ᓄᓇᓕᕐᒥᐅᑕᐃᑦ ᐃᓱᒪᒋᔭᖏᓐᓂᒃ ᑐᓴᕈᒪᔪᑦ - ᓴᓇᕕᐅᑐᐃᓐᓇᕆᐊᖃᕐᓂᖓ ᐱᓪᓗᒍ ᓴᐃᒨᓂ ᒪᐃᑯᓪ ᐊᑐᕆᐊᖓᑕ ᓴᓂᐊᓂ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᕐᒥᐅᑕᐃᑦ ᐃᓱᒪᒋᔭᖏᓐᓂᒃ ᑐᓴᕈᒪᔪᑦ - ᓴᓇᕕᐅᑐᐃᓐᓇᕆᐊᖃᕐᓂᖓ ᐱᓪᓗᒍ ᓴᐃᒨᓂ ᒪᐃᑯᓪ ᐊᑐᕆᐊᖓᑕ ᓴᓂᐊᓂ
ᔪᓂ 27, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᖕᖓᓱᑦᑎᑦᓯᓕᕆᕗᑦ ᓂᐊᖁᖕᖒᒥᐅᑕᓂᒃ ᐊᒻᒪ ᐊᑐᖅᐸᑦᑐᓂᒃ ᐊᕙᑎᐅᔪᒥᒃ ᐅᓂᒃᑳᑦᓴᖃᕈᑎᒃ ᐅᖃᐅᓯᖃᖁᔭᐅᓗᑎᒃ, ᖃᐅᔨᒪᓂᖃᕈᑎᒃ, ᐊᒻᒪ ᐃᓱᒫᓘᑎᖃᕐᓂᕈᑎᒃ ᓄᓇᖁᑎᒥᑦ ᓴᓇᕕᐅᓯᒪᖏᑦᑐᒥᒃ ᐊᑯᓐᓂᖓᓃᑦᑐᒥᒃ ᐃᓪᓘᒃ 3036 ᐊᒻᒪ 3079 ᓴᐃᒨᓂ ᒪᐃᑯᓪ ᐊᑐᕆᐊᕐᒥ (ᐸᕐᓇᐅᑎᒥᑦ 1986, ᐃᓗᐃᒃᑲᕐᒥ 11, ᓄᓇᖁᑎ 2).

ᐅᓇ ᓄᓇᖁᑎ ᓴᓇᕕᐅᓚᐅᕐᓯᒪᖏᒻᒪᑦ ᕿᖕᖑᑎᒍᑦ ᖃᐅᔨᓴᖅᑕᐅᓚᐅᕐᓯᒪᒐᓗᐊᖅᑐᓂ 1987-ᖑᑎᓪᓗᒍ ᐊᒻᒪ ᐃᓱᒪᒋᔭᐅᓕᕐᒪᑦ ᓴᖑᑎᑕᐅᔭᕆᐊᑦᓴᖅ ᓄᓇᕗᑦ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᖓᓐᓄᑦ ᓴᓇᕕᐅᒐᔭᕐᓗᓂ ᐊᖏᓗᐊᖏᑦᑐᒥᑦ ᐱᖓᓱᓂᒃ (3) ᓯᓂᕝᕕᖃᕋᔭᖅᑐᒥᒃ ᑭᒃᑯᑐᐃᓐᓇᕐᓄᑦ ᐃᓪᓗᑦᓴᒥᒃ.

ᐅᓇ ᐱᓕᕆᖃᑎᖃᕐᓂᐅᔪᖅ ᐃᓚᒋᔭᐅᔪᖅ ᓄᓇᓕᐸᐅᔭᒃᑯᑦ ᑐᓴᐅᒪᑎᑦᓯᒍᒪᓂᖏᓐᓄᑦ ᐊᒻᒪ ᐱᖃᓯᐅᔾᔨᒍᒪᓂᖏᓐᓂᒃ ᓄᓇᓕᐅᑉ ᐃᓗᐊ ᐱᓪᓗᒍ ᐸᕐᓇᐃᓂᐅᔪᒧᑦ. ᐱᔭᑦᓴᓕᐅᓚᐅᖏᓐᓂᖏᓐᓂ, ᓄᓇᓕᐸᐅᔭᒃᑯᑦ ᕿᓂᖅᑐᑦ ᐃᓱᒪᒋᔭᐅᔪᓂᒃ ᐅᖃᐅᓯᐅᒍᒪᔪᓂᒃ ᓄᓇᓕᕐᒥᐅᑕᓂᒃ, ᐱᓗᐊᖅᑐᒥ ᐅᑯᓂᖓ ᐱᔾᔪᑎᖃᖅᑐᓂᒃ:

   ᐱᖅᑯᓯᑐᖃᒃᑯᑦ ᐊᑐᖅᑕᐅᓯᒪᓂᖓ ᓄᓇᐅᑉ
   ᓄᓇᒨᕐᕕᐅᓂᖓ ᐅᕝᕙᓘᓐᓃᑦ ᐃᒫᓄᑦ/ᓯᑯᒧᑦ ᐊᖅᑯᑎᐅᓗᓂ
   ᖃᒧᑕᐅᔭᓄᑦ ᑐᓪᓕᓂᐅᓂᖓᓄᑦ ᐊᑐᖅᑕᐅᕙᑦᑐᓂ ᐅᕝᕙᓘᓐᓃᑦ ᐅᒥᐊᓂᒃ ᓵᕕᕝᕕᐅᕙᓐᓂᖓ
   ᓄᓇᓕᕐᒥᐅᑕᓄᑦ ᑲᑎᕝᕕᐅᕙᓐᓂᖓ ᐅᕝᕙᓘᓐᓃᑦ ᐱᓱᕝᕕᐅᕙᓐᓂᖓ
   ᐱᖕᖑᐊᕐᕕᐅᓂᖓ ᓱᕈᓯᕐᓄᑦ
   ᐊᓯᖏᓐᓂᒃ ᐊᑑᑎᓕᓐᓂᒃ ᐃᓱᒫᓘᑎᐅᔪᓂᒃ ᐅᕝᕙᓘᓐᓃᑦ ᐅᓂᒃᑳᑦᓴᓂᒃ ᐊᕙᑎᐊ ᐱᓪᓗᒍ

ᓄᓇᖕᖑᐊᖏᓐᓂᒃ ᓄᓇᖁᑎᐅᑉ ᓴᓇᕕᐅᒍᒪᔫᑉ ᐱᖃᓯᐅᔾᔭᐅᓯᒪᔪᑦ ᓇᓗᓇᐃᔭᐃᑎᐅᖁᓪᓗᒍ.

ᓄᓇᓕᕐᒥᐅᑕᐃᑦ ᐃᓱᒪᒋᔭᖏᓐᓂᒃ ᐅᖃᐅᓯᖃᖁᔭᐅᔫᒐᓗᐊᑦ ᑕᓪᓕᒥᕐᒧᑦ, ᔪᓚᐃ 4, 2025, ᐅᓐᓄᓴᒧᑦ 5-ᒧᓄᑦ ᐱᕕᖃᖅᑎᑕᐅᓂᐊᖅᑐᑦ ᑲᓇᓐᓇᐅᑉ ᓯᕿᖕᖑᔭᖓᑎᒍᑦ.

ᐃᓱᒪᒋᔭᐅᔪᑦ ᑐᓂᔭᐅᔪᓐᓇᖅᑐᑦ ᐃᕐᖐᓇᖅᑕᐅᑎᒃᑯᑦ ᐅᑯᓄᖓ planning@iqaluit.ca ᐅᕝᕙᓘᓐᓃᑦ ᓇᖕᒥᓂᖅ ᑐᓂᒋᐊᖅᑐᕐᓗᒍ ᐸᕐᓇᐅᑎᓕᕆᔨᒃᑯᑦ ᐊᒻᒪ ᐱᕙᓪᓕᐊᑎᑦᓯᔨᒃᑯᑦ ᓴᓇᓂᒃᑯᑦ ᐱᓕᕆᕝᕕᖓᓐᓄᑦ ᐃᓪᓗᒧᑦ 1549.

ᐃᓱᒪᒋᔭᓯ ᐊᑑᑎᖃᖅᑐᒻᒪᕆᐅᕙᒻᒪᑕ ᐊᒻᒪ ᓇᓗᓇᐃᔭᐃᑎᐅᓂᐊᕐᒥᒻᒪᑕ ᓯᕗᓂᑦᑎᓐᓂ ᓴᓇᔭᐅᕙᓐᓂᐊᖅᑐᑦ ᓱᓇᑐᐃᓐᓇᐃᑦ ᑕᑯᑦᓴᐅᑎᑦᓯᑦᓯᐊᖁᒐᑦᑎᒍ ᑭᖕᖒᒪᔭᒐᐅᔪᓂᒃ ᐊᒻᒪ ᐊᕐᕌᒍᓂ ᐊᑐᖅᑕᐅᓯᒪᔪᓂᒃ ᓄᓇᓕᓐᓂ.
ᐊᑕᔪᖅ 1 - ᓄᓇᖕᖑᐊᖓ ᓄᓇᖁᑎᐅᑉ ᐊᒻᒪ ᐊᕙᑎᐊᓃᑦᑐᑦ

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᑯᐊ ᖃᐅᔨᒋᐊᕐᓗᒋᑦ:
ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᒃ ᓴᓇᓂᒃᑯᑦ ᐱᓕᕆᕝᕕᒃ
867-979-5661 | planning@iqaluit.ca