ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᓕᖅᑎᑕᐅᔪᖅ ᐊᖏᕐᕋᒥ ᐆᒪᔪᖁᑎᓂᒃ ᐊᐅᓚᑦᓯᔾᔪᓂᒃ ᐊᓯᔾᔨᐅᑎ ᒪᓕᒐᕋᓛᖅ ᓈᓴᐅᑎᖓ 1018
ᔪᓂ 12, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᖏᕐᕋᒥ ᐆᒪᔪᖁᑎᓂᒃ ᐊᐅᓚᑦᓯᔾᔪᑎᒧᑦ ᐊᓯᔾᔨᐅᑎ ᒪᓕᒐᕋᓛᖅ ᓈᓴᐅᑎᖓ 1018 ᐊᑐᓕᖅᑎᑕᐅᓚᐅᕐᓂᖓᓄᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᑲᑎᒪᓂᖃᖅᑎᓪᓗᒋᑦ 9-ᖓᓂᒃ ᔪᓂ 10, 2025.
ᓄᓇᓕᕐᒥᐅᑕᐃᑦ ᐃᖅᑲᐃᑎᑕᐅᒋᕗᑦ ᐱᒻᒪᕆᐅᓂᖏᓐᓂᒃ ᓚᐃᓴᑖᖅᑎᑕᐅᒋᐊᖃᕐᓂᖏᓐᓄᑦ ᐊᖏᕐᕋᒥ ᐆᒪᔪᖁᑎᖏᓐᓂᒃ. ᓄᓇᓕᐸᐅᔭᒃᑯᑦ ᐊᑎᓕᐅᕈᑎᖏᑦ ᓂᕕᖓᑖᑦ ᓇᓗᓇᐃᔭᐃᑎᐅᕙᒻᒪᑕ ᐆᒪᔪᖁᑎᐅᔪᑦ ᓇᓗᓇᐃᖅᑕᐅᔪᓐᓇᕐᓂᖏᓐᓄᑦ ᐊᒻᒪ ᐅᑎᖅᑎᑕᐅᓗᑎᒃ ᐃᓄᖏᓐᓄᑦ. ᓂᕕᖓᑖᑦ ᐊᑭᖃᖏᑦᑐᑦ ᐅᑯᓇᓂ ᐊᑐᐃᓐᓇᐅᓗᑎᒃ:
ᓄᓇᓕᐸᐅᔭᒃᑯᑦ ᐊᓪᓚᕝᕕᖏᓐᓂ: ᐃᓪᓗᖅ 1085, ᒥᕝᕕᒃ ᐊᑐᕆᐊᖅ
ᓄᓇᓕᓐᓂ ᒪᓕᒐᕋᓛᓕᕆᔨᒃᑯᓐᓂᒃ: ᐃᓪᓗ 1549, ᓯᕗᒧᒋᐊᖅ ᐊᑐᕆᐊᖅ
ᒪᓕᒐᕋᓛᑎᒍᑦ ᐱᓪᓗᐊᑕᐅᔪᑦ:
24-ᓄᑦ ᐃᑲᕐᕋᓄᑦ ᐱᓯᒪᔭᐅᕙᓐᓂᐊᖅᑐᑦ ᐆᒪᔪᐃᑦ ᑎᒍᔭᐅᔪᑦ ᒪᓕᒐᕋᓛᓕᕆᔨᒃᑯᓐᓄᑦ. 72-ᓄᑦ ᐃᑲᕐᕋᓅᖅᑕᐅᓯᒪᒍᓐᓇᖅᑐᖅ ᑎᒍᔭᐅᓐᓂᕈᑎᒃ ᐃᖅᑲᓇᐃᔭᕐᓇᐅᓂᖏᓐᓂ ᐃᑲᕐᕋᓂ (ᓲᕐᓗ ᐱᓇᓱᐊᕈᓰᑦ ᓄᖕᖑᖏᓐᓂ ᐅᕝᕙᓘᓐᓃᑦ ᕿᑲᕐᓇᓂ).
ᑎᒍᔭᐅᓯᒪᓂᖏᓐᓂ, ᖃᓄᖅᑑᕈᑎᐅᕙᓐᓂᐊᖅᑐᑦ ᐃᓄᖏᑦ ᖃᐅᔨᔭᐅᓇᓱᐊᖅᐸᓪᓗᑎᒃ ᐆᒪᔪᖁᑎᐅᔪᑦ ᐊᑐᕈᑎᒃ ᓄᓇᓕᐸᐅᔭᒃᑯᓐᓂ ᓇᓗᓇᐃᔭᐃᑎᓂᒃ ᓂᕕᖓᑖᓂᒃ.
ᑎᒍᔭᐅᒪᕕᖏᑦ ᐃᓱᓕᑉᐸᑕ, ᐆᒪᔪᐃᑦ ᐃᓄᑖᖅᑎᑕᐅᒍᓐᓇᖅᑐᑦ ᐱᒍᒪᔪᓂᒃ, ᓄᓇᓕᐅᑉ ᐊᓯᐊᓅᖅᑕᐅᓗᑎᒃ, ᑎᒍᐊᖑᐊᖑᓗᑎᒃ, ᐅᕝᕙᓘᓐᓃᑦ ᑐᖁᑕᐅᓗᑎᒃ ᒪᓕᓪᓗᑎᒃ ᖃᓄᐃᒍᑎᐅᔪᓂᒃ. ᑐᖂᑦᓯᓂᖅ ᐊᖏᖅᑕᐅᒍᓐᓇᖅᑐᖅ ᑭᓯᐊᓂ ᐱᓕᕆᐊᖑᒋᐊᑐᖏᑦᑐᖅ ᒪᓕᒐᑎᒍᑦ.
ᐆᒪᔪᐃᑦ ᓇᓗᓇᐃᒃᑯᑎᖃᖏᑦᑐᑦ ᐃᓱᒪᒋᔭᐅᒐᔭᖅᑐᑦ ᓇᓗᓇᐃᖅᑕᐅᒍᓐᓇᖏᓐᓂᖏᑦ ᑭᒃᑯᓐᓂᒃ ᐃᓄᖃᕐᓂᖏᓐᓄᑦ ᐊᒻᒪ ᖃᖓᑐᐃᓐᓇᒃᑯᑦ ᑐᖁᑕᐅᒍᓐᓇᖅᑐᑎᒃ.
ᒪᓕᒐᕋᓛᑎᒍᑦ ᐃᓱᒪᕐᓱᕈᓐᓇᖅᑎᑕᐅᓯᒪᔪᖅ ᐊᖏᔪᖅᑳᖓᑦ ᒪᓕᒐᕋᓛᓕᕆᔨᒃᑯᑦ ᐊᒻᒪ ᐱᔪᓐᓇᐅᑎᖃᖅᑎᑕᐅᔪᑦ ᑭᒡᒐᖅᑐᐃᔨᐅᔪᑦ ᓇᓗᓇᐃᔭᐃᓂᒃᑯᑦ ᓈᒻᒪᑦᑐᒃᑯᑦ ᐊᑐᖅᑕᐅᓂᐊᖅᑐᓂᒃ, ᓇᓕᒧᐃᓯᒪᕙᓪᓗᑎᒃ ᐆᒪᔪᐃᑦ ᖃᓄᐃᒋᐊᖃᖏᓐᓂᖏᓐᓂᒃ, ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᒋᐊᖃᖏᓐᓂᖏᓐᓂᒃ, ᐊᒻᒪ ᐊᐅᓚᑦᓯᔾᔪᑎᒍᑦ ᐱᓕᕆᔨᐅᔪᑦ.
ᓄᓇᓕᐸᐅᔭᒃᑯᑦ ᐃᓕᑕᕐᓯᓯᒪᓕᕐᒪᑕ ᓄᓇᓕᕐᒥᐅᑕᓄᑦ ᐃᓱᒫᓘᑎᐅᕙᑦᑐᓂᒃ ᐆᒪᔪᐃᑦ ᖃᓄᐃᒋᐊᖃᖏᓐᓂᖏᓐᓄᑦ ᐊᒻᒪ ᐊᔭᐅᖅᑐᐃᓗᑎᒃ ᓄᓇᓕᕐᒥᐅᑕᓕᒫᓂᒃ ᐆᒪᔪᖁᑎᖃᕐᓂᖏᓐᓂᒃ ᓚᐃᓴᑖᖅᑎᑦᓯᖁᓪᓗᒋᑦ, ᐱᓯᒪᔭᐅᑦᓯᐊᐸᓪᓗᑎᒃ ᐱᑐᑦᓯᒪᕙᓪᓗᑎᒃ, ᐊᒻᒪ ᓇᓗᓇᐃᖅᑕᐅᔪᓐᓇᐸᓪᓗᑎᒃ ᑕᐃᒪᖕᖓᓕᒫᖅ.
ᐅᖃᐅᓯᖃᕈᒪᔪᑦ ᑕᒫᓂᖅᑭᔪᓂᒃ ᐅᕝᕙᓘᓐᓃᑦ ᐃᕐᓯᓇᖅᑐᓂᒃ ᐆᒪᔪᓂᒃ:
ᓄᓇᓕᐸᐅᔭᒃᑯᑦ ᑭᐅᔨᖏᑦ (24/7): 867-979-5650
ᐃᕐᖐᓇᖅᑕᐅᑎᒃᑯᑦ (ᓇᒡᒋᔾᔭᐅᒥᒃ ᑕᓪᓕᒥᕐᒧᑦ, 9 ᐅᓪᓛᒃᑯᓂᒃ – 5-ᒧᓄᑦ ᐅᓐᓄᓴᒃᑯᑦ): municipalenforcement@iqaluit.ca
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
