ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐊᐅᔭᒃᑯᑦ ᐃᓕᓐᓂᐊᖅᑎᓄᑦ ᑐᕌᖓᔪᑦ
ᔪᓂ 24, 2025 – ᐃᖃᓗᐃᑦ, ᓄᓇᕗᑦ
ᕿᓂᖅᑭᓰ ᑮᓇᐅᔭᓕᐅᕈᑎᑦᓴᓂᒃ, ᐃᖅᑲᓇᐃᔮᑦᓴᓂᒃ ᐱᓇᓱᐊᕈᑎᒋᔭᐃᑦ ᓴᓇᒍᒃ, ᐊᒻᒪ ᐱᕙᓪᓕᐅᑎᓂᐊᕐᒪᖔᑦᓯ ᖃᓄᖅ ᓄᓇᓕᑦᓯᓐᓂ ᐊᐅᔭᐅᓂᐊᖅᑐᖅ? ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᓇᐃᔭᖅᑎᓴᕐᓯᐅᓕᕐᒥᔪᑦ ᐃᓕᓐᓂᐊᕐᕕᐊᓗᒻᒥ ᐊᒻᒪ ᓯᓚᑦᑐᓴᕐᕕᓐᓂ ᐃᓕᓐᓂᐊᖅᑎᓂᒃ ᐊᔾᔨᒌᖏᑦᑐᓄᑦ ᐊᐅᔭᒃᑯᑦ ᐃᖅᑲᓇᐃᔭᖅᑎᑦᓴᓂᒃ, ᐊᒻᒪ ᐱᓕᕆᔨᐅᖃᑕᐅᒍᒪᑦᓯᐊᑐᐃᓐᓇᖅᑐᓯ ᐅᕙᑦᑎᓐᓄᑦ.
ᐊᑐᐃᓐᓇᖅᑐᒍᑦ ᐃᖅᑲᓇᐃᑲᐃᓐᓇᑎᑦᓴᓄᑦ ᐃᖅᑲᓇᐃᔮᑦᓴᓂᒃ ᐱᓕᕆᕝᕕᓐᓂ ᓲᕐᓗ ᓴᓇᔪᓕᕆᔨᒃᑯᓐᓂ, ᐱᖕᖑᐊᖅᑐᓕᕆᔨᒃᑯᓐᓂ, ᐸᕐᓇᐅᑎᓕᕆᔨᒃᑯᓐᓂ, ᐊᒻᒪ ᐊᓪᓚᕕᒻᒥᐅᑕᕐᓂ. ᖁᕕᐊᒋᔭᖃᕈᕕᑦ ᐱᓕᕆᖃᑎᖃᕆᐊᒥ ᑭᒃᑯᑐᐃᓐᓇᕐᓂᒃ, ᐱᓕᕆᐊᑦᓴᓂᒃ ᐅᐸᓗᖓᐃᔭᐃᓂᕐᒥᒃ, ᐅᕝᕙᓘᓐᓃᑦ ᐊᓃᖃᓯᔮᕐᓂᕐᒥᒃ, ᐃᓕᓐᓄᑦ ᐱᑕᓕᒃ ᐃᖅᑲᓇᐃᔮᑦᓴᒥᒃ. ᒪᓕᑦᑐᒍ ᐃᖅᑲᓇᐃᔮᑦᓴᖅ, ᐃᖅᑲᓇᐃᔭᖃᑦᑕᕋᔭᖅᑐᓯ ᐃᑲᕐᕋᓂᒃ 35-ᓂᒃ 40-ᓂᓪᓘᓐᓃᑦ ᐱᓇᓱᐊᕈᓯᐅᑉ ᐃᓗᐊᓂ, ᐊᑭᓕᕐᓱᖅᑕᐅᔾᔪᓯᓯ ᒪᓕᒃᑲᔭᖅᑐᑦ ᖃᓄᖅ ᐃᖅᑲᓇᐃᔮᕐᓄᑦ ᐊᒻᒪ ᑭᒃᑯᓐᓄᑦ ᐃᖅᑲᓇᐃᔭᖅᑎᐅᓂᕐᓄᑦ.
ᑕᒪᒃᑯᐊ ᐱᔭᑦᓴᐃᑦ ᒪᑐᐃᖓᔪᑦ ᒫᓐᓇᐅᔪᖅ ᐃᓕᓐᓂᐊᖅᑎᓄᑦ ᐃᖃᓗᒻᒥᐅᑕᐅᔪᓄᑦ, ᐱᖃᓯᐅᔾᔭᐅᓗᑎᒃ ᑕᐃᒃᑯᐊ ᐃᖃᓗᐃᑦ ᓯᓚᑖᓄᑦ ᐃᓕᓐᓂᐊᕆᐊᖃᖅᐸᑦᑐᑦ. ᕿᓂᖅᑐᒍᑦ ᐃᓕᓐᓂᐊᖅᑎᓂᒃ ᑕᑎᒋᔭᕐᓂᖅᑐᓂᒃ, ᐃᓕᓐᓂᐊᕈᒪᔪᓂᒃ, ᐊᒻᒪ ᐃᑲᔪᕈᓐᓇᓯᐊᖅᑐᓂᒃ ᐃᑲᔪᕆᐊᖃᕐᓂᕈᑎᒃ ᓇᒥ. ᐃᓚᖏᑦ ᐱᓕᕆᔾᔪᑎᐅᔪᑦ ᓯᓚᒦᒋᐊᖃᖅᐸᓂᐊᖅᑐᑦ ᓯᓚᕈᔫᒐᓗᐊᕈᓂ ᐅᕝᕙᓘᓐᓃᑦ ᑎᐱᓕᐊᓗᓐᓃᒐᓗᐊᕈᑎᒃ, ᐱᓕᕆᔪᒻᒪᐅᒍᕕᑦ ᐊᒻᒪ ᖃᓄᐃᑦᓴᖏᒃᑯᕕᑦ ᓱᕈᑉᐸᒃᑲᓗᐊᕈᕕᑦ ᐃᖅᑲᓇᐃᔭᕐᓗᑎᑦ, ᐱᕙᓪᓕᐅᑎᔪᒻᒪᕆᐅᓂᐊᖅᑐᑦ.
ᐱᓇᓱᐊᕈᓐᓇᖅᑐᑦ ᐅᑯᐊ, ᒫᓐᓇᐅᔪᖅ ᐃᓕᓐᓂᐊᕐᕕᐊᓗᒻᒥ ᐅᕝᕙᓘᓐᓃᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑎᐅᒋᐊᓕᒃ, ᑎᓕᔭᐅᒍᓂ ᒪᓕᒍᓐᓇᑦᓯᐊᕐᓗᓂ, ᐱᓕᕆᔪᓐᓇᕐᓗᓂ ᐊᑦᑕᓇᔾᔭᐃᕐᓯᒪᑦᓯᐊᕐᓗᓂ, ᐊᒻᒪ ᐃᖅᑲᓇᐃᔭᖃᑎᓂ ᐊᒻᒪ ᑭᒃᑯᑐᐃᓐᓇᐃᑦ ᐃᑉᐱᒋᑦᓯᐊᐸᓪᓗᒋᑦ ᐱᓕᕆᖃᑎᒋᕙᓪᓗᒋᑦ. ᐃᖅᑲᖅᑐᐃᕕᑎᒍᑦ ᖃᓄᐃᓕᔭᐅᓚᐅᕐᓯᒪᓂᕐᒥᒃ ᖃᐅᔨᓴᖅᑕᐅᒋᐊᓕᒃ ᐃᓘᓐᓇᖏᓐᓄᑦ ᐃᖅᑲᓇᐃᔮᑦᓴᓄᑦ. ᐃᓄᑦᑎᑑᕈᓐᓇᕈᕕᑦ ᐅᕝᕙᓘᓐᓃᑦ ᐅᐃᕖᑎᑐᑦ, ᖃᓄᐃᒃᑲᔭᖏᓯᐊᕐᒥᔪᖅ.
ᐱᓇᓱᐊᕈᒪᓐᓂᕈᕕᑦ, ᑐᑦᓯᕋᐅᑎᒋᔭᐃᑦ ᐅᑯᓄᖕᖓᓚᐅᕈᒃ HR@iqaluit.ca, ᓄᓇᓕᐸᐅᔭᐃᑦ ᐃᖃᓗᐃᑦ ᐊᓪᓚᕝᕕᖏᓐᓅᕈᑎᓗᒍ, ᐅᕝᕙᓘᓐᓃᑦ ᖃᕋᑕᐅᔭᒃᑯᑦ ᐱᓇᓱᐊᕈᓐᓇᕐᒥᔪᓯ ᐅᑯᓅᓇ www.iqaluit.ca/careers.
ᐊᐅᔭᐅᓂᐊᖅᑐᖅ ᐱᓕᕆᖃᑕᐅᒋᑦᓯ ᐊᑑᑎᖃᑦᓯᐊᖅᑐᓂᒃ ᐊᒻᒪ ᑮᓇᐅᔭᓕᐅᕈᑎᒋᓗᒍ ᐊᑕᐅᑦᓯᒃᑯᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:
ᐃᐊᓚ ᕉᓯᐅᓪ
ᐃᖅᑲᓇᐃᔭᖅᑎᓕᕆᕝᕕᒻᒥ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5608 | E.Rowsell@iqaluit.ca
