ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᓄᓇᓕᖕᓂ ᓴᓂᕕᒡᔪᐊᕐᓇᖅ 2025
ᔫᓂ 10, 2025 – ᐃᖃᓗᐃᑦ, ᓄᓇᕗᑦ
ᐃᖃᓗᓐᓂ ᓄᓇᓕᐸᐅᔭᒃᑯᑦ, ᐱᓕᕆᖃᑎᖃᖅᑐᑎᑦ ᓄᓇᕗᑦ ᒐᕙᒪᒃᑯᓐᓂ, ᖁᕕᐊᒃᑐᑎᑦ ᑐᓴᖅᑎᑦᑎᔪᒪᔪᑦ ᐊᕐᕌᒍᑕᒫᖅᓯᐅᑎᒥᑦ ᓄᓇᓕᖕᓂ ᓴᓂᕕᒡᔪᐊᕐᓇᐅᓂᐊᓕᕐᒥᒻᒪᑦ ᑕᓪᓕᕐᒥᖅ, ᔫᓂ 13, 2025.
ᑖᓐᓇ ᐊᕐᕌᒍᑕᒫᑦ ᐱᓕᕆᓂᐅᔪᖅ ᓇᓗᓇᐃᖅᓯᒪᖕᒪᑦ ᓅᒃᐸᓪᓕᐊᓂᕐᒥᑦ ᐅᐱᕐᖕᒑᒥᑦ ᐊᐅᔭᒧᑦ ᐱᓕᕆᖃᑎᒌᒃᓯᑦᑎᕙᑦᑐᓂᓗ ᓄᓇᖅᑲᑎᒌᓂᑦ, ᑲᑐᔾᔨᖃᑎᒌᓂᑦ, ᓇᒻᒥᓂᖁᑎᓕᓐᓂᓪᓗ ᑲᑐᔾᔨᖃᑎᒌᓐᓂᕐᒥᑦ ᐃᖃᓗᐃᑦ ᓴᓗᒪᖁᓪᓗᒍ ᐆᒻᒪᕆᑦᑎᐊᖁᓪᓗᒍᓗ. ᐊᕐᕌᒍᑕᒫᑦ, ᓴᓂᕐᓂᖅ ᐱᒻᒪᕆᐅᔪᒥᑦ ᓴᐳᔾᔨᕙᒃᑐᖅ ᓄᓇᓕᓐᓂᑦ ᐆᒪᔪᕐᓂᑦ, ᓴᓂᖃᓗᐊᖖᒋᓐᓂᕐᒥᑦ, ᐱᐅᓯᕚᓪᓕᑎᑦᑎᓂᕐᒥᓪᓗ ᐱᐅᓂᖕᒐᓂᑦ ᑭᒃᑯᑐᐃᓐᓇᕐᓄᑦ ᐃᑭᒋᔭᐅᔪᓂᑦ.
ᖃᓄᐃᓕᐅᕐᓂᐅᓂᐊᖅᑐᑦ ᐃᓗᓕᖕᒋᑦ:
ᐅᓪᓗᖅ: ᑕᓪᓕᕐᒥᖅ, ᔫᓂ13, 2025
ᓇᓂ ᓴᓂᕐᓂᖅ: ᓇᓂᑐᐃᓐᓇᑦᑎᐊᖅ ᐃᖃᓗᓐᓂ
ᐊᐃᒃᓯᕐᕕᒃ ᐊᑐᖅᑕᐅᓂᐊᖅᑐᓂᑦ: ᐅᓂᒃᑳᕐᕕᒃ ᐳᓛᕐᕕᒃ/ᐅᖃᓕᒫᒐᖃᕐᕕᒃ
ᓯᓚᒥ ᓂᕿᓕᐅᕐᓂᖅ: 11:45-ᒥᑦ 1:15-ᒧᑦ ᐅᓪᓗᒃᑯᑦ (ᑭᒃᑯᓕᒫᑦ ᓴᓂᕈᓐᓇᖅᑐᑦ)
ᓵᓚᐅᒃᓴᐅᓯᐊᔅᓴᑦ: 1:30 ᐅᓐᓄᒃᓴᒃᑯᑦ (ᓴᓂᖅᑐᓕᒫᓄᑦ)
ᓯᓚᕈᔫᑳᓪᓚᒃᐸᑦ:
ᓯᓚᑲᒻᒪᐅᑳᓪᓚᒃᐸᑦ, ᓴᓂᕐᓂᖅ ᑭᖕᒍᕙᕆᐊᖅᑕᐅᒐᔭᖅᑐᖅ ᑕᓪᓕᕐᒥᖅ ᔫᓂ 20, 2025-ᒧᑦ.
ᖃᐅᔨᒃᑲᐃᔾᔪᑎᑕᖃᓛᖅᑐᖅ ᓄᓇᓕᐸᐅᔭᒃᑯᓐᓃᖖᒑᖅᑐᒥ ᖃᐅᑉᐸᑦ ᓴᓂᕕᒡᔪᐊᕐᓇᐅᓂᐊᓕᖅᐸᑦ, ᐅᕝᕙᓘᓐᓃᑦ ᓴᓂᕕᒡᔪᐊᕐᓇᐅᓂᐊᖅᑑᑉ ᐅᓪᓛᖕᒐᓂ, ᓴᓂᕕᒡᔪᐊᕐᓇᐅᓂᐊᖅᑐᖅ ᐊᑐᐃᓕᖕᒐᓂᐊᕐᒪᖕᒑᑦ.
ᓴᓗᒻᒪᖅᓴᐃᔾᔪᑏ, ᐊᒡᒑᑦ, ᓴᓂᒃᑯᕕᒃᓴᐃᑦ, ᐊᑦᑕᕐᓇᖅᑕᐃᓕᒪᓂᕐᒧᓪᓗ ᒪᓕᒋᐊᓖᑦ, ᐊᑐᐃᓐᓇᐅᓛᖅᑐᑦ ᐅᓂᒃᑳᕐᕕᒃ ᐳᓚᕋᕐᕕᖕᒥ. ᓄᓇᖅᑲᑎᒌᑦ ᓴᓂᕈᓐᓇᖅᑐᑦ ᓇᓂᓕᒫᖅ ᓄᓇᓕᐸᐅᔭᕐᒥ.
ᓴᓂᖃᑕᐅᒍᕕᑦ ᓴᓂᕕᒡᔪᐊᕐᓇᐅᑎᓐᓇᒍᑦ ᐅᓪᓗᖅ ᐅᕝᕙᓘᓐᓃᑦ ᓯᕿᕐᖕᒍᔭᖅ ᒪᓕᓐᓇᒍᑦ, ᓄᓇᓕᐸᐅᔭᒃᑯᑦ ᖃᐅᔨᒃᑲᕋᔭᖅᐸᑎᑦ ᓇᓃᒻᒪᖕᒑᑕ ᓴᓃᑦ ᓴᓂᖅᑲᐅᔭᑎᑦ. ᐊᖅᑯᑎᐅᑉ ᑭᓪᓕᖕᒐᓅᕐᓂᐊᖅᐸᑎᑦ ᐅᕝᕙᓘᓐᓃᑦ ᐅᐸᒐᒃᓴᐅᔪᒧᑦ, ᐊᒃᑕᖅᑎᓄᑦ ᐊᐃᔭᐅᔪᓐᓇᕐᓂᐊᕐᒪᑕ.
ᑲᔪᖕᒋᖅᓴᐃᕗᒍᑦ ᓄᓇᖅᑲᑎᒌᓂᒃ, ᓇᖕᒥᓂᖃᖅᑎᐅᔪᓂᒃ, ᓄᓇᓕᖕᓂᓗ ᐱᓕᕆᖃᑎᒌᒃᐸᒃᑐᓂᒃ ᓴᓂᖃᑕᐅᖁᔨᓪᓗᑕ. ᓴᓂᕈᓐᓇᖅᑐᓯ ᐊᖕᒋᕐᕋᔅᓯ ᓴᓂᐊᓂ, ᐃᖅᑲᓇᐃᔭᕐᕕᖕᒥ ᐅᕝᕙᓘᓐᓃᑦ ᐃᓄᒋᐊᒃᑐᒃᑯᕕᖕᓂ, ᓴᓂᕐᕕᐅᔪᓕᒫᑦ ᐃᑲᔫᑎᖃᕐᓂᐊᖅᑐᑦ.
ᓴᓂᖅᑐᓕᒫᑦ ᑐᖖᒐᓱᒃᑎᑕᐅᕗᑦ ᓄᓇᓕᖕᓂ ᓯᓚᒥ ᓂᕆᔭᖅᑐᕐᓗᑎᑦ ᐱᖃᑕᐅᓗᑎᓪᓗ ᐊᒧᒋᐊᖅᑐᖃᖅᑎᓪᓗᒍ ᖁᔭᓕᔾᔪᑕᐅᓂᐊᖅᑐᓂᑦ ᐃᖃᓗᐃᑦ ᓴᓗᒻᒪᖅᑕᐅᓂᖕᒐᓄᑦ ᐱᐅᓯᑎᑕᐅᓂᖕᒐᓄᓪᓗ.
ᐳᐃᒍᖅᑕᐃᓕᒋᑦ ᐊᓐᓄᕌᖅᓯᒪᑦᑎᐊᕆᐊᒃᓴᖅ ᓯᓚ ᐱᔾᔪᑎᒋᓪᓗᒍ, ᐅᔾᔨᖅᓱᑦᑎᐊᕐᓂᐊᖅᐳᓯᑦ ᓴᓂᖅᑎᓪᓗᑎᑦ, ᑲᒪᒋᑦᑎᐊᕐᓗᒋᓗ ᓱᕈᓰᑦ ᓴᓂᖅᑎᓪᓗᑎᑦ.
##
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᔨᐊᕝ ᕚᕐᓂ
ᑐᓴᐅᒪᑎᑦᑎᓂᕐᒧᑦ ᐊᑭᓕᖅᓱᐃᕙᒃᑐᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐊᐅᓚᑦᑎᔨ
ᐃᖃᓗᓐᓂ ᓄᓇᓕᐸᐅᔭ
867-979-5619 | G.Byrne@iqaluit.ca
