎᑏᑦ, ᐳᐊᕐᕆᔭᐅᑎᓖᑦ ᐊᒻᒪ ᓄᓇᒃᑰᔫᐸᐅᔭᐃᑦ. ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ
ᐱᓯᒪᔪᑦ ᓴᓇᔪᓕᕆᔨᒃᑯᓐᓂᒃ, ᐃᖃᓗᐃᑦ ᖃᑦᑎᕆᔨᒃᑯᖏᓐᓂᒃ, ᐊᒻᒪ ᑭᐱᖕᖑᐃᔭᐃᔨᖏᓐᓂᒃ ᐊᑐᐃᓐᓇᐅᓛᖅᑐᑦ ᐊᐱᕐᓱᖅᑕᐅᒍᒪᓐᓂᕈᑎᒃ ᐊᒻᒪ ᓇᓗᓇᐃᔭᐃᖁᔭᐅᓐᓂᕈᑎᒃ ᖃᓄᖅ ᓱᓇᒃᑯᑖᖑᔪᑦ ᐊᑐᖅᑕᐅᕙᒻᒪᖔᑕ ᖃᐅᑕᒫᖅ ᐊᐅᓚᑦᓯᔾᔪᑎᒍᑦ.

ᑐᒃᑐ ᑖᒃᓯᖕᒋᑦ ᐅᐱᒍᓱᒃᑐᑎᑦ ᐃᑲᔪᖅᐳᑦ ᑕᒪᑐᒥᖕᒐ, ᐊᒻᒪᓗ ᖃᔅᓰᓐᓇᕐᓂᒃ ᑖᒃᓯᒍᓐᓇᐅᑎᓂᒃ ᐊᑐᐃᓐᓇᐅᑎᑦᑎᓂᐊᖅᑐᑦ ᓄᓇᖅᑲᑎᒌᓄᑦ ᓄᒃᑕᕈᑎᖃᖖᒋᑦᑐᓄᑦ. ᑖᒃᓯᕈᓐᓇᐅᑎᑦ ᐊᐃᔭᐅᔪᓐᓇᖅᑐᑦ ᐱᓕᕆᕕᒋᔭᐅᔪᒥ ᐊᑐᖅᑕᐅᓗᑎᓪᓗ ᑕᐃᑯᖕᒐ ᑕᐃᑲᖖᒑᕐᓗᓂᓗ. ᑐᓂᐅᖅᑲᖅᑕᐅᓛᖅᑐᑦ ᖃᐃᖅᑳᖅᑐᓄᑦ, ᐱᔨᑦᑎᕋᖅᑕᐅᖅᑳᖅᑐᓄᑦ.

ᕼᐋᑦ ᑖᖅᑐᖅᑎᑕᐅᓛᖅᑐᑦ ᐊᒻᒪ ᐃᒥᒐᑦᓴᓂᒃ ᐊᑐᐃᓐᓇᐅᑎᑕᐅᓛᕐᒥᔪᑦ ᓄᓇᓕᕐᒥᐅᑕᓂᒃ ᐱᔪᒪᔪᖃᕐᓂᖅᐸᑦ.

ᐃᖅᑲᓇᐃᔮᑦᓴᓂᒃ ᑐᑦᓯᕋᐅᑎᓂᒃ ᐱᑕᖃᓛᕐᒥᔪᖅ ᐱᖃᑕᐅᔪᓄᑦ ᐱᓕᕆᕝᕕᓐᓄᑦ ᐱᔪᒪᔪᖃᓛᖅᐸᑦ.

ᐊᑦᑕᓇᖅᑐᒦᖁᔨᒐᑕ ᐃᖅᑲᐃᑎᑦᓯᔾᔪᑎ: ᓱᕈᓰᑦ ᑕᐃᒪᖕᖓᓕᒫᖅ ᖃᐅᔨᓴᖅᑕᐅᒋᐊᖃᓛᖅᑐᑦ.
ᒪᔪᕋᓚᒐᓱᓛᖏᓚᓯ ᓱᓇᒃᑯᑖᓄᑦ ᐊᐅᓚᑦᓯᔨᒥᒃ ᐱᑕᖃᖅᑎᓐᓇᒍ ᐊᒻᒪ ᐊᖏᖅᑕᐅᓯᒪᖏᒃᑯᕕᑦ.

ᖃᓄᐃᓕᐅᕈᑎᐅᔪᖅ ᐊᑐᖅᑕᐅᓛᖅᑐᖅ ᓯᓚᓗᒐᓗᐊᖅᐸᑦ ᐅᕝᕙᓘᓐᓃᑦ ᓯᕿᓐᓂᕋᓗᐊᖅᐸᑦ. ᓯᓚᑲᒻᒪᐅᓗᐊᕈᓂ, ᖃᓄᐃᓕᐅᕈᑎᐅᔪᑦ ᓅᑕᐅᓛᖅᑐᑦ ᐃᓗᐊᓄᑦ ᐊᐅᓚᑦᓯᕕᐅᑉ.

ᐅᕙᑦᑎᓐᓄᑦ ᐃᓚᒋᔭᐅᒋᐊᖅᑐᓛᖅᑯᓯ ᓇᓪᓕᐅᓂᕐᓯᐅᕈᑎᖃᖅᑎᓪᓗᑕ ᐃᖃᓗᐃᑦ ᓄᓇᓕᐸᐅᔭᒃᑯᑦ ᓴᓇᔨᖏᓐᓂᒃ ᐊᒻᒪ ᓇᓗᓇᐃᔭᐃᑎᓪᓗᑕ ᓄᑖᒥᒃ ᐊᐅᓚᑦᓯᔾᔪᑎᓄᑦ ᑐᖕᖓᕕᒻᒥᒃ, ᐅᐸᕝᕕᓪᓚᕆᐅᔪᒥᒃ ᐱᔨᑦᓯᕋᖅᑎᓄᑦ ᐃᑲᔪᕐᓱᐃᔾᔪᑎᐅᕙᑦᑐᓂᒃ ᐱᕈᖅᐸᓪᓕᐊᔪᖁᑎᑦᑎᓐᓂᒃ ᓄᓇᓕᓐᓂᒃ.

##

ᑐᑭᓯᒋᐊᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:

ᔭᕝ ᐴᕐᓐ
ᑐᓴᐅᒪᑎᑦᓯᔾᔪᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca