ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᑯᐊᓚᑎᑦᑎᓂᕐᒧᑦ ᐱᔪᓐᓇᐅᑎ ᐊᒻᒪᓗ ᐃᑯᐊᓚᑎᑦᑎᓂᕐᒧᑦ ᐊᑦᑕᕐᓇᖅᑕᐃᓕᒪᓂᖅ ᐃᖅᑲᓇᐃᑎᑦᑎᒋᐊᕈᑎ
ᔫᓂ 12, 2025 – ᐃᖃᓗᐃᑦ, ᓄᓇᕗᑦ
ᓯᓚ ᐅᖅᑰᓯᕙᓪᓕᐊᓕᖅᑎᓪᓗᒍ, ᐊᒥᓱᑦ ᓄᓇᖅᑲᑎᒌᑦ ᑲᔾᔮᕈᓱᓪᓗᑎᑦ ᓯᓚᒦᖃᑦᑕᕐᓂᐊᓕᕐᒥᒻᒪᑕ ᐃᑯᐊᓚᑎᑦᑎᓗᑎᒃ. ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᑕᒪᕐᒥᑦᑎᐊᖅ ᓄᓇᓕᖕᓂ ᐃᑯᐊᓚᑎᑕᐅᔪᑦ ᐱᔪᓐᓇᐅᑎᖃᕆᐊᖃᕐᒪᑕ, ᑐᓐᓂᔭᐅᓯᒪᔪᖅ ᐃᖃᓗᖕᓂ ᖃᑦᑎᕆᔨᒃᑯᓐᓂᑦ, ᐃᑭᑦᑐᑦ ᐊᑦᑕᕐᓇᖅᑐᒦᖁᓇᒋᑦ ᒪᓕᑦᑎᐊᕐᓗᑎᒡᓗ ᓄᓇᓕᐸᐅᔭᐅᑉ ᒪᓕᒋᐊᓕᖕᒋᓐᓂᑦ.
ᐊᑦᑕᕐᓇᖅᑐᒦᑎᑦᑕᐃᓕᓗᒋᑦ ᑭᒃᑯᓕᒫᑦ, ᐃᑯᐊᓚᑎᑕᐅᔪᑦ ᐃᓗᑦᑐᖅᑎᖅᓯᒪᔭᕆᐊᓖᑦ ᐃᑯᐊᓚᕝᕕᖕᒥ, ᖃᑦᑕᐅᔭᕐᒥᑦ, ᐅᕝᕙᓘᓐᓃᑦ ᐊᖕᒪᓗᖅᓯᓯᒪᔪᒥᑦ, 25 ᐃᓯᒐᑦ ᐅᖕᒐᓯᒃᑎᒋᓗᑎᒃ ᓇᓕᐊᖕᓂᑐᐃᓐᓇᖅ ᓴᓇᓯᒪᔪᓂᒃ, ᐃᓚᒋᔭᐅᓪᓗᑎᒃ ᐊᖕᒋᕐᕋᐃᑦ, ᑲᔾᔭᐅᓴᒡᕖᑦ ᐊᒻᒪᓗ ᓯᕐᓗᐊᑦ. ᓴᓗᒪᔪᑐᐊᑦ, ᕿᔪᐃᑦ ᐸᓂᖅᑐᑦ ᐱᔪᓐᓇᖅᑎᑕᐅᔪᑐᐊᑦ-ᓴᓃᑦ, ᐊᐅᒃᑕᔫᑦ, ᐅᕝᕙᓘᓐᓃᑦ ᕿᔪᐃᑦ ᐊᒥᐊᖅᓯᒪᖖᒋᑦᑐᑦ. ᐃᑯᐊᓚᔪᑦ ᕿᒪᒃᑕᐅᔭᕆᐊᖃᖖᒋᑦᑐᑦ, ᐃᓐᓇᖅᑕᖃᐃᓐᓇᕆᐊᓕᒃ ᖃᖕᒐᓕᒫᒃᑯᑦ ᐃᑯᐊᓚᔪᖃᖅᑎᓪᓗᒍ. ᐃᒪᖅᑕᖃᕐᓗᓂ, ᓱᓪᓗᓕᒃᑯᑦ ᐅᕝᕙᓘᓐᓃᑦ ᖃᑦᑕᐅᔭᕐᒥᑦ, ᖃᓂᒃᓴᖅᑎᑕᐅᔭᕆᐊᓖᑦ ᐃᑭᑦᑐᖅ ᖃᒥᑕᐅᑲᐅᖅᑐᕆᐊᖃᕋᔭᖅᐸᑦ.
ᐃᑯᐊᓚᑎᑦᑎᔪᖃᕆᐊᖃᖖᒋᑦᑐᖅ ᐊᓄᕆᕐᔪᐊᖅᑎᓪᓗᒍ, ᐃᒪᐃᒐᔪᒃᑐᖅ ᐊᓄᕆᐅᑉ ᓱᒃᑲᓂᖕᒐ 15 ᑭᓚᒦᑕ/ᐃᑲᕐᕋᕐᒨᖕᒐᑎᓪᓗᒍ. ᒪᓕᖖᒋᓐᓂᖅ ᑖᒃᑯᓂᖕᒐ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᕆᐊᓕᖕᓂᑦ ᐊᑭᓕᒐᒃᓴᖅᑖᖅᑎᑦᑎᑐᐃᓐᓇᕆᐊᓕᒃ ᐊᑭᓕᒐᒃᓴᖅᑖᖅᑎᑦᑎᓗᓂᓘᓐᓃᑦ ᑐᐊᕕᕐᓇᑐᓄᑦ ᑭᐅᒋᐊᕈᑎᓄᑦ ᐱᔨᑦᑎᕋᐅᑎᓄᑦ.
ᖃᐅᔨᒪᓂᐊᖅᐳᓯᑦ ᓱᐴᔫᑦ ᖃᐅᒻᒪᖅᑯᑎᓪᓗ ᐱᔪᓐᓇᐅᑎᖃᕆᐊᖃᖖᒋᒻᒪᑕ, ᐃᓱᒪᒋᔭᐅᖕᒪᑕ ᐃᓚᓕᐅᔾᔭᐅᓯᒪᓂᖕᒋᓐᓂᑦ ᐊᐅᓚᑕᐅᓂᖕᒋᓐᓂᓪᓗ ᐃᑯᒪᔪᑦ.
ᓄᓇᖅᑲᑎᒌᑦ ᖃᕆᑕᐅᔭᒃᑯᑦ ᐱᔪᓐᓇᖅᑐᑦ ᐊᔾᔨᖕᒐᓂᒃ ᐃᑯᐊᓚᑎᑦᑎᔪᒪᓂᐊᕐᓗᓂ ᐱᔪᓐᓇᐅᑎᒥᒃ ᐅᕙᓂ www.iqaluit.ca/content/burn-permit-0. ᐱᔭᕇᖅᓯᒪᔪᑦ ᐱᓇᓲᑎᑦ ᑐᓂᔭᐅᔭᕆᐊᓖᑦ ᐅᕘᓇ i.dispatch@iqaluit.ca ᕿᒥᕐᕈᔭᐅᓂᕐᒧᑦ ᐊᖕᒋᖅᑕᐅᓂᕐᒧᓪᓗ.
ᖁᔭᓐᓇᒦᒃ ᐃᑲᔪᕋᕕᑦ ᓄᓇᓕᕗᑦ ᐊᑦᑕᕐᓇᖖᒋᑦᑐᒦᑎᑦᑐᒋᑦ ᐊᒻᒪᓗ ᖁᕕᐊᓱᑦᑎᐊᕐᓂᐊᖅᐳᓯ.
##
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐅᖄᓚᕕᖕᒐ
i.dispatch@iqaluit.ca
867-979-5650
