ᓄᓇᓕᑦᑎᓐᓂ ᐃᖃᐃᓕᓴᕐᓂᖅ ᐱᓪᓗᒍ ᐅᓪᓗᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᑦᑎᓐᓂ ᐃᖃᐃᓕᓴᕐᓂᖅ ᐱᓪᓗᒍ ᐅᓪᓗᖅ
ᔪᓂ 13, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᖁᕕᐊᒋᑦᓯᐊᖅᑐᒍ ᖃᐃᓛᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᑭᒃᑯᑐᐃᓐᓇᑦᓯᐊᓂᒃ ᓄᓇᓕᓐᓂ ᐃᖃᐃᓕᓴᕐᓂᖅ ᐱᓪᓗᒍ ᐅᓪᓗᖃᖅᑎᑕᐅᓕᖅᐸᑦ ᓈᑦᓯᐅᖑᔭᓛᕐᓂᐊᕐᒥ ᔪᓂ 28, 2025 ᐱᒋᐊᓛᖅᑐᑦ ᐅᓪᓛᒃᑯᑦ 10-ᒨᖅᐸᑦ 1-ᒧᓄᑦ ᐅᑭᐅᒃᑯᑦ ᐱᖕᖑᐊᕕᔾᔪᐊᕐᕕᒻᒥ (2804 ᓂᐊᖁᖕᖒᓯᐊᕆᐊᖅ ᐊᑐᕆᐊᖅ).

ᕿᓂᕐᓂᕈᕕᑦ ᓄᑖᒥᒃ ᖃᓄᐃᓕᐅᕈᑎᑦᓴᒥᒃ, ᐃᓚᓐᓈᕇᖑᔪᓯ ᖃᓄᐃᓕᐅᖃᑎᒌᓗᓯ, ᐅᕝᕙᓘᓐᓃᑦ ᖃᓂᒋᔭᑦᓯᓐᓂᒃ ᐃᓪᓗᖃᑎᖃᑎᓯ ᐱᖃᑎᒋᒋᐊᖅᑐᕐᓗᒋᑦ, ᓄᓇᓕᓐᓂ ᐃᖃᐃᓕᓴᕐᓂᖅ ᐱᓪᓗᒍ ᐅᓪᓗᖓᓂ ᖃᓄᐃᓕᐅᕈᑎᖃᓛᖅᑐᑦ ᑭᒃᑯᑐᐃᓐᓇᑦᓯᐊᓄᑦ. ᐅᓇ ᐊᑭᖃᖏᑦᑐᖅ ᐃᓚᒌᓄᑦ ᖃᓄᐃᓕᐅᕈᑎᐅᓛᖅᑐᖅ ᑲᑎᒍᓐᓇᐅᑎᐅᓛᖅᑐᖅ ᓄᓇᓕᕐᒥᐅᑕᕐᓄᑦ ᐊᒻᒪ ᓇᓪᓕᐅᓂᕐᓯᐅᕈᑎᖃᕋᔭᕐᓗᑎᒃ ᐃᓗᓯᑦᓯᐊᕆᓐᓂᕐᒥᒃ, ᕿᑲᑐᐃᓐᓇᖏᓐᓂᕐᒥᒃ, ᐊᒻᒪ ᓄᓇᓕᕐᒥᐅᑕᓂᒃ ᖃᓄᑐᐃᓐᓇᑦᓯᐊᖅ ᑕᑯᕋᓐᓈᑎᑦᓯᔪᓂᒃ ᑕᑯᕋᓐᓈᖃᑕᐅᒐᔭᕐᓗᓯ.

ᐅᐸᒍᒪᓂᐊᖅᑐᑦ ᐃᖃᐃᓕᓴᖃᑕᐅᒋᐊᖅᑐᕐᓗᑎᒃ ᓈᒻᒪᑦᑐᓄᑦ ᖃᓄᑐᐃᓐᓇᑦᓯᐊᖅ ᐊᕐᕌᒍᓕᓐᓄᑦ, ᐃᖃᐃᓇᐃᒍᓱᖃᑕᐅᒋᐊᖅᑐᕐᓗᑎᒃ ᓂᕿᑦᓯᐊᕙᓐᓂᒃ ᐊᒻᒪ ᐃᕿᐊᓇᐃᑦᓯᐊᖅᑐᓂᒃ ᓂᕿᐊᐱᓐᓂᒃ ᓄᓇᓕᕐᒥᐅᑕᓄᑦ ᓂᖅᑎᐊᒥᓂᕐᓂᒃ, ᐊᒡᒐᒧᑦ ᓴᓇᐅᒐᕐᓂᒃ ᓴᓇᔭᐅᓯᒪᔪᓂᒃ ᓄᓇᓕᕐᒥᐅᑕᓄᑦ, ᐊᒻᒪ ᐃᓕᓐᓂᐊᑲᓐᓂᕈᒪᓐᓂᕈᑦᓯ ᐃᓱᒪᓕᕆᓂᕐᒥᒃ ᐅᔾᔨᕈᓱᒋᐊᕈᑎᑦᓴᓂᒃ. ᐱᔾᔪᓯᐊᖅᑎᑕᐅᖃᑦᑕᓛᕐᒥᔪᑦ ᖃᓄᐃᓕᐅᕈᑎᖃᕐᓂᖏᓐᓂ, ᐊᑏ ᐱᖃᑕᐅᒋᐊᖅᑐᓛᖅᑯᓯ.

ᐊᑭᖃᖏᑦᑐᖅ ᐊᒻᒪ ᑐᓂᕐᕈᑎᐅᔪᑦ ᑐᓂᔭᐅᓛᖅᑐᑦ ᐃᓱᒪᒋᓪᓗᒍ ᔨᒥ ᕿᓚᑉᐸᖅ ᑐᖕᖓᕕᖓᓐᓄᑦ ᓇᑯᕆᔭᒻᒪᕆᐅᓛᖅᑐᑦ. ᐃᑲᔪᕐᓱᐃᔾᔪᑎᓯ ᐃᑲᔫᑎᐅᕙᒻᒪᑕ ᐱᓕᕆᐊᑦᓴᓕᐅᕈᑎᐅᓗᑎᒃ ᓄᓇᓕᕐᒥᐅᑕᐃᑦ ᐃᓚᒌᖑᔪᑦ ᐱᖃᑕᐅᓂᕐᓴᐅᖁᓪᓗᒋᑦ ᐃᑲᔫᑎᐅᕙᑦᑐᑦ.

ᖃᐃᓛᖅᑯᓯ ᐊᒻᒪ ᖃᓄᐃᓕᐅᖃᑕᐅᒋᐊᖅᑐᕐᓗᓯ, ᑎᒥᑦᓯᐊᕆᓐᓇᖅᑐᓂᒃ ᐊᑐᖃᑕᐅᒋᐊᖅᑐᕐᓗᓯ, ᐊᒻᒪ ᖁᕕᐊᒋᔭᖅᑐᕐᓗᒋᑦ ᓄᓇᑦᓯ ᐃᓗᐊᓃᑦᑐᓂᒃ ᖃᓄᐃᓕᐅᕈᑎᐅᔪᓐᓇᖅᑐᓂᒃ. ᑕᑯᓛᕈᒪᑦᓯᐊᖅᑐᒍᑦ ᐃᓕᑦᓯᓐᓂᒃ ᑕᐃᑲᓂ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:

ᔭᕝ ᐴᕐᓐ

ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5619 | G.Byrne@iqaluit.ca